MARIKUS 9:23 - Bafia Nouveau Testament

²³ Yeesus à ɓàg ŋwaànɛ̀n lɛ: U kpaaghi mɛ lɛ i ù rì lɛ ù kì com kidɛŋ, lɛ wɔ̀ɔ̀ yii ɓi lɛ kìɓan ki ki ri lɛ ki yaaghrɛ̀n di ŋwaà rì rì rìgherɛ̀n ki yin?

MARIKUS 9:23 ပူးပေါင်းရင်းမြစ်များ

MATYOO 14:29

Yeesus à ɓàg nyi lɛ: Yuiy! Pyɛɛri à kpaŋ ɓi kìkɔm, à tumɛ̀n rìkɛ̀ɛ̀ghì ɓi mɛ̀nig lɛ a kɛǹ yɛ̀ɛ Yeesus.

MATYOO 17:20

Yeesus à ɓàg ɓɔ lɛ: Kaa yaagh mìni rìnàɓ lɛ rìgherɛ̀n ɗin ɗi tɔɔ ɓì; ǹkalii mìni ɓi saaɗ lɛ; i ɓyàa rì ɗì rìgherɛ̀n ɗìtèghɛn yɛ̀ɛ zàm ì doŋ, di ɓì rì lɛ, i ɓì kpaa dòn ìnɛ lɛ: Pɛ̀sɛn fɛ kɛ̀na fɛnii, ì pɛ̀sɛ̀n; di com ki yin lɛ ki yag mìni.

MARIKUS 11:23

I ŋwaà kalii dòn ìnɛ lɛ: Pɛ̀sɛn foo, u kɛǹ kì kpìi ɓi rìɓày, nnɛ à rì kɛɛ̀ nyoey ɓi ǹɗem, à gherɛ̀n lɔŋ lɛ com ki à kpaa kɛɛ̀ kìikilɛ̀n, ǹkalii mìni ɓi saaɗ lɛ ŋwaànɛ̀n miì à ɓiì ghɛɛ̀ kìɓan kiǹ di ki kilɛ̀ɛ̀.

MARIKUS 9:22

Ɓyààmɛ̀n lɛɛ̀gwey, kìɓeɓtàg ki nghay ki ti ki ɓokì nyi ɓi ɗuu nsoò lɛ ɓi mɛ̀nig lɛ kɛɛ wey nyi. Nni i ù rì lɛ ù kì com kìdɛŋ ɓisu wii, ghɛɓsi ɓìsi, wogha ɓà ɓisi nyìighnyìg.

MARIKUS 9:24

Fɔɔnnɛ seŋì ŋwɔɓtì ànɛ̀n à ghàskà kì kpaa jɛ̀ɛ̀ aɗyoo lɛ: Ǹgherɛɛ! Yu ɓà mɛ kì ghɛɓsii ɓi rìɓa ɗi lɛ ɗì kɛ̀ɛ̀ rìgherɛ̀n.

LUKAS 17:6

Nni Kan à ɓàkà ɓɔ lɛ: I ɓyàarì rì rìgherɛ̀n ɗi ɗi ri lɛ ɗi teghɛ̀n lɔŋ yɛ̀ɛ zàm ì nyas, di ɓì rì lɛ, ɓì kpaa kìte ki lɛ: Pɛ̀sɛn fɛ, u kɛǹ kì ɓɛlɛɛ ɓi rìɓày à kìkòn, kìte kiǹ ki ki fɔlɔɔ.

ZYAŊ 11:40

Yeesus à ɓàg nyi lɛ: Màa kpaa wɔ̀ lɛ i ù gherɛɛ ù ɓiì ghɛɛ rìgwey ɗi Bɛ̀ll!

MƐ̀KÌKÌÌ MƐ ƁƐKƐ̀NÌ-FÌTOM 14:9

Nni ŋwos adɛŋ ànɛ ŋwaànɛ̀n à wowòkà di Pol à tòtòg, fɔɔnnɛ Pol à pɛɓsɛ̀ngà nyi, à fiɓì nyi lɛ fyɛɛɛyi à ghɛn lɛ ŋwaànɛ̀n à ɓaghà ɗì ǹtyweeyi lɛ a wɔɔ̀zi nyi.

EBIREEGH 11:6

Wɔ̀lɛ i mum àrì kɛ̀ɛ̀ rìgherɛ̀n, à yin lɛ à rɔɔ Bɛ̀ll; ŋwaànɛ à tyɛ̀ɛ̀tɛɛ Bɛ̀ll jàŋbog, à ghɛ̀ɛ̀sɛɛ kì gherɛɛ lɛ Bɛ̀ll à rì wɔɔ, à ki gherɛn ti lɛ Bɛ̀ll à ti à lèɓkì ɓumɓɛ ɓɛ ti ɓɛ kaaghì nyi.