MARIKUS 9:12 - Bafia Nouveau Testament

¹² Yeesus à ɓàg ɓɔ lɛ: Eli à rì lɔŋ ɓiì loògh kì yùu lɛ a pegsag ɓìɓan ɓìcèm, nni lannɛ ki ri kì kànɛn lɛ Man à mum à ɓiì woògh mɛ̀tɔɓ lɛɛ̀gwey, ɓɛ ki sɛɛti nyi?

MARIKUS 9:12 ပူးပေါင်းရင်းမြစ်များ

MATYOO 16:21

Ɓi cààmɛ̀n kiǹ innɛ Yeesus à tumɛ̀ngà rìkakàlì ɗi ɓɛyilàg ɓii lɛ: Ki ghɛɛ̀sɛɛ lɛ, a kɛǹ a Yorisalɛm, a ghɛǹ mɛ̀tɔɓ lɛɛ̀gwey, ɓi ɓyàg ɓi ɓɛsɛ̀ɛ̀mɛn ɓɛ kilɔ̀ŋ, rì ɓɛ̀pìrɛɛtìrɛ̀ ɓɛgwey, rì ɓɛ̀rèsàg-ɓìdɔ̀gsɛna. Ɓɛ ri wey nyi, à ki ghèmɓɛn ɓi ŋwos a kìraa.

MATYOO 26:24

Man à mum à ɓiì wiì lɔŋ yɛ̀ɛ ɓɛ kangà lɛ à ghɛ̀ɛ̀sɛɛ kìwiì, kìɓan kifog nyìighnyìg rì ŋwaànɛ à rì nyi ɓiì kàɓi! Ki ɓaghà kìrɔɔ ɓisuu ŋwaànɛ̀n lɛ kɛ̀ɛ yalɛn.

MARIKUS 10:33

À kpaa ɓɔ lɛ: Ɓi ɗi tì rɛrɛrii ɗi, tì ɓɔɔgh yɛɛ lɛ a Yorisalɛm, wɔɔnnɛ ɓɛ ɓiì kàɓi Man à mum ɓi ɓyàg ɓi ɓɛpìrɛɛtìrɛ̀ ɓɛgwey rì ɓi ɓyàg ɓi ɓɛ̀rèsàg-ɓìdɔ̀gsɛna; ɓumɓɛ̀n ɓɛ ren lɛ ɓɛɛ wey nyi, ɓɛ ki ceesi nyi rì ɓumɓɛ ɓɛ yii ɓi Bɛ̀ll.

MARIKUS 9:13

Wɔ̀lɛ Eli à yùghà, ɓɛ ki kì rì nyi yɛ̀ɛ ki kɔngà ɓɔ lɛ ɓɛɛ ki, lɔŋ yɛ̀ɛ ki ri kì kànɛn ɓì ɓɛg wìì.

MARIKUS 9:31

ɓisuulɛ à rèrèsìghà ɓɛ̀yilàg ɓii ɓiɓan, à kpaakpàà ɓɔ lɛ: Ɓɛ ɓiì ɓanì Man à mum, ɓɛ fa rì ɓum, ɓumɓɛ̀n ɓɛ wey nyi; wɔ̀lɛ à ɓiì ghèmɓɛɛ ajɛ̀m ì mɛ̀ru mɛraa.

LUKAS 1:76

Nni wɔ̀ man ànɛ, ɓum ɓɛ ri regag wɔ lɛ: Ǹkpaŋzì-ɓìɓan a Bɛ̀ll ànɛ à teŋmɛɛ kɛ̀ɛ̀ vèg, ɓisuulɛ ù ɓiì syòŋi Kan bee, lɛ u log kì pègsɛɛ bee yiì,

LUKAS 23:11

Fɔɔnnɛ Eroodɛ rì ɓɛ̀sujàà ɓii ɓɛ sɛɛtìghà Yeesus, ɓɛ ki sɛmgi nyi, ɓɛ waasì nyi kìlàà ki lònlomɛn, ɓɛ pɛɛ̀zì nyi kì romì yɛ̀ɛ Pilat.

LUKAS 23:39

Fɔɔnnɛ kìbog ki ɓi ɓɛ̀zyaàzyaa ɓɛ ɓɛ ɓaghà ɓɛ̀ kpanɛn ɓi kɔrɔs ki sɛɛ̀sɛ̀mgàkà nyi di kɛɛ̀ kpaakpaa lɛ: Mɛ̀ɛ nti wɔ̀ yɛ̀ɛ ri Kiris? Nni ghɛɓsi min wɛ̀ɛmìɗ, u ki ghɛɓsi girig ɓìsi.

MƐ̀KÌKÌÌ MƐ ƁƐKƐ̀NÌ-FÌTOM 1:6

Ɓɛ̀yilàg ɓɛ ɓaghà nyi ɓɛ̀taŋzɛn a nyòò, nni ɓɛ tɔkà nyi lɛ: Kan! Cààmɛ̀n ki kɛɛ̀ki ù rì nya ɓiì pɛ̀ɛ̀zii ki rɛsii kilamì ki Isirayɛl miì?

MƐ̀KÌKÌÌ MƐ ƁƐKƐ̀NÌ-FÌTOM 4:11

Yeesus à rì yɛ̀ɛ gɔ̀g ìnɛ ɓɛ̀toŋì-mɛɛ ɓɛ makà, yɛ̀ɛ ki ghalà kìlèmì ki ǹtɔn à mɛɛ.