MARIKUS 8:34 - Bafia Nouveau Testament

³⁴ Nni à reŋìghà min lɛ rì gùl ì ɓum rì ɓɛ̀yilàg ɓii à kpaa ɓɔ lɛ: I mum à kɔ̀ni lɛ a nɔɔ̀ti mɛ̀, à ghɛ̀ɛ̀sɛɛ kì roòzɛɛ nyimiɗ, à tɛ̀gsɛ̀n kɔrɔs wìì, fɔɔnnɛ à nɔ̀ɔ̀tì mɛ̀.

MARIKUS 8:34 ပူးပေါင်းရင်းမြစ်များ

MATYOO 10:38

Ŋwaànɛ à ɓèni kì tɛ̀ɛgh kɔrɔs wìì, à ki ɓèn mɛ kì nɔ̀ɔ̀tii, à yin mum wɛm̀.

MATYOO 16:24

Fɔɔnnɛ Yeesus à kpaaghà ɓɛ̀yilàg ɓii lɛ: I ki kɔ̀ni mum lɛ a nɔɔ̀ti mɛ̀, à ghɛ̀ɛ̀sɛɛ kì roòzɛɛ nyimiɗ, à tɛ̀g kɔrɔs wìì, à ki nɔ̀ɔ̀ti mɛ.

MATYOO 27:32

Yɛ̀ɛ ɓɛ kpaŋkpàŋgày ɓi naa ì gɔmìnà, nni ɓɛ tuusɛ̀ngà rì ŋwaànɛ a Sirɛn ɗii lɛ Simɔn, ɓɛ kaŋ̀ nyi lɛ a tɛg kɔrɔs à Yeesus.

MARIKUS 10:21

Nni Yeesus à seesèèghà ŋwaànɛ̀n à keesì nyi, fɔɔnnɛ à kpaaghà min nyi lɛ: Com kɛɛ̀ ka kaakaàrɛ̀n wɔ̀ kìfog, kɛɛ ri lɛ, u kɛǹ, u kaɓ ɓyom ɓyɔɔ ɓìcèm, u kaɓsi mɔ̀ɔ̀ni mɛ miì rì ɓɛ̀soghàsogha, fɔɔnnɛ ù ɓiì ɓaà rì ìkum ɓi kìlɔ̀ŋ ki aɗyòò; ajɛ̀m ìnɛn, u yu, u nɔɔ̀ti mɛ̀.

MARIKUS 7:14

Nni Yeesus à reŋìghà tì gùl ì ɓum, à kpaa ɓɔ lɛ: Mìniìcèm ramina mɛ̀reè, ɓi wog com ki ǹkpaakpaa minì.

LUKAS 13:24

Tèèsiina nyoo lɛ ɓi ɗiŋi ɓisuunaa wu sɔgsɔ̀ɔ̀g ɓisuulɛ, ɓum lɛɛ̀gwey ɓɛ kaa gɛ bee inɛ ɓɛɛ ɗiŋì, ɓɛ̀ kɛɛ̀ ghɛn, mɛ̀ yɛ̀ɛ kpaa mìni!

LUKAS 14:33

Nni fɔɔnnɛ mum ǹcèm ànɛ ɓi mìni ànɛ à roòzɛɛ ɓi ɓyom ɓìcèm ɓi à rì rì ɓyɔ, à yin lɛ à ɓa ǹ-yilàg wɛ̀m.

LUKAS 18:22

Yɛ̀ɛ Yeesus à wokà rìɓàg ɗii ɗiǹ, nni à kpaaghà nyi lɛ: Com kɛɛ̀ ka kaakaàrɛ̀n wɔ̀ kìfog. Kɛ̀na u kaɓ ɓyom ɓìcèm ɓi ù rì rì ɓyɔ, u kaɓsi mɔ̀ɔ̀ni mɛ miì rì ɓɛ̀soghàsogha, fɔlɔɔ nnɛ ù ɓiì ɓaà rì ìkum aɗyòò, di u yuiy min u nɔɔ̀ti mɛ̀.

LUKAS 20:45

Yɛ̀ɛ kìtuu ki ɓum ki wowòkà ɓìɓan ɓi Yeesus à kpaakpààghà, nni à kpaaghà ɓɛ̀yilàg ɓii lɛ:

LUKAS 9:23

Ajɛ̀m ìnɛn Yeesus à kpaaghà ɓum ɓɛ̀cèm lɛ: Ŋwaànɛ ki kɔni lɛ a nɔɔ̀ti mɛ̀, à ghɛ̀ɛ̀sɛɛ kì roòzɛɛ nyimiɗ, à ki tɛ̀g kɔrɔs wìì ŋwos anɛ aɗyòò bimiɗ, fɔɔnnɛ à nɔ̀ɔ̀tì min mɛ,

ZYAŊ 10:27

Jɔ̀ɔ̀ yɛm̀ yi ti yi wokì jɛ̀ɛ̀ yɛ̀m, mɛ̀ ǹ-yii yɔ, yɔɔ ki ti yi nɔɔ̀tàg mɛ̀.

ZYAŊ 19:17

Yeesus à tɛ̀tɛ̀kà kɔrɔs wìì nyimiɗ ɓi ɗi lɛ ɓɛɛ pɛsɛn ɓi bàn, ɓɛɛ kɛǹ ɗì nyi ɓi jàŋ inɛ ɓɛ nɗegì lɛ kìtɛtɛg ki nto, yɛ̀ɛ ri ɓi rì ebìreegh lɛ Gɔlgɔta.

MƐ̀KÌKÌÌ MƐ ƁƐKƐ̀NÌ-FÌTOM 14:22

Ɓɛ fafàghà ɓɛ̀gherɛ̀n ɓɛ wɔɔ itèɗ ɓi ǹɗem ɓɛ rerèɓ ɓɔ lɛ, ɓɛɛ siìrɛn ɓi rìgherɛ̀n, di ɓɛɛ̀ kpaakpaa lɛ: Ki ghɛɛ̀sɛɛ lɛ, ti ka wog mɛtɔɓ lɛɛ̀gwey ɓi ɗi lɛ ti ɗiŋi ɓi kìlɔ̀ŋ ki Bɛ̀ll.

RÒMƐŊ 6:6

Tì ghɛ̀ɛ̀sɛɛ kì konaagh ki yiì lɛ fìɗyàɓ fis fi riɓa fi abɛ̀y fɛlɛ yɛ ɓum, fi ɓaghà fi kpanɛn ɓi kɔrɔs ǹɗaŋ ɗi nyi, lɛ di Bɛ̀ll a waà nyoo ì kìɓe inɛ tì rì rì yɔ̀, yɛ̀ɛ tyɛ̀ ki ɓa ti ɓɛkpàn ɓɛ kiɓè.

RÒMƐŊ 8:17

I tì rì ɓɔn ɓii, tì rì girig rì gàɓ ɓi ɓìrɔɔ ɓi Bɛ̀ll, à kàkà ɓum ɓii; tì ki rì ɓɛ̀roɓɛ ɓɛ ri ɓiì kàɓɓɛɛ ɓirɔɔ ɓìn rì Kiris, lɛ, i ti wowog mɛtɔɓ ǹɗaŋ ɗi nyi, tì ɓiì ɓaà girig rì gàɓ ɓi rìkem ɗìì.

1 KƆ̀RƐ̀ŊTYƐŊ 15:31

Lɛ ŋwos anɛ aɗyoo bimiɗ, mɛ̀ ǹɗì ǹɗɛrɛliyɛn ɓi koŋnyoo à rìwu; ǹkpaa mìni kìɓan kiǹ ɓi saaɗ, ɓisuu rikem ɗi ǹɗì rì ɗyɔ lɛ mìni, ɓi Yeesus Kiris à Kan wìs ɓiɗùm.

1 KƆ̀RƐ̀ŊTYƐŊ 8:13

Ɓisu wìn innɛ, i ɓìɗilàg ɓidɛŋ ɓi ri lɛ ɓi kɛɓtì geni wɛ̀m fìɓàg, m̀ɓàŋ kì cèlii ɓyɛn ìsuùcèm yɛɛ ri, à cee lɛ nkɛɓti geni wɛ̀m fìɓàg.

1 KƆ̀RƐ̀ŊTYƐŊ 9:19

Ǹ-yin ǹkpàn a mum nsoò bog, kìɓan kifog, ǹghaasìghà mɛ̀ɛmiɗ ǹkpàn a ɓum ɓɛ̀cèm, lɛ di nsyoŋ kìgwey ki ɓi ɓɔ.

GÀLAT 2:20

Ǹwughà ɓi Kɔrɔs ǹɗaŋ ɗi Kiris, fɔɔnnɛ àa mɛ̀ yɛɛ̀ ghɛghɛɓti, lɔŋ Kiris yɛɛ̀ ghɛghɛɓ ɓi mɛ̀; cɛɓ ki nghɛghɛɓ gɛɛ̀nɛ yɛ̀ɛ mum, nghɛghɛɓ kɔ ɓi rìgherɛ̀n ɗi ǹgherɛɛ Man à Bɛ̀ll ànɛ à keesìghà mɛ̀, à ki fa cɛɓ kii ɓisu wɛ̀m.

GÀLAT 5:24

Ɓumɓɛ ɓɛ ri ɓi Yeesus Kiris ɓi ɗùm ɓɛ mɛ kpan mɛmùù maa ɓi kɔrɔs, rì ɓìɓan ɓi ɓyɛɛ̀ rɔɔghi mɔ.

GÀLAT 6:14

Ɓi san wɛ̀m, ki yin fɔlɔɔ, mɛ̀ ǹ-yin ɗi com kidɛŋ ki lɛ nsaàsànɛ̀n i ki cee ɓi lɛ kɔrɔs à Kan wìs Yeesus Kiris. Lɛ kɔrɔs à Yeesus ànɛ̀n, ziinɛ ì rì kìloŋ ɓi mis mɛ̀m, fɛlɛ yɛ̀ɛ mɛ̀ɛmiɗ ǹɗì kìloŋ ɓimis mɛ ziinɛ.

FÌLÌPYƐŊ 3:10

Com ki nkɔ̀nkɔ̀n ki ri lɛ: n-yi Kiris, ǹ-yi ìtèɗ wu rìghèmɓɛ̀n ɗii, ɗi a ɓìloŋ, ǹteɗ gàɓ ɓi mɛ̀tɔɓ mii, ǹki pisɛn nyi ɓi rìwu ɗi à wughà

FÌLÌPYƐŊ 3:7

Kìɓan kifog, ɓyom ɓìn ɓìcèm ɓi ɓi ɓaghà mɛ̀ rì kɔ̀misɔ̀n, mɛ̀ ǹtekà ɓyɔ lɛ ɓi rì rìɗimzì ɓisuu Kiris.

KÒLÒSYƐŊ 1:24

Ǹɗì rì kìnyàà ɓi cààmɛ̀n ki, ɓi mɛ̀tɔɓ mɛ nwowog ɓisu win, fɔɔnnɛ com ki kɛɛ̀ kaakaàrɛ̀n ɓi mɛ̀tɔɓ mɛ Kiris, mɛ̀ɛ nɗàaratɛ̀n kɔ kì woògh ɓi nyoo yɛ̀m ɓisuu nyoo yìì ìnɛ ì rì kìseŋi kii.

KÒLÒSYƐŊ 3:5

Wolina ɓìɓan ɓi ɓi zi ɓìcèm ɓi ɓì rì rì ɓyɔ ɓi mìniìɓɔmiɗ, ɓyɛɛ ri lɛ, cɛɓ ki tisɔ̀mɔ̀g, cɛɓ ki tifin, ɗì rìfalɛ̀n ɗi ɓi ɓìɓan ɓi ɓeɓtɛn, rì kìsee ki ikum, kɛɛ ri fɛlɛ yɛ̀ɛ rìɓɔgsì ɗi ɓinùn.

2 TÈSÀLÒNÌSYƐŊ 3:11

Tì kpaa fɔlɔɔ ɓisuulɛ ti wowog lɛ ɓum ɓɛdɛŋ ɓɛ foo ɓɛɛ̀ ghɛghɛɓ cɛɓ ki iɓwɛɗ, ɓɛ̀ kɛɛ̀ kòm com ki kìyɛn, ɓɛ roòròòtɛ̀n ɓi ɓìɓan ɓi ɓum ɓɛdɛŋ.

Kaàtà ànɛ Pol à kàngà TIT 2:12

geesɛ̀n yìì inɛ̀n yɛ̀ɛ rèresi ɓisi lɛ ti roòzɛn cɛɓ ki kɛ̀ɛ̀ rìgherɛ̀n rì ɓìɓeɓtàg ɓi ɓiɓan ɓi ɓyɛɛ̀ kɔ̀ngi ɓum ɓi ziinɛ, tì ghɛɓ ɓi ziinɛ rì ɗyomzɛ̀n, tì ɓa lɛ saaɗ tì ki falɛn ɓi rìgherɛ̀n,

EBIREEGH 13:13

Nni ti kɛ̀ɛna min a lɔ̀ŋkii, tì kpaŋdɛ̀n daŋdarààŋ rì jàŋ inɛ ɓum ɓɛ ri, tì ki kàɓɓɛn ntoòrìɗ wii.

1 PYƐƐRI 4:1

Nni yɛ̀ɛ Kiris à wokà rìkɛŋ ɗi ɓi mɛ̀mùù, mìniìrig ɓanɛɛ na rì rìyitì ɗiǹ ɓisuulɛ ŋwaànɛ à mɛ wog rikɛŋ ɗi ɓi mɛ̀mùù, à rì ŋwaànɛ à mɛ ghasɛn ɗi kìɓe

1 PYƐƐRI 4:13

Ɓì ghɛ̀ɛ̀sɛɛ lɔŋ lɛ ɓì nyààrɛ̀n lɛ ɓi teteɗ gàɓ ì mɛ̀tɔɓ mɛ Kiris, di fɔɔnnɛ ɓi ɓiì rongii girig rì kìnyàà yɛ̀ɛ rìkem ɗii ɗi ri ɓiì ghɛnɛɛ.

2 PYƐƐRI 1:14

ɓisuulɛ ǹ-yii lɔŋ yɛ̀ɛ Kan wɛ̀m Yeesus Kiris àa nɗèsii mɛ̀ lɛ rìpɛ̀sɛ̀n ɗyɛm̀ ɗi ɓi ziinɛ ɗi ti jàŋbog.

1 ZYAŊ 3:16

Rìyi ɗi tì yii com ki lɛ ǹkɔ̀nɛ̀n ɗyɛɛ̀ɗi lɛ, Yeesus Kiris à faghà cɛɓ kii ɓisu wis; fɔɔnnɛ ɓìsi girig, tì ghɛ̀ɛ̀sɛɛ kì faà cɛɓ kis ɓisuu ɓɛgeni ɓis.

ÀPÒKÀLIƁSƐ̀ 2:10

Kɔ̀ɔ risi ntɔɓ wu ù rì ɓiì tulɛɛ ri wɔ. Ghɛna lɛ Satàn a rì ɓiì pìigh kigwey ki ɓi mìni ɓi naà-zày lɛ a feèghrɛn mìni, fɔɔnnɛ ɓì rì ɓiì tulɛɛ ri ǹ-yeesɛ̀n ànɛ à rì ɓiì finɛɛ mɛru ǹtɛ̀ɗ. Sììrɛn ɓi rìgherɛ̀n à kpaŋ a rìwu, fɔɔnnɛ ǹɗì wɔ̀ ɓiì faà tàm à cɛɓ.