MARIKUS 8:33 - Bafia Nouveau Testament

³³ Nni Yeesus à ɓɛ̀ŋmɛ̀ngày ajɛ̀m à ghɛn ɓɛ̀yilàg ɓii, à tumɛ̀n rìfwààdɛ̀n ɗi Pyɛɛri di a kpaakpaa lɛ: Pɛ̀sɛn mɛ̀ ajɛ̀m Satàn, ɓisuulɛ, mɛ̀yitì mɔɔ mɛ yin mɛ̀yitì mɛ Bɛ̀ll, mɛ rì lɔŋ mɛyitì mɛ ɓum.

MARIKUS 8:33 ပူးပေါင်းရင်းမြစ်များ

MATYOO 15:23

Wɔ̀lɛ Yeesus à mìnɛ̀n giɓ anɛ̀n; ɓɛ̀yilàg ɓii ɓɛ tyoŋdɛ̀n nyi a nyoo, ɓɛ kpaa nyi lɛ: Nàɓa giɓ anɛ, ɓisuulɛ a nɔ̀ɔnɔɔ̀tìì ɓìsi ajɛ̀m rì kìyoòyòò.

MATYOO 16:23

Kìɓan kifog Yeesus à lɔ̀ɔ̀ghrɛ̀ngày à kpaa Pyɛɛri lɛ: Pɛ̀sɛn mɛ̀ ajɛ̀m Satàn, u kìki lɛ, u kɛɓti mɛ̀ fìɓàg, ɓisuulɛ mɛ̀yitì mɔɔ mɛ yin mɛyitì mɛ Bɛ̀ll, mɛ ri lɔŋ mɛyitì mɛ ɓum.

MATYOO 4:10

Nni Yeesus à ɓàkà nyi lɛ: Satàn, pɛ̀sɛn mɛ̀ ɓi mis! Lɛ ki ri kì kànɛn lɛ: Ù ghɛ̀ɛ̀sɛɛ kì ɓɔgsii Kan Bɛ̀ll wɔ̀ɔ̀, lɔŋ nyi cɛ̀ncii nnɛ ù kì kìsay.

MARIKUS 3:34

Fɔɔnnɛ à kɛ̀ɛ̀sìghà mis ɓi ɓumɓɛ ɓɛ kɔmzɛ̀ngà nyi ɓɛ̀n, à kpaa lɛ: Jɛɛ wɛ̀m rì ɓɛ̀geni ɓɛ̀m, ɓɛɛ kɔ̀ɔ̀kɔɔ̀tɛ̀n lɛ;

MARIKUS 3:5

Fɔɔnnɛ Yeesus à kɛɛ̀sìghà mis ɓi ɓumɓɛ̀n di a wowog bim, rì ǹɗemi-kɛŋɛn ɓi kìtèri kaa ki ǹɗem, à kpaa min ŋwaànɛ à ɓaghà càg kiɓɔmɛn lɛ: Nàma càg kɔɔ, ŋwaànɛ̀n a nàm càg kii kiǹ, ki sugtì lɛ syeesyee.

LUKAS 22:61

Kan Yeesus à lɔ̀ɔ̀ghrɛ̀ngày à pɛɓsɛ̀n Pyɛɛri Fɔɔnnɛ Pyɛɛri à yitìghà jɛ̀ɛ̀ ìnɛ Kan Yeesus à kpaaghà nyi lɛ: Ǹlem à zag a rì ɓiì rɔŋì gɛɛ̀nɛ di ù mɛ roòzɛn mɛ gɛ̀n yiraa.

LUKAS 4:8

Nni Yeesus à ɓàkà nyi lɛ: Ki ri kì kànɛn lɛ: Ɓɔgsag Kan Bɛ̀ll wɔ̀ɔ̀, nyi nnɛ ù kì kìsay cɛ̀ncii.

LUKAS 9:55

Nni à lɔ̀ɔ̀ghrɛ̀ngày à nyɛɛdɛ̀n ɓɔ, à kpaa lɛ: Ɓì yii ɓi nya rìkuu ɗi ǹghay ɗi ɗi ri ɓi mìni.

1 KƆ̀RƐ̀ŊTYƐŊ 5:5

rìkuu ɗi mum ɗiǹ ɗi ghɛɛ̀sɛɛ lɛ ɓɛɛ kaɓ ɗyɔ rì Satàn, lɛ mɛ̀mùù mii mɛɛ ɗyaŋ di fɔɔnnɛ nghay wii wɛɛ ghɛǹ cɛɓ ɓi ŋwos a Kan Yeesus.

FÌLÌPYƐŊ 3:19

Rìsyɔn ɗyaa ɗi ri lɛ, ɓɛ ri ɓiì ɗyaŋì; ɗùm ɗyaa ɗyɛɛ rì ɓɔ bɛ̀ll yàà, com ki kɛɛ̀ sòosoòtì ɓɔ kɛɛ̀ki ɓɛ foŋi rìkem ɗyaa miì; lɔŋ ɓìɓan ɓi ɓi ziinɛ ɓyɛɛ̀ɓi ɓɔɔ̀ fèfèg.

TIMOTE 5:20

Ɓumɓɛ ɓɛ kii kìɓe, fwààdag ɓɔ ɓi mis mɛ ɓum ɓɛ̀cèm fɔɔnnɛ ɓɛ̀ro ɓɛmbog ɓɛ ri girig ɓiì risii.

Kaàtà ànɛ Pol à kàngà TIT 1:13

Jɛ̀ɛ̀ ìnɛ à kpaaghà ìnɛn ì rì miì, kìɓan kiǹ kɛɛ̀ki ù ghɛ̀ɛ̀sɛɛ ɓɔ kì fwààdaagh ù nyɛzì jɛ̀ɛ̀, di fɔɔnnɛ ɓɛɛ ɓa rì syeesyee à rìgherɛ̀n,

1 PYƐƐRI 4:1

Nni yɛ̀ɛ Kiris à wokà rìkɛŋ ɗi ɓi mɛ̀mùù, mìniìrig ɓanɛɛ na rì rìyitì ɗiǹ ɓisuulɛ ŋwaànɛ à mɛ wog rikɛŋ ɗi ɓi mɛ̀mùù, à rì ŋwaànɛ à mɛ ghasɛn ɗi kìɓe

1 ZYAŊ 2:15

Kɛ̀ ɓi keesi ziinɛ, nsoò com kidɛŋ ki miì; i mum à keesii ziinɛ, di ǹkɔ̀nɛ̀n à Tààta à yin nyi ɓi nɗem;

ÀPÒKÀLIƁSƐ̀ 3:19

Lɛ ǹti ǹfwààdàg, ǹki ɓoki ɓum ɓɛ̀cèm ɓɛ ǹkeesii, fɔlɔɔ nnɛ falɛn ɓi rìgherɛ̀n rì ìtèɗ, ù ki lɔ̀ɔ̀ghrɛn nɗem.