MARIKUS 8:2 - Bafia Nouveau Testament

² Nyìighnyìg ì kìi mɛ̀ rì gùl ìnɛ ɓisuulɛ mɛ̀ru mɛɛ ti lɛ mɛraa, yɛ̀ɛ tì rì nɗaŋ ɗi ɓumɓɛ, ɓɛ ki yiìdi ri com ki lɛ ɓɛ ɗi.

MARIKUS 8:2 ပူးပေါင်းရင်းမြစ်များ

MATYOO 14:14

Yɛ̀ɛ à kpagày ɓi kìkɔm, à ghɛn coo gwìy ì ɓum, nyìighnyìg ì kì nyi rì ɓumɓɛ̀n, à ki wɔ̀ɔ̀zi ɓɛlɛnlɛm ɓɛ ɓɛ ɓaghà ɓi gwìy ìnɛn.

MATYOO 20:34

Nni Yeesus à wokà ɓɔ nyìighnyìg, à kòm mis maa, ɓɛ ghas kì ghɛnɛɛ, ɓɛ ki nɔ̀ɔ̀ti nyi.

MATYOO 9:36

Yɛ̀ɛ à ghɛngà ɓìtuu ɓi ɓum, nni nyìighnyìg ì kìghà nyì rì ɓyɔ, lɛ ɓumɓɛ̀n ɓɛ ɓaghà ɓɛ̀ fɔlɛn, kɛ̀ɛ̀ ìtèɗ ɓi nyoo fɛlɛ yɛ̀ɛ jɔ̀ɔ̀ yi yi ri kɛ̀ɛ̀ ɓɛ̀ɓèŋì.

MARIKUS 1:41

Fɔɔnnɛ nyìighnyìg ì kìghà Yeesus rì ŋwaànɛ̀n, à nàm càg à kòm nyi, à kpaa lɛ: Ki kɔni mɛ̀, ɓaya lɛ syeesyee ɓi nyoo yɔ̀ɔ̀.

MARIKUS 5:19

Yeesus à ɓèn, wɔ̀lɛ à kpaa ŋwaànɛ̀n lɛ: Sugha a ɓum ɓɔɔ, u kali ɓɔ com kìcèm ki Kan àa kìi ɓisu wɔɔ, rì yɛ̀ɛ àa woogh wɔ̀ nyìighnyìg.

MARIKUS 6:32

Nni Yeesus rì ɓɛ̀yilàg ɓɛ ɓɔkà ɓi kìkɔm lɛ ɓɛɛ pyerɛn, ɓi jàŋ ìnɛ ɓum ɓɛ ɓaghà ɓì.

MARIKUS 6:34

Yɛ̀ɛ Yeesus à kpagày ɓi kìkɔm, à ghɛn coo gùl ì ɓum di ì ti, nyìighnyìg ì ki nyi rì ɓumɓɛ̀n, lɛ ɓɛ rɔɓkà fɛlɛ yɛ̀ɛ jɔ̀ɔ̀ yi yi ri kɛ̀ɛ̀ m̀ɓèŋì. Fɔɔnnɛ à tumɛ̀ngà ɓɔ rìrèsàg ɗi ɓiɓan lɛɛ̀gwey.

MARIKUS 8:3

I ǹki kpaa ɓɔ lɛ ɓɛɛ suki a ɓɛ̀mɛɛ ɓaa yɛ̀ɛ ɓɛ ri lɛ zày, ɓɛ ri ɓiì kpìi zày ɓi bee, ɓisuulɛ ɓɛ̀ro ɓɛdɛŋ ɓɛ ɓi ɓɔ ɓɛ m̀pɛ̀saagh yì tìràɓ.

MARIKUS 9:22

Ɓyààmɛ̀n lɛɛ̀gwey, kìɓeɓtàg ki nghay ki ti ki ɓokì nyi ɓi ɗuu nsoò lɛ ɓi mɛ̀nig lɛ kɛɛ wey nyi. Nni i ù rì lɛ ù kì com kìdɛŋ ɓisu wii, ghɛɓsi ɓìsi, wogha ɓà ɓisi nyìighnyìg.

LUKAS 15:20

Fɔɔnnɛ à pɛ̀sɛ̀ngà à kɛ̀n yɛ̀ɛ seŋi. Yɛ̀ɛ à ɓaghà di à kakay fìràɓ, nni seŋi à ghɛngày nyi, à tuɓì rì mɛ̀ree, à kɛ̀n nyi kì siighrɛɛ ɓi nyoo, à lɔ̀ɛ̀ɗ nyi.

LUKAS 7:13

Yɛ̀ɛ Kan à ghɛngà giɓ anɛ̀n, à wog nyi nyìighnyìg, à kpaa nyi lɛ: Kɔ̀ɔ rènɗen.

EBIREEGH 2:17

Kìɓan kiǹ kɛɛ̀ki à ghɛ̀ɛ̀sɛ̀ngà kì pisɛɛ ɓɛgeni bee yicèm lɛ, di a ɓa rìfòm ɗi ɓɛpìrɛɛtìrɛ̀ ɗi ɗi ri rì nɗem wu nyìighnyìg, ɗi kikì kìsay ki Bɛ̀ll lɔŋ yɛ̀ɛ ki ghɛɛ̀sɛɛ, lɛ ɗyɛɛ soò ɓìɓe ɓi ɓum ɓɛ kilɔ̀ŋ.

EBIREEGH 4:15

Ɓisuulɛ ǹlàmì ɓɛ̀pìrɛɛtìrɛ̀ wìs àgwey a yin rikuu ɗi ɗi ri lɛ, ɗi taŋ̀ ǹɗem wu nyìighnyìg ɓi rìɓa ɗi tì rì kɛ̀ɛ̀ ìtèɗ, lɛ à tulɛ̀ngà rì mɛ̀fèèghrɛn mɛkuu mɛ̀cèm lɔŋ yɛ̀ɛ ɓìsi, kìɓan kifog, à kìghà ɓi kiɓe.

EBIREEGH 5:2

À rì lɛ à ɓa rì rìcenɛ̀n ɓisuu ɓumɓɛ ɓɛ ti ɓɛ nanàg lɛ kɛ̀ɛ̀ rìyi, lɛ nyimiɗ a rì mum ànɛ à rì lɛ à nànɛ̀n ɓa kɛ̀ɛ̀ ìtèɗ.