MARIKUS 5:7 - Bafia Nouveau Testament

⁷ à ki syan jɛ̀ɛ̀ aɗyoo rì ìtèɗ lɛ: Yeesus, Man à Bɛ̀ll ànɛ à teŋmɛɛ kɛ̀ɛ̀ vèg cɛ kɛɛ rì wɔ̀ rì mɛ̀? M̀ɓɔ̀ŋzii wɔ̀ ɓi ɗii ɗi Bɛ̀ll lɛ, kɔ̀ɔ ki mɛ ǹtɔɓ.

MARIKUS 5:7 ပူးပေါင်းရင်းမြစ်များ

MATYOO 16:16

Simɔn Pyɛɛri à ɓàg lɛ: U rì Kiris, Man à Bɛ̀ll ànɛ à rì cem.

MATYOO 26:63

Wɔ̀lɛ Yeesus à maamààghà lɔŋ. Nni ǹlàmì-ɓɛ̀pìrɛɛtìrɛ̀ àgwey à tɔgtìghà nyi lɛ: Ɓi ɗii ɗi Bɛ̀ll ànɛ à rì cencem ǹtɔɔgh lɛ ù kali ɓìsi ù ki kànɛn bɛ̀ɗ ǹkòo wɔ̀ yɛɛ ri Kiris Man à Bɛ̀ll

MATYOO 4:3

Fɔɔnnɛ ǹfèèghrɛ̀n-ɓum à tyɛ̀ɛ̀tɛ̀ngà nyi jàŋbog, à kpaa nyi lɛ: I ù rì Man à Bɛ̀ll kali gɔ̀g yi, yɛɛ ghay ɓìɗilàg.

MATYOO 8:29

Nni ɓumɓɛ̀n ɓɛ tumɛ̀ngà rìfwànfwàn jɛ̀ɛ̀ aɗyoo lɛ: Wɔ̀ Man a Bɛ̀ll, ki rì Wɔ̀ la ri ɓìsi? Ù yùu yì fɛ lɛ, u fa ɓìsi ǹtɔɓ di cààmɛ̀n ki ka ghɛɛ̀sɛn ɓi?

MARIKUS 1:24

Fɔɔnnɛ ŋwaànɛ̀n à syangà jɛ̀ɛ̀ aɗyoo lɛ: Ki rì wɔ̀ la ri ɓìsi, Yeesus ànɛ a Naazarɛt! wàa yùu yì fɛ lɛ u cuùsi ɓìsi? Mɛ̀ ǹkonaagh ki yiì rìkuu ɗi mum ɗi ù rì; wɔ̀ yɛɛ ri roànɛ à rì ǹtɛnɛn, lɛ Bɛ̀ll yɛɛ romiì wɔ̀.

MARIKUS 14:61

Wɔ̀lɛ Yeesus à mìnɛ̀ngà, kɛ̀ɛ ɓàg. Nni ǹkɔ̀mɛ̀n-ɓɛ̀pìrɛɛtìrɛ̀ à ɓììtìghà nyi kì tɔɔ̀gh lɛ wɔ̀ yɛɛ rì Kiris, ànɛ à rì Man à Bɛ̀ll ànɛ ɓɛɛ̀ ɓɔgsàg?

MARIKUS 3:11

Ɓìɓeɓtàg ɓi mɛghay ɓi ɓalàkà lɛ, i ɓi ghɛɛ Yeesus, ɓi ɓag nyi mɛ̀ɗu asu, ɓi ki syan jɛ̀ɛ̀ aɗyoo lɛ: Ù ri Man à Bɛ̀ll.

MARIKUS 5:6

Yɛ̀ɛ à ghɛngày Yeesus fìràɓ, à gheŋmɛ̀n yì, à yù nyi kì ɓaàgh mɛ̀ɗu asu

MARIKUS 5:8

À kalìghà fɔlɔɔ lɛ Yeesus à kpaakpààghà nyi lɛ: Kìɓeɓtàg ki ǹghay! Kpaŋa ɓi ŋwaànɛ!

LUKAS 1:32

A ɓiì ɓaà kìtèetèɗ ki mum, ɓɛ regì nyi lɛ Man à Bɛ̀ll ànɛ à teŋmɛɛ kɛ̀ɛ̀ vèg. Fɔɔnnɛ Kan Bɛ̀ll à rì nyi ɓiì faà ìkɔ̀ɔ̀ wu rìlàmì wu Davit à seŋì à ǹsɛ̀ɛ̀.

LUKAS 4:34

Aàgh! Yeesus ànɛ a Naazarɛt, ki ri wɔ̀ la ri ɓìsi? Ù yuuyì kɔ̀m fɛ lɛ u cuusi ɓìsi? Mɛ̀ ǹ-yii lɛ ù rì roànɛ à rì ǹtɛnɛn, ànɛ Bɛ̀ll à romiì.

LUKAS 6:35

Kìɓan kifog, keesiina ɓɛ̀bènàbena ɓin, ɓì kìkì ɓɔ kìrɔɔ, ɓì ki ɓɔ̀rag ɓum ɓyom, kɛ̀ ɓi mìngi tityɛɛ lɛ, ɓɛ ri mìni ɓiì pɛ̀ɛ̀zii ɓyɔ. I ɓì kìi fɔlɔɔ, mɛ̀lèɓ min mɛ ri ɓiì tèghɛɛ, ɓì ki ɓa ɓɔn ɓɛ Bɛ̀ll ànɛ à teŋmɛɛ kɛ̀ɛ̀ vèg ɓisuulɛ, nyii rilàg rì geesɛ̀n ɓi ɓɛg ànɛ a ɓɛ̀tènteǹ rì ɓɛ̀kìì-rìgɛn.

LUKAS 8:28

Yɛ̀ɛ ŋwaànɛ̀n à ghɛngà Yeesus, à kpì nyi a mɛ̀kòò, à syan jɛ̀ɛ̀ aɗyòò lɛ: Yeesus, Man à Bɛ̀ll ànɛ à teŋmɛɛ kɛ̀ɛ̀ vèg, ki ri wɔ̀ la ri mɛ̀? M̀ɓɔ̀ŋzaagh wɔ̀, kɔɔ yeesi ɓaà mɛ.

ZYAŊ 20:31

Kìɓan kifog, gàɓ ìnɛ ì rì ǹkànɛn lɛ di ɓi gherɛn lɛ Yeesus à rì Kiris, Man à Bɛ̀ll, rì tì lɛ, i ɓì gherɛɛ, ɓì ɓa rì cɛɓ lɛ nyi.

MƐ̀KÌKÌÌ MƐ ƁƐKƐ̀NÌ-FÌTOM 16:17

Nni ì tumɛ̀ngà ɓìsi rìnɔ̀ɔ̀nɔ̀ɔ̀tì lɛ, rì ɓìsi rì Pol, di yɛ̀ɛ kpaakpaa jɛ̀ɛ̀ aɗyoo lɛ: Ɓumɓɛ ɓɛ ri ɓɛ̀kìì-ɓìsay ɓɛ Bɛ̀ll ànɛ à teŋmɛɛ à cee, ɓɛɛ̀ kakali mini ɓìɓan ɓi ɓi ri lɛ ɓi fa mìni cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 19:13

Ɓɛ̀yudɛ̀n ɓɛdɛŋ ɓɛ ɓɛ kɛɛ̀kɛ̀ɛ̀ghà jàŋ bimiɗ lɛ ɓɛ ri ɓɛ̀nàɓì-ɓìɓeɓtàg ɓi mɛghay ɓɛ mɛɛ̀ fèèghrɛ̀ngà kì nàɓi ɓìɓeɓtàg ɓi mɛghay rì ɗii ɗi Kan Yeesus, ɓɛ kpaa ɓìɓeɓtàg ɓi mɛghay ɓìn lɛ: Mɛ̀ ǹkpaa mìni ɓi ɗii ɗi Yeesus ànɛ Pol à ti à lààlàmɓɛ̀n lɛ, ɓi kpaŋ̀!

MƐ̀KÌKÌÌ MƐ ƁƐKƐ̀NÌ-FÌTOM 8:36

Yɛ̀ɛ ɓɛ kɛɛdìghà tì beèbɛ̀y, nni ɓɛ kpagà ɓi kìràà, ŋwaànɛ̀n à tɔg Filiɓ lɛ: Mɛ̀nig mɛɛ̀mɛ, cɛ kɛɛ regtii lɛ kɔ̀ɔ ɓàɓti mɛ?

RÒMƐŊ 16:20

Cààmɛ̀n lɛsàg, Bɛ̀ll ànɛ à ti à falàg fyòoog, à rì ɓiì turii Satàn a mɛ̀kòò min zi. Geesɛ̀n ì Kan wìs Yeesus yɛ̀ɛ ɓa rì mìni.

EBIREEGH 2:14

Nni fɔlɔɔ nnɛ yɛ̀ɛ ɓɔn ɓɛ ri lɛ, rì nyoo ì mɛ̀mùù, rì bwaɓ, nyi girig à tekà nyoo ìnɛ̀n lɛ, di a ghaàsi Satàn ànɛ à rì rì ìtèɗ wu riwù com ki zɛy, ɓi rìwu ɗi à wughà

EBIREEGH 7:1

Mɛlkisedɛg ànɛ̀n à ɓaghà rìfòm ɗi kilɔ̀ŋ ki lɛ Salɛm, nyi tì pìrɛɛtìrɛ̀ à Bɛ̀ll ànɛ à rì ǹteŋmɛn à cee, nnyɛɛ kɛngà kì tulɛɛ ri Abiraham, di roànɛ̀n a susug yi wɛ̀y wu à yakày mɛ̀fòm mɛdɛŋ miì à ki màŋ nyi.

ZYAG 2:19

Ù ti ù gheràg lɛ Bɛ̀ll à rì lɔŋ bog, fɔlɔɔ a rì lɛ syeesyee; ɓìɓeɓtàg ɓi mɛghay ɓi ti ɓi gheràg girig fɔlɔɔ, ɓi ki ririsi.

2 PYƐƐRI 2:4

Ɓisuulɛ i Bɛ̀ll à rɔ̀ɓkà kɛ̀ɛ kèŋi ɓum ɓɛ titom ɓɛ ɓɛ kighà kìɓe, à ràm lɔŋ à ɓangì ɓɔ, à ki pìki ɓɔ ɓi bɛŋ yi yi ri rì birìm, wɔɔ nnɛ ɓɛ kaka ɓɛ̀ɓanɓanɛn ɓɛ ɓoŋɓoŋ ɓɛ̀yɔ̀m ɓɛ Bɛ̀ll;

1 ZYAŊ 3:8

Ŋwaànɛ a kɛ̀nkɛn asu à kìkì kìɓe, à rì ŋwaà Satàn, lɛ Satàn a maà kìkì kìɓe, à tumɛ̀n a rìtumɛ̀n. Man à Bɛ̀ll à yùghày lɛ, a yogsi mɛ̀kìkìì mɛ Satàn.

ZYUUDƐ 1:6

Ɓum ɓɛ titom ɓɛ ɓɛ ɓegà ɓi rigwey ɗi Bɛ̀ll à rɛsìghà ɓɔ miì, kìɓan kifog ɓɛ pɛsɛ̀n ɓi-kɔ̀ɔ̀ wu wu ɓaghà wuŋkaa, Bɛ̀ll a maà ɓèŋɓèŋ ɓɔ ɓɛ̀kàgakɛn ɓi mɛ̀sɛ̀ŋi cààmɛ̀n kìcèm ɓi birìm ɓiɗùm ɓɛ ɓoŋɓòŋ coo gòn i ɓɛ̀yɔ̀m.

ÀPÒKÀLIƁSƐ̀ 12:12

Kìɓan kiǹ kɛɛ̀ki ɗyoo, rì mìni ɓumɓɛ ɓì kɔ̀kɔrii aɗyoo, ɓì ghɛ̀ɛ̀sɛɛ kìnyàànyaa! Nyìighnyìg rì ziinɛ, ɗì rìɓày à kìkòn, ɓisuulɛ Satàn a mɛ sɛn yi a lɔ̀ŋkin, ǹwoghɛn coo bim lɛ à yii lɛ, cààmɛ̀n kii ki mɛ rɔ̀ɓ lɛsàg.