MARIKUS 5:23 - Bafia Nouveau Testament

²³ A ki ɓɔ̀ŋzag nyi, à sììrɛ̀n ɓi bɔ̀ŋzɛ̀n ìnɛn, à kpaakpàà lɛ: Maa ŋwɔɓti wɛ̀m à giɓ a kɔ̀ɔkɔɔ̀sì, nni yu, u saagh nyi ɓyàg ɓi nyoo, di fɔɔnnɛ à wɔǹ, à ki ɓa ti ri cɛɓ.

MARIKUS 5:23 ပူးပေါင်းရင်းမြစ်များ

MATYOO 8:3

Fɔɔnnɛ Yeesus à nàmgà càg, à kòm ŋwaànɛ̀n à kpaa lɛ: Ki kɔni mɛ̀, ɓaya lɛ syeesyee ɓi nyoo yɔ̀ɔ̀. Nni ŋwaànɛ̀n à ghàskà kì wɔ̀ni kwiy wiì lɔŋ wɔɔ foo.

MARIKUS 16:18

Ɓɛ ɓiì ɓanì nyoo rì ɓyàg, ɓɛ ki nɔ nsoò ìrɔ̀g, com kɛ̀ kɛɛ̀ kì ɓɔ; ɓɛ ri ɓiì saghii ɓɛroroɓ ɓyàg ɓi nyoo, ɓɛ̀roroɓ ɓɛ wɔngì.

MARIKUS 5:24

Fɔɔnnɛ Yeesus ɓɛ sugtɛ̀ngà ɓɛɛ Zyayirus, coo kituu ki ɓum ki nɔɔ̀nɔ̀ɔ̀tì nyi, ki kɔm̀ nyi, ki ki sìisiìrì nyi.

MARIKUS 6:13

Fɔɔnnɛ ɓɛ nanàɓkà ɓìɓeɓtàg ɓi mɛghay lɛɛ̀gwey, ɓɛ ki wɔ̀ɔwɔɔ̀zì tì ɓɛ̀roroɓ di ɓɛ siŋii ɓɔ mɔ̀ɔ ɓi nyòò.

MARIKUS 7:32

Ɓɛ yughày nyi rì lɔlɔg adɛŋ ànɛ à yighà ɓi ritòòghrɛ̀n, ɓɛ ɓɔŋzàg nyi lɛ a saagh ŋwaànɛ̀n ɓyàg ɓi nyòò.

MARIKUS 8:23

Yeesus à ɓan ɗyaŋɗyàŋ ànɛ̀n ɓi càg, à pɛ̀sɛ̀n ɓi kìlɔ̀ŋ kiǹ à kɛ̀n rì nyi fìràɓ; fɔɔnnɛ à fogà nyi tìtyɛɛ̀ ɓì mis à ɓaàtì nyi ɓyàg ɓì mis, à tɔg nyi lɛ: Ù tì lɛ ù ghɛnɛ̀n gàɓ?

LUKAS 13:13

Fɔɔnnɛ à saghìghà min nyi ɓyàg ɓi nyòò, giɓ anɛ̀n à sugtì kì rɛlii lɛsaaɗ lɔŋ a-kɔ̀ɔ̀, à ghagsɛ̀n ɗì rìɓɔgsì ɗi Bɛ̀ll.

LUKAS 4:38

Yɛ̀ɛ Yeesus à pɛ̀sɛ̀ngà ɓi naà-bɔ̀ŋzɛ̀n, nni à kɛ̀ngà a mɛɛ mɛ Simɔn, à tanɛ̀n jɛɛ gili Simɔn di à rì rì kìfɛɓ ɓi nyoo lɛɛ̀gwey; fɔɔnnɛ ɓɛ tɔkà Yeesus lɛ a ghɛɓsi nyi.

LUKAS 4:40

Di ŋwos a mɛ nɔ̀ŋì, ɓum ɓɛ̀cèm ɓɛ ɓɛ ɓaghà rì ɓɛ̀roroɓ mɛ̀kuu mɛ̀kuu, ɓɛ yughày nyi rì ɓɔ, fɔɔnnɛ à sasàghìghà ɓɔ ɓyàg ɓi nyoo, a wɔ̀ɔ̀wɔ̀ɔ̀zì ɓɔ.

LUKAS 7:12

Yɛ̀ɛ à ɓaghà di à ti jàŋbog rì ìsuunaa wu ɓi rìɗìŋɗàg ɗi bàn ìnɛn, nni ɓɛ kɛnkɛ̀ngà kì ɓomi kìloŋ ki mum; mum àncèm à ɓaghà m̀bobog à man à ǹkpɔɓ wu giɓ wudɛŋ. Ɓumɓɛ ɓi bàn ìnɛn, lɛɛ̀gwey ɓɛ kɛɛ̀kɛ̀ɛ̀zɛ̀ngày ǹɗaŋ rì ǹkpɔɓ wiǹ.

ZYAŊ 11:3

Rìgeni ɗi ɓɛ̀yiɓ ɗiǹ, ɗi romgà mum lɛ a kali Yeesus lɛ: Kan, mum wɔɔ̀ ànɛ u keesàg, à yin cem.

MƐ̀KÌKÌÌ MƐ ƁƐKƐ̀NÌ-FÌTOM 28:8

Seŋi Puɓilyus à ɓaghà ǹnɔ̀nɔŋiyɛn ɓi zi, lɛ à ɓaghà rì bàɓ-bàɓ ɓi nyoo, ɗùm ɗi bwaɓ ɗi ki kìki nyi. Nni Pol à ɗiŋìghà ɓi naa yɛ̀ɛ tààta ànɛ̀n, à ɓɔ̀ŋzì Bɛ̀ll, à saghì nyi ɓyàg ɓi nyoo, à wɔ̀ɔ̀zì nyi.

MƐ̀KÌKÌÌ MƐ ƁƐKƐ̀NÌ-FÌTOM 6:6

Nni ɓɛ yughày rì ɓumɓɛ kitaàɓɛ̀ɛ̀, ɓɛ resì ɓɛ̀kɛ̀nì-fìtom, ɓɛ̀kɛ̀nì-fìtom, ɓɛ ɓɔŋzàg Bɛ̀ll, ɓɛ ki saaghràg ɓɔ ɓyàg ɓi nyòò.

MƐ̀KÌKÌÌ MƐ ƁƐKƐ̀NÌ-FÌTOM 8:17

Fɔɔnnɛ ɓɛ̀-Pyɛɛri ɓɛɛ̀ Zyaŋ ɓɛ tumɛ̀ngà ɓɔ rìsasààgh ɗi ɓyàg ɓi nyoo, ɓɛ teɗ min Kitɛntɛ̀ɛ̀n ki Nghày.

MƐ̀KÌKÌÌ MƐ ƁƐKƐ̀NÌ-FÌTOM 9:12

nni ɓi bɔŋ̀zɛ̀n ìnɛn, ki kiì yì nyi fɛlɛ yɛ̀ɛ ɓìdɛ̀ndɛm lɛ à ghɛɛ yì mum ɗii lɛ Ananyas di à ɗiŋii yì ɓi naa yìì, à ki saagh nyi ɓyàg ɓi nyoo lɛ di a ghɛnɛn tì.

MƐ̀KÌKÌÌ MƐ ƁƐKƐ̀NÌ-FÌTOM 9:17

Fɔɔnnɛ Ananyas à kɛ̀ngà min wɔɔ; nni yɛɛ̀ à ɗiŋìghà ɓi naa ìnɛ Sol à ɓaghà miì, à saagh nyi ɓyàg ɓi nyoo a ki kpaa nyi lɛ: Geni wɛ̀m Sol, Kan Yeesus ànɛ àa ǹɗèsɛɛ yì wɔ̀ ɓi bee di u yùyuiy fɛ, yɛɛ romiì mɛ̀ a lɔ̀ŋkɔɔ, lɛ mɛ̀ nsaagh wɔ̀ ɓyàg ɓi nyoo di wɔ̀ɔ ghɛnɛn tì, ù ki ɓa nɗonɛn ɗi Kìtɛntɛ̀ɛ̀n ki Nghay.