MARIKUS 3:5 - Bafia Nouveau Testament

⁵ Fɔɔnnɛ Yeesus à kɛɛ̀sìghà mis ɓi ɓumɓɛ̀n di a wowog bim, rì ǹɗemi-kɛŋɛn ɓi kìtèri kaa ki ǹɗem, à kpaa min ŋwaànɛ à ɓaghà càg kiɓɔmɛn lɛ: Nàma càg kɔɔ, ŋwaànɛ̀n a nàm càg kii kiǹ, ki sugtì lɛ syeesyee.

MARIKUS 3:5 ပူးပေါင်းရင်းမြစ်များ

MATYOO 12:13

Yeesus à kpaa min ŋwaànɛ à ɓaghà rì kìɓɔmà ki càg lɛ: Nàma càg. Ŋwaànɛ̀n à nàm; càg kii kiǹ ki sugtì lɛ syeesyee yɛ̀ɛ kim̀bog.

MARIKUS 3:4

Fɔɔnnɛ à tɔkà ɓɔ lɛ: Ɓìdɔ̀gsɛna ɓis ɓi gherɛɛ nya lɛ mum a ki kìrɔɔ gìn kìɓe ŋwosi Saɓàt? Lɛ mum a ghɛɓsi romum gìn, a wey nyi ŋwosi Saɓàt? Ɓumɓɛ̀n ɓɛ minɛ̀n ɓɛ̀ kɛɛ̀ ɓàg ntɔɔ̀tɔɔgh wii.

LUKAS 13:15

Fɔɔnnɛ Kan à ɓàkà nyi lɛ: Ɓì rì lɛ fyɛɛ̀-fyɛɛ̀ ɓi ŋwɔm ìghèy ɓi ɗùm; mum ǹcèm ànɛ ɓi mìni a ti kɛ̀ɛ fùmi sanìnya wìì, nsoò lɛ jàɗki yìì, à kɛ̀n yɔ̀ ki nɔsii mɛnig ŋwosi Saɓàt?

LUKAS 17:14

Yɛ̀ɛ Yeesus à ghɛngà ɓɔ, nni à kpaaghà ɓɔ lɛ: Kɛ̀ɛna kì rèsɛɛ ɓi mis mɛ ɓɛpìrɛɛtìrɛ̀ ɓɛgwey. Yɛ̀ɛ ɓɛ kɛɛ̀kɛ̀ngà, nni ɓɛ sigmɛ̀ngà lɛ ɓɛ mɛ wɔ̀n.

LUKAS 6:10

Nni Yeesus a seesèèghà ɓɔɔ̀cèm, à kpaa min ŋwaànɛ̀n lɛ: Nàma càg kɔɔ, ŋwaà nàm, càg ki ghàs kì ɓaà lɛ syeesyee.

ZYAŊ 9:7

à kpaa nyi lɛ: Kɛ̀na kìsòo ìsu ɓi kìɗig ki a Silowe; ɗii ɗìn ɗi ri azi lɛ: Ǹɗomɛn. Nni ɗyaŋɗyàŋ à kɛ̀ngà, à sòò ìsu, à sugtìì di à mɛ ghɛnɛ̀n.

RÒMƐŊ 11:25

Ɓɔɔsoŋ̀, kìɓan kidɛŋ ki a rìnyam ki ri wɔɔ, kɛɛ̀ki ǹkɔ̀ni ɓi lɛ ɓi comɛn lɛ ɓì ɓiì ki ghɛnɛɛ miniì ɓɔmiɗ yɛ̀ɛ ɓum ɓɛ ɗyom̀zɛ̀n; kìɓan kiǹ kɛɛ ri lɛ, gàɓ ì ɓum ìnɛ a Isirayɛl ì yiìdi ri ìtèɗ wulɛ ì wog, wɔ̀lɛ kìɓan kiǹ ki ri ɓiì finɛɛ à kpaŋ yɛ̀ɛ ɓìlɔ̀ŋ ɓimbog ɓi ɓi yin Ɓɛ̀yudɛ̀n ɓìcèm ɓi ɓiì ɗiŋii ɓi gòri ì Bɛ̀ll.

2 KƆ̀RƐ̀ŊTYƐŊ 3:14

Kìɓan kifog ɗyomzɛ̀n ɗyaa ɗi duŋɛ̀ngà; fɔɔnnɛ à kpaŋ gɛɛ̀nɛ, nsoò ɓaa ɓàɓày Fìɗyàɓ fi bee ɓi kaàtà à Bɛ̀ll, kìlàà ki Moyis à ghekà kiǹ, kɔ lɔŋ wɔɔ, ki yin lɛ ki pɛsɛ̀n, lɛ ɓi Kiris nnɛ ki ti ki pɛsàg.

EFÈZYƐŊ 4:18

Ɗyomzɛ̀n ɗyaa ɗi ri ɗì sigtɛn birìm, fɔɔnnɛ ɓɛ yin ri gàɓ ɓi cɛɓ ki Bɛ̀ll lɛ kɛ̀ɛ̀ rìyi wàà, rì rìɓa ɗi mɛ̀rem maa mɛ ri mɛ̀ tèrɛn.

EFÈZYƐŊ 4:26

I ɓì woogh bim, ɓì konàg lɛ kɛ̀ ɓi kì kiɓe; ŋwos kɛ̀ɛ màg ɓilɛy di bim yiǹ ì kaka.

EFÈZYƐŊ 4:30

Kɛ̀ ɓi kì lɛ Kìtɛntɛ̀ɛ̀n ki Nghay ki Bɛ̀ll à rèmzàkà mìni rì kɔ ɓisuu ŋwos anɛ gòri yìì ì ri ɓa, kɛ̀ɛ wog bim.

EBIREEGH 3:10

Fɔɔnnɛ ǹwokà bim ri gbàà ì ɓum ìnɛ̀n, ǹkpaa lɛ: mɛ̀rem maa mɛɛ̀ pwààpwaa ɓɔ cààmɛ̀n kìcèm, ɓɛ wokà ɓi ɓiɓan ɓi ǹtɔtɔ̀kà ɓɔ lɛ ɓɛɛ ki.

EBIREEGH 3:17

Ɓɛ̀roɓɛ be ɓɛɛ̀ɓɛ à wokà bim ri ɓɔ à kpaŋ bèg mɛ̀tin mɛɓɛɛ̀? À wokà bim ɗi ɓumɓɛ ɓɛ kighà kìɓe, ɓɔ yɛɛ wuwùghà di ɓɛɛ̀ kpìkpi wɔɔ ɓireɓ.

EBIREEGH 5:9

fɔɔnnɛ à ɓaghà lɛ à mɛ teŋzi nyi ɓi nɗɛli wu kɛ̀ɛ ɓa ti ri kìɓan ki ɓɛ fen a lɔ̀ŋkii, nni à ghalà ǹfaà ɓum ɓɛ̀cèm ɓɛ ɓɛ woogh nyi, gòri ì fiɗyàɓ fikɔ̀ɔ̀,

ÀPÒKÀLIƁSƐ̀ 6:16

Di ɓɛɛ̀ kpaakpaa dòn rì mɛ̀ɓan lɛ: Kpìlaaghna ɓìsi ɓi nyoo, ɓi lɔg ɓìsi di tyɛ̀ ki wuɓsɛn ti ìsu wu roànɛ à kɔ̀kɔrii ɓi-kɔ̀ɔ̀ wu rilàmì, tyɛ̀ ki ki wuɓsɛn ribaŋì ɗi Man à jɔ̀ɔ̀;