MARIKUS 2:20 - Bafia Nouveau Testament

²⁰ Wɔ̀lɛ cààmɛ̀n ki lɛ ɓɛɛ pisi ǹwɔlì ɓi nyìinyìm wàà ki tiì, cààmɛ̀n kiǹ kɛɛ̀ki ɓɛ ri min ɓiì cèlii ɓiɗilàg.

MARIKUS 2:20 ပူးပေါင်းရင်းမြစ်များ

MATYOO 26:31

Nni Yeesus à kpaaghà ɓɛ̀yilàg lɛ: Ɓi-ru wu gɛɛ̀nɛ, ǹɗì ɓiì ɓaà fìɓàg ɓisu win ɓɛsɛ̀ɛ̀ ɓɛ̀cèm, lɛ ki ri kì kànɛn lɛ: Ǹɗì ɓiì wolì m̀ɓèŋì-jɔ̀ɔ̀, jɔ̀ɔ̀ yii yicèm yi saàtɛ̀n.

MATYOO 9:15

Nni Yeesus à ɓàkà ɓɔ lɛ: Ɓumɓɛ ɓɛ ri ɓɛ̀reŋiyɛn a tìcàɓ ti riwɛy ɓɛ yin lɛ ɓɛ ɓa rì rìnɗemikɛŋɛn, cààmɛ̀n ki ŋwaà-rìwɛy à kaka ǹɗaŋ rì ɓɔ. Cààmɛ̀n ki lɛ ɓɛɛ pisi ŋwaà-rìwɛy ɓi nyìinyìm wàà ki tiì. Cààmɛ̀n kiǹ kɛɛ̀ki ɓɛ ri ɓiì cèlii ɓiɗilàg miì.

MARIKUS 2:19

Nni Yeesus à ɓakà ɓɔ lɛ: Mɛ̀ghan mɛ ŋwaànɛ à wɔlɛɛ mɛ ri nya lɛ mɛ celì ɓìɗilàg di ǹwɔlì à kaka nɗaŋ ri ɓɔ! Cààmɛ̀n kìcèm ki ǹwɔlì à kaka nɗaŋ ri ɓɔ, ɓɛ yin lɛ ɓɛ celì ɓìɗilàg.

MARIKUS 2:21

Ŋwaà yin lɛ à teɗ zyònà ì kìlàà ki nyɔn lɛ a raɗ ɗyas ɗi kitùg ki kilàà miì, ɓisuulɛ zyònà ì kìlàà ì nyɔn ì rì ɓìì tùnii kitùg ki kilàà, ɗyas ɗìn ɗi teghɛ̀n tì.

LUKAS 17:22

Nni à kpaaghà ɓɛ̀yilàg lɛ: Cààmɛ̀n ki tiì, ki ɓì rì ɓiì ɓaà rì zày ìnɛ lɛ, di ɓyàa ghɛɛ kìbog ki ɓi mɛ̀ru mɛ Man à mum, wɔ̀lɛ ɓyàa ki ghɛn ɓi.

LUKAS 5:35

Cààmɛ̀n ki lɛ ɓɛɛ ɓatɛn ɓɔ ǹwɔlì giɓ ki tiì, mɛ̀ru mɛ̀n mɛɛ̀mɛ ɓɛ ri cèli ɓiɗilàg miì.

ZYAŊ 12:8

Ɓì rì rì ɓɛ̀soghàsogha ɓyààmɛ̀n ɓìcèm, kìɓan kifog mɛ̀ màa ɓa ti ɓi ri mìni ɓyààmɛ̀n ɓìcèm.

ZYAŊ 13:33

Ɓɔn ɓɛm, ǹkaka tì rì mìni ɓi maa cààmɛ̀n. Ɓì rì mɛ̀ ɓiì kaà fɛlɛ yɛ̀ɛ ǹkalìghà rì Ɓɛ̀yudɛ̀n lɛ: Jàŋ inɛ ǹkɛ̀ɛ, ɓì yin lɛ ɓì yù wɔɔ. Ǹkpaa girig mìni fɔlɔɔ ɓigomìnɛ.

ZYAŊ 16:28

M̀pɛ̀sɛ̀ngày yɛ̀ɛ Tààta, ǹ-yùy ɓi ziinɛ. Nni ɓigomìnɛ m̀pɛ̀sɛɛ ɓi ziinɛ, ǹsugtì yɛ̀ɛ Tààta.

ZYAŊ 16:7

Ǹsoò fɔlɔɔ, ǹkpaa mìni saaɗ lɛ ki ri mìni kìrɔɔ lɛ nkɛǹ; lɛ i ǹkɛ̀ɛ ɓi, m̀maasì-mɛ̀rem à yin lɛ à yù a lɔ̀ŋkin; wɔ̀lɛ i ǹkɛ̀ɛ, ǹɗom yì mìni nyì.

ZYAŊ 17:11

Mɛ̀ ǹ-yiìdi ti ɓi ziinɛ, ɓɔ yɛɛ rɔɓi ɓi ziinɛ, yɛ̀ɛ mɛ̀ ǹ-yùu a lɔ̀ŋkɔɔ. Tààta ànɛ à rì ǹtɛnɛn, ɓèŋa ɓumɓɛ ù faghà mɛ̀ rì ɗii ɗyɔɔ, lɛ di ɓɛɛ ɓa ɓɛ̀ràrɛn yɛ̀ɛ ɓìsii ri ɓɛ̀ràrɛn lɛ rì mɛ̀ rì wɔ̀.

ZYAŊ 17:13

Nni ɓigomìnɛ, ǹ-yùu a lɔ̀ŋkɔɔ; ǹki kpaa ɓìɓan ɓi, cààmɛ̀n ki ǹkaka ɓi ziinɛ, lɛ di ɓɛɛ ɓa rì kìnyàà.

ZYAŊ 3:29

Ŋwaànɛ à rì rì giɓ, yɛɛ ri yii giɓ; wɔ̀lɛ rìghan ɗi yii giɓ ɗi ɗi ri wɔɔ ɗi ti ɗi nyaàràg yɛ̀ɛ mɛ̀nɔ̀ɓɔ̀, lɛ jɛ̀ɛ̀ ì yii giɓ inɛ ɗyɛɛ̀ wowòg. Rìkuu ɗi kinyàà ɗiǹ ɗyɛɛ̀ɗi mɛ̀ ǹɗì ǹɗonɛn ri ɗyɔ̀.

MƐ̀KÌKÌÌ MƐ ƁƐKƐ̀NÌ-FÌTOM 1:9

Lɔŋ yɛ̀ɛ à kpaaghà fɔlɔɔ, nni à tumɛ̀ngà rìɓɔg aɗyoo, ɓɛ̀roɓɛ̀n ɓɛ seesèè yɛ̀ɛ à ɓɔɓɔ̀kà à ràm à ɗim ɓɔ ɓi mis, di kìkwìɗ ki mɛ lɔg nyi.

MƐ̀KÌKÌÌ MƐ ƁƐKƐ̀NÌ-FÌTOM 14:23

Nni ɓɛ rɛsàkà ɓɛ̀sɛ̀ɛ̀mɛn ɓi naa yi Bɛ̀ll yìcèm yi wɔɔ. Fɔɔnnɛ ɓɛ ɓaghà lɛ, i ɓaa cèli ɓiɗilàg, ɓɛ ɓɔŋzì Bɛ̀ll, ɓɛ reɓsɛ̀n min ɓɔ rì Kan ànɛ ɓumɓɛ̀n ɓɛ saghìghà ǹtyweeyi waa ɓi nyi.

MƐ̀KÌKÌÌ MƐ ƁƐKƐ̀NÌ-FÌTOM 3:21

Yeesus ànɛ à ka ghɛ̀ɛ̀sɛɛ kì kɔ̀kɔrii aɗyoo, à kpaŋ ɓi cààmɛ̀n ki ɓɛ ri ɓiì pɛ̀ɛ̀zii ki rɛsii ɓyom ɓìcèm ɓi mɛ̀rɛli mɛ ɓyɔ, lɔŋ yɛ̀ɛ Bɛ̀ll à kpaaghà fìɗyàɓ ɓi myɔm mɛ ɓɛkpaŋzì-ɓìɓan ɓii ɓɛ ɓɛ ɓaghà ɓɛ̀ tɛnɛn.

1 KƆ̀RƐ̀ŊTYƐŊ 7:5

Ki ghɛɛ̀sɛɛ ɓi lɛ bog a celi roàmbog di ki yin lɛ ɓì ka wooghrɛɛ jɛ̀ɛ̀ lɛ ɓi celɛn ɓi maa cààmɛ̀n lɛ ɓi falɛn ɓi bɔ̀ŋzɛ̀n, ajɛ̀m ìnɛn, ɓì ghɛ̀ɛ̀sɛɛ kì sugtii ki ràrɛɛ, lɛ Satàn kɛ̀ɛ ɓa lɛ à ghɛn kìrɔŋiɗ ki lɛ a feèghrɛn mìni ɓisuulɛ mɛ̀rem min mɛ ɓanɛɛ ɓi.

2 KƆ̀RƐ̀ŊTYƐŊ 11:2

Ɓisuulɛ, ǹɗì rì yɔ̀ɔ̀tì ɓi san wìn, yɔ̀ɔ̀tì ànɛn à rìì yɛ̀ɛ Bɛ̀ll rì kìsyɔ̀ɔ̀ lɛ, ɓì rì fɛlɛ yɛ̀ɛ gɔ̀n ì giɓ ìnɛ ì ka yiɓi ɓɛbaŋì, ì ki ɓa ntɛnɛn, ìnɛ ì kàkà lɛ ì ɓiì wɔlì m̀bobog à yii lɛ Kiris.

2 KƆ̀RƐ̀ŊTYƐŊ 11:27

M̀mɛ kì ɓisay ɓi ɓi teèsɛɛ, ǹki tulɛn ɗi ɓìtèetèɗ ɓi mɛfèèghrɛn, m̀mɛ kì lɛ, ǹkɔ̀rì ɓɛ̀saalo, ǹwog com ki lɛ zày, rì ki lɛ kìnɔli, ɓyààmɛ̀n ɓidɛŋ mɓa ǹtiniyɛn lɛ ǹcèlì ɓìɗilàg, ǹki wog com ki lɛ kìfɛɓ, kìtòn zɛy à pyèn mɛ̀ mis.

2 KƆ̀RƐ̀ŊTYƐŊ 6:5

rì ɓi ǹkulɛ̀n, rì ɓi naà-zày, rì ɓìyoòyòò ɓi ɓɛɛ̀ kìki lɛ ɓɛɛ yeesi ɓisi, rì ɓìsay ɓi ɓi fɔɔsɛɛ, rì ɓɛ̀saalo, rì rìcàɗ ɗi ɓisi zày.

ÀPÒKÀLIƁSƐ̀ 19:7

Ti nyààrɛɛna, tì sàmsàm, tì fafà nyi rìkem ɓisuulɛ tìcàɓ ti ɓi rìwɛy ɗi Man à jɔ̀ɔ̀ ti kpaŋi, gil a mɛ ki pègsɛ̀n.

ÀPÒKÀLIƁSƐ̀ 21:9

Fɔɔnnɛ kìbog ki ɓi ɓum ɓɛ titom ɓɛ kitaàɓɛ̀ɛ̀ ɓɛ ɓɛ ɓaghà rì ɓɛ̀ɓeŋ ɓɛ̀ rongakɛn ɗi mɛ̀tɔɓ mɛ kitaàɓɛ̀ɛ̀ mɛ siitòn, ki yughà mɛ̀ kìkpaa lɛ: Yu nɗesi wɔ̀ gurà, gili Man à jɔ̀ɔ̀.