MARIKUS 16:17 - Bafia Nouveau Testament

¹⁷ Dàm yi ɓiɓan yi ɓumɓɛ ɓɛ gherɛɛ ɓɛ ɓiì kìkii, yi ri lɛ: Ɓɛ ri ɓiì nànaɓi ɓiɓeɓtàg ɓi mɛghay rì ɗii ɗyɛ̀m, ɓɛ ki tòtog ɓìkènekènè ɓi ɓitòkì.

MARIKUS 16:17 ပူးပေါင်းရင်းမြစ်များ

MARIKUS 9:38

Nni Zyaŋ à kpaaghà Yeesus lɛ: Ǹɗèsàg, tyàa ghɛɛ di ŋwaàdɛŋ a nànaɓ ɓiɓeɓtàg ɓi mɛghay rì ɗii ɗyɔɔ, nni tyàa rèegh nyi lɛ kɛ̀ɛ kìki fɔlɔɔ, lɛ à ti kɛ̀ɛ ɓa ɓi nɗaŋ wis.

LUKAS 10:17

Fɔɔnnɛ ɓɛ̀yilàg mɛ̀tin mɛraa rì ǹtɛ̀ɗ ɓɛ sugtighày rì kìnyàà, ɓɛ kpaa Yeesus lɛ: Kan, nsoò ɓìɓeɓtàg ɓi mɛghay ɓyɛɛ ririsi ɓisi di tì fwààdɛɛ ɓyɔ ɓi ɗii ɗyɔ̀ɔ̀.

ZYAŊ 14:12

Ǹkalii mìni saaɗ à rìkpaa lɛ, ŋwaànɛ à gherɛɛ mɛ̀, à ɓiì kìi girig ɓìɓan ɓi mɛ̀ɛ nkìkì, à ki kì kɔm̀ ɓìɓan ɓi ɓi cee ɓiǹ ɓisuulɛ ǹkɛ̀ɛ yɛ̀ɛ Tààta.

MƐ̀KÌKÌÌ MƐ ƁƐKƐ̀NÌ-FÌTOM 10:46

Ɓɛ wowòkà di ɓumɓɛ̀n ɓɛɛ̀ tòtog ɓìkènekènè ɓi ɓitòkì, ɓɛ kpaàkpàgsɛ̀n ɗìkem ɗi Bɛ̀ll. Nni Pyɛɛri à kpaaghà min lɛ:

MƐ̀KÌKÌÌ MƐ ƁƐKƐ̀NÌ-FÌTOM 16:18

Ɓàlì ì mɛ̀ru ì ghaghìghà lɛɛ̀gwey ŋwutyàà giɓ anɛ̀n à kɛ̀nkɛ̀n lɔŋ asu à kpaakpàà fɔlɔɔ. Fɔɔnnɛ bim ì ɓaghà lɛ ì mɛ naasag Pol, à lɔ̀ɔ̀ghrɛ̀n à kpaa kìɓeɓtàg ki nghay ki ki ɓaghà ɓi giɓ anɛ̀n lɛ: Ɓi ɗii ɗi Yeesus Kiris, ǹtɔɔgh wɔ̀ lɛ, u pɛsɛn ɓi giɓ ànɛ. Nni kìɓeɓtàg ki nghay ki ghàskà kì pɛ̀sɛɛ ɓi gom yɔ̀miɗ inɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 19:6

Fɔɔnnɛ Pol à saghìghà ɓɔ ɓyàg ɓi nyoo, Kìtɛntɛ̀ɛ̀n ki Nghay ki sɛn yì ɓi ɓɔ, ɓɛ tumɛ̀n ɗìtòg ɗi ɓìkènekènè ɓi ɓitòkì di ɓɛɛ̀ kpaakpaa ɓiɓan ɓi Bɛ̀ll à rèrèsìghà ɓɔ lɛ, ɓɛɛ kpaà.

MƐ̀KÌKÌÌ MƐ ƁƐKƐ̀NÌ-FÌTOM 2:33

Yɛ̀ɛ àa mɓɔɔ ki kɔ̀rii ɓi weèlem à Bɛ̀ll, Seŋi àa nfaa nyi Kìtɛntɛ̀ɛ̀n ki Nghay ki à kàkà, kɛɛ̀ki à romiì lɔŋ yɛ̀ɛ ɓi seesee lɛ, ɓì ki wowog.

MƐ̀KÌKÌÌ MƐ ƁƐKƐ̀NÌ-FÌTOM 5:16

Ɓìtuu ɓi ɓum ɓi ɓi bàn yi ɓi mɛ̀wɔŋì, ɓi yuyùy a Yorisalɛm ɗì ɓɛ̀roroɓ, ɗì ɓumɓɛ ɓìɓeɓtàg ɓi mɛghay ɓi yeèyèèsìghà, ɓɛ ki wɔ̀ɔwɔɔ̀zì ɓɔ ɓɛ̀sɛ̀ɛ̀ ɓɛ̀cèm.

MƐ̀KÌKÌÌ MƐ ƁƐKƐ̀NÌ-FÌTOM 8:7

Ɓi Saaɗ ɓìɓeɓtàg ɓi mɛghay lɛɛ̀gwey ɓi Kpaŋkpàŋgà ɓi ɓumɓɛ ɓi ɓaghà miì di ɓyɛɛ̀ Syaasyaàdɛ̀n jɛ̀ɛ̀ aɗyoo, ɓìsɛkɛ̀rɛ̀ lɛɛ̀gwey, rì ɓɛ̀lɛnlɛm ɓɛ wɔngàkà.

1 KƆ̀RƐ̀ŊTYƐŊ 12:10

À fa ŋwaàdɛŋ ìtèɗ wu kìkiyɛn dàm, à fa roàmbog ìtèɗ wu kpaakpaŋzìyɛ̀n ɓìɓan ɓi Bɛ̀ll à rèsii nyi; à fa roàdɛŋ ìtèɗ wulɛ a yi rìghasì ɗi lɛ, rì ɓìɓeɓtàg ɓi mɛghay, rì syeesyee à Ǹghay, à fa tì roàdɛŋ ìtèɗ wu tòtoghɛn ɓìkènekènè ɓi ɓitòkì à ki fa roàdɛŋ ìtèɗ wulɛ a tɛɛ̀zi ɓìɓan ɓi ɓyɛɛ̀ kpaakpaàrɛ̀n ɓi ɓìtòkì ɓiǹ.

1 KƆ̀RƐ̀ŊTYƐŊ 12:28

Nni Bɛ̀ll à rɛsàkà ɓum ɓi kìseŋi kii fɛlɛ̀: Asu ɓɛ̀kɛ̀nì-fìtom, ɓɛ̀kpaŋzì-ɓìɓan ɓɛ ɓɔ̀ɓ, ɓɛ̀rèsàg ɓɛ yuiy ɓi nɗɛli wu kiraa, ajɛ̀m ìnɛn, rìfa ɗi lɛ ɓum ɓɛɛ kiki dàm ɗi nɔɔ̀tì, mɛ̀faà mɛ yɛ̀ɛ mɛ riwɔ̀ɔ̀wɔ̀ɔ̀zì ɗi ɓɛ̀roroɓ, rì rìghɛɛghɛ̀ɓsì ɗi ɓum ɓɛ nyìinyìg, rì ɗìyi ɗi rilàmì, rì rìtòtòg ɗi ɓitòkì mɛ̀kuu mɛ̀kuu.

1 KƆ̀RƐ̀ŊTYƐŊ 12:30

Ɓum ɓɛ̀cèm ɓɛ ri nya rì rìfa ɗi lɛ ɓɛɛ wɔɔ̀wɔ̀ɔ̀zì ɓum? Ɓɛ̀sɛ̀ɛ̀ ɓɛ̀cèm ɓɛɛ̀ tòtog nya ɓìtòkì mɛ̀kuu mɛ̀kuu? Gìn ɓɛ̀sɛ̀ɛ̀ ɓɛ̀cèm ɓɛɛ ri nya rì ìtèɗ wulɛ ɓɛ tɛɛ̀zì ɓum ɓìtòkì ɓiǹ?

1 KƆ̀RƐ̀ŊTYƐŊ 13:1

Nsoò màa tòtòg ɓìtòkì lɛ rì ɓi ɓum, rì ɓi ɓum ɓɛ titom, i ǹ-yin ɗi ǹkɔ̀nɛ̀n ǹɗì lɔŋ yɛ̀ɛ ǹkeŋ wu wɛɛ̀ tòtòg, nsoò lɛ jeŋi inɛ yɛɛ̀ yooyòò.

1 KƆ̀RƐ̀ŊTYƐŊ 14:2

Ɓisuulɛ ŋwaànɛ a tòtog ɓìkènekènè ɓi ɓitòkì, à yin ɓiì tòtoogh ri ɓum, lɔŋ rì Bɛ̀ll nnɛ a tòtòg ɓisuulɛ à yin lɛ à wog com ki a kpaakpàà; rì ǹghay innɛ a kpaakpaa ɓiɓan ɓi rim.