MARIKUS 16:16 - Bafia Nouveau Testament

¹⁶ Ŋwaànɛ à rì ɓiì gherɛɛ, à ki ɓaɓtɛn nnyɛɛ ri ɓiì ghɛɛ̀ cɛɓ; wɔ̀lɛ ŋwaànɛ à gherɛɛ ɓi à ɓiì terì bɛ̀lɛn.

MARIKUS 16:16 ပူးပေါင်းရင်းမြစ်များ

MATYOO 28:19

Kɛ̀ɛna! ɓi ki lɛ ɓumɓɛ ɓi ɓìlɔ̀ŋ ɓìcèm ɓɛɛ ɓa ɓɛ̀yilàg ɓɛm, ɓì ɓàɓtì ɓɔ ɓi ɗii ɗi Seŋi, rì Man, rì Kìtɛntɛ̀ɛ̀n ki Nghay;

MARIKUS 1:15

À kpaakpààghà ɓum lɛ: Cààmɛ̀n ki ghɛ̀ɛ̀sɛɛ, kìlɔ̀ŋ ki Bɛ̀ll ki mɛ tyɛ̀ɛ̀tɛn yi; lɔ̀ɔ̀ghrɛɛna mɛ̀rem, ɓi gherɛn Syeesyee à Ɓɔlɛ.

LUKAS 8:12

Ɓɛ̀roɓɛ ɓɛ ri ɓi tim̀ à bee, ɓɔ yɛɛ rilàg lɛ, i ɓaa wog jɛ̀ɛ̀ ì Bɛ̀ll, Satàn a yùy ɓɔ yɔ̀ ki pisii ɓi mɛ̀rem lɛ ɓɛɛ rɔɓ kɛ̀ ɓɛɛ̀ gherɛn, ɓɛ ki mɛ̀n cɛɓ.

ZYAŊ 20:31

Kìɓan kifog, gàɓ ìnɛ ì rì ǹkànɛn lɛ di ɓi gherɛn lɛ Yeesus à rì Kiris, Man à Bɛ̀ll, rì tì lɛ, i ɓì gherɛɛ, ɓì ɓa rì cɛɓ lɛ nyi.

ZYAŊ 3:36

Nni mum ǹcèm ànɛ à gherɛɛ Man, à rì rì cɛɓ ki fiɗyàɓ fikɔ̀ɔ̀; ŋwaànɛ à woogh ɓi nyi, àa ghɛn ɓi cɛɓ, kìɓan kifog, rìbaŋì ɗi Bɛ̀ll ɗi kaka nyi ɓi nyòò.

ZYAŊ 3:5

Yeesus à ɓàg nyi lɛ: Ǹkpaa wɔ̀ kɔɔ̀kɔɔ̀ à rìkpaa lɛ, i mum à yalɛɛ ɓi ri mɛ̀nig rì Ǹghay, à yin lɛ à ɗiŋì ɓi kìlɔ̀ŋ ki Bɛ̀ll.

ZYAŊ 5:24

Ǹkalii mìni kɔɔ̀kɔɔ̀ à rìkpaa lɛ, ŋwaànɛ à woogh jɛ̀ɛ̀ yɛ̀m, à ki gherɛn roànɛ à romgày mɛ̀, à ti rì cɛɓ ki fiɗyàɓ fikɔ̀ɔ̀. À yin lɛ à yù a rìren ɗi ɓiɓan, kìɓan kifog, à mɛ pɛ̀sɛn yi ɓi rìwu, à ɗiŋì ɓi cɛɓ.

ZYAŊ 6:29

Yeesus à ɓàg ɓɔ lɛ: Kìsay ki Bɛ̀ll ki ri lɛ, ɓi gherɛn roànɛ Bɛ̀ll à romgày.

ZYAŊ 6:35

Yeesus à kalìghà ɓɔ lɛ: Mɛ̀ ǹɗì bìrɛs ì cɛɓ, ŋwaànɛ à yùu a lɔ̀ŋkɛm̀ zày, yàa kɔɔdii gɛ ɓi nyi. Ŋwaànɛ à ki gherɛɛ mɛ̀, kìnɔli kaa kitii gɛ ɓi nyi.

ZYAŊ 6:40

Lɛ rìkɔ̀n ɗi Seŋi wɛ̀m ɗyɛɛ̀ɗi: Lɛ mum ǹcèm ànɛ à ghɛɛ Man, à ki gherɛn nyi, a ɓa rì cɛɓ ki fiɗyàɓ fikɔ̀ɔ̀, mɛ̀ ǹki ghèmzii gɛ nyi ɓi siitòn a ŋwos.

ZYAŊ 8:24

Fɔlɔɔ nnɛ màa kpaa mìni lɛ, ɓì ɓiì wiì ɓi ɓìɓe ɓin ɓiɗùm; lɛ i ɓì gherɛɛ ɓi lɛ Mɛ̀ nɗì... , di ɓì wii ɓi ɓìɓe ɓin ɓiɗùm.

MƐ̀KÌKÌÌ MƐ ƁƐKƐ̀NÌ-FÌTOM 10:43

Yeesus ànɛ̀n nnɛ ɓɛ̀kpaŋzì-ɓìɓan ɓɛ̀cèm ɓɛ ɓugà yɛ̀ɛ ɓɛ kpaakpààghà lɛ: Ɓì ɗii ɗii nnɛ Bɛ̀ll à rì ɓiì cenɛɛ mum ǹcèm ànɛ à gherɛɛ nyi ɓìɓe.

MƐ̀KÌKÌÌ MƐ ƁƐKƐ̀NÌ-FÌTOM 13:39

Ɓi Yeesus ànɛn nnɛ mum ǹcèm ànɛ à gherɛɛ à rì ɓiì tɔ̀sɛɛ ɓiɓe ɓìcèm ɓi ɓìdɔ̀gsɛna ɓi Moyis ɓi ɓaghà ɓi lɛ, ɓi pisì.

MƐ̀KÌKÌÌ MƐ ƁƐKƐ̀NÌ-FÌTOM 13:46

Fɔɔnnɛ ɓɛ̀-Pol ɓɛɛ̀ Ɓarinaɓas ɓɛ kpaghà ɓɔ lɛ fwàafwàày lɛ: Ki ǹghɛ̀ɛ̀sɛɛ lɛ, jɛ̀ɛ̀ ì Bɛ̀ll yɛ̀ɛ log kì kpaarɛɛ a lɔ̀ŋkin, nni yɛ̀ɛ ɓì ɓèni yɔ̀ yɛɛ lɔɔ lɛ, ɓì ghɛɛ lɛ cɛɓ ki fìɗyàɓ fikɔ̀ɔ̀ ki ghɛɛ̀sɛɛ ɓi ri mìni, nni ɓìsii tiŋ̀mɛɛ min a ɓumɓɛ ɓɛ yin Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 2:38

Pyɛɛri à ɓàg ɓɔ lɛ: Lɔ̀ɔ̀ghrɛɛna mɛ̀rem, mum ǹcèm ànɛ ɓi mìni à ki ɓàɓtɛn ɓi ɗii ɗi Yeesus Kiris fɔɔnnɛ Bɛ̀ll a cenɛn ɓìɓe ɓin, à ki fa mini Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 2:41

Ɓumɓɛ ɓɛ gherɛ̀ngà rìkpaa ɗi Pyɛɛri ɗiǹ ɓɛ ɓaɓtàkà, fɔɔnnɛ bàlì ì ɓum ìnɛ ì sagtɛ̀ngà ɓi bàlì ì ɓɛ̀gherɛ̀n, ì ɓaghà nunùg ɓum ɓɛ̀tɔɔsìm ɓɛraa.

MƐ̀KÌKÌÌ MƐ ƁƐKƐ̀NÌ-FÌTOM 22:16

Nni ɓigomìnɛ, kɔ̀ɔ lɛ̀mziti, pɛ̀sɛn aɗyoo u teɗ bàɓtis ɓi ɗii ɗi Kan, di ɓiɓe ɓyɔɔ ɓyɛɛ ɓa ɓìsòòyɛn.

RÒMƐŊ 3:6

Ki yin fɔlɔɔ! I Bɛ̀ll àa rì fɔlɔɔ di à rì lɛ à yɔ̀m ziinɛ la?

RÒMƐŊ 4:24

Ki ri girig kìkànɛn ɓisu wis; ɓìsi ɓɛ rìgherɛ̀n ɗis ɗi ɓiì ki lɛ Bɛ̀ll a ghɛǹ ɓìsi lɛ ɓum ɓɛ saaɗ, lɛ rìgherɛ̀n ɗi tì gherɛɛ roànɛ à ghèmzìghày a ɓìloŋ Kan wìs Yeesus.

2 TÈSÀLÒNÌSYƐŊ 1:8

ɓi nɗòò wu ɗuu, lɛ a pɔnɔsi lɛ, rì ɓumɓɛ ɓɛ yii ɓi Bɛ̀ll, rì ɓɛ̀roɓɛ ɓɛ ti ɓɛ̀ kɛɛ̀ wog rikpaa ɗi Syeesyee à Ɓɔlɛ à Kan wìs Yeesus.

2 TÈSÀLÒNÌSYƐŊ 2:12

di fɔɔnnɛ Bɛ̀ll a yɔm̀ ɓum ɓɛ̀cèm ɓɛ ɓɛ gherɛ̀ngà ɓi saaɗ, ɓɛ kìnyàà kaa ki ɓaghà lɛ rìkì ɗi kiɓe.

1 PYƐƐRI 1:21

Lɛ nyi, ɓì gherɛɛ Bɛ̀ll ànɛ à ghèmzìghày nyi a ɓìloŋ, à ki fa nyi rìkem, fɔlɔɔ nnɛ ǹtyweeyi wiǹ rì dyàɓɛn yiǹ ɓi ri yɛ̀ɛ Bɛ̀ll.

1 PYƐƐRI 3:21

Mɛ̀nig mɛǹ mɛ ɓaghà kìfèèghrɛnà ki bàɓtis ìnɛ yɛɛ̀ ghɛɛghɛɓsì mìni ɓigomìnɛ, bàɓtis ìnɛ̀n ì yin ɓiì sòòsoo tifin ti ɓi nyoo, kìɓan kifog ì rì rìfalɛ̀n ɗi mum à falɛɛ yɛ̀ɛ Bɛ̀ll rì syeesyee à nɗem. A ghɛɛghɛɓsì mìni lɛ rìghèmɓɛ̀n ɗi Yeesus Kiris à ghèmɓɛ̀ngà,

ÀPÒKÀLIƁSƐ̀ 20:15

Nni mum ǹcèm ànɛ ɗii ɗii ɗi ɓaghà ɓi ɗikànɛn ɓi kaàtà à cɛɓ, ɓɛ pikà nyi ɓi kìràà ki ɗuù.

ÀPÒKÀLIƁSƐ̀ 21:8

Wɔ̀lɛ ɓi ɓɛg ànɛ a ɓɛ̀riris, rì ɓumɓɛ ɓɛ gherɛɛ ɓi, rì ɓɛ̀kìì-ɓìɓan ɓi ɓeɓtɛn, rì ɓɛ̀wolì ɓum, rì ɓɛ̀kìì-tìsɔ̀mɔ̀g, rì ɓɛ̀kìì-majìg, rì ɓɛ̀kìì-ɓìnùn, rì ɓɛ̀pwààpwaà ɓɛ̀cèm, gàɓ yàà i ɓaa gɛ ɓi kìràà ki ɗuu ɗi ghɛ̀g-ghɛ̀g rì ǹdùsi, kɛɛ ri rìwu ɗi kiɓɛ̀ɛ̀.