MARIKUS 13:9 - Bafia Nouveau Testament

⁹ Konaaghna rì mìniìɓɔmiɗ lɛ ɓum ɓɛ ri ɓiì kɛ̀ɛ ri mìni ɓi ɓìkpanà ɓi ɓɛyɔ̀m, ɓɛ ki ɓog mini kìtòn ɓi naa yi bɔ̀ŋzɛ̀n. Ɓì ɓiì rɛlii ɓɛyɔ̀m ɓi mis mɛ ɓɛ̀gɔmìnà rì ɓi mis mɛ mɛfòm, ɓisuu kiɓan kɛm̀ lɛ ɓi resi ɓɔ saaɗ ànɛ miì.

MARIKUS 13:9 ပူးပေါင်းရင်းမြစ်များ

MATYOO 5:22

Kìɓan kifog mɛ̀ ǹkalii mìni lɛ: ŋwaànɛ à rì ɓiì woògh bim ri geni, à ghɛ̀ɛ̀sɛɛ lɛ ɓɛ yɔm̀ nyi. Ŋwaànɛ à sɛmi geni lɛ kìdùŋdùŋ à ghɛ̀ɛ̀sɛɛ lɛ ɓɛ yɔm nyi ɓi sànèdìrɛŋ. Roànɛ à ɓiì reŋii geni lɛ kìyèg, à ghɛ̀ɛ̀sɛɛ kì kɛ̀ɛ ɓi ɗuu ɗi fiɗyàɓ fikɔ̀ɔ̀.

MARIKUS 1:44

À kpaa nyi lɛ: Kɔ̀ɔ fèg mum kì ɓùŋi kiɓan ki; kɛ̀na lɔŋ ki rèsɛɛ ɓi mis mɛ pìrɛɛtìrɛ̀, u ki fa rifa ɗi Moyis à kpaaghà lɛ ɓɛɛ falag ɓisuu zòghɛ̀n yɔ̀ɔ̀, lɛ kɛɛ ɓa ɓɔ kìrèmzɛna ki lɛ ù mɛ wɔ̀n.

MARIKUS 13:5

Nni Yeesus à tumɛ̀ngà min ɓɔ rìkpaa lɛ: Ɓì konàg lɛ mum kɛ̀ɛ yègsi mini.

MARIKUS 13:8

Ki ɓiì ɓaà lɛ, ɓumɓɛ ɓi tum a zi anɛ, ɓɛ ram wɛ̀y ri ɓɛ ɓi tum a zi ambog, ɓɛ ɓi kìlɔ̀ŋ ki ɓɛ ram wɛ̀y ri ɓɛ ɓi kìlɔ̀ŋ kimbog, fɔɔnnɛ zi i ɓiì kìi lɛ rì foo ì nyɛ̀ŋɗɛ̀n; rì foo ì nyɛ̀ŋɗɛ̀n, zày ì ki kìki jàŋ jàŋ. Ɓìɓan ɓiǹ ɓi ɓiì ɓaà rìtumɛ̀n ɗi mɛtɔɓ.

MARIKUS 6:11

I ɓɛ ɓeni mìni kì ghàɓi jàŋ idɛŋ, nsoò lɛ ɓɛ ɓeni kìwoògh com ki ɓi kpaakpàà, i ɓì ti ɓiì pɛ̀sɛɛ ɓi jàŋ inɛ̀n, ɓì kwìɗ kùrùɓu ànɛ mìni ɓi mɛ̀kòò, rìkì ɗiǹ ɗyɛɛ̀ rèresi ɓumɓɛ̀n zɛ̀ɗ yaà.

LUKAS 9:5

Jàŋ bimiɗ ìnɛ ɓɛ beni mìni kì ghàɓi, kùrina kùrùɓu ànɛ mìni ɓi mɛ̀kòò di ɓì ti ɓiì pɛ̀sɛɛ ɓi bàn ìncèm, rìkì ɗiǹ ɗyɛ resi zɛ̀ɗ yaà.

ZYAŊ 15:20

Yitiina jɛ̀ɛ̀ ìnɛ ǹkpaaghà mìni lɛ: Ǹkìì-kìsay a cee ɓi masà wìì. I ɓɛ yeesìghà mɛ̀, ɓɛ ri yeesi girig mìni. I ɓɛ ɓegà ɓìɓan ɓyɛm̀, ɓɛ ɓiì ɓèŋi girig ɓiŋkìn.

ZYAŊ 16:2

Ɓɛ ri nàɓ mini ɓi naa yi bɔ̀ŋzɛ̀n; cààmɛ̀n ki riì kɔm̀, kɔ yɛɛ ri ɓa lɛ, i mum à woli kìbog ki ɓi mìni, à fèkì lɛ à kìi Bɛ̀ll kìsay.

MƐ̀KÌKÌÌ MƐ ƁƐKƐ̀NÌ-FÌTOM 21:11

Yɛ̀ɛ à yughà ɓìsi kìtanɛɛ a teɗ kànɗa à Pol, à kàgì lɛ rì mɛ̀kòò mii, rì ɓyàg ɓii, à ki kpaa lɛ: Kìtɛntɛ̀ɛ̀n ki Nghay kɛɛ̀ kpaaghi lɛ: Ɓì ghɛɛ? Fɛlɛ nnɛ Ɓɛ̀yudɛ̀n ɓɛ ri ɓiì kàŋi ŋwaànɛ à rì rì kànɗa ànɛ, ɓɛ ki teɗ nyi, ɓɛ fa nyi ɓi ɓyàg ɓi ɓumɓɛ ɓɛ yin Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 7:54

Yɛ̀ɛ ɓumɓɛ ɓi Sànèdìrɛŋ ɓɛ wokà ɓìtòkì ɓi Ityɛn ɓiǹ bim i naasàg ɓɔ, ɓɛ tum rìŋààŋààdì ɗi min lɛ bim inɛ ɓɛ wokà rì Ityɛn.

MƐ̀KÌKÌÌ MƐ ƁƐKƐ̀NÌ-FÌTOM 9:16

Mɛ̀ɛmiɗ ǹɗì nyi ɓiì rèsii mɛtɔɓ mɛ̀cèm mɛ à ɓiì woògh ɓisu wɛ̀m.

FÌLÌPYƐŊ 1:29

Kìɓan kiǹ ki riì yɛ̀ɛ Bɛ̀ll, ɓisuulɛ àa mààgh ànɛ lɛ ɓi gherɛn Kiris nnɛ Bɛ̀ll à faghà mìni nyi rì nyi, ànɛ lɛ ɓi wog girig mɛ̀tɔɓ ɓisu wii, à rì girig miì.

2 TÈSÀLÒNÌSYƐŊ 1:5

Kìɓan kiǹ kɛɛ̀ rèresi lɛ, Bɛ̀ll à ti à yɔ̀mgì ɓum yɛ̀ɛ saaɗ à rì. Fɔlɔɔ yɛɛ ɓiì kìi lɛ ɓi ɓa ɓumɓɛ ɓɛ ghɛɛ̀sɛɛ kì terì kìlɔ̀ŋ ki Bɛ̀ll ki ɓi wuwu mɛtɔɓ miì.

2 ZYAŊ 1:8

Ɓì konàg rì mìniìɓɔmiɗ lɛ kɛ̀ ɓi ɗimzi ɓiɗùn ɓi ɓi kìsay kis, wɔ̀lɛ ɓì ghɛ̀ɛ̀sɛɛ lɔŋ ki terì mɛ̀lèɓ mɛ miì mɛ̀cèm.

ÀPÒKÀLIƁSƐ̀ 1:9

Mɛ̀ zyaŋ ànɛ ǹɗì geni wìn, ǹɗì rì gàɓ lɛ rì ɓi mɛ̀tɔɓ, rì ɓi kìlɔ̀ŋ ki Bɛ̀ll rì ɓi rìsììrɛ̀n ɗi ɓi Yeesus, m̀ɓaghà ɓi kìrìŋ ki riɓày ki lɛ Patmos ɓisuu righagsì ɗi jɛ̀ɛ̀ ì Bɛ̀ll, ǹki tɛɛ̀zi saaɗ ànɛ ɓi kìɓan ki Yeesus.

ÀPÒKÀLIƁSƐ̀ 2:10

Kɔ̀ɔ risi ntɔɓ wu ù rì ɓiì tulɛɛ ri wɔ. Ghɛna lɛ Satàn a rì ɓiì pìigh kigwey ki ɓi mìni ɓi naà-zày lɛ a feèghrɛn mìni, fɔɔnnɛ ɓì rì ɓiì tulɛɛ ri ǹ-yeesɛ̀n ànɛ à rì ɓiì finɛɛ mɛru ǹtɛ̀ɗ. Sììrɛn ɓi rìgherɛ̀n à kpaŋ a rìwu, fɔɔnnɛ ǹɗì wɔ̀ ɓiì faà tàm à cɛɓ.

ÀPÒKÀLIƁSƐ̀ 2:13

Ǹ-yii jàŋ inɛ ù kɔ̀kɔrii, jàŋ inɛ̀n yɛɛ̀ nnɛ ìkɔ̀ɔ̀ wu Satàn wu rilàmì wu ri, kìɓan kifog ù rì lɔŋ ǹsììrɛn ɓi ɗii ɗyɛ̀m, ù roòzɛ̀ngà ɓi ntyweeyi wu ù rì rì wɔ a lɔ̀ŋkɛm̀, nsoò ɓi mɛ̀ru mɛ ɓɛ wolà wusìnɛ̀ɗ wɛ̀m à ǹtyweeyi ànɛ lɛ Antipas a lɔ̀ŋkin jàŋ inɛ Satàn a kɔ̀kɔrii.