MARIKUS 10:52 - Bafia Nouveau Testament

⁵² Yeesus a kpaa min nyi lɛ: Rìgherɛ̀n ɗyɔɔ ɗi ghɛɓsii wɔ̀, kɛ̀na yàà. Ŋwaànɛ̀n à ghàs kì ghɛnɛɛ, à tumɛ̀n rìnɔ̀ɔ̀tì ɗi Yeesus ɓi bee.

MARIKUS 10:52 ပူးပေါင်းရင်းမြစ်များ

MATYOO 11:5

Ɓyɛɛ ri lɛ, ɓɛ̀ɗyaŋɗyàŋ ɓɛ ghɛɛ̀ghɛ̀nɛ̀n, ɓɛ̀lɛnlɛm ɓɛ̀ kɛɛ̀kɛ̀ɛ̀ lɛ syeesyee, ɓɛ̀kukwiy ɓɛ pɛɛ̀zɛ̀n kìɓaà lɛ syeesyee ɓi nyoo yàà, ɓɛ̀lɔlɔg ɓɛ woòghwòòghrɛ̀n, ɓìloŋ ɓi gheèghèmɓɛ̀n, Syeesyee à Ɓɔlɛ à ki kaakalɛ̀n a ɓumɓɛ ɓɛ ri nyìighnyìg.

MATYOO 12:22

Nni ɓɛ yughày Yeesus rì ɗyaŋɗyàŋ àdɛŋ ànɛ à ɓaghà rì kìɓeɓtàg ki nghay, àncèm tì mùm-mùm, Yeesus à ki wɔ̀ɔ̀zi nyi ɓi lèg ànɛ lɛ ŋwaànɛ̀n à kìghà lɛ, à tòòghrɛ̀n, à ki ghɛnɛn.

MATYOO 15:28

Fɔɔnnɛ Yeesus à kpaaghà min giɓ anɛ̀n lɛ: Wɔ̀ giɓ anɛ, rìgherɛ̀n ɗyɔɔ ɗi teghɛɛ lɛɛ̀gwey, nni kɛɛ kilɛn lɔŋ yɛ̀ɛ rìkɔ̀n ɗyɔɔ ɗi ri. Ɓi cààmɛ̀n kɔm̀ kiǹ gɔ̀n yìì i ghàskà kì wɔ̀ni.

MATYOO 21:14

Ɓɛ̀ɗyaŋɗyaŋ rì ɓɛ̀lɛnlɛm ɓɛ yughà nyi jàŋbog, ɓi naà-Bɛ̀ll, à wɔ̀ɔ̀zì ɓɔ.

MATYOO 8:3

Fɔɔnnɛ Yeesus à nàmgà càg, à kòm ŋwaànɛ̀n à kpaa lɛ: Ki kɔni mɛ̀, ɓaya lɛ syeesyee ɓi nyoo yɔ̀ɔ̀. Nni ŋwaànɛ̀n à ghàskà kì wɔ̀ni kwiy wiì lɔŋ wɔɔ foo.

MATYOO 9:22

Yɛ̀ɛ Yeesus à lɔ̀ɔ̀ghrɛ̀ngày, à ghɛn giɓ anɛ̀n, à kpaa lɛ: Iyà kɔ̀ɔ risi, com ki yin, rìgherɛ̀n ɗyɔɔ ɗi wɔɔ̀zii wɔ̀. Fɔɔnnɛ giɓ anɛ̀n à ghàskà kì wɔ̀ni.

MARIKUS 1:31

Yeesus à tyòŋdɛ̀n nyi jàŋbog, à ɓan nyi ɓi càg, à pɛ̀sì nyi aɗyòò; rìɓa ɗi à ɓaghà lɛ tɔ̀gtɔ̀g ɗi leg, à tumɛ̀n ɓɔ rìkàà ɗi ɓiɗilàg.

MARIKUS 5:34

Nni Yeesus à kpaaghà nyi lɛ: Iyà, rìgherɛ̀n ɗyɔɔ ɗi ghɛɓsii wɔ̀, kɛ̀na lɛ fyòoog, ù wɔni fìroɓ fyɔɔ yaà.

MARIKUS 8:25

Fɔɔnnɛ Yeesus à ɓaatìghà tì nyi ɓyàg ɓi mis, yɛ̀ɛ ɗyaŋɗyàŋ à pɛɓsɛ̀ngà tì lɛ fyɛɛyi, à konàg kì ghɛɛ lɛ à mɛ wɔ̀n, à ki yi rìghasì ɗi ɓyom ɓìcèm ɓi a seesèè.

LUKAS 7:50

Wɔ̀lɛ Yeesus à kpaaghà giɓ anɛ̀n lɛ: Rìgherɛ̀n ɗyɔɔ ɗi ghɛɓsii wɔ̀, kɛ̀na lɛ fyòoog.

LUKAS 9:48

à kpaa ɓɔ lɛ: Ŋwaànɛ à ghàɓi maa ŋwɔɓti ànɛ ɓi ɗii ɗyɛ̀m, di mɛ̀ɛmiɗ innɛ à ghàɓi; fɔɔnnɛ mum ǹcèm ànɛ à ghàɓi mɛ̀ à ghàɓi girig roànɛ à romgày mɛ̀ ɓisuulɛ roànɛ à ɓiì ɓiisɛɛ ki ghɛnɛɛ lɛsàaag ɓi nyìinyìm wìn, nnyɛɛ cee mìniìcèm.

ZYAŊ 9:32

Tì ka wokà ɓi di ɓɛɛ̀ kpaakpaa lɛ, ŋwaàdɛŋ à mɛ kìghà lɛ mis mɛ ŋwaànɛ à yalɛɛ rì tìɗyaŋ mɛɛ ghɛnɛ̀n.

ZYAŊ 9:39

Yeesus à kalì min nyi lɛ: Ǹ-yùghà ɓi ziinɛ lɛ rìren ɗi ɓìɓan ɗyɛɛ ghɛnɛn lèg ànɛ lɛ, ɓumɓɛ ɓɛ ri rì tìɗyaŋ ɓɛɛ ghɛnɛn, ɓɛ̀roɓɛ ɓɛɛ̀ ghɛɛghɛnɛ̀n ɓɛ ɗiŋì tìɗyaŋ.

MƐ̀KÌKÌÌ MƐ ƁƐKƐ̀NÌ-FÌTOM 26:18

di ɓyɛɛ pɛsɛn yì ɓi birìm, ɓyɛɛ yu ɓi kìtɛɛtɛn, ɓi leg yì ɓi rìlàmì ɗi Satàn, ɓi yuiy yɛ̀ɛ Bɛ̀ll, fɔɔnnɛ ɓɛ ri ɓiì kìi lɛ, i ɓɛ mɛ gherɛn mɛ, Bɛ̀ll à cenɛ̀n ɓɔ ɓìbe ɓyaa, à ki fa ɓɔ ìkɔ̀ɔ̀ ɓi ǹɗaŋ wu ɓum ɓii.