MARIKUS 10:34 - Bafia Nouveau Testament

³⁴ Ɓumɓɛ̀n ɓɛ rì nyi ɓiì fengii, ɓɛ tuutùù nyì tìtyɛɛ̀ ɓi nyoo, ɓɛ ɓog nyi kìtòn, ɓɛ wey nyi, wɔ̀lɛ ajɛ̀m ì mɛ̀ru mɛraa, à rì ɓiì ghèmɓɛɛ yi a ɓìloŋ.

MARIKUS 10:34 ပူးပေါင်းရင်းမြစ်များ

MATYOO 16:21

Ɓi cààmɛ̀n kiǹ innɛ Yeesus à tumɛ̀ngà rìkakàlì ɗi ɓɛyilàg ɓii lɛ: Ki ghɛɛ̀sɛɛ lɛ, a kɛǹ a Yorisalɛm, a ghɛǹ mɛ̀tɔɓ lɛɛ̀gwey, ɓi ɓyàg ɓi ɓɛsɛ̀ɛ̀mɛn ɓɛ kilɔ̀ŋ, rì ɓɛ̀pìrɛɛtìrɛ̀ ɓɛgwey, rì ɓɛ̀rèsàg-ɓìdɔ̀gsɛna. Ɓɛ ri wey nyi, à ki ghèmɓɛn ɓi ŋwos a kìraa.

MATYOO 26:67

Fɔɔnnɛ ɓɛ tuughàkà Yeesus tìtyɛɛ̀ ɓisu, ɓɛ ki rogi nyi ɓìkam; ɓɛro ɓɛmbog ɓɛ ɓoɓog nyi mɛ̀ɓɛn di ɓɛɛ kpaakpaa lɛ:

MATYOO 27:63

ɓɛ kpaa nyi lɛ: Gɔmìnà àgwey, tì yitii lɛ pwààpwaà à mum ànɛ̀n àa ǹkpaa di à kaka cem lɛ: Ajɛ̀m ì mɛ̀ru mɛraa, ǹɗì ɓiì ghèmɓɛɛ yi a ɓìloŋ.

MARIKUS 14:63

Fɔɔnnɛ ǹkɔ̀mɛ̀n-ɓɛ̀pìrɛɛtìrɛ̀ à ghàskàkà ɓìlàà ɓi à ɓaghà rì ɓyɔ ɓi nyoo, à kpaa lɛ: Tì ɓiì kaatii ti ɓɛ̀wusìnɛ̀ɗ ɓɛdɛŋ lɛ cɛ?

MARIKUS 14:65

Ɓɛ̀ro ɓɛdɛŋ ɓɛ tumɛ̀ngà nyi rìtuutùù ɗi tityɛɛ̀, ɓɛ kikì lɛ, i ɓɛ lɔɔgh nyi kìlàà ɓi mis, ɓɛ ɓoòɓòkì nyi ɓìkam di ɓɛɛ tɔtɔg nyi lɛ: Rèmi ŋwaànɛ à ɓoogh wɔ̀. Ɓi ɗi lɛ ɓɛɛ ghaɓ nyi, ɓɛ̀kìì-ɓìsay ɓɛ togsìghà nyi rì tyɛn ti mɛɓɛn.

MARIKUS 9:31

ɓisuulɛ à rèrèsìghà ɓɛ̀yilàg ɓii ɓiɓan, à kpaakpàà ɓɔ lɛ: Ɓɛ ɓiì ɓanì Man à mum, ɓɛ fa rì ɓum, ɓumɓɛ̀n ɓɛ wey nyi; wɔ̀lɛ à ɓiì ghèmɓɛɛ ajɛ̀m ì mɛ̀ru mɛraa.

LUKAS 23:11

Fɔɔnnɛ Eroodɛ rì ɓɛ̀sujàà ɓii ɓɛ sɛɛtìghà Yeesus, ɓɛ ki sɛmgi nyi, ɓɛ waasì nyi kìlàà ki lònlomɛn, ɓɛ pɛɛ̀zì nyi kì romì yɛ̀ɛ Pilat.

ZYAŊ 1:17

Ɓisuulɛ, ɓìdɔ̀gsɛna ɓi falɛ̀ngà rì Moyis, geesɛ̀n rì saaɗ ɓi yuiy rì Yeesus Kiris.

ZYAŊ 2:10

Fɔɔnnɛ à reŋìghà ŋwaànɛ à wɔlɛ̀ngà à kpaa nyi lɛ: Ɓɛ̀ro ɓɛɛ̀ loki kìfaà ɓɛ̀kèn mɛrɔ̀g mɛ syeesyee, ɓɛ siitɛ̀n ɓɔ kìfaà mɛ ɓeɓtɛn di ɓaa ŋwagì; kìɓan kifog wɔ̀ wàa ɓèŋɓeŋi mɛ̀rɔ̀g mɛ syeesyee à kpaŋ ɓigomìnɛ.

1 KƆ̀RƐ̀ŊTYƐŊ 15:4

Ɓɛ ɓomgà nyi ɓi zɔ̀ŋ, à ki ghèmɓɛn ɓi ŋwos a kìraa lɔŋ yɛ̀ɛ ki ɓaghà kì kànɛn.