MARIKUS 10:21 - Bafia Nouveau Testament

²¹ Nni Yeesus à seesèèghà ŋwaànɛ̀n à keesì nyi, fɔɔnnɛ à kpaaghà min nyi lɛ: Com kɛɛ̀ ka kaakaàrɛ̀n wɔ̀ kìfog, kɛɛ ri lɛ, u kɛǹ, u kaɓ ɓyom ɓyɔɔ ɓìcèm, u kaɓsi mɔ̀ɔ̀ni mɛ miì rì ɓɛ̀soghàsogha, fɔɔnnɛ ù ɓiì ɓaà rì ìkum ɓi kìlɔ̀ŋ ki aɗyòò; ajɛ̀m ìnɛn, u yu, u nɔɔ̀ti mɛ̀.

MARIKUS 10:21 ပူးပေါင်းရင်းမြစ်များ

MATYOO 16:24

Fɔɔnnɛ Yeesus à kpaaghà ɓɛ̀yilàg ɓii lɛ: I ki kɔ̀ni mum lɛ a nɔɔ̀ti mɛ̀, à ghɛ̀ɛ̀sɛɛ kì roòzɛɛ nyimiɗ, à tɛ̀g kɔrɔs wìì, à ki nɔ̀ɔ̀ti mɛ.

MATYOO 19:21

Yeesus à kpaa nyi lɛ: Uù kɔ̀ni lɛ ù ɓa syeesyee à mum lɛ kɔɔ̀kɔɔ̀, kɛ̀na, u kaɓ ɓyom ɓyɔɔ ɓìcèm u kaɓsi mɔ̀ɔ̀ni mɛ miì rì ɓɛ̀soghàsogha fɔɔnnɛ ù ɓiì ɓa rì ìkum aɗyòò. Ajɛ̀m ìnɛn u yu u nɔɔ̀ti mɛ̀.

MARIKUS 10:22

Wɔ̀lɛ yɛ̀ɛ ŋwaànɛ̀n à wokà fɔlɔɔ, à ɓeɓsì ìsu, à pɛ̀sɛ̀n à ghaàgh rì bim, ɓisuulɛ à ɓaghà rì ìkum lɛɛ̀gwey.

MARIKUS 8:34

Nni à reŋìghà min lɛ rì gùl ì ɓum rì ɓɛ̀yilàg ɓii à kpaa ɓɔ lɛ: I mum à kɔ̀ni lɛ a nɔɔ̀ti mɛ̀, à ghɛ̀ɛ̀sɛɛ kì roòzɛɛ nyimiɗ, à tɛ̀gsɛ̀n kɔrɔs wìì, fɔɔnnɛ à nɔ̀ɔ̀tì mɛ̀.

LUKAS 10:42

Wɔ̀lɛ kìɓan kifog kɛɛ ri rì gɛɓsɛ̀n; Marii àa ɓɔ̀ni gàɓ ì syeesyee; ɓaa ɓàtɛn ɓi nyi yɔ̀.

LUKAS 12:33

Kàɓkiina ɓyom ɓìcèm ɓi ɓì rì rì ɓyɔ, ɓì ki fa mɔ̀ɔ̀ni mɛ miì rì ɓɛ̀soghàsogha; ɓaana rì ɓɛ̀ɓàm ɓɛ mɔ̀ɔ̀ni ɓɛ ɓɛ yin lɛ ɓɛ ɗilɛ̀n, ɓì ki ɓa ɓi ɗyoo ɓi ɗùm rì ìkum wu wɛ̀ kɛɛ̀ lèg, jàŋ inɛ wiiwìì à yin lɛ à wuɓsɛ̀n, nsoò zeg yɛ̀ kɛɛ̀ ɗi wɔ;

LUKAS 16:9

Nni Yeesus à kpaatìghà lɛ: Ǹkalii mìni lɛ, kaana lɛ ɓi ɓa rì mɛ̀ghan rì ìkum wu kɛ̀ɛ̀ ǹkpaà, mɔ yɛɛ ri mìni ɓiì ghàɓi ɓi naa ì fìɗyàɓ fikɔ̀ɔ̀ di ìkum wiǹ wu yiìdi mìni ɓi càg.

LUKAS 18:22

Yɛ̀ɛ Yeesus à wokà rìɓàg ɗii ɗiǹ, nni à kpaaghà nyi lɛ: Com kɛɛ̀ ka kaakaàrɛ̀n wɔ̀ kìfog. Kɛ̀na u kaɓ ɓyom ɓìcèm ɓi ù rì rì ɓyɔ, u kaɓsi mɔ̀ɔ̀ni mɛ miì rì ɓɛ̀soghàsogha, fɔlɔɔ nnɛ ù ɓiì ɓaà rì ìkum aɗyòò, di u yuiy min u nɔɔ̀ti mɛ̀.

LUKAS 19:41

Yɛ̀ɛ Yeesus à ɓaghà di à mɛ wuɓsɛn bàn, nni à soɓkà mis ɓi yɔ̀, à tum rìrèn ɓisuu bàn ìnɛ̀n, à kpaa lɛ:

LUKAS 9:23

Ajɛ̀m ìnɛn Yeesus à kpaaghà ɓum ɓɛ̀cèm lɛ: Ŋwaànɛ ki kɔni lɛ a nɔɔ̀ti mɛ̀, à ghɛ̀ɛ̀sɛɛ kì roòzɛɛ nyimiɗ, à ki tɛ̀g kɔrɔs wìì ŋwos anɛ aɗyòò bimiɗ, fɔɔnnɛ à nɔ̀ɔ̀tì min mɛ,

ZYAŊ 12:26

I mum à kɔ̀ni lɛ a ki mɛ̀ kìsay, a nɔɔ̀ti mɛ̀, fɔɔnnɛ ǹkìì-kìsay wɛm̀ à ɓiì ɓaà jàŋ inɛ mɛ̀ ǹɗì. Seŋi wɛ̀m à ɓiì ki kemzii ŋwaànɛ a kìki mɛ kìsay.

ZYAŊ 16:33

Mɛ̀ɛ ǹkpaa mìni ɓìɓan ɓiǹ lɛ, ɓi ɓa rì fyòoog a lɔ̀ŋkɛm̀. Ɓì ɓiì ɓaà rì ǹ-yeesɛ̀n ɓi ziinɛ nni sììriina mɛ̀rem, mɛ̀ m̀mɛ yag ziinɛ ɓi-tèɗ.

MƐ̀KÌKÌÌ MƐ ƁƐKƐ̀NÌ-FÌTOM 2:45

Ɓɛ kakàɓkà lɛ: Rì ɓìden ɓyaa ɓi zi, rì ɓyom ɓyaa, ɓɛ kaàkàɓɓɛ̀n mɔɔ̀ni mɛ miì ɓɛ̀sɛ̀ɛ̀ ɓɛ̀cèm, mum bimiɗ à tekì gàɓ ìnɛ ì ghɛ̀ɛ̀sɛɛ rì nyi.

2 KƆ̀RƐ̀ŊTYƐŊ 12:15

Ɓi san wɛ̀m, ǹɗì lɛ ǹwog kìrɔɔ lɛ nkpaŋzi mɔ̀ɔ̀ni mɛ̀cèm mɛ ǹɗì rì mɔ, ǹki kàɓɓɛn mɛ̀ɛmiɗ ɓisuu ɓyɛɓ ɓin; nni i mɛ̀ ǹkeesii mìni fɔlɔɔ ǹcìɓtàg, ɓisuucɛ nnɛ mìnii keesì mɛ̀ lɛsàg?

2 TIMOTE 3:12

Ki ri gì lɛ, ɓum ɓɛ̀cèm ɓɛ ɓɛɛ̀ kɔ̀nkɔn lɛ ɓɛɛ̀ ghɛɓ cɛɓ ki lɛ ɓɛ falɛ̀n rì Bɛ̀ll ɓi Yeesus Kiris lɛ kɔɔ̀kɔɔ̀, ɓɛ ri ɓiì tulɛɛ ri ǹ-yeesɛ̀n, à ɓum.

EBIREEGH 10:34

Ɓì kàɓɓɛ̀ngà mɛ̀tɔɓ mɛ ɓimbùŋ, ɓì ki woki kirɔɔ cààmɛ̀n kìcèm ki ɓɛ nti ɓɛ ɓatàg mìni ɓyom, ɓisuulɛ ɓì yighà lɛ ɓì ɓaghà rì ɓyom ɓi ɓi cee ɓiǹ lɛ, ɓyɔɔ ri ɓi ɓi ri cààmɛ̀n kìcèm.

ZYAG 2:10

Ɓisuulɛ mum ǹcèm ànɛ à ɓèŋi ɓìdɔ̀gsɛna ɓìcèm, kìɓan kifog à yogsì lɔŋ kidɔ̀gsɛna kifog a yi lɛ à ti rì zɛ̀ɗ ɓi san ànɛ a ɓìdɔ̀gsɛna ɓìcèm.

ÀPÒKÀLIƁSƐ̀ 2:14

Nsoò fɔlɔɔ, ǹɗì rì ɓìɓan ɓidɛŋ ɓi ɓi ɓeɓi mɛ̀ rì wɔ̀; ù rì foo ri ɓum ɓɛdɛŋ ɓɛ ɓɛɛ̀ nɔ̀ɔnɔɔ̀tì dɔgtɛ̀n ì Balam; Balam àa nɗèsàg Balag lɛ a ki com ki lɛ ɓɔn ɓɛ Isirayɛl ɓɛɛ kɛɓtɛn fìɓàg lɛ ɓɛ ɗii ɓyɛn ɓi nyàm yi ɓɛ funɛɛ ɓi rìɓɔgsì ɗi ɓinùn, ɓɛ ki ɗiŋi ɓi rìkìkì ɗi tisɔ̀mɔ̀g.

ÀPÒKÀLIƁSƐ̀ 2:20

Kìɓan kifog kìɓan ki ki ɓeɓi mɛ̀ rì wɔ̀ ki ri lɛ, ù ti ù càɗkì giɓ anɛ lɛ Zyezaɓɛl ànɛ à ti à kalàg lɛ à rì ǹkpaŋzì-ɓìɓan lɛ a reresi, à ki syòŋsyoŋ ɓɛ̀kìì-ɓìsay ɓɛm lɛ ɓɛɛ ɗiŋi ɓi tìsɔ̀mɔ̀g ti kìkiyɛn, ɓɛ ki ɗiɗi ɓyɛn ɓi nyàm ìnɛ ɓɛ funɛɛ ɓi rìɓɔgsì ɗi ɓinùn.

ÀPÒKÀLIƁSƐ̀ 2:4

Wɔ̀lɛ kìɓan ki ǹɗì wɔ̀ rì kɔ ki ri lɛ wɔ̀ɔ ncàri ǹkɔ̀nɛ̀n ànɛ ù ɓaghà rì nyi ǹtonto.