LUKAS 9:31 - Bafia Nouveau Testament

³¹ Ɓɔ yɛɛ resɛ̀ngày rì coo rigwey, ɓɛ kpaakpàà kìɓan ki risug ɗi Yeesus ɗi ɗi ghɛɛ̀sɛ̀ngà kì kìlɛɛ a Yorisalɛm.

LUKAS 9:31 ပူးပေါင်းရင်းမြစ်များ

LUKAS 9:22

Nni à ɓɔ̀ɓtìghà jɛ̀ɛ̀ lɛ: Ki ghɛɛ̀sɛɛ lɛ Man à mum a wog rìkɛŋ lɛɛ̀gwey; ɓɛ̀sɛ̀ɛ̀mɛn ɓɛ Ɓɛ̀yudɛ̀n rì ɓɛ̀pìrɛɛtìrɛ̀ ɓɛgwey, rì ɓɛ̀rèsàg-ɓìdɔ̀gsɛna ɓɛ rì nyi ɓiì roòzɛɛ, ɓɛ ki wey nyi; kìɓan kifog à ghèmɓɛ̀n ɓi ŋwos a kìraa.

LUKAS 9:30

Fɔɔnnɛ ɓɛ sigmɛ̀ngà di à ti ɓiì tòtoogh ri ɓum ɓɛdɛŋ ɓɛɓɛɛ̀; ɓɛ ɓɛ ɓaghà lɛ rì Moyis rì Eli.

ZYAŊ 1:29

Ɓi duri tana, Zyaŋ à ghɛngà di Yeesus à tiì a lɔ̀ŋkii, à kpaa lɛ man à jɔ̀ɔ̀ à Bɛ̀ll ànɛ a pipisi kiɓe ki ɓum ɓi ziinɛ yɛɛ ri lɛ.

2 KƆ̀RƐ̀ŊTYƐŊ 3:18

Ɓìsi ɓɛ̀sɛ̀ɛ̀ ɓɛ̀cèm ɓɛ mɛ̀su mis mɛ yin mɛ lɔghɛn ɗi kìlàà, rìkem ɗi Kan ɗyɛɛ̀ lònlom ɓi ɓìsi, yɛ̀ɛ ɓi ŋwii tì koɓsɛ̀n ɓi mis lɛ ti ɓa ɓi kìpisɛn kii, rì coo rikem ɗi ɗyɛɛ̀ ɓɔɓɔg mɓɔɓɔghɛn lɛ kìsay ki Kan ànɛ lɛ Ǹghay a kìkì.

FÌLÌPYƐŊ 3:21

Nnyɛɛ ri lɔ̀ghi nyoo yìs inɛ ì rì nyìighnyìg lɛ yɛ̀ɛ ɓa nyoo ì ǹlònlomɛn yɛ̀ɛ ìnkìì, rì ìtèɗ wu a rì rì wɔ, wɛɛ̀ wu à ti fogì ɓyom ɓìcèm miì ɓi rìlàmì ɗii azi.

KÒLÒSYƐŊ 3:4

Yɛ̀ɛ Kiris ànɛ à rì cɛɓ kin, à ɓiì rèsɛɛ, fɔlɔɔ nnɛ, mìni girig ɓì ɓiì rèsɛɛ nɗaŋ ri nyi ɓi rìkem ɓi ɗùm.

EBIREEGH 11:22

Lɛ rìgherɛ̀n innɛ Yoosɛɓ à ɓùgà kìɓan ki rìpɛ̀sɛ̀n ɗi ɓɔn ɓɛ Isirayɛl a Egiɓtɛn, di à ti jàŋbog rì rìwu, à ki reɓsɛn com ki ɓɛ ghɛɛ̀sɛ̀ngà kì kìi ri ɓìwoɓ ɓii.

1 PYƐƐRI 5:10

Fɔɔnnɛ ki ɓiì ɓaà lɛ i ɓyàa wog rikɛŋ ɓi maa cààmɛ̀n, Bɛ̀ll ànɛ à rì rì geesɛ̀n bimiɗ, ànɛ à reŋìghà mìni lɛ ɓi teɗ gàɓ ɓi rìkem ɗii ɗi fiɗyàɓ fikɔ̀ɔ̀ ɓi Kiris ɓi ɗùm, à rì mìni ɓiì konagh ki rɛsii lɛ syeesyee nyimiɗ, à sììràg mìni, à fa mìni ìtèɗ, à kì lɛ ɓi ɓa ɓumɓɛ com ki yin lɛ ki ɓigtì.

2 PYƐƐRI 1:15

Kìɓan kifog ǹɗì ɓiì kaà bee inɛ lɛ ajɛ̀m ì rìpɛ̀sɛ̀n ɗyɛm̀, ɓi rɔɓ kìyitaagh ɓiɓan ɓiǹ ɓi ɓyààmɛ̀n ɓi ɓi ghɛɛ̀sɛɛ.

ÀPÒKÀLIƁSƐ̀ 7:14

Nni m̀ɓàkà nyi lɛ: Kan wɛ̀m wɔ̀ yɛɛ yii! Fɔɔnnɛ à kpaaghà mɛ̀ lɛ: Ɓɛ ri ɓumɓɛ ɓɛ pɛsɛɛ yì ɓi jàŋ yi ǹ-yeesɛ̀n à ɓɛ̀gherɛ̀n à rì lɛɛ̀gwey. Ɓɛ sooghà ɓɛ̀ kàɓà ɓaa ɓɛ ki puɓsi ɓɔ ɓi bwaɓ yi Man à jɔ̀ɔ̀.