ZYUUDƐ 1:4 - Bafia Nouveau Testament

⁴ Ɓisuulɛ ɓìɓeɓtàg ɓi ɓum ɓidɛŋ ɓi nɗyɔ̀ɔ̀gɛɛ yì ɓi yu kìsɔ̀lɛɛ ɓi nyìinyìm wìn; ɓɛ tum rìlɔ̀ɔ̀lɔ̀gtì ɗi rirèsàg ɗi geesɛ̀n ìnɛ Bɛ̀ll à rì rì yɔ̀ ɓi san wìs lɛ ɓɛɛ kiki ɓìɓan ɓi tifin ɓɛ roòròòzɛ̀n m̀bobog wìs a masà ànɛ à rì lɛ Kan wìs Yeesus Kiris; ǹcɛ̀m à ɓumɓɛ̀n à ɓaghà di à ti ǹkànɛn fiɗyàɓ.

ZYUUDƐ 1:4 ပူးပေါင်းရင်းမြစ်များ

MATYOO 13:25

Wɔ̀lɛ bènàbena wiì à yùghày di ɓum ɓɛ ri ɓi fìlo, à mìs kìɓeɓtàg ki caaɓi ɓi dɛm i gèŋ ìnɛ̀n, a ghaàgh.

ZYAŊ 17:3

Cɛɓ ki fiɗyàɓ fikɔ̀ɔ̀ ki ri lɛ, ɓɛɛ yi wɔ̀, lɛ wɔ̀ yɛɛ ri m̀bobog à kɔɔ̀kɔɔ̀ à Bɛ̀ll, ɓɛ ki yi Yeesus Kiris, roànɛ ù romgày.

MƐ̀KÌKÌÌ MƐ ƁƐKƐ̀NÌ-FÌTOM 11:23

Nni yɛ̀ɛ à kpagà wɔɔ, à ghɛn yɛ̀ɛ geesɛ̀n ì Bɛ̀ll ì rèsɛ̀ngà a ɓɛ̀gherɛ̀n ɓɛǹ, à nyààrɛ̀n, à ki toni ɓɔ lɛ: Sììrɛɛna lɔŋ ɓi Kan Yeesus, rì mɛ̀rem min mɛcèm.

MƐ̀KÌKÌÌ MƐ ƁƐKƐ̀NÌ-FÌTOM 15:24

Tìi nwoogh lɛ, ɓum ɓɛdɛŋ ɓɛ m̀pɛ̀sɛɛ yì fɛ, ɓìsi tyɛ̀ ki rom yi ɓɔ, ɓɛ yu mìni kì ɓùùsii, ɓɛ ki syaŋdi mini mɛ̀rem rì ɓìtòkì ɓyaa.

GÀLAT 2:4

Ki ɓaghà lɛ ki kilɛ̀n fɔlɔɔ lɛ, ɓɛ̀geni ɓis ɓɛdɛŋ ɓɛ ɓɛ ɓaghà tyoo tiɓɛɛ̀, ɓɛɛ ɗiŋìghà ɓi nɗaŋ wis lɛ ɗyɔ̀ɔ̀ŋ, ɓɛ yuiy lɛ ɓɛɛ ghɛǹ rìɓa ɗi tì rì ɓɛ̀kan ɓi Yeesus Kiris ɓi ɗùm ɓɛ ki ɓa ri rìkɔ̀n ɗi lɛ ɓɛɛ ghaàsi ɓìsi ɓɛ̀kpàn.

GÀLAT 5:13

Ɓɔɔsoŋ̀, Bɛ̀ll à reŋìghà mìni lɛ ɓi ɓa ɓɛ̀kan; nni kɛ̀ ɓi ghɛɓ zɔɔ rì rìɓa ɗiǹ lɛ ɓi nɔɔ̀ti rìyɛ̀y ɗi cɛɓ ki mɛmùù. Wɔ̀lɛ ghɛɛghɛ̀ɓsɛɛna mìni rì mìni ɓi nkɔ̀nɛ̀n;

EFÈZYƐŊ 4:14

Fɔlɔɔ nnɛ tyàa ɓa ti ɓi ɓɔɓti ɓɛ ɓɛ ri kɛ̀ɛ̀ goo, ɓɛ ɓɛ ri lɛ rì rìkuu ɗi dɔgtɛ̀n ɗiǹ miì ɓɛ nɔɔ̀tì, ɓum ɓɛ yeèghyègsì ɓɔ lɛ rì momzɛ̀n maa, rì mɛ̀ghèy mɛ ɓɛ ti ɓɛ syogì ɓum miì ɓi rìnàn.

TIMOTE 5:8

I mum à yii ɓi rìɓèŋ ɗi ɓum ɓii, à ɓiisɛ̀n rìmɛɛ ɗii, di à roòzɛɛ rìgherɛ̀n; rìkuu ɗi mum ɗi fɔlɔɔ ɗi ɓeɓtɛɛ ɗi cee ŋwaànɛ à yin ngherɛ̀n.

2 TIMOTE 2:12

I tì sììrɛɛ tyɛ̀ ki càrɛn lɛ mɛ̀tɔɓ, tì rì ɓiì làmii girig nɗaŋ ɗi nyi; I tì roòzɛɛ nyi, nyii roòzɛɛ gɛ girig ɓìsi.

2 TIMOTE 3:6

Ɓum ɓɛdɛŋ ɓɛ ɓi nɗaŋ waa ɓɛ ti ɓɛ ɗiŋɗàg ɓi ɓɛ̀naa, ɓɛ ɓangìì ɓɔɔ ɓɛ̀yiɓ ɓɛdɛŋ ɓɛ ɓɛ tɛtɛɛgh ǹkun wu ɓiɓe, ɓɛ ki ɓa ɓɛ̀yiɓ ɓɛ ɓìɓan ɓi ɓi mɛ̀mùù mɛ̀kuu mɛ̀kuu ɓyɛɛ̀ yeeyeèsì, ɓi ɗiɗì mɛ̀rem ɗì rìkɔ̀n;

1 PYƐƐRI 2:16

Ghɛɓina yɛ̀ɛ ɓumɓɛ ɓɛ ri ɓɛ̀kan, wɔ̀lɛ kɛ̀ ɓi kì lɛ rìkan ɗin ɗyɛɛ ghay kìlàà ki kɛɛ̀ lɔlɔg nɗem win wu rigɛn; ghɛɓina lɔŋ yɛ̀ɛ ɓɛ̀kìì-ɓìsay ɓɛ Bɛ̀ll ɓɛ ghɛɛ̀sɛɛ kì ghɛɓì ɓi rìkan.

1 PYƐƐRI 2:8

Ɓɛ ti ɓɛ kpilàg miì lɛ ɓɛ ɓengà kì woògh jɛ̀ɛ̀ ì Bɛ̀ll, fɔlɔɔ nnɛ ki ghɛɛ̀sɛ̀ngà kì ɓaà ɓisu waa.

1 PYƐƐRI 4:18

I rìghɛɓ ɗi ŋwaànɛ à rì lɛ saaɗ a ghɛɓ ɗi ka ti fɔlɔɔ ri ntɔɓ, ki ɓa min la ɓi san ànɛ yɛ̀ɛ kiɓeɓtàg ki mum rì ǹkìì-kìɓe?

2 PYƐƐRI 2:10

À ɓiisɛ̀n ɓɛ̀roɓɛ ɓɛ ti ɓɛ yɛɛ̀sàg ɓìɓan ɓi tifin, ɓɛ nɔɔ̀nɔ̀ɔ̀tì ɓìɓan ɓi ɓi ti ɓi rɔɔghì mɛ̀mùù, ɓɛ sɛɛtì jɛ̀ɛ̀ ì rìlàmì ì Kan. Ɓɛ tɔɔghraagh mɛ̀rem, ɓɛ ki ɓalag ri kalɛn, ɓɛ̀ kɛɛ̀ risi risɛmgì ɗi ɓyom ɓi ɓyɛɛ̀ ghɛghɛɓ aɗyoo ɓi rìkem.

2 PYƐƐRI 2:7

kìɓan kifog à ghɛɓsìghà Lɔt ànɛ à ɓaghà ŋwaà saaɗ, ànɛ cɛɓ ki tifin ki ɓɛwolì-ɓum ɓɛ a Sɔdɔm rì Gɔmɔɔr ɓɛǹ, ɓɛ wowɔlà rì ǹɗemi-kɛŋɛn

2 PYƐƐRI 3:7

Kìɓan kifog, ɗyoo rì zi ɓi tì seesee ɓi gɛɛ̀nɛ, ɓi ri ɓyom ɓi jɛ̀ɛ̀ ì Bɛ̀ll yɔ̀miɗ inɛ̀n yɛ̀ɛ ɓèŋɓèŋ lɛ ɗuu ɗi ri ɓyɔ ɓiì yogsii ŋwos anɛ ɓɛ ri yɔ̀mi gɛ ɓɛ̀kìì-kìɓe, ɓɛ cuusì ɓɔ.

1 ZYAŊ 2:22

Ghɛn yɛɛ ri min pwààpwaà? Ŋwaànɛ à kpaa lɛ Yeesus à yin Kiris yɛɛ ri pwààpwaà; ŋwaànɛ̀n miì yɛɛ̀ ɗùùɗuu ri Kiris, à ki roòzɛn lɛ, rì Seŋi rì Man.

ZYUUDƐ 1:15

lɛ a yɔm̀ ɓum ɓɛ̀cèm, à ren kìɓan kaa, lɛ di ɓìɓeɓtàg ɓi ɓum ɓìcèm ɓyɛɛ teɗ ǹcɛ̀m ɓisuu ɓiɓeɓtàg ɓi ɓiɓan ɓi ɓɛ kighà, rì ɓi ntoòtèɗ wu ɓɛ resìghà Bɛ̀ll, rì ɓisuu ɓiɓeɓtàg ɓi jɛ̀ɛ̀ ɓi ɓɛ̀kìì-kìɓe ɓɛ ɓɛ̀ kɛɛ̀ risi Bɛ̀ll ɓɛǹ ɓɛ kpaàkpàŋzìghà di ɓɛɛ̀ feefengì nyi.

ZYUUDƐ 1:18

Ɓɛ kpaaghà mìni lɛ: Ɓi mɛ̀ru mɛ siitòn, ɓum ɓɛdɛŋ ɓɛ ɓaa gɛ, ɓɛ wɔwɛ̀y mìni, ɓɛ ki ghɛghɛɓ ɓi kìɓe lɔŋ yɛ̀ɛ ǹɗem waa wɛɛ̀ kɔ̀nkɔ̀n.

ÀPÒKÀLIƁSƐ̀ 15:4

Kan ghɛn yɛɛ ri lɛ à rɔ̀ɓ lɛ à risii ɓi ɗii ɗyɔɔ, kɛ̀ɛ ki kemzi ɗyɔ? Ɓisuulɛ, lɔŋ wɔ̀ cɛ̀ncɔɔ yɛɛ ri ǹtɛnɛn. Ɓìlɔ̀ŋ ɓìcèm ɓi ri ɓiì yùu, ɓi ɓag wɔ̀ mɛ̀ɗu asu, lɛ saaɗ wɔ̀ɔ̀ a mɛ rèsɛ̀n.