GÀLAT 6:2 - Bafia Nouveau Testament

² Gheeghèŋzɛɛna rìtɛ̀g ɗi mɛtɛ̀g mɛ ɓì rì rì mɔ, di fɔɔnnɛ ɓi roòzi kìdɔ̀gsɛna ki Kiris.

GÀLAT 6:2 ပူးပေါင်းရင်းမြစ်များ

MATYOO 8:17

À kìghà fɔlɔɔ lɛ, a roozi kìɓan ki ǹkpaŋzì-ɓìɓan Ezayii à kpaaghà lɛ: À tekà ɓìlɛm ɓi tì ɓaghà rì ɓyɔ, à ki tɛ̀g ti tiroɓ tis.

LUKAS 11:46

Yeesus à ɓàg nyi lɛ: Nyìighnyìg girig rì mìni ɓɛ̀rèsàg-ɓìdɔ̀gsɛna, lɛ ɓi tɛ̀ɛghtɛgsì ɓum mɛ̀tɛ̀g mɛ mɛ rirì lɛɛ̀gwey, mìniìɓɔmiɗ kɛ̀ ɓi kòm mɔ nsoò ǹkòmɛn ri manàcàg.

ZYAŊ 13:34

Ǹfaa mìni kìdɔ̀gsɛna ki nyɔn lɛ: Kɔ̀nɛɛna. Fɛlɛ yɛ̀ɛ mɛ̀ ǹkeesìghà mìni, mìni girig, kɔ̀nɛɛnà.

ZYAŊ 15:12

Kìdɔ̀gsɛna kɛm̀ ki ri lɛ: Kɔnɛɛna mìni rì mìni, fɛlɛ yɛ̀ɛ mɛ̀ ǹkeesìghà mìni.

RÒMƐŊ 15:1

Ɓìsi ɓɛ tì rì rì ìtèɗ ɓi rìgherɛ̀n tì ghɛ̀ɛ̀sɛɛ kì ghɛɓsii ɓɛroɓɛ ɓɛ ri kɛ̀ɛ̀ ìtèɗ, lɛ ɓɛ̀ kɛɛ̀ càrɛn ɓi-ɓwɛɗ waa; tyɛ̀ ki kaa lɛ ti ki ɓìɓan ɓi ɓyɛɛ puɓsi ɓìsi nɗem.

RÒMƐŊ 8:2

Ɓisuulɛ kìdɔ̀gsɛna ki Nghay ànɛ a fafa cɛɓ ɓi Yeesus Kiris ɓi ɗùm, ki kwèɗkà mɛ̀ ɓi rìkpàn ɗi kidɔ̀gsɛna ki kiɓe rì rìwu.

1 KƆ̀RƐ̀ŊTYƐŊ 9:21

Cààmɛ̀n ki ǹɗì rì ɓumɓɛ ɓɛ ri kɛ̀ɛ̀ ɓìdɔ̀gsɛna ǹghɛɓ rì ɓɔ yɛ̀ɛ ŋwaànɛ à rì kɛ̀ɛ̀ ɓìdɔ̀gsɛna lɛ di nsyoŋ ɓɔ; fɔlɔɔ kɛ̀ɛ ki rèsi lɛ ǹɗì kɛ̀ɛ̀ ɓìdɔ̀gsɛna ɓi Bɛ̀ll ɓisuulɛ mɓèŋɓeŋ ɓidɔ̀gsɛna ɓi Kiris.

GÀLAT 6:5

Ɓisuulɛ mum ncèm à rì ɓiì tɛ̀ɛgh ntɛ̀g wii nyimiɗ.

TÈSÀLÒNÌSYƐŊ 5:14

Ɓɔɔsoŋ̀! tì ɓɔ̀ŋzaagh mìni lɛ, ɓi rɔgsɛn ɓumɓɛ ɓɛɛ̀ ghɛghɛɓ ɓi kìɓùùsì, ɓì cààsì ɓɛ̀riris nyoo, ɓì lènlèm ɓɛroɓɛ ɓɛ yin ɗi ìtèɗ, ɓì yi rìnìɗ ɗi ǹɗem rì ɓum ɓɛ̀cèm.

ZYAG 1:25

Kìɓan kifog, i mum à sìŋii ɓìdɔ̀gsɛna ɓi ɓi rɔɔtɛɛ lɛ kɔɔ̀kɔɔ̀, ɓi ɓyɛɛ̀ foŋfoŋ mum ɓi-kɔ̀ɔ̀ wu rikan, à ki sììrɛn, àa ɓi rìwowòg ɗi lɛ i à woogh, à ɗimzɛ̀n, lɔŋ ɓi rìkìkì ɗi ɓiɓan ɓi miì rì ìtèɗ, ŋwaànɛ̀n yɛɛ ri ɓiì woògh kìrɔɔ ɓi rìkì ɗii ɗiǹ.

ZYAG 2:12

Tòtooghna, ɓì kìkì ɓìɓan fɛlɛ yɛ̀ɛ ɓumɓɛ ki ghɛɛ̀sɛɛ lɛ ɓɛ yɔm̀ ri ɓìdɔ̀gsɛna ɓi ɓyɛɛ foŋfoŋ ɓisi ɓi-kɔ̀ɔ̀ wu rikan,

ZYAG 2:8

Nyoey yi yin miì, i ɓì roòzii kìdɔ̀gsɛna ki rifòm fɛlɛ yɛ̀ɛ ki ri kìkànɛn lɛ: Ù ghɛ̀ɛ̀sɛɛ kì keesii romum ànɛ wɔ̀ jàŋbog yɛ̀ɛ wɛ̀ɛmiɗ, di ɓì konaagh.

1 PYƐƐRI 2:24

nyi ànɛ à tɛ̀kà ɓìɓe ɓis ɓi nyoo yìì ɓi kìte aɗyoo lɛ di kɛɛ ɓa lɛ, i tì mɛ wu ɓi san ànɛ a ɓìɓe ɓis, tì ghɛɓ cɛɓ ki ɓumɓɛ ɓɛ ri lɛ saaɗ. Mɛ̀ɓìì mii mɛɛ kighà lɛ ti wɔǹ.

2 PYƐƐRI 2:21

Lɛ ki ɓaghà lɛ ki ɓa tì rì ziŋ ɓi san wàà lɛ ɓɛ̀ kɛɛ̀ yi bee ì saaɗ, à cee lɛ i ɓaa yi yɔ̀, ɓɛɛ lɔɔgh tì jɛ̀m rì kìdɔ̀gsɛna ki tɛnɛn ki ɓɛ faghà ɓɔ.

2 PYƐƐRI 3:2

lɛ ɓi yiìyìtàg lɛ rì ɓìɓan ɓi ɓɛkpaŋzì-ɓìɓan ɓɛ ɓɛ ri ɓɛ̀tɛnɛn ɓɛ kpaaghà lɛ ɓi ɓiì kìlɛɛ, rì kìdɔ̀gsɛna ki Kan ànɛ à rì Ǹghɛɓsì-ɓum, kɛɛ̀ki ɓɛ̀kɛ̀nì-fìtom ɓin ɓɛ resìghà mìni.

1 ZYAŊ 4:21

Kìdɔ̀gsɛna ki Kiris à faghà ɓìsi kɛɛ̀ki lɛ: Ŋwaànɛ à keesii Bɛ̀ll, a keèsì girig geni.