GÀLAT 6:16 - Bafia Nouveau Testament

¹⁶ Fyòoog à Bɛ̀ll rì nyìinyìg ìnɛ Bɛ̀ll a woki ɓum, ɓyɛɛ ɓa rì ɓum ɓɛ̀cèm ɓɛ ɓɛɛ̀ nɔ̀ɔnɔɔ̀tì ǹsiŋdɛn wiǹ, ɓi ɓa girig ɗì Isirayɛl à kìlɔ̀ŋ ki Bɛ̀ll.

GÀLAT 6:16 ပူးပေါင်းရင်းမြစ်များ

ZYAŊ 1:47

Yɛ̀ɛ Yeesus à ghɛngà di Natanayɛl a yùyuiy nyi a nyoo nni à kpaaghà lɛ: Natanayɛl à rì kɔɔ̀kɔɔ̀ à muu Isirayɛl ànɛ à yin ɗi mɛ̀ɗyɔg.

ZYAŊ 14:27

Ǹcàri mìni fyòoog, ǹfaa mìni fyòoog wɛ̀m. Mɛ̀ ǹfaa ɓi mini nyi yɛ̀ɛ ziinɛ ì ti ì falàg. Mɛ̀rem min mɛ̀ kɛɛ̀ cɛɛcɛɛ̀rɛ̀n, nsoò lɛ mɛ yeèghyèèghkɛ̀n.

ZYAŊ 16:33

Mɛ̀ɛ ǹkpaa mìni ɓìɓan ɓiǹ lɛ, ɓi ɓa rì fyòoog a lɔ̀ŋkɛm̀. Ɓì ɓiì ɓaà rì ǹ-yeesɛ̀n ɓi ziinɛ nni sììriina mɛ̀rem, mɛ̀ m̀mɛ yag ziinɛ ɓi-tèɗ.

RÒMƐŊ 1:7

nni mìni ɓɛ̀sɛ̀ɛ̀ ɓɛ̀cèm ɓɛ Bɛ̀ll à keesii yɛ̀ɛ mɛ̀nɔ̀ɓɔ̀, ɓɛ bì rì a Rom, mìniì ɓɛ à reŋìghà lɛ ɓi ɓa ɓum ɓii, Bɛ̀ll à Seŋì wìs ɓɛɛ̀ Kan Yeesus, ɓɛɛ fa mìni lɛ rì geesɛ̀n rì fyòoog.

RÒMƐŊ 4:12

À rì tì girig seŋi ɓumɓɛ ɓɛ ri ɓɛ̀kɛ̀rɛn, ɓɛ ɓɛ rɔɓi ɓi lɔŋ lɛ kɛ̀rɛ̀n nyi rì nyi, kìɓan kifog ɓɛ ɓɛɛ̀ nɔ̀ɔnɔɔ̀tì kìfèèghrɛnà ki righerɛ̀n ɗi Abiraham à seŋi wìs a ɓaghà rì ɗyɔ, di à ka kɛrɛn ɓi.

GÀLAT 1:3

Bɛ̀ll à Seŋi wìs ɓɛɛ̀ Kan Yeesus Kiris ɓɛɛ fa mìni geesɛ̀n rì fyòoog.

GÀLAT 3:29

Nni mìni ɓɛ ɓì rì ɓum ɓɛ Kiris, yiina min lɛ, ɓì rì boo ì mum yì Abiraham, ìnɛ ì rì rì gàɓ ɓi ɓyom ɓi Bɛ̀ll à kàkà.

GÀLAT 5:16

Càrɛɛnà lɛ Nghay à Bɛ̀ll yɛɛ kɛɛ̀kɛ̀ɛ̀sì ɓyɛɓ ɓin, fɔɔnnɛ ɓyàa kì ti ɓi ɓiɓan ɓi mɛ̀mùù mɛɛ̀ syògi ɓum lɛ ɓɛɛ ki.

GÀLAT 5:25

Yɛ̀ɛ ki ri lɛ Nghay à Bɛ̀ll yɛɛ̀ fafa ɓisi cɛɓ, tì ghɛ̀ɛ̀sɛɛ min ki kɛ̀ɛ̀ghii yɛ̀ɛ Nghay a rèresi ɓisì.

EFÈZYƐŊ 6:23

Ɓɔɔsoŋ̀, Bɛ̀ll à Seŋi wìs, ɓɛɛ̀ Kan Yeesus Kiris ɓɛɛ fa ɓɛ̀geni ɓis ɓɛ̀cèm fyòoog, rì ǹkɔ̀nɛ̀n, bas ɗì rìgherɛ̀n.

FÌLÌPYƐŊ 3:16

Wɔ̀lɛ ɓì nɗɛli wu tì ti wu miì, tì ghɛ̀ɛ̀sɛɛ lɛ tì kɛ̀nkɛ̀n lɔŋ asu ǹɗaŋ.

FÌLÌPYƐŊ 3:3

Lɛ ɓìsi yɛɛ ri ɓumɓɛ ɓɛ mɛ kɛ̀rɛn syeesyee à kɛ̀rɛ̀n lɛ ɓìsi yɛɛ̀ ɓɔɔɓɔgsì Bɛ̀ll rì Ǹghay à Bɛ̀ll, tì saàsànɛ̀n ɓi Yeesus Kiris ɓi ɗùm, tyɛ̀ ki ki foŋ ntyweeyi wis ɓi kìɓan ki mɛmùù.

FÌLÌPYƐŊ 4:7

Fɔɔnnɛ fyòoog à Bɛ̀ll ànɛ ɓum ɓɛ yin ɗi ìtèɗ wulɛ ɓɛ wog, à ɓiì ɓèŋi mɛrem min rì mɛ̀yitì min ɓi Yeesus Kiris ɓi ɗùm.

1 PYƐƐRI 1:3

Rìkem ɗyɛɛ ɓa rì Bɛ̀ll à Seŋi Kan wìs Yeesus Kiris; ɓi coo kipuɓì ǹɗem kii, à faghà ɓìsi cɛɓ ki nyɔn yɛ̀ɛ à ghèmzìghày Yeesus Kiris a ɓìloŋ; fɔlɔɔ a fa ɓìsi dyàɓɛn inɛ ì rì cem rì ǹtyweeyi,

ZYUUDƐ 1:2

Rìcenɛ̀n, rì fyòoog, rì ǹkɔ̀nɛ̀n ɓyɛɛ nɔ a lɔ̀ŋkin yɛ̀ɛ bwey.