GÀLAT 6:12 - Bafia Nouveau Testament

¹² Ɓum ɓɛ̀cèm ɓɛ ɓɛɛ̀ kaakaa lɛ ɓum ɓɛɛ sɛsɛg ɓɔ ɓi ɓìɓan ɓi mɛmùù ɓɛɛ̀ kàŋkaŋ mini lɛ ɓi kɛrɛn; ɓɛɛ̀ ki kìki fɔlɔɔ ri azi lɛ kɛ̀ ɓɛɛ̀ tulɛn ri ǹ-yeesɛ̀n ɓisuu Kɔrɔs à Kiris.

GÀLAT 6:12 ပူးပေါင်းရင်းမြစ်များ

MATYOO 23:27

Nyìighnyìg rì mìni ɓɛ̀rèsàg-ɓìdɔ̀gsɛna rì Ɓɛ̀fàrìzyɛŋ ɓɛ ɓì rì lɛ, fyɛɛ̀fyɛɛ̀ ɓi ŋwɔm, ìghèy ɓi ɗùm! Lɛ ɓì rì yɛ̀ɛ zɔ̀ŋ yi yi ri yì puɓsiyɛn, yi rɔɔtàg ɓi dan, kɔm̀ lɛ, yì ri yi ronɛn ɓi ɗùm lɛ, rì ɓìwoɓ ɓi ɓilòŋ, rì tìfin mɛ̀kuu mɛ̀kuu.

MATYOO 23:28

Fɔlɔɔ nnɛ mìnii ri girig ɓɛ̀syeesyee ɓɛ ɓum ɓi rìseèsèèrɛ̀n kìɓan kifog wɔɔ ɓi ɗùm, ɓì rì ɓɛ̀ ronɛn lɛ, rì mɛ̀ghèy rì kìtɛ̀ŋtɛ̀ŋ.

MATYOO 23:5

Ɓìɓan ɓìcèm ɓi ɓɛɛ̀ kìkì ɓi ri lɔŋ lɛ ɓum ɓɛɛ ghɛn bɔ; ɓɛ ti ɓɛ sinàg ɓɛ̀kànɗa ɓɛ pògpòg ɓi mɛ̀to rì ɓi ɓyàg, ɓɛ ki ràɓsag mɛkeɓ maa mɛ ɓìlàà.

MATYOO 5:10

Mààgh rì ɓɛ̀roɓɛ ɓɛɛ̀ tuutulɛ̀n rì mɛ̀tɔɓ ɓisuu saaɗ, à rìren ɗi ɓiɓan, ɓisuulɛ kìlɔ̀ŋ ki aɗyoo ki ri ɓìsu wàà.

MATYOO 6:16

Cààmɛ̀n ki ɓì rì ɓi kìcèlì ki ɓiɗilàg kɛ̀ ɓi ɓa yɛ̀ɛ ɓi wowog bim, yɛ̀ɛ ɓum ɓɛ fyɛɛ̀fyɛɛ̀ ɓi ŋwɔm ìghèy ɓi ɗùm, ɓɛɛ ti ɓɛ kagàg mɛ̀su lɛ ɓum ɓɛɛ yi lɛ, ɓɛ ri ɓi kìcèlì ki ɓiɗilàg. Ǹkalii mìni ɓi saaɗ lɛ, ɓɛ ti rì mɛ̀lèɓ maa.

MATYOO 6:2

Cààmɛ̀n ki u fafa ŋwaà nyìighnyìg com, kɔ̀ɔ ɓog ǹkeŋ lɛ ɓum ɓɛɛ ghɛǹ wɔ̀, fɛlɛ yɛ̀ɛ ɓum ɓɛ fyɛɛ̀fyɛɛ̀ ɓi ŋwɔm, ìghèy ɓi ɗùm ɓɛ ti ɓɛ kilàg, ɓi naa yi bɔ̀ŋzɛ̀n, rì ɓi ɓìɓàà lɛ ɓɛɛ sɛsɛg ɓɔ. Ǹkalii mìni ɓi saaɗ lɛ, mɛ̀lèɓ maa mɛɛ ri lɔ̀ɔ̀.

MATYOO 6:5

Cààmɛ̀n ki ɓi kìki bɔ̀ŋzɛ̀n, kɛ̀ ɓi ki yɛ̀ɛ ɓum ɓɛ fyɛɛ̀fyɛɛ̀ ɓi ŋwɔm ìghèy ɓi ɗùm ɓɛ ɓɛ ti ɓɛ keesàg rìɓɔŋzàg ɗi Bɛ̀ll mɛ̀rɛy, ɓi naa yi bɔ̀ŋzɛ̀n, rì ɓi bèn yi ɓiɓàà lɛ ɓum ɓɛɛ seèsee ɓɔ. Ǹkalii mìni ɓi saaɗ lɛ; ɓɛ ti rì mɛ̀lèɓ maa yɛɛ lɔ̀ɔ̀.

LUKAS 16:15

Fɔɔnnɛ Yeesus à kpaaghà ɓɔ lɛ: Ɓì rì ɓumɓɛ ɓɛɛ kaakaa lɛ ɓum ɓɛdɛŋ ɓɛɛ ghɛǹ mìni lɛ ɓì rì ɓɛ̀saaɗ ɓɛ ɓum, wɔ̀lɛ Bɛ̀ll à yii mɛ̀rem min. Fɔɔnnɛ com kìcèm ki ki ri gìn i com ɓi nyìinyìm à ɓum, ki ri com ki Bɛ̀ll à ɓèèzɛɛ lɛɛ̀gwey.

LUKAS 20:47

Ɓɛ ti ɓɛ pumzàg naa yi mɛkpɔɓ mɛ ɓɛ̀yiɓ, di ɓɛɛ̀ kìki ɓyoo bɔ̀ŋzɛ̀n lɛ, ɓum ɓɛɛ ghɛǹ lɛ ɓɛ ri ɓìsyeesyee ɓi ɓum; ɓɛ ɓiì terì rìkuu ɗi pɔnɔsì ɗi ɗi teèsɛɛ lɛɛ̀gwey.

ZYAŊ 7:18

Ŋwaànɛ a kpaakpaa ɓiɓan ɓii ɓi nyimiɗ yɛɛ̀ kaakaa rikem ɗii, wɔ̀lɛ roànɛ a kaakaa rikem ɗi roànɛ à romgày nyi, nnyɛɛ̀ kpaakpaa saaɗ, kɛ̀ɛ ki ɓa ri kìɓan kidɛŋ ki ki ri kìtɛ̀ŋtɛ̀ŋ.

MƐ̀KÌKÌÌ MƐ ƁƐKƐ̀NÌ-FÌTOM 15:1

Ɓum ɓɛdɛŋ ɓɛ Pɛsɛ̀ngày a Zyude ɓɛ yu a Aŋtyos, ɓɛ tumɛ̀n rìrèrèsì ɗi ɓɛgherɛ̀n di ɓɛɛ̀ kpaakpaa lɛ: Ì ɓì kɛ̀rɛɛ ɓi, yɛ̀ɛ ɓìdɔ̀gsɛna ɓi Moyis ɓyɛɛ̀ kpaakpàà, ɓì yin lɛ ɓì ghɛn cɛɓ.

MƐ̀KÌKÌÌ MƐ ƁƐKƐ̀NÌ-FÌTOM 15:5

Ajɛ̀m ìnɛn nnɛ ɓum ɓɛdɛŋ ɓɛ ɓi ǹɗaŋ wu Ɓɛ̀fàrìzyɛŋ ɓɛ ɓɛ ɓaghà ɓɛ̀kìristɛ̀n, ɓɛ pɛsɛ̀ngà aɗyoo, ɓɛ kpaa lɛ: Ɓumɓɛ ɓɛ yin Ɓɛ̀yudɛ̀n ɓɛ ghɛɛ̀sɛɛ kì kɛ̀raagh, ɓɛ kì kàŋ ɓɔ lɛ ɓɛɛ ɓeŋ ɓìdɔ̀gsɛna ɓi Moyis.

2 KƆ̀RƐ̀ŊTYƐŊ 10:12

Ɓìsii ghɛɛsii ɓi lɛ ti teɗ ǹɗɛli, nsoò lɛ ti feèghrɛn ɓìsiìɓɔmiɗ ri ɓum ɓɛdɛŋ, ɓɛ ɓɛ ti ɓɛ sɛɛghràg ɓɔmiɗ. Wɔ̀lɛ ɓɛ ri ɓìyèg yɛ̀ɛ ɓɛ ti ɓɛ feèghràg ɓi vèg ìnɛ ɓɔmiɗ ɓɔ yɛɛ rɛsii, ɓɛ ki teɗ ɓɔmiɗ ɓi sìg à vèg ìnɛ ɓum ɓɛ ghɛɛ̀sɛɛ kìfèèghrɛɛ ri yɔ̀.

2 KƆ̀RƐ̀ŊTYƐŊ 11:13

Ɓumɓɛ̀n ɓɛ ri ɓumɓɛ ɓɛɛ̀ pwààpwaa lɛ ɓɛ ri ɓɛ̀kɛ̀nì-fìtom ɓɛ Yeesus ɓɔ ɓɛ̀kìì-ɓìsay ɓɛ ɓɛɛ̀ yèeghyegsì ɓum, ɓɛ reèghrèŋɗɛ̀n lɛ ɓɛ̀kɛ̀nì-fìtom ɓɛ Kiris.

GÀLAT 2:14

Nni yɛ̀ɛ ǹghɛngà lɛ ɓɛ yin ɓiì kɛ̀ɛ̀kɛɛ yɛ̀ɛ ki ghɛɛ̀sɛɛ ɓi saaɗ ànɛ à rì ɓi Syeesyee à Ɓɔlɛ, nni ǹkpaaghà rì Pyɛɛri ɓi mis mɛ ɓum ɓɛ̀cèm lɛ: I wàànɛ ù rì muu Ɓɛ̀yudɛ̀n u ghɛghɛɓ yɛ̀ɛ ɓumɓɛ ɓɛ yin Ɓɛ̀yudɛ̀n, kɔ̀ɔ ghɛɓ cɛɓ ki Ɓɛ̀yudɛ̀n, lannɛ u kɔ̀nkɔn lɛ u kaŋ ɓumɓɛ ɓɛ yin Ɓɛ̀yudɛ̀n lɛ ɓɛɛ ghɛɓ yɛ̀ɛ Ɓɛ̀yudɛ̀n?

GÀLAT 2:3

Wɔ̀lɛ Tit ànɛ tì ɓaghà rì nyi, ànɛ à ki rì muu Gìrɛg à ɓaghà ɓi ǹtiniyɛn lɛ a kɛrɛ̀n.

GÀLAT 5:11

Ɓɔɔsoŋ̀, ɓi ɓɛg ànɛ a lɔ̀ŋkɛm̀, i kaa rì lɛ ǹkaka ǹɗèrèsì ɓum lɛ ɓɛ ghɛɛ̀sɛɛ kì kɛ̀rɛɛ, di ɓi cɛ nnɛ ɓɛ ri lɛ ɓɛ kɛnkɛ̀n asu ɓɛ tɔtɔ̀ɓ mɛ̀? I kaa rì fɔlɔɔ, di rìwu ɗi Kiris à wughà ɓi kɔrɔs ɗi yin lɛ ɗi kɛɓtì tì mum fìɓàg.

GÀLAT 6:13

Lɛ ɓɔmiɗ ɓɛ ɓɛ ri ɓɛ̀n ɓɛ̀kɛ̀rɛn, ɓɛ ti ɓɛ̀ kɛɛ̀ ɓèŋ ɓidɔ̀gsɛna, wɔ̀lɛ ɓɛ ti ɓɛ kɔngì lɛ ɓi kɛrɛn lɛ di ɓɔɔ keŋkem ɓi gòò yìn.

FÌLÌPYƐŊ 1:15

Ki ri lɔŋ saaɗ lɛ ɓɛ̀ro ɓɛdɛŋ ɓɛɛ̀ làalam̀ɓɛ̀n Kiris rì ǹɗem wu yàaka ki ɓa yɛ̀ɛ ɓɛ ri ɓi ǹlog rì mɛ̀, wɔ̀lɛ ɓɛ̀ro ɓɛmbog ɓɛ làalamɓɛ̀n nyi rì ǹɗem wu sɛɛghi sɛɛghi.

FÌLÌPYƐŊ 2:4

Mum ǹcèm ànɛ ɓi mìni kɛ̀ɛ yiti lɔŋ lɛ kìrɔɔ kii ki nyimiɗ, à ghɛ̀ɛ̀sɛɛ girig kì yitii kirɔɔ ki ɓɛro ɓɛm̀bog.

FÌLÌPYƐŊ 3:18

Maà kakàlì mìni lɛ kìgwey ki ɓum ki ri wɔɔ ki ɓìsyɔ̀ɔ̀ ɓyaa ɓyɛɛ̀ rèrèsi lɛ ɓɛri ɓumɓɛ ɓɛ ɓeèzɛɛ kɔrɔs à Kiris, m̀ɓììtii mìni kìkalii ɓiɓan ɓiǹ ɓigomìnɛ rì mìsì ɓi mɛ̀tam.

KÒLÒSYƐŊ 2:23

Ki ri saaɗ lɛ ɓìcèlì ɓiǹ, ɓi rìseèsèèrɛ̀n ɗi ɓi mis, ɓi ri lɛ ɓɛ sɛg lɛ, ɗì rìɓɔgsàg ɗi Bɛ̀ll ɗi miì ɗi ɗi ri kìɓan ki ɓum ɓɛɛ ɓekii, ɗì rìsɛɛ̀dɛ̀n ɗi ɓi zi, rì kìɓan ki lɛ, mum a ki nyoo yìì rìgɛn; kìɓan kifog gɛ ɓìɓan anɛ̀n à ghɛɓsii ɓi bimiɗ à com, à rì lɔŋ ɓisuu kinyàà ki mɛmùù.