GÀLAT 6:10 - Bafia Nouveau Testament

¹⁰ Fɔlɔɔ nnɛ ki ghɛɛ̀sɛɛ min lɛ cààmɛ̀n kìcèm ki ti ghɛɛ kìrɔŋiɗ, ti ki ɓum ɓɛ̀cèm kìrɔɔ, à ɓiìɓììsɛ̀n ɓɛ̀geni ɓis ɓɛ ɓi rìgherɛ̀n.

GÀLAT 6:10 ပူးပေါင်းရင်းမြစ်များ

MATYOO 10:25

Kɛɛ tɔtɔg lɔŋ lɛ, n-yilàg a kpaŋ̀ ɓi ǹɗɛli wu ǹɗèsàg wìì, ǹkìì-kìsay girig, à kpaŋ ɓi nɗɛli wu masà wìì; i ɓɛ mɛ ròò ŋwaàmɛɛ ɗii lɛ: Bɛlzeɓul, ɓɛ ɓiì ròo ɓum ɓii mii mɛ mɛ ɓeɓtaagh mɛ cee fɔlɔɔ.

MATYOO 12:50

Ɓisuulɛ ŋwaànɛ à kìi rìkɔ̀n ɗi Seŋi wɛ̀m ànɛ a rì aɗyoo, nnyɛɛ ri geni wɛ̀m à baŋì, nyi geni wɛ̀m à giɓ, nyi jɛɛ wɛ̀m.

MATYOO 25:40

Nni rìfòm ɗi pɛɛ̀zii gɛ ɓɔ lɛ: Ǹkalii mìni ɓi saaɗ lɛ, cààmɛ̀n kìcèm ki ɓì kìghà kìbog ki ɓi ɓɔɔ ɓɔɓti ɓɛ ɓɛ rì ɓɛ̀geni ɓɛ̀m fɔlɔɔ, mɛ̀ innɛ ɓi kìghà lɔɔ.

MATYOO 5:43

Ɓi wokà lɛ ɓɛ kpaaghà lɛ: Keesi ŋwaànɛ à wubsɛɛ wɔ̀, ù ɓèèzɛ̀n bènàbena wɔɔ̀.

MARIKUS 3:4

Fɔɔnnɛ à tɔkà ɓɔ lɛ: Ɓìdɔ̀gsɛna ɓis ɓi gherɛɛ nya lɛ mum a ki kìrɔɔ gìn kìɓe ŋwosi Saɓàt? Lɛ mum a ghɛɓsi romum gìn, a wey nyi ŋwosi Saɓàt? Ɓumɓɛ̀n ɓɛ minɛ̀n ɓɛ̀ kɛɛ̀ ɓàg ntɔɔ̀tɔɔgh wii.

LUKAS 6:35

Kìɓan kifog, keesiina ɓɛ̀bènàbena ɓin, ɓì kìkì ɓɔ kìrɔɔ, ɓì ki ɓɔ̀rag ɓum ɓyom, kɛ̀ ɓi mìngi tityɛɛ lɛ, ɓɛ ri mìni ɓiì pɛ̀ɛ̀zii ɓyɔ. I ɓì kìi fɔlɔɔ, mɛ̀lèɓ min mɛ ri ɓiì tèghɛɛ, ɓì ki ɓa ɓɔn ɓɛ Bɛ̀ll ànɛ à teŋmɛɛ kɛ̀ɛ̀ vèg ɓisuulɛ, nyii rilàg rì geesɛ̀n ɓi ɓɛg ànɛ a ɓɛ̀tènteǹ rì ɓɛ̀kìì-rìgɛn.

ZYAŊ 12:35

Yeesus à kpaa ɓɔ lɛ: Kìtɛɛtɛn ki kaka a lɔ̀ŋkin ɓi maa cààmɛ̀n, fɔɔnnɛ kɛ̀ɛ̀ghiina, cààmɛ̀n ki ɓì kaka rì kìtɛɛtɛ̀n; lɛ, birìm yɛ̀ kɛɛ̀ ràɗ mini. Ŋwaànɛ a kɛ̀ɛ̀kɛɛ ɓi birìm à yii ɓi fe nnɛ a kɛ̀nkɛ̀n.

ZYAŊ 9:4

Ki ghɛɛ̀sɛɛ lɛ ti ki ɓìsay ɓi roànɛ à romgày mɛ̀, di ŋwos a kaka, lɛ ìru wɛɛ̀ yùyuiy, wɛɛ̀wu mum àa ɓa ti ɓi ri bee inɛ à kì kìsay miì.

MƐ̀KÌKÌÌ MƐ ƁƐKƐ̀NÌ-FÌTOM 6:7

Fɔɔnnɛ jɛ̀ɛ̀ ì Bɛ̀ll ì kɛ̀ngà asu di yɛ̀ɛ sààsàà, ɓàlì ì ɓɛ̀gherɛ̀n ì ki ɓɔg lɛɛ̀gwey a Yorisalɛm, kìgwey ki ɓɛpìrɛɛtìrɛ̀ ki ki foŋ ǹtyweeyi ɓi Yeesus.

2 KƆ̀RƐ̀ŊTYƐŊ 2:8

Fɔɔnnɛ ǹtɔɔgh mìni lɛ, ɓi resi nɗem wu nkɔ̀nɛ̀n lɛɛ̀gwey ɓi ɓɛg wìì.

GÀLAT 1:23

Wɔ̀lɛ ɓi ɓaghà di ɓyaa wog yɛ̀ɛ ɓum ɓɛ kpaakpààghà lɛ: Ŋwaànɛ àa nɗùùzii-ɗùùzì ɓìsi wɛ̀y fɛ ɓi bèg yi yi nghaghii, nnyɛɛ ti ɓum ɓiì kakalii Ɓɔlɛ gɛɛ̀nɛ lɛ ɓɛɛ tyweeyi Kiris, kɔlɛ ǹtyweeyi wiǹ wɛɛ̀wu à ɗùùɗùùghà lɛ a pisi ɓum wɔ ɓi mɛ̀rem.

EFÈZYƐŊ 2:19

Fɔlɔɔ nnɛ ɓì yiìdi ɓɛ̀kèn nsoò lɛ ɓumɓɛ ɓɛ ri ɓi rìghaàgh, wɔ̀lɛ ɓigomìnɛ ɓì ti ɓumɓɛ ɓɛ ri kìlɔ̀ŋ kìfog rì ɓumɓɛ ɓi kìlɔ̀ŋ ki Bɛ̀ll, ɓì ki ɓa ɓumɓɛ ɓi naa ì ɓum ì Bɛ̀ll.

EFÈZYƐŊ 3:15

ànɛ naa yi ɓum yìcèm lɛ rì yi aɗyoo rì yi ɓi ziinɛ, yɛɛ̀ fuughag yi a lɔ̀ŋkii.

EFÈZYƐŊ 4:28

Ŋwaànɛ àa nti à fyaasàg ɓyom, à lèg ɓi wii, kìɓan kifog, a teki ntɔɓ lɛ a say rì ɓyàg ɓii yɛ̀ɛ ki ghɛɛ̀sɛɛ, fɔɔnnɛ a ɓa rì com ki à rì lɛ à ghɛɓsì soghàsogha ri kɔ̀.

EFÈZYƐŊ 5:16

Kɛ̀ ɓi yogsi cààmɛ̀n ki ɓì rì rì kɔ zɛy rì zɛy, lɛ mɛ̀ru mɛ tì rì mɛ miì mɛ rɔɔtɛɛ ɓì.

FÌLÌPYƐŊ 4:10

Mɛ̀ɛ nwoogh kìrɔɔ lɛɛ̀gwey ɓi Kan ɓiɗùm yɛ̀ɛ mɛ̀ɛ nghɛɛdii rìrèsì ɗi ɓìi ǹɗèsii lɛ ǹɗì mìni ɓi nɗem; ɓìi nɗì lɔŋ ri ǹɗem wu fɔlɔɔ ɓi ɓɛg wɛ̀m abɛ̀y nni cààmɛ̀n ki lɛ ɓi resi kìɓan kiǹ kɛɛ nkaàkààrɛ̀n.

KÒLÒSYƐŊ 4:5

Ɓaanà rì ɗyomzɛ̀n ɓi rìghɛghɛ̀ɓ ɗin ɗi rì ɓumɓɛ ɓɛ yin ɓɛ̀kìristɛ̀n, kɛ̀ ɓi yogsi cààmɛ̀n ki ɓì rì rì kɔ.

TÈSÀLÒNÌSYƐŊ 5:15

Ɓì konàg lɛ ŋwaàdɛŋ kɛ̀ɛ ɓa lɛ à rɔ̀ŋ kiɓe ri kìɓe; wɔ̀lɛ kaana lɔŋ lɛ ɓi kiki kìrɔɔ cààmɛ̀n kìcèm, lɛ rì ɓi nyìinyìm wìn, rì ɓi ɓɛg ànɛ a ɓum ɓɛm̀bog ɓɛ̀cèm.

TÈSÀLÒNÌSYƐŊ 5:21

Kìɓan kifog, fiɓɓaaghna ɓìɓan ɓìcèm lɛ syeesyee, ɓi ɓi rɔɔtɛɛ ɓyɛɛ̀ɓi ɓì ɓèŋ.

Kaàtà ànɛ Pol à kàngà TIT 2:14

ànɛ à falɛ̀ngà nyimiɗ ɓisu wis lɛ a pwaŋ̀ yì ɓìsi ɓi kìɓe mɛkuu mɛ̀cèm, à kì lɛ ti ɓa kìlɔ̀ŋ kitɛnɛn ki kɛɛ woòghrɛn ɗì nyi; ki falɛ̀n ɓi rìkìkì ɗi ɓiɓan ɓi syeesyee.

Kaàtà ànɛ Pol à kàngà TIT 3:8

Jɛ̀ɛ̀ ìnɛ ì rì kɔɔ̀kɔɔ̀ à jɛ̀ɛ̀, fɔɔnnɛ nkɔ̀ngi lɛ u siìrɛn ɓi rìkpaakpàà ɗi yɔ̀ di fɔɔnnɛ ɓumɓɛ ɓɛ gherɛ̀ngà Bɛ̀ll ɓɛɛ teèsi nyoo lɛɛ̀gwey, ɗì rìkìkì ɗi ɓiɓan ɓi syeesyee kìɓan kiǹ kɛɛ rɔɔtɛɛ ki ki ɓa ri gɛɓsɛ̀n ɓisuu ɓum.

EBIREEGH 13:16

Kɛ̀ ɓi ɗimzɛn rikì ɗi kirɔɔ rì rìghɛɛ̀ghɛ̀ɓsɛ̀n ɗi ɓi nyìinyìm wìn, lɛ rìkì ɗiǹ ɗyɛɛ ti ɗi rɔɔghì Bɛ̀ll, ɗi ɓa ɓi bàlì ì ɓyom ɓi ɓì faa nyi.

EBIREEGH 3:6

Wɔ̀lɛ Kiris à rì rì mɛ̀wog fɛlɛ yɛ̀ɛ Man ànɛ àrì beèbɛ̀y ɓi naa yìì; naa ìnɛ̀n yɛ̀ɛ ri lɛ ɓìsi, i tì ɓèŋi à kpaŋ a rìsugtɛ̀n lɛ rì kɔɔ̀kɔɔ̀ à ǹtyweeyi rì dyàɓɛn inɛ ti saasanɛ̀n.

EBIREEGH 6:10

Lɛ Bɛ̀ll à rì Bɛ̀ll à saaɗ, fɔɔnnɛ à yin lɛ à ɗimzɛ̀n kìsay kin, nsoò ǹkɔ̀nɛ̀n ànɛ ɓì rèsìghà nyi ɓi ɓìɓan ɓi ɓì ghɛɓsìghà ɓɛ̀gherɛ̀n, rì ɓi ɓì kaka ɓì ghɛɛ̀ghɛ̀ɓsì ɓɔ.

1 PYƐƐRI 2:5

fɔɔnnɛ mìni girig, fɛlɛ yɛ̀ɛ gɔ̀g yi yi ri cencem, ɓì rì ɓɛ̀toŋɛn lɛ ɓi ɓa mɛɛ mɛ ɓi Nghay, ɓì ɓa ǹɗaŋ wu ɓɛpìrɛɛtìrɛ̀ ɓɛ ɓɛ ri ɓɛ̀tɛnɛn ɓɛ ɓɛɛ̀ fùufunɛ̀n Bɛ̀ll ɓyom ɓi ɓi Nghay ɓi ɓi ri rɔɔ nyi, lɛ Yeesus Kiris.

1 PYƐƐRI 4:17

Ɓisuulɛ cààmɛ̀n ki ɓɛyɔ̀m ki kpaŋi, nni ɓɛ̀yɔ̀m ɓɛǹ ɓɛ tumɛɛ ɓi naa ì ɓum ɓɛ Bɛ̀ll. I ɓi ɓìsi nnɛ ɓɛ̀yɔ̀m ɓɛ tumɛɛ, rìsyɔn ɗi ɓumɓɛ ɓɛ ti ɓɛ ɓengì kì gherɛɛ Syeesyee à Ɓɔlɛ ɗi ri ɓa là?

1 ZYAŊ 5:1

Mum bimiɗ ànɛ à gherɛɛ lɛ Yeesus à rì Kiris, à rì ŋwaànɛ à gherɛɛ Bɛ̀ll; nni ŋwaànɛ à keesii seŋi, à ti à keesàg girig ɓɔn ɓɛ seŋi ànɛ̀n à yali.

3 ZYAŊ 1:10

Kìɓan kiǹ kɛɛ̀ ri ɓiì kìi lɛ, i ǹ-yùu mìni kì ghɛɛ̀, ǹɗèsi mìni ɓìɓeɓtàg ɓi ɓiɓan ɓi a kìkì, à tòtòg ɓìsi kìɓe, kɛ̀ɛ ki rɔ̀ɓ lɛ rìkì ɗiǹ ɗyɔ rì ɗyɔ, à ti à ɓèngì kì ghàɓi ɓɛgeni ɓɛ ɓi rìgherɛ̀n ɓɛ ɓɛ yuù foo; nni i ɓum ɓɛɗɛŋ ɓɛ mɛɛ̀ kì lɛ ɓɛɛ ghaɓ ɓɔ, à règ lɛ ɓɛ̀ kɛɛ̀ ghàɓ ɓɔ, à ki nàɓ ɓɔ lɛ ɓɛɛ pɛsɛn ɓi kìseŋi ki ɓɛgherɛ̀n.

3 ZYAŊ 1:11

Mum wɛm̀ à ǹɗem, kɔ̀ɔ ɓa ri ǹfèfèègh ɓi ɓìɓan ɓi ɓeɓtɛn ù ɓalàg rì ǹfèfèègh ɓi kìrɔɔ, lɛ ŋwaànɛ a kìki kirɔɔ à rì mum à Bɛ̀ll; ŋwaànɛ a kìki kiɓe à ghɛngà ɓi Bɛ̀ll.

3 ZYAŊ 1:3

Mɛ̀ɛ ǹnyààrɛɛ lɛɛ̀gwey yɛ̀ɛ ɓɛ̀geni ɓis ɓɛdɛŋ ɓɛ ɓi rìgherɛ̀n ɓɛ nkpaŋi fɛ, ɓɛ resì mɛ̀ lèg ànɛ ù rì ǹfalɛn ɓi saaɗ, rì yɛ̀ɛ wɔ̀ɔ ki ghɛghɛɓ cɛɓ ki saaɗ.