GÀLAT 6:1 - Bafia Nouveau Testament

¹ Ɓɔɔsoŋ̀, i ɓì sììdii mum di à rì ɓi rìnàn ɗiɗɛŋ, mìniɓɛ ɓì rì rì Kìtɛntɛ̀ɛ̀n ki Nghay, pɛ̀ɛ̀ziina nyi kì rɛsii ɓi syeesyee à bee rì nɗem wu tɛ̀tɛ̀rɛ̀ɛ̀. Ù konàg rì wɛ̀ɛmiɗ lɛ kɔ̀ɔ kɛ̀ɓtɛn girig fìɓàg.

GÀLAT 6:1 ပူးပေါင်းရင်းမြစ်များ

MATYOO 11:29

Foŋɗɛɛna ɓi kìɓèg kɛm̀, ɓì nɔ̀ɔ̀tì ɓìɓan ɓi nɗèrèsì, ɓisuulɛ, nɗem wɛ̀m wuri lɛ fyòoog, wu ki ɓa ti wu sɛɛ̀dɛn ɓi zi, fɔɔnnɛ mɛ̀ghay min mɛ̀ ri ɓiì ghɛɛ̀ rìfɔɔsɛ̀n.

MATYOO 26:69

Wɔ̀lɛ Pyɛɛri à kɔ̀kɔ̀rìghà ɓi ǹlɛm̀ɓog fɔɔnnɛ giɓ adɛŋ ànɛ à ɓaghà ǹkìì-kìsay à yughày nyi à nyoo, a kpaa lɛ: Wɔ̀ɔ ǹɗì gìrìg ɓi ǹɗaŋ wu Yeesus ànɛ a Galile.

MATYOO 26:75

Nni Pyɛɛri à yìtìghà min yɛ̀ɛ Yeesus à kpaaghà nyi lɛ, ù rì mɛ̀ ɓiì roòzɛɛ gɛ̀n yiraa, di ǹlem à zag à ka rɔŋ ɓi; fɔɔnnɛ à kpagà gari à rèn à sìgtàg.

MATYOO 9:13

Kɛ̀ɛna kì yilaagh azi anɛ ɓi jɛ̀ɛ̀ ìnɛ: Ǹkeesii ǹɗem wu nyìighnyìg à cee ɓìfùna ɓi ɓìtuwe. Lɛ, ǹ-yùghà ɓi ki reŋii ɓumɓɛ ɓɛ ri lɛ saaɗ, ǹ-yùghà lɔŋ ki reŋii ɓɛ̀kìì-kìɓe.

RÒMƐŊ 14:1

Ghàɓkiina ŋwaànɛ à rì lɛ kpɔ̀gkpɔ̀g ɓi rìgherɛ̀n, kɛ̀ ɓi nyolɛn ri nyi ɓi mom̀zɛ̀n mɛ à rì rì mɔ ɓi kìɓan ki righerɛ̀n.

RÒMƐŊ 15:1

Ɓìsi ɓɛ tì rì rì ìtèɗ ɓi rìgherɛ̀n tì ghɛ̀ɛ̀sɛɛ kì ghɛɓsii ɓɛroɓɛ ɓɛ ri kɛ̀ɛ̀ ìtèɗ, lɛ ɓɛ̀ kɛɛ̀ càrɛn ɓi-ɓwɛɗ waa; tyɛ̀ ki kaa lɛ ti ki ɓìɓan ɓi ɓyɛɛ puɓsi ɓìsi nɗem.

RÒMƐŊ 8:6

Rìfa ɗi nɗem ɗi ɓi ɓìɓan ɓi ɓi mɛ̀mùù, ɗi ri rìwu, rìfa ɗi nɗem ɓi ɓìɓan ɓi Nghay, ɗi ri cɛɓ rì fyòoog.

1 KƆ̀RƐ̀ŊTYƐŊ 10:12

Fɔlɔɔ nnɛ ŋwaànɛ à yii lɛ à rì mɛ̀rɛy, à kɔ̀rì ɗyomzɛ̀n lɛ kɛ̀ɛ kpì.

1 KƆ̀RƐ̀ŊTYƐŊ 14:37

I mum a fèfeg lɛ à rì ǹkpaŋzì-ɓìɓan à ghɛ̀ɛ̀sɛɛ kì yiì lɛ kìɓan ki ǹkàni mìni ki, ki ri kìdɔ̀gsɛna ki Kan.

1 KƆ̀RƐ̀ŊTYƐŊ 2:15

Kìɓan kifog ŋwaànɛ àrì rì Nghay à Bɛ̀ll à ti à yɔ̀mgì ɓyom ɓìcèm; mum à ki yin lɛ à yɔ̀m nyi.

1 KƆ̀RƐ̀ŊTYƐŊ 3:1

Ɓɔɔsoŋ̀! Ɓi ɓɛg ànɛ a lɔ̀ŋkɛm̀, ǹtòòghrɛ̀ngà ɓi ri mìni yɛ̀ɛ rì ɓumɓɛ ɓɛ ti rì Ǹghay à Bɛ̀ll, wɔ̀lɛ ǹtòòghrɛ̀ngà lɔŋ ri mìni yɛ̀ɛ rì ɓumɓɛ ɓɛ ri ɓumɓɛ ɓi mɛ̀mùù, lɔŋ yɛ̀ɛ rì ɓumɓɛ ɓɛ kaka ɓɔn ɓɛsàg ɓi Kiris.

1 KƆ̀RƐ̀ŊTYƐŊ 4:21

Cɛ ɓi kɔ̀ŋkɔn kɔm̀ lɛ twiɗ? Ɓi kɔ̀ŋkɔn lɛ n-yu a lɔ̀ŋkin ri nkpas gìn n-yuiy lɛ rì ǹkɔ̀nɛ̀n rì nɗem wu tɛ̀tɛ̀rɛ̀ɛ̀?

1 KƆ̀RƐ̀ŊTYƐŊ 7:5

Ki ghɛɛ̀sɛɛ ɓi lɛ bog a celi roàmbog di ki yin lɛ ɓì ka wooghrɛɛ jɛ̀ɛ̀ lɛ ɓi celɛn ɓi maa cààmɛ̀n lɛ ɓi falɛn ɓi bɔ̀ŋzɛ̀n, ajɛ̀m ìnɛn, ɓì ghɛ̀ɛ̀sɛɛ kì sugtii ki ràrɛɛ, lɛ Satàn kɛ̀ɛ ɓa lɛ à ghɛn kìrɔŋiɗ ki lɛ a feèghrɛn mìni ɓisuulɛ mɛ̀rem min mɛ ɓanɛɛ ɓi.

2 KƆ̀RƐ̀ŊTYƐŊ 10:1

Mɛ̀ Pol! ǹtɔɔgh mìni, ɓi tɛ̀tɛ̀rɛ̀ɛ̀ rì syeesyee à ǹɗem à Kiris, mɛ̀ ànɛ ǹti ǹsɛɛ̀dàg mɛ̀ɛmiɗ ɓi zi ɓi mis min, kìɓan kifog, cààmɛ̀n ki ǹɗì mìni fìràɓ, m̀ɓa rì kìghɛɛsii ɓi san wìn lɛɛ̀gwey.

2 KƆ̀RƐ̀ŊTYƐŊ 2:7

Fɔlɔɔ nnɛ ɓì ghɛ̀ɛ̀sɛɛ gì nyi kì cenɛɛ, ɓì cààsì kɔm̀ gì nyi nyoo, lɛ kɛ̀ɛ ɓa lɛ à wog rìkuu ɗi bim ɗi ɗi cee.

2 KƆ̀RƐ̀ŊTYƐŊ 2:8

Fɔɔnnɛ ǹtɔɔgh mìni lɛ, ɓi resi nɗem wu nkɔ̀nɛ̀n lɛɛ̀gwey ɓi ɓɛg wìì.

GÀLAT 5:23

Ɓìdɔ̀gsɛna ɓi ɓeezɛɛ ɓi ɓiɓan ɓi fɔ̀lɔ̀ɔ̀.

GÀLAT 6:18

Ɓɔɔsoŋ̀, geesɛ̀n ì Kan wìs Yeesus Kiris yɛ̀ɛ ɓa rì ǹghay wìn. Ààmɛ̀n.

TÈSÀLÒNÌSYƐŊ 4:1

Ɓɔɔsoŋ̀, ti siìtɛn kìkpaà lɛ ɓì yilàkà rìkuu ɗi cɛɓ ɗi ɓì ghɛ̀ɛ̀sɛɛ kì ghɛɓì lɛ Bɛ̀ll a wog kìrɔɔ rì mìni, a lɔ̀ŋkis nni cɛɓ kìn kɛɛ̀ki ɓi ghɛghɛ̀ɓ; tì ɓɔ̀ŋzaagh mìni, tì ki yɛ̀gsi mini ɓyàg ɓi ɗii ɗi Kan Yeesus lɛ ɓi teèsi tì nyoo rì rìkuu ɗi cɛɓ ɗìn à cee fɔlɔɔ.

2 TÈSÀLÒNÌSYƐŊ 3:15

Kɛ̀ ɓi teɗ nyi yɛ̀ɛ bènàbena wiǹ, kìɓan kifog rɔ̀gsɛɛna nyi fɛlɛ yɛ̀ɛ geni wiǹ.

2 TIMOTE 2:25

À rèrèsì ɓɛ̀bènàbena ɓii zɛ̀ɗ yaa ri nɗem wu tɛ̀tɛ̀rɛ̀ɛ̀, rì ntyweeyi lɛ Bɛ̀ll à rì lɛ à fa ɓɔ mààgh ànɛ lɛ ɓɛɛ lɔɔ̀ghrɛn mɛ̀rem, ɓɛɛ kpaŋ̀ ɓi nɗɛli wu ɓɛɛ yi saaɗ,

EBIREEGH 12:13

Mɛ̀kòò min mɛɛ nɔɔ̀ti lɔŋ bee yi yi ri lɛ saaɗ di fɔɔnnɛ ìkòò wucèm wu wu ri rì kìlɛm wɛ̀ kɛɛ̀ nìmɓɛn, wɛɛ wɔǹ lɔŋ nwɔ̀nɛn.

EBIREEGH 13:3

Ɓì yitàg ɓìmbùŋ yɛ̀ɛ ɓɛɛ̀ kali lɛ ɓì rì ɓi naà-zày ǹɗaŋ ri ɓɔ; ɓì yitàg girig ɓɛ̀roɓɛ ɓum ɓɛɛ̀ tɔtɔ̀ɓ, ɓisuulɛ mìni girig ɓì rì rì nyoo.

ZYAG 3:13

Ghɛn anɛ ɓi mìni yɛɛ kii lɛ, à womzɛ̀n à ki ɓa ri fèg? A resi min ɗyomzɛ̀n ɗii ɓi syeesyee wìì a rìghɛghɛ̀ɓ, rì ɓi ɓìɓan ɓi a kìkì ɓi ɓa lɛ ɗì rìsɛɛ̀dɛ̀n ɗi ɓi zi, rì ɗyomzɛ̀n.

ZYAG 3:2

Ɓìsiìcèm tì ti tì sɛ̀ràg ɓìɓan bee lɛɛ̀gwey; i mum à ka nɛskà ɓi jɛ̀ɛ̀ di a tòtòg, di mum ànɛ̀n miì à rì lɛ sɛɛghisɛɛghi, à ki yi riɓan ɗi nɗem lɛ a lami nyoo yìì.

1 PYƐƐRI 3:15

wɔ̀lɛ kemziinà Kiris ɓi mɛ̀rem min fɛlɛ yɛ̀ɛ Kan wìn. Ɓaana cààmɛ̀n kìcèm ɓɛ̀pègsɛn lɛ ɓi ɓag mum bimiɗ ànɛ à tɔɔgh mìni azi anɛ ɓi dyàɓɛn inɛ ɓì rì rì yɔ̀.

1 ZYAŊ 5:16

Nni i ŋwaà ghɛɛ di geni a kìki kiɓe ki ki yin lɛ ki ki lɛ a ɗyaŋ̀, à ghɛ̀ɛ̀sɛɛ kì ɓɔ̀ŋzaagh fɔɔnnɛ Bɛ̀ll à rì ɓiì faà geni ànɛ̀n cɛɓ. Kìɓan ki ki seesee ɓɛ̀roɓɛ ɓìɓe ɓyaa ɓi yin lɛ ɓi ki lɛ ɓɛɛ ɗyaŋ̀; wɔ̀lɛ kìɓe kidɛŋ ki ri wɔɔ, ki ki ri lɛ ki ki lɛ mum a ɗyaŋ̀, nni àa kɛɛ̀ki nkpaghi mini lɛ ɓi ɓɔŋzi Bɛ̀ll miì.