GÀLAT 5:9 - Bafia Nouveau Testament

⁹ Com ki ɓɛ tɔɓi rì maa gàɓ à nwìɗ ki ti ki nuràg lɛɛ̀gwey.

GÀLAT 5:9 ပူးပေါင်းရင်းမြစ်များ

MATYOO 13:33

Yeesus à teɗtì tì ɓɔ dàɗkì ìdɛŋ lɛ: Kìlɔ̀ŋ ki aɗyoo ki rì fɛlɛ yɛ̀ɛ nwìɗ ànɛ giɓ a teri, à foŋ ɓi ɓɛ̀kilò ɓɛ̀ fàriǹ ɓɛraa lɛ di fàriǹ ànɛ̀n bimiɗ a nurɛ̀n.

MATYOO 23:33

Nyoo yi lɛ mìni, ɓìgòm ɓi lɛ mìni ɓì! lannɛ ɓì ɓiì kìi lɛ ɓi ghɛ̀ɓ rìkɛ̀n ɗi ɓi ɗuu ɗi fìɗyàɓ fikɔ̀ɔ̀?

MARIKUS 8:15

Nni Yeesus à siŋdɛ̀ngà ɓɔ, à kpaa lɛ: Konaaghna syeesyee à rìkonàg lɛ rì nwìɗ a Ɓɛ̀fàrìzyɛŋ rì à Eroodɛ.

LUKAS 12:1

Ɓi cààmɛ̀n kɔm̀ kiǹ, bàlì ì ɓɛ̀tɔɔsìm ɓɛ ɓum ì taŋzɛ̀ngà ɓi lèg ànɛ lɛ, ɓɛ̀ro ɓɛdɛŋ ɓɛ ɓɔɓɔ̀kà ɓɛ̀ro ɓɛm̀bog ɓi mɛ̀kòò. Nni Yeesus à lokà ki kpaa ɓɛ̀yilàg ɓii lɛ: Konaaghna rì nwìɗ à Ɓɛ̀fàrìzyɛŋ nnyɛ̀ɛ ri lɛ fyɛɛ̀-fyɛɛ̀ ɓi ŋwɔm, ìghèy ɓi ɗùm.

LUKAS 13:21

Ki ri fɛlɛ yɛ̀ɛ nwìɗ ànɛ giɓ a teri à foŋ ɓi vèg yi ǹkùŋ wu kipɛn yiraa, à kpaŋ yɛ̀ɛ nwìɗ a ɓiì kìi lɛ kìpɛn kìn kɛɛ nurɛǹ di ɓɛ mɛ fyèè.

1 KƆ̀RƐ̀ŊTYƐŊ 15:33

Kɛ̀ ɓi pwààrɛn, rìkɛ̀ɛ̀kɛ̀ɛ̀ ɗi rì ɓìɓeɓtàg ɓi ɓum ɗi ti ɗi yogsàg ɓìsyɔ̀ɔ̀ ɓì syeesyee ɓi mum à rì rì ɓyɔ.

2 TIMOTE 2:17

Jɛ̀ɛ̀ yàà i rì yɛ̀ɛ kìɓɛɛ ki ki ti ki cɛkì mum ìkòò, ki kpaŋ ɓi kìwoɓ. Imenee rì Filɛt ɓɛ ri ɓi bàlì ì ɓumɓɛ̀n;