GÀLAT 5:22 - Bafia Nouveau Testament

²² Wɔ̀lɛ ɓìɗùn ɓi Kìtɛntɛ̀ɛ̀n ki Nghay ki ti ki falàg ɓi ri lɛ: Ǹkɔ̀nɛ̀n, kìnyàà, fyòoog, rìnìɗ ɗi nɗem, rìɓòò, rì kìpuɓì nɗem, rìɓèŋ ɗi ntyweeyi, rìɓa ɗi tɛ̀tɛ̀rɛ̀ɛ̀, rìyi ɗi riɓan ɗi nɗem.

GÀLAT 5:22 ပူးပေါင်းရင်းမြစ်များ

MATYOO 12:33

I ɓì kpaa lɛ kìte ki rɔɔtɛɛ, di ɓìɗùn ɓi kite kiǹ ɓi rɔɔtɛɛ; ì ɓì kpaa lɛ, ki ɓeɓtɛɛ di kìte kiǹ ki ɓeɓtaagh ɓìɗùn, lɛ ɓɛɛ̀ yilag lɛ kìte ki rɔɔtɛɛ nsoò lɛ ki ɓeɓtɛɛ, ɓi ɓìɗùn ɓi ki wumi.

LUKAS 13:9

Ɓaà yi ɓi à rì lɛ à wum ɓìɗùn ɓi mɛ̀ru mɛ asu; i à wumi ɓi, fɔlɔɔ nnɛ ù kpɛ̀ɛ̀ min nyi.

ZYAŊ 15:16

Àa mìni yɛɛ ɓɔngà mɛ̀, lɔŋ mɛ̀ yɛɛ ɓɔngà mìni, ǹki rɛ̀si mini lɛ, ɓi kɛǹ, ɓi wum̀ ɓìɗùn, ɓìɗùn ɓin ɓi ki ɓa ɓiɗùn ɓi ɓyɛɛ finɛn, fɔɔnnɛ com kìcèm ki ɓì ɓiì tɔɔ̀gh Tààta rì ɗii ɗyɛ̀m, à rì mìni kɔ ɓiì kìi.

ZYAŊ 15:2

Ŋwaɓ wucèm wu wu ri wù ròŋɛn ɓi mɛ̀, wɛ̀ kɛɛ̀ wum ɓiɗùn, à ti à rengì wɔ. Ŋwaɓ wucèm wu wu wumi ɓìɗùn, à farì wɔ lɛ wɛɛ konag tì kì wumì.

ZYAŊ 15:5

Mɛ̀ ǹɗì ǹɗyèm, mìnii ri myaɓ. Nni ŋwaànɛ à rì ǹɗàrɛn ri mɛ̀ yɛ̀ɛ mɛ̀ ǹɗì ǹɗàrɛn ri nyi, à ɓiì wumì ɓìɗùn lɛɛ̀gwey; lɛ ɓì yin lɛ ɓì kì com kɛ̀ɛ̀ mɛ̀.

RÒMƐŊ 14:17

Ɓisuulɛ kìlɔ̀ŋ ki Bɛ̀ll ki yin kiɓan ki riɗi rì rìnɔ, ki ri lɛ rì saaɗ rì fyòoog, rì kìnyàà ɓi Kìtɛntɛ̀ɛ̀n ki Nghay ki ti ki falàg.

RÒMƐŊ 15:14

Ɓɔɔsoŋ̀, ɓi kìɓan ki ki seesee mìni, mɛ̀ɛmiɗ ǹ-yii kɔɔ̀kɔɔ̀ à rìyi lɛ, ɓì rì ɓɛ̀ronɛn ɗi kìrɔɔ-ǹɗem lɛ pisa, ɓi ki konag ki yiì ɓìɓan ɓi mum à ghɛ̀ɛ̀sɛɛ lɛ a yi; ɓì ki rì rì ìtèɗ wulɛ ɓì reèrèɓɓɛ̀n mìni rì mìni.

RÒMƐŊ 15:3

Ɓisuulɛ Kiris à kaaghà ɓi com ki lɛ kɛɛ puùpùɓsì nyi ǹɗem, wɔ̀lɛ lɔŋ yɛ̀ɛ ki ri kì kànɛn lɛ: Tìfena ti ɓumɓɛ ɓɛɛ̀ feefengì wɔ̀ ti syɔngà rì mɛ̀.

RÒMƐŊ 15:30

Ɓɔɔsoŋ̀, mɛ̀ ǹtɔɔgh mìni ɓisuu Kan wìs Yeesus Kiris, rì ɓisuu nkɔ̀nɛ̀n ànɛ Kìtɛntɛ̀ɛ̀n ki Nghay ki ti ki falàg lɛ, ɓi lem̀ mɛ̀ ɓyàg ɓi zàà ìnɛ ǹɗì miì, rì bɔ̀ŋzɛ̀n yi ɓì rì ɓiì ɓɔ̀ɔɓɔŋ̀zì Bɛ̀ll ɓisu wɛ̀m.

RÒMƐŊ 6:22

Nni ɓigomìnɛ ɓì ti ɓɛ̀ kòrɛn ɓi kìɓe, ɓì mɛ ki ghay ɓɛkpàn ɓɛ Bɛ̀ll, rìfɔ̀n ɗi ɓì rì rì ɗyɔ ɓi rìɓa ɗìn, ɗi ri cɛɓ ki ki ri kìtɛnɛn, rìsyɔn ɗi miì ɗi ɓa cɛɓ ki fiɗyàɓ fikɔ̀ɔ̀.

RÒMƐŊ 7:4

Ɓɛ̀geni ɓɛ̀m, ki ri girig fɔlɔɔ ɓisu win ɓi san ànɛ a ɓìdɔ̀gsɛna, ɓì rì ɓiloŋ lɛ nyoo ì Kiris, lɛ ɓi ɓa ɓumɓɛ ɓɛ wooghrɛɛ rì ŋwaàdɛŋ; ɓigomìnɛ, ɓì wooghrɛɛ rì roànɛ à ghèmɓɛ̀ngày a ɓìloŋ lɛ di ti ki ɓìɓan ɓi syeesyee ɓisuu Bɛ̀ll.

RÒMƐŊ 8:5

Lɛ ɓumɓɛ ɓɛɛ̀ ghɛghɛɓ ɓi rìkɔ̀n ɗi mɛmùù, ɓɛ ti ɓɛ falàg mɛ̀rem maa ɓi ɓìɓan ɓi mɛ̀mùù mɛɛ̀ kɔ̀nkɔ̀n, wɔ̀lɛ ɓɛ̀roɓɛ ɓɛɛ̀ ghɛghɛɓ yɛ̀ɛ Kìtɛntɛ̀ɛ̀n ki Nghay kɛɛ̀ kɔ̀nkɔ̀n, ɓɛ ti ɓɛ falàg mɛ̀rem maa ɓi ɓìɓan ɓi ɓyɛɛ̀ kɔ̀ngi Nghay.

1 KƆ̀RƐ̀ŊTYƐŊ 13:13

Ɓigomìnɛ, ɓìɓan ɓi ɓi kaka ɓi ri ɓiraa lɛ, rì rìgherɛ̀n, rì dyàɓɛn, rì ǹkɔ̀nɛ̀n, kìɓan kifog ɓi ɓìɓan ɓiǹ ɓìcèm, ǹkɔ̀nɛ̀n yɛɛ cee.

GÀLAT 5:13

Ɓɔɔsoŋ̀, Bɛ̀ll à reŋìghà mìni lɛ ɓi ɓa ɓɛ̀kan; nni kɛ̀ ɓi ghɛɓ zɔɔ rì rìɓa ɗiǹ lɛ ɓi nɔɔ̀ti rìyɛ̀y ɗi cɛɓ ki mɛmùù. Wɔ̀lɛ ghɛɛghɛ̀ɓsɛɛna mìni rì mìni ɓi nkɔ̀nɛ̀n;

EFÈZYƐŊ 4:23

Ɓì ghɛ̀ɛ̀sɛɛ kì ɓaà ɓɛ̀nyɔɔnyɔn ɓɛ ɓum lɛ kɔɔ̀kɔɔ̀ ɓi mɛ̀rem min, rì ɓi mɛ̀yitì min.

EFÈZYƐŊ 5:9

Kìtɛɛtɛn kìn kɛɛ ti ki falàg ɓum ìtèɗ wulɛ ɓɛɛ rɔɔtɛn nɗem ɓɛ ɓa ɓumɓɛ nkpaà, ɓɛ ki ɓa ɓumɓɛ ɓɛɛ̀ kpaakpaa saaɗ.

FÌLÌPYƐŊ 1:11

ɓì ki ɓa ɓɛronɛn rì mɛ̀kìkìì mɛ saaɗ mɛ mɛ ti mɛ ghɛnàg a lɔ̀ŋkis lɛ Yeesus Kiris ɓisuu rikem, ɗì rìɓɔgsì ɗi Bɛ̀ll.

KÒLÒSYƐŊ 1:10

Fɔɔnnɛ ghɛɓina cɛɓ ki kɛɛ̀ kɔ̀ngi Kan, ɓì kìkì ɓìɓan ɓi ɓi ri lɛ ɓi puɓsì nyi nɗem cààmɛ̀n kìcèm. Wumina ɓìɗùn ɓi ɓyɛɛ ghɛnɛn ɓi mɛ̀kìkìì mɛ syeesyee mɛ̀kuu mɛ̀kuu, ɓì ki tɔɔtɔɔ ɓi rìyi ɗi ɓì yii Bɛ̀ll.

2 TÈSÀLÒNÌSYƐŊ 3:2

Ɓì ɓɔ̀ŋzàg girig Bɛ̀ll lɛ a kweɗ ɓìsi ɓi ɓyàg ɓi ɓiɓeɓtàg ɓi ɓum ɓi ɓi ri rì rìgɛn, ɓisuulɛ àa ɓum ɓɛ̀cèm ɓɛɛ ri rì rìgherɛ̀n.

TIMOTE 3:11

Ɓɛ̀yiɓ girig ɓɛ ghɛɛ̀sɛɛ lɛ ɓɛ ɓa rì rìmum, ɓɛ̀ kɛɛ̀ ɓa ri mɛ̀wɔ̀wɔrì, ɓɛ kɛɛ̀ falɛn ɓi mɛ̀rɔ̀g, ɓɛ ɓa ɓumɓɛ ɓɛ tyweeyì ɓi ɓìɓan ɓìcèm.

TIMOTE 4:12

Mum kɛ̀ɛ sɛɛti riɓa ɗyɔɔ ɗi ùrì ŋwɔɓti, kìɓan kifog, ɓaya kìfèèghrɛnà ɓisuu ɓɛgherɛ̀n ɓi ɓìtòkì ɓyɔɔ, ɗì rìkɛ̀ɛ̀ ɗyɔɔ, rì ɓi nkɔ̀nɛ̀n, rì ɓi rìgherɛ̀n, rì ɓi rìtɛn.

1 PYƐƐRI 1:22

Yɛ̀ɛ ɓyàa lègsi kìpuɓsii mɛghay min ri mɛ̀wog mɛ ɓì rì rì mɔ ɓi ɓɛg ànɛ a saaɗ, lɛ ɓi ɓa rì nkɔ̀nɛ̀n à rìgeni ànɛ à rì lɛ sɛɛghisɛɛghi; kɔ̀nɛɛna rì ìtèɗ, rì nɗem win wucèm.

1 PYƐƐRI 1:8

Nyi ànɛ ɓì kesii nsoò yɛ̀ɛ ɓì ka ghɛngà ɓi nyi; ɓi ki gherɛɛ nyi kɔlɛ ɓì ghɛɛ ɓi nyi ɓigominɛ kìɓan kiǹ kɛɛ̀ki ɓi sànsam ri coo kinyàà ki keŋkemɛn ki mum à yin lɛ à yi rìkpaa,

1 PYƐƐRI 5:12

Ǹkàniì mìni ɓɔɔ jɛ̀ɛ̀ ɓɛ rì Silvɛŋ ànɛ à rì geni wìs a ǹtyweeyi lɛ nfa mìni deɓ, ǹki tɛɛ̀zi mini kì rèsii lɛ fɔlɔɔ nnɛ kɔɔ̀kɔɔ̀ à geesɛ̀n ì Bɛ̀ll, ànɛ ɓì rì miì ɓɛ̀sììrɛn lɛ tiŋtiŋ, à rì.