GÀLAT 5:19 - Bafia Nouveau Testament

¹⁹ Ɓìɓan ɓi ɓyɛɛ̀ kɔ̀ngi mɛmùù ɓi nanɛɛ ɓì; ɓyɛɛ ri lɛ: Kìfàrà, tisɔ̀mɔ̀g, cɛɓ ki sààsaa,

GÀLAT 5:19 ပူးပေါင်းရင်းမြစ်များ

ZYAŊ 3:6

Lɛ ŋwaànɛ à yalɛɛ rì mɛ̀mùù, à rì lɔŋ mum à mɛ̀mùù, roànɛ à yalɛɛ rì Ǹghay à rì ǹghay.

RÒMƐŊ 7:18

Ɓisuulɛ ǹ-yii lɛ ìtèɗ wu kìyɛn kiɓan ki syeesyee, wu kaarɛɛ mɛ̀, lɛ ǹɗì mum rì mɛ̀mùù, ǹɗi ɓeg lɛ nki kìrɔɔ, kìɓan kifog, kɛ̀ɛ mɓa ri ìtèɗ wulɛ ǹkì kɔ.

RÒMƐŊ 7:25

Ɓìtògsɛ̀n rì Bɛ̀ll, lɛ Yeesus Kiris à Kan wìs. Fɔɔnnɛ ɓi nɗem wɛ̀m, ǹɗì ǹkpàn a ɓìdɔ̀gsɛna ɓi Bɛ̀ll, wɔ̀lɛ ɓi rìɓa ɗyɛ̀m ɗi ɓi mɛ̀mùù, ǹɗì ǹkpàn a kìdɔ̀gsɛna à kìɓe.

RÒMƐŊ 7:5

Lɛ cààmɛ̀n ki tì nɔ̀ɔ̀nɔ̀ɔ̀tìghà cɛɓ ki mɛmùù, zày ìnɛ lɛ ti kiki ɓìɓe ì yeèyèèsìghà ɓìsi nyoo bimiɗ, di ɓìdɔ̀gsɛna ɓi mɛ ghèmzi yɔ̀, lèg ànɛ lɛ ɓìɓan ɓi tì kìkìghà ɓi ɓaghà ɓìɓan ɓi lɛ ti cuù.

RÒMƐŊ 8:13

Ɓisuulɛ, i ɓi ghɛghɛɓ cɛɓ ki mɛ̀mùù mɛɛ̀ kɔ̀nkɔ̀n, ɓì rì ɓiì cuù, wɔ̀lɛ, i ɓì woli mɛ̀kìkìì mɛ ɓeɓtɛn mɛ ɓi mɛ̀mùù rì ìtèɗ wu, Kitɛntɛ̀ɛ̀n ki Nghay, ɓì rì ɓiì ghɛɓì.

RÒMƐŊ 8:3

Bɛ̀ll à kìghà com ki ɓìdɔ̀gsɛna ɓi ɓaghà ɓi ri ìtèɗ wulɛ ɓi ki, ɓisuulɛ rìɓa ɗis ɗi ɓi mɛ̀mùù ɗi kighà lɛ ɓyɛ̀ kɛɛ̀ ɓa ri ìtèɗ, à rèsìghà lɛ kìɓe ki ɓeɓtɛɛ ɓi nyoo ì mɛ̀mùù, yɛ̀ɛ à romgày Man wiì à nyimiɗ, Man ànɛ̀n à teɗ nyoo ìnɛ ì rì com kìfog rì nyoo ì ɓɛ̀kìì-kìɓe, lɛ a yu kì pisii kiɓè.

RÒMƐŊ 8:5

Lɛ ɓumɓɛ ɓɛɛ̀ ghɛghɛɓ ɓi rìkɔ̀n ɗi mɛmùù, ɓɛ ti ɓɛ falàg mɛ̀rem maa ɓi ɓìɓan ɓi mɛ̀mùù mɛɛ̀ kɔ̀nkɔ̀n, wɔ̀lɛ ɓɛ̀roɓɛ ɓɛɛ̀ ghɛghɛɓ yɛ̀ɛ Kìtɛntɛ̀ɛ̀n ki Nghay kɛɛ̀ kɔ̀nkɔ̀n, ɓɛ ti ɓɛ falàg mɛ̀rem maa ɓi ɓìɓan ɓi ɓyɛɛ̀ kɔ̀ngi Nghay.

RÒMƐŊ 8:9

Ɓi san ànɛ a lɔ̀ŋkin, mɛ̀mùù mɛ lamii tì ɓi minì, lɔŋ Ǹghay à Bɛ̀ll yɛɛ lamii mìni, i ki ki rì lɛ, Nghay à Bɛ̀ll à rì ɓi mìni. Ŋwaànɛ à yin ɗi Nghay à Kiris, à yin mum wiì.

1 KƆ̀RƐ̀ŊTYƐŊ 3:3

Yɛ̀ɛ ɓì kaka lɛ rì yàaka, rì ɓɛ̀paàzì ɓi nyìinyìm wìn, fɔlɔɔ a yin nya ɓiì rèresii lɛ ɓì rì ɓumɓɛ ɓi mɛ̀mùù, rì tì lɛ, ɓi ghɛghɛɓ lɔŋ yɛ̀ɛ ɓum ɓɛ̀cèm?

1 KƆ̀RƐ̀ŊTYƐŊ 6:18

Lɛɛghna cɛɓ ki tisɔ̀mɔ̀g! Lɛ ɓìɓe ɓimbog ɓìcèm ɓi mum à rì lɛ à kì, ɓi ti ɓyɛ̀ kɛɛ̀ kòm nyoo yìì, wɔ̀lɛ i ŋwaà nɔ̀ɔ̀tii cɛɓ ki tisɔ̀mɔ̀g, di à kìi kìɓe ki kɛɛ yogsi nyoo yìì.

GÀLAT 5:13

Ɓɔɔsoŋ̀, Bɛ̀ll à reŋìghà mìni lɛ ɓi ɓa ɓɛ̀kan; nni kɛ̀ ɓi ghɛɓ zɔɔ rì rìɓa ɗiǹ lɛ ɓi nɔɔ̀ti rìyɛ̀y ɗi cɛɓ ki mɛmùù. Wɔ̀lɛ ghɛɛghɛ̀ɓsɛɛna mìni rì mìni ɓi nkɔ̀nɛ̀n;

GÀLAT 5:17

Ɓisuulɛ mɛ̀mùù mɛ ri rì ɓìɓan ɓi ɓyɛɛ̀ kɔ̀ngi mɔ, ɓìɓan ɓiǹ ɓi ɓa ɓì ghasɛn ri ɓi Nghay à Bɛ̀ll a kɔ̀nkɔ̀n. Nghay à Bɛ̀ll à rì rì ɓìɓan ɓi ɓyɛɛ̀ kɔ̀ngi nyi, ɓi ki ɓa ɓi ghasɛn ɗi ɓi mɛ̀mùù mɛɛ̀ kɔ̀nkɔ̀n; mɛ̀kuu mɛ ɓiɓan mɛǹ mɛ ri ɓi wɛ̀y, lèg ànɛ lɛ ɓi yin ɗi ìtèɗ wulɛ ɓi ki com ki ɓì kɔ̀ni.

GÀLAT 6:8

Ŋwaànɛ à ɓiì tìŋzii kisay kii ɓi ɓìɓan ɓi ɓyɛɛ kɔ̀ngi mɛmùù, ɓìɓan ɓiǹ ɓi ki lɛ a ɓumi rìwu; wɔ̀lɛ ŋwaànɛ à ɓiì tìŋzii kisay kii ɓi ɓìɓan ɓi ɓyɛɛ̀ kɔ̀ngi Nghay, Nghay à kì lɛ a ɓumi cɛɓ ki fiɗyàɓ fikɔ̀ɔ̀.

Kaàtà ànɛ Pol à kàngà TIT 3:3

Ɓisuulɛ ɓìsi girig tì ɓaghà abɛ̀y kɛ̀ɛ̀ ɗyomzɛ̀n, ɓìsi rì ntoòtèɗ, ɓìsi ɓi rìɗim; tì ɓaghà ɓɛ̀kpàn ɓɛ ɓiɓan mɛkuu mɛ̀kuu, ɓi mɛ̀rem mɛɛ̀ kɔ̀ngì rì ɓi ɓyɛɛ̀ yɛ̀ɛ̀yi mɛmùù, tì ghɛghɛ̀ɓ ɓi rìgɛn rì ɓi m̀mììghrɛ̀n, tì ɓeɓèɓ ɓum, tì ki ɓèeɓeèzɛ̀n ɓìsi rì ɓìsi.

EBIREEGH 13:4

Ɓum ɓɛ̀cèm ɓɛ ghɛɛ̀sɛɛ kì kuughraagh riwɛy; naa ì rìwɛy ì ɓa kɛ̀ɛ̀ ɓìɓan ɓi tifin ɓisuulɛ Bɛ̀ll à rì ɓìi yɔ̀mi ɓum ɓɛ kitɔɓi rì ɓɛ̀kìì-tìsɔ̀mɔ̀g.

ÀPÒKÀLIƁSƐ̀ 21:8

Wɔ̀lɛ ɓi ɓɛg ànɛ a ɓɛ̀riris, rì ɓumɓɛ ɓɛ gherɛɛ ɓi, rì ɓɛ̀kìì-ɓìɓan ɓi ɓeɓtɛn, rì ɓɛ̀wolì ɓum, rì ɓɛ̀kìì-tìsɔ̀mɔ̀g, rì ɓɛ̀kìì-majìg, rì ɓɛ̀kìì-ɓìnùn, rì ɓɛ̀pwààpwaà ɓɛ̀cèm, gàɓ yàà i ɓaa gɛ ɓi kìràà ki ɗuu ɗi ghɛ̀g-ghɛ̀g rì ǹdùsi, kɛɛ ri rìwu ɗi kiɓɛ̀ɛ̀.

ÀPÒKÀLIƁSƐ̀ 22:15

Ɓɛ̀kìì-ɓìɓan ɓi ɓeɓtɛn rì ɓɛ̀kìì-majìg, rì ɓɛ̀kìì-tìsɔ̀mɔ̀g, rì ɓɛ̀wolì-ɓum, rì ɓɛ̀kìì-ɓìnùn, rì mum ǹcèm ànɛ à ti à keesàg rìkì ɗi ɓɛpwàà, ɓɛ ri ɓiì rɔ̀ɓi ɓi dan, ɓɛ̀ kɛɛ̀ ɗiŋi ɓi bàn ìnɛn.