GÀLAT 5:17 - Bafia Nouveau Testament

¹⁷ Ɓisuulɛ mɛ̀mùù mɛ ri rì ɓìɓan ɓi ɓyɛɛ̀ kɔ̀ngi mɔ, ɓìɓan ɓiǹ ɓi ɓa ɓì ghasɛn ri ɓi Nghay à Bɛ̀ll a kɔ̀nkɔ̀n. Nghay à Bɛ̀ll à rì rì ɓìɓan ɓi ɓyɛɛ̀ kɔ̀ngi nyi, ɓi ki ɓa ɓi ghasɛn ɗi ɓi mɛ̀mùù mɛɛ̀ kɔ̀nkɔ̀n; mɛ̀kuu mɛ ɓiɓan mɛǹ mɛ ri ɓi wɛ̀y, lèg ànɛ lɛ ɓi yin ɗi ìtèɗ wulɛ ɓi ki com ki ɓì kɔ̀ni.

GÀLAT 5:17 ပူးပေါင်းရင်းမြစ်များ

MATYOO 12:30

Ŋwaànɛ à yin ɓi gàm yɛ̀m, à rì mɛ̀ gàm-cɛcɛɗ, ŋwaànɛ à ki taŋzɛɛ ɓi nɗaŋ rì mɛ̀, a tyàatyaŋzì.

MATYOO 16:17

Nni Yeesus à teɗtìghà jɛ̀ɛ̀, a kpaa nyi lɛ: Wɔ̀ Simɔn, man à Zyonas, ù rì m̀màŋɛn, ɓisuulɛ, àa mum à mɛ̀mùù rì bwaɓ yɛɛ resii wɔ̀ kìɓan kiǹ, lɔŋ Seŋi wɛ̀m ànɛ à rì ɓi ɗyoo ɓi ɗùm nnyɛɛ resii wɔ̀ kɔ.

MATYOO 16:23

Kìɓan kifog Yeesus à lɔ̀ɔ̀ghrɛ̀ngày à kpaa Pyɛɛri lɛ: Pɛ̀sɛn mɛ̀ ajɛ̀m Satàn, u kìki lɛ, u kɛɓti mɛ̀ fìɓàg, ɓisuulɛ mɛ̀yitì mɔɔ mɛ yin mɛyitì mɛ Bɛ̀ll, mɛ ri lɔŋ mɛyitì mɛ ɓum.

MATYOO 26:41

Kɔ̀riina cem, ɓì ki ɓɔ̀ɔɓɔ̀ŋzì lɛ, kɛ̀ ɓi tanɛn ri mɛ̀fèèghrɛn; lɛ ǹghay wu mum wu ri rì ìtèɗ, kìɓan kifog, nyoo ì mɛ̀mùù ì rì kɛ̀ɛ̀ ìtèɗ.

MATYOO 5:6

Mààgh rì ɓumɓɛ ɓɛ ri rì coo zày lɛ, di saaɗ áa ɓaa, lɛ ɓɛ ɓiì wurii.

LUKAS 22:33

Pyɛɛri à kpaa nyi lɛ: Kan ǹɗì m̀pègsɛn lɛ, ǹkɛǹ naà-zày, ǹsoò lɛ ǹwu ǹɗaŋ ri wɔ̀.

LUKAS 22:46

À kpaa ɓɔ lɛ. Ɓi lalay lɛ la? Pɛ̀sɛɛna aɗyòò, ɓi ɓɔŋzi Bɛ̀ll di kɛ̀ ɓi kpì ɓi mɛ̀fèèghrɛn.

ZYAŊ 3:6

Lɛ ŋwaànɛ à yalɛɛ rì mɛ̀mùù, à rì lɔŋ mum à mɛ̀mùù, roànɛ à yalɛɛ rì Ǹghay à rì ǹghay.

RÒMƐŊ 8:13

Ɓisuulɛ, i ɓi ghɛghɛɓ cɛɓ ki mɛ̀mùù mɛɛ̀ kɔ̀nkɔ̀n, ɓì rì ɓiì cuù, wɔ̀lɛ, i ɓì woli mɛ̀kìkìì mɛ ɓeɓtɛn mɛ ɓi mɛ̀mùù rì ìtèɗ wu, Kitɛntɛ̀ɛ̀n ki Nghay, ɓì rì ɓiì ghɛɓì.

GÀLAT 3:21

Fɔlɔɔ a rèsii nya lɛ ɓìdɔ̀gsɛna ɓi wɛɛsɛɛ ɓi ri mɛ̀kàg mɛ Bɛ̀ll? Àg! Ki yin fɔlɔɔ; i kìdɔ̀gsɛna kidɛŋ ki ki ri lɛ ki fa cɛɓ kɛɛ ɓa wɔɔ, di rìɓa ɗi mum a ɓa lɛ saaɗ ɓi mis mɛ Bɛ̀ll ɗi ri lɛ ɗi ghɛnɛ̀n a tààkaà ɓi ɓìdɔ̀gsɛna.

ZYAG 3:2

Ɓìsiìcèm tì ti tì sɛ̀ràg ɓìɓan bee lɛɛ̀gwey; i mum à ka nɛskà ɓi jɛ̀ɛ̀ di a tòtòg, di mum ànɛ̀n miì à rì lɛ sɛɛghisɛɛghi, à ki yi riɓan ɗi nɗem lɛ a lami nyoo yìì.