GÀLAT 5:11 - Bafia Nouveau Testament

¹¹ Ɓɔɔsoŋ̀, ɓi ɓɛg ànɛ a lɔ̀ŋkɛm̀, i kaa rì lɛ ǹkaka ǹɗèrèsì ɓum lɛ ɓɛ ghɛɛ̀sɛɛ kì kɛ̀rɛɛ, di ɓi cɛ nnɛ ɓɛ ri lɛ ɓɛ kɛnkɛ̀n asu ɓɛ tɔtɔ̀ɓ mɛ̀? I kaa rì fɔlɔɔ, di rìwu ɗi Kiris à wughà ɓi kɔrɔs ɗi yin lɛ ɗi kɛɓtì tì mum fìɓàg.

GÀLAT 5:11 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 16:3

Fɔɔnnɛ Pol à kɔ̀ngà lɛ a teɗ nyi, ɓɛɛ kɛǹ; yɛ̀ɛ à ki tekà nyi, à kɛ̀ɗ nyi, lɛ à rirìsìghà Ɓɛ̀yudɛ̀n ɓɛ ɓɛ ɓaghà wɔɔ, lɛ ɓɛ̀sɛ̀ɛ̀ ɓɛ̀cèm ɓɛ yighà lɛ seŋi Timote à ɓaghà muu Gìrɛg.

MƐ̀KÌKÌÌ MƐ ƁƐKƐ̀NÌ-FÌTOM 21:21

Wɔ̀lɛ ɓɛ ǹwoogh ɓi ɓɔlɛ, lɛ wàànɛ̀n wɔ̀ɔ̀ ti wɔ̀ɔ̀ rèsàg Ɓɛ̀yudɛ̀n ɓɛ a gwèɗ lɛ, ɓɛǹ ɓɛɛ caɗ ɓìdɔ̀gsɛna ɓi Moyis, ɓɛn ɓɛ̀ kɛɛ̀ kɛ̀ɗti ɓɔn ɓɛ ɓɛǹ, ɓɛ̀ kɛɛ̀ ki ɓèŋdi ɓisyɔ̀ɔ̀ ɓi ɓɛseŋi ɓaa.

MƐ̀KÌKÌÌ MƐ ƁƐKƐ̀NÌ-FÌTOM 21:28

di ɓɛɛ kuukugsɛ̀n jɛ̀ɛ̀ aɗyoo lɛ: Mìni ɓumɓɛ a Isirayɛl, yùuna ɓìsi fɛ̀! Ŋwaànɛ à ti à kɛ̀ɛ̀kɛ̀ɛ̀ jàŋbimiɗ, di a rèresi ɓum ɓɛ̀cèm lɛ ɓɛɛ ki lɛ, ɓɛ sɛɛtì kìlɔ̀ŋ kis, ɓɛ sɛɛtì ɓìdɔ̀gsɛna ɓi Moyis, ɓɛ ki sɛɛti naa yìs i Bɛ̀ll. Àa rɛ̀ŋii gì kì ɗiŋzii ɓumɓɛ zɛy ɓi naà-Bɛ̀ll. Rìkì ɗiǹ, ɗi yogsii rìɓa ɗi naà-Bɛ̀ll, ì rì kìcèlì.

1 KƆ̀RƐ̀ŊTYƐŊ 1:18

Ɓisuulɛ rìlààlàmɓɛ̀n ɗi kɔrɔs ɗi ri kìɓan ki kiyèg ɓisuu ɓumɓɛ ɓɛ ghɛɛ̀sɛɛ kì ɗyaŋì, wɔ̀lɛ ɓisuu ɓisi ɓɛ tì rì rì cɛɓ, ɗi ri ìtèɗ wu Bɛ̀ll.

1 KƆ̀RƐ̀ŊTYƐŊ 1:23

Wɔ̀lɛ ɓìsiì làalam̀ɓɛ̀n Kiris ànɛ ɓɛ kpangà ɓi kɔrɔs aɗyoo, kìɓan kiǹ ki ri kìɓan ki kɛɛ̀ kɛ̀ɛkɛɓtì Ɓɛ̀yudɛ̀n fìɓàg, ki ɓa kìɓan ki kiyèg ɓisuu ɓumɓɛ ɓɛ yin Ɓɛ̀yudɛ̀n.

1 KƆ̀RƐ̀ŊTYƐŊ 15:30

Ɓìsiì ɓɔmiɗ tì rì min ɓi ɓɛ̀koŋnyoo cààmɛ̀n kìcèm lɛ la?

GÀLAT 2:3

Wɔ̀lɛ Tit ànɛ tì ɓaghà rì nyi, ànɛ à ki rì muu Gìrɛg à ɓaghà ɓi ǹtiniyɛn lɛ a kɛrɛ̀n.

GÀLAT 3:1

Mìni, ɓumɓɛ a Galasi, lannɛ ɓì yèghii fɛlɛ? Ghɛn yɛɛ yogsii mìni mɛ̀rem, mìni ɓɛ ɓɛ resìghà Yeesus Kiris ànɛ ɓɛ kpangà ɓi Kɔrɔs.

GÀLAT 4:29

Nni lɔŋ yɛ̀ɛ man ànɛ à yalɛ̀ngà yɛ̀ɛ ɓɔn ɓɛ ti ɓɛ yalàg à tɔtɔ̀ɓkà roànɛ à yalɛ̀ngà rì ìtèɗ wu Nghay à Bɛ̀ll ɓi cààmɛ̀n kiǹ nnɛ ki kaka ki kɛnkɛ̀n fɔlɔɔ à kpaŋ gɛɛ̀nɛ.

GÀLAT 6:12

Ɓum ɓɛ̀cèm ɓɛ ɓɛɛ̀ kaakaa lɛ ɓum ɓɛɛ sɛsɛg ɓɔ ɓi ɓìɓan ɓi mɛmùù ɓɛɛ̀ kàŋkaŋ mini lɛ ɓi kɛrɛn; ɓɛɛ̀ ki kìki fɔlɔɔ ri azi lɛ kɛ̀ ɓɛɛ̀ tulɛn ri ǹ-yeesɛ̀n ɓisuu Kɔrɔs à Kiris.

GÀLAT 6:17

Nni mum kɛ̀ɛ yùti mɛ rì ǹ-yeesɛ̀n ɓisuulɛ doòdoo yi ǹɗì rì yɔ, yɛɛ̀ rèresi lɛ ǹɗì ǹkpàn a Yeesus Kiris.