GÀLAT 5:1 - Bafia Nouveau Testament

¹ Kiris à kwèɗkà ɓìsi lɛ ti ɓa ɓɛ̀kan; nni kɛ̀ ɓi foŋɗɛn ti mìniìɓɔmiɗ ɓi kìɓèg lɛ ɓi sugti ɓi rìkpàn.

GÀLAT 5:1 ပူးပေါင်းရင်းမြစ်များ

MATYOO 23:4

Ɓɛ ti ɓɛ kagì ɓìrìirìɗ ɓi mɛtɛ̀g di ɓɛɛ̀ tɛ̀ɛghtɛgsì ɓumkifog, ɓɔmiɗ ɓɛ̀ kɛɛ̀ gherɛn lɛ di ɓaa nyɛ̀ŋi mɛ̀tɛ̀g mɛǹ nsoò rì man à càg.

LUKAS 5:38

kìɓan kifog ɓɛ ghɛɛ̀sɛɛ kì foŋì mɛ̀rɔ̀g mɛ nyɔn ɓi ɓìren ɓi nyɔ̀n.

MƐ̀KÌKÌÌ MƐ ƁƐKƐ̀NÌ-FÌTOM 15:10

Nni lannɛ ɓi kɔ̀nkɔn lɛ ɓi feèghrɛn Bɛ̀ll, yɛ̀ɛ ɓi kìki lɛ ɓi tɛgsi ɓɛ̀yilàg ǹtɛ̀g wu wu kighà lɛ, wu yag ɓɛ̀seŋi ɓis, wu ki yag ti ɓisi rìtɛ̀g?

RÒMƐŊ 6:14

Kìɓe kaa làmi ɓi mini, ɓisuulɛ àa ɓìdɔ̀gsɛna ɓyɛɛ̀ làlami mìni, lɔŋ geesɛ̀n ì Bɛ̀ll.

RÒMƐŊ 6:18

Yɛ̀ɛ Bɛ̀ll à pisìghà mìni ɓi rìkpàn ɗi kiɓe, ɓì mɛ ghay ɓɛkpàn ɓɛ saaɗ.

RÒMƐŊ 7:3

Nni i à kɛ̀ɛ rìwɛy ɗi mum àdɛŋ di yii à kaka ǹto ɓi kìmììgh, ɓɛ roò nyi ɗii lɛ ǹkìì-tìsɔ̀mɔ̀g, wɔ̀lɛ i yii à wii, giɓ anɛ̀n kɛ̀ɛ ɓa ti ɓi rìlàmì ɗi nsiŋdɛn wu riwɛy, ɓi lèg ànɛ lɛ, àa soo kɛ̀ɛ rìwɛy ɗi ŋwaàdɛŋ, ɓɛ yin lɛ ɓɛ kpaa lɛ à kìi fìsɔ̀mɔ̀g.

RÒMƐŊ 7:6

Nni ɓigomìnɛ, tì yiìdi ɓi rìkpàn ɗi ɓidɔ̀gsɛna ɓisuulɛ, tì wughà ɓi san ànɛ a com ki ki ɓanɓàngà ɓìsi ɓi rìkpàn, fɔlɔɔ nnɛ ti kìki Bɛ̀ll kìsay ɓi bee ì nyɔn ìnɛ ɓi Nghay, àa tì ɓi bee ì fìɗyàɓ ìnɛ ɓi ɓìdɔ̀gsɛna ɓi ɓi ri ɓi kaàtà.

RÒMƐŊ 8:15

Lɛ Ǹghay ànɛ ɓì tekà à yin Nghay ànɛ a ghaasi mìni ɓɛ̀kpàn ɓi lèg ànɛ lɛ ɓi kɛnkɛn asu ɓì rirìsì tì, kìɓan kifog ɓì tekà Ǹghay ànɛ à mɛ kì lɛ ɓi ɓa ɓɔn ɓɛ Bɛ̀ll. Ǹghay ànɛ̀n yɛɛ ti à falàg ɓìsi ìtèɗ wulɛ ti reŋì Bɛ̀ll jɛ̀ɛ̀ aɗyoo lɛ: Aba, Tààta.

RÒMƐŊ 8:2

Ɓisuulɛ kìdɔ̀gsɛna ki Nghay ànɛ a fafa cɛɓ ɓi Yeesus Kiris ɓi ɗùm, ki kwèɗkà mɛ̀ ɓi rìkpàn ɗi kidɔ̀gsɛna ki kiɓe rì rìwu.

1 KƆ̀RƐ̀ŊTYƐŊ 15:58

Fɔlɔɔ nnɛ mìni ɓɔɔseŋi ɓɛ̀m ɓɛ nɗem, sììrɛɛna kɛ̀ ɓi kpig, ɓì tɔɔtɔ̀ɔ̀ ntɔɔtɔyɛn ɓi kìsay ki Kan, ɓì ki yi lɛ, kìsay ki ɓi kìki nyi kaa wu ɓi zɛy.

1 KƆ̀RƐ̀ŊTYƐŊ 16:13

Ɓaana cem, ɓì sììrɛ̀n ɓi rìgherɛ̀n; ɓaana ɓum, ɓì tèèsɛ̀n.

1 KƆ̀RƐ̀ŊTYƐŊ 7:22

Ɓisuulɛ ǹkpàn anɛ Kan à mɛ reŋì à yiìdi ɓi rìkpàn, à ti ŋwaà zɛy ànɛ à wooghrɛɛ rì Kan, fɔlɔɔ nnɛ ŋwaànɛ Kan à reŋìghà di à yin ǹkpàn, à ti ǹkpàn a Kiris.

2 KƆ̀RƐ̀ŊTYƐŊ 11:20

Ɓisuulɛ ɓì ti ɓì cenàg lɛ ɓɛɛ ghaàsi mìni ɓɛ̀kpàn, ɓɛ ɗiɗì mìni, ɓɛ puùpùmzì mìni, ɓɛ nyuùnyùŋzàg mìni, ɓɛ ki ŋɔ̀ɔŋɔgtàg mìni ɓi-su.

2 KƆ̀RƐ̀ŊTYƐŊ 3:17

Kɔm̀ lɛ Kan à rì Ǹghay; ni jàŋ inɛ Ǹghay à Kan à rì yɛɛ̀nɛ ɓum ɓɛ ti ɓɛ ɓalàg ɓɛ̀kan wɔ̀ɔ̀.

GÀLAT 2:4

Ki ɓaghà lɛ ki kilɛ̀n fɔlɔɔ lɛ, ɓɛ̀geni ɓis ɓɛdɛŋ ɓɛ ɓɛ ɓaghà tyoo tiɓɛɛ̀, ɓɛɛ ɗiŋìghà ɓi nɗaŋ wis lɛ ɗyɔ̀ɔ̀ŋ, ɓɛ yuiy lɛ ɓɛɛ ghɛǹ rìɓa ɗi tì rì ɓɛ̀kan ɓi Yeesus Kiris ɓi ɗùm ɓɛ ki ɓa ri rìkɔ̀n ɗi lɛ ɓɛɛ ghaàsi ɓìsi ɓɛ̀kpàn.

GÀLAT 3:25

Nni yɛ̀ɛ cààmɛ̀n ki righerɛ̀n ki mɛ kpaŋ, ɓì yiìdi ɓi rìlàmì ɗi ǹɗèsàg ànɛn,

GÀLAT 4:26

Wɔ̀lɛ Yorisalɛm ànɛ aɗyoo, nyii yin nkpaǹ, nnyɛɛ ki rì jɛɛ wìs.

GÀLAT 4:31

Ɓɔɔsoŋ̀, fɔlɔɔ nnɛ tì yin ɓɔn ɓɛ ǹkpàn, tì rì ɓɔn ɓɛ giɓ anɛ à yin ǹkpàn.

GÀLAT 4:9

Nni ɓigomìnɛ ɓì mɛ yi Bɛ̀ll, ǹɗì lɛ ǹkpaa gì lɛ Bɛ̀ll à mɛ yi mini, nni lannɛ ɓì rì lɛ ɓì sugtì rì jɛ̀m ɓi ɓɔɔ ɓyom ɓɛ zɛy rì zɛy ɓɛ ɓɛ ri kɛ̀ɛ̀ ìtèɗ, ɓì ki kɔ̀nkɔn lɛ di ɓyàa ɓatii ɓɛ̀kpàn ɓɛ ɓyom ɓìn?

GÀLAT 5:13

Ɓɔɔsoŋ̀, Bɛ̀ll à reŋìghà mìni lɛ ɓi ɓa ɓɛ̀kan; nni kɛ̀ ɓi ghɛɓ zɔɔ rì rìɓa ɗiǹ lɛ ɓi nɔɔ̀ti rìyɛ̀y ɗi cɛɓ ki mɛmùù. Wɔ̀lɛ ghɛɛghɛ̀ɓsɛɛna mìni rì mìni ɓi nkɔ̀nɛ̀n;

EFÈZYƐŊ 6:14

Sììrɛɛna min: Ɓì sìnɛ̀n saaɗ ɓi kìɓon ɓi sìg à kànɗa; ɓì waatɛ̀n ǹkpaà fɛlɛ yɛ̀ɛ kìlàà ki bɔŋ.

FÌLÌPYƐŊ 1:27

Kìɓan kifog, ghɛɓina rìkuu ɗi cɛɓ ɗi ɗi ghɛɛ̀sɛɛ rì Syeesyee a Ɓɔlɛ à Kiris ɓi lèg ànɛ lɛ nsoò màa yùu mìni kì ghɛɛ̀, nsoò lɛ màa rì mìni fìràɓ, ǹghɛ̀ɛ̀sɛɛ kì woògh lɛ ɓum ɓɛɛ̀ kpaakpaa lɛ: Ɓì rì lɔŋ ɓɛsììrɛn, ɓì ɓa ɓɛ̀fèg ɓɛ̀fog, ɓi ki ɗùùɗuu nɗem wùfog ɓisuu ǹtyweeyi wu wu ri ɓi Syeesyee à Ɓɔlɛ.

TÈSÀLÒNÌSYƐŊ 3:8

Nni ɓigomìnɛ ki ri yɛ̀ɛ tì teetii tì cɛɓ yɛ̀ɛ tì woogh lɛ ɓì kaka lɔŋ ɓɛsììrɛn ɓi Kan.

2 TÈSÀLÒNÌSYƐŊ 2:15

Fɔɔnnɛ sììrɛɛna lɔŋ ɓɔɔsoŋ̀, ɓì ɓèŋ ɓìɓan ɓi tì rèsàkà mìni, rì ŋwɔm nsoò lɛ ɓi kaàtà ànɛ tìi nkàniì mìni.

EBIREEGH 10:23

Ti ɓèŋina dyàɓɛn inɛ ti làalam̀ɓɛ̀n, tì sììrɛ̀n ɓisuulɛ Bɛ̀ll ànɛ à faghà ǹkàg roòzag mɛkàg mii.

EBIREEGH 3:14

Lɛ tì rì ɓum ɓɛ ɓɛɛ̀ kɛ̀ɛ̀kɛɛ nɗaŋ ri Kiris, di tì sììrɛɛ lɛ, ti ɓeŋ̀ ǹtyweeyi wu tì ɓaghà rì wɔ a rìtumɛ̀n.

EBIREEGH 3:6

Wɔ̀lɛ Kiris à rì rì mɛ̀wog fɛlɛ yɛ̀ɛ Man ànɛ àrì beèbɛ̀y ɓi naa yìì; naa ìnɛ̀n yɛ̀ɛ ri lɛ ɓìsi, i tì ɓèŋi à kpaŋ a rìsugtɛ̀n lɛ rì kɔɔ̀kɔɔ̀ à ǹtyweeyi rì dyàɓɛn inɛ ti saasanɛ̀n.

EBIREEGH 4:14

Yɛ̀ɛ tì rì min ri nkɔ̀mɛ̀n-ɓɛ̀pìrɛɛtìrɛ̀ àgwey lɛ Yeesus ànɛ à rì Man à Bɛ̀ll ànɛ à ɓɔkà aɗyoo yɛ̀ɛ Bɛ̀ll, tì ghɛ̀ɛ̀sɛɛ kì sììrɛɛ lɛ syeesyee ɓi ɓìɓan ɓi tì gherɛɛ ɓyɛɛ̀ɓi tì ti tì kakàlì ɓum.

1 PYƐƐRI 2:16

Ghɛɓina yɛ̀ɛ ɓumɓɛ ɓɛ ri ɓɛ̀kan, wɔ̀lɛ kɛ̀ ɓi kì lɛ rìkan ɗin ɗyɛɛ ghay kìlàà ki kɛɛ̀ lɔlɔg nɗem win wu rigɛn; ghɛɓina lɔŋ yɛ̀ɛ ɓɛ̀kìì-ɓìsay ɓɛ Bɛ̀ll ɓɛ ghɛɛ̀sɛɛ kì ghɛɓì ɓi rìkan.

2 PYƐƐRI 2:19

ɓɛ kakàg ɓɔ cɛɓ ki rikan, kɔm̀ lɛ ɓɔmiɗ ɓɛ ri ɓɛ̀kpàn ɓɛ ɓiɓe ɓi ɓyɛɛ̀ titini ɓɔ ɓi rìɗyaŋ ɓisuulɛ mum bimiɗ à rì ǹkpàn a com kìcèm ki ki lamii nyi.

ZYUUDƐ 1:3

Mìni ɓum ɓɛm ɓɛ nɗem, mɛ̀ɛ nɗì rì coo zày ìnɛ lɛ di màa kàni mìni kìɓan ki gòri ìnɛ ì seesee ɓìsi ɓɛ̀sɛ̀ɛ̀ ɓɛcèm; mɛ̀ɛ nɗì ǹtiniyɛn lɛ nki fɔlɔɔ lɛ nfegsi mìni lɛ ɓi ɗuù ɓisuu ntyweeyi wu Bɛ̀ll à faghà ɓɛ̀gherɛ̀n gɛ̀mbog ɓi gɛ̀n yicèm.

ÀPÒKÀLIƁSƐ̀ 2:25

Kìɓan kifog, com ki ɓì rì rì kɔ kɛɛ̀ki ɓanina rì ìtèɗ, à kpaŋ yɛ̀ɛ ǹɗì ɓiì yùu.

ÀPÒKÀLIƁSƐ̀ 3:3

Yiti min ɓiɓan ɓi Bɛ̀ll ɓi ù tekà rì ɓi ù wokà, ɓèŋa ɓyɔ ù ki lɔ̀ɔ̀ghrɛn nɗem; i ù kɔ̀rii ɓi cem, di ǹɗì wɔ̀ ɓiì yùu ki sìri kɔ̀ɔ ki yi ŋwos anɛ ǹɗì ɓiì yùu.