GÀLAT 4:9 - Bafia Nouveau Testament

⁹ Nni ɓigomìnɛ ɓì mɛ yi Bɛ̀ll, ǹɗì lɛ ǹkpaa gì lɛ Bɛ̀ll à mɛ yi mini, nni lannɛ ɓì rì lɛ ɓì sugtì rì jɛ̀m ɓi ɓɔɔ ɓyom ɓɛ zɛy rì zɛy ɓɛ ɓɛ ri kɛ̀ɛ̀ ìtèɗ, ɓì ki kɔ̀nkɔn lɛ di ɓyàa ɓatii ɓɛ̀kpàn ɓɛ ɓyom ɓìn?

GÀLAT 4:9 ပူးပေါင်းရင်းမြစ်များ

MATYOO 11:27

Seŋi wɛ̀m à faghà mɛ̀ ɓìɓan ɓicèm; ŋwaàdɛŋ à yii ɓi Man i ki yin lɛ Seŋi, ŋwaàdɛŋ kɛɛ ki yi Seŋi i ki yin lɛ Man, ǹsòò lɛ ŋwaànɛ ki kɔni Man lɛ a resi nyi Seŋì.

LUKAS 5:38

kìɓan kifog ɓɛ ghɛɛ̀sɛɛ kì foŋì mɛ̀rɔ̀g mɛ nyɔn ɓi ɓìren ɓi nyɔ̀n.

ZYAŊ 10:14

Mɛ̀ yɛɛ ri syeesyee à m̀ɓèŋì-jɔ̀ɔ̀. Ǹ-yii jɔ̀ɔ̀ yɛm̀, jɔ̀ɔ̀ yɛm̀ yi ki yii mɛ̀,

ZYAŊ 10:27

Jɔ̀ɔ̀ yɛm̀ yi ti yi wokì jɛ̀ɛ̀ yɛ̀m, mɛ̀ ǹ-yii yɔ, yɔɔ ki ti yi nɔɔ̀tàg mɛ̀.

ZYAŊ 17:3

Cɛɓ ki fiɗyàɓ fikɔ̀ɔ̀ ki ri lɛ, ɓɛɛ yi wɔ̀, lɛ wɔ̀ yɛɛ ri m̀bobog à kɔɔ̀kɔɔ̀ à Bɛ̀ll, ɓɛ ki yi Yeesus Kiris, roànɛ ù romgày.

RÒMƐŊ 8:29

Ɓisuulɛ ɓumɓɛ Bɛ̀ll à lokà kì ɓɔ̀ni, à ɓaghà girig di à mɛ ren abɛ̀y lɛ ɓɛ ɓiì ɓaà ɓi kìpisɛn ki Man wiì, lɛ di Man wiì a ɓa man à ǹtonto ɓi kìtuu ki ɓɛgeni.

RÒMƐŊ 8:3

Bɛ̀ll à kìghà com ki ɓìdɔ̀gsɛna ɓi ɓaghà ɓi ri ìtèɗ wulɛ ɓi ki, ɓisuulɛ rìɓa ɗis ɗi ɓi mɛ̀mùù ɗi kighà lɛ ɓyɛ̀ kɛɛ̀ ɓa ri ìtèɗ, à rèsìghà lɛ kìɓe ki ɓeɓtɛɛ ɓi nyoo ì mɛ̀mùù, yɛ̀ɛ à romgày Man wiì à nyimiɗ, Man ànɛ̀n à teɗ nyoo ìnɛ ì rì com kìfog rì nyoo ì ɓɛ̀kìì-kìɓe, lɛ a yu kì pisii kiɓè.

1 KƆ̀RƐ̀ŊTYƐŊ 13:12

Ɓigomìnɛ, ti seesee ɓyom lɛ rìiì lɔŋ yɛ̀ɛ rìghɛnɛ̀n ɗi ŋwaà ti à ghɛnàg ɓi ŋwii wɔ̀lɛ, ɓi cààmɛ̀n kiǹ, tì konaagh gɛ kì ghɛɛ̀ lɛ tɛntɛ̀ɛ̀n. Ɓigomìnɛ ǹ-yii kìden, wɔ̀lɛ ɓi cààmɛ̀n kiǹ ǹkonaagh gɛ nyi kì yiì, lɔŋ yɛ̀ɛ nyii yighà mɛ̀.

1 KƆ̀RƐ̀ŊTYƐŊ 15:34

Sugtiina ɓi mìniìɓɔmiɗ yɛ̀ɛ ki ghɛɛ̀sɛɛ kɛ̀ ɓi kì kiɓe. Ɓisuulɛ ɓum ɓɛdɛŋ ɓɛ ɓi nyìinyìm wìn ɓɛ yii ɓi Bɛ̀ll; kìɓan ki ǹkpaa kìn ki ri ǹtoòrìɗ ɓi ɓɛg wìn.

1 KƆ̀RƐ̀ŊTYƐŊ 8:3

Wɔ̀lɛ i ŋwaà keesii Bɛ̀ll, di ŋwaànɛ̀n à rì ŋwaànɛ Bɛ̀ll à yii.

2 KƆ̀RƐ̀ŊTYƐŊ 11:20

Ɓisuulɛ ɓì ti ɓì cenàg lɛ ɓɛɛ ghaàsi mìni ɓɛ̀kpàn, ɓɛ ɗiɗì mìni, ɓɛ puùpùmzì mìni, ɓɛ nyuùnyùŋzàg mìni, ɓɛ ki ŋɔ̀ɔŋɔgtàg mìni ɓi-su.

2 KƆ̀RƐ̀ŊTYƐŊ 4:6

Ɓisuulɛ Bɛ̀ll ànɛ à kpaaghà lɛ kìtɛɛtɛn kɛɛ lom ɓi birìm, nnyɛɛ lomgà kìtɛɛtɛn ɓi mɛ̀rem mis, lɛ a ki lɛ rìyi ɗi ɓum ɓɛ ri lɛ ɓɛ yi rìkem ɗi Bɛ̀ll ɗi ɗyɛɛ̀ lònlom ɓi-su wu Kiris ɗyɛɛ ghɛnɛ̀n.

GÀLAT 3:3

Ɓì rì kɔm̀ ɓiyèg? Ɓì tumɛ̀ngày rì Nghay à Bɛ̀ll, lannɛ ɓi kɔ̀nkɔn lɛ ɓi kɛǹ kì wɔmɓɛɛ ri ɓɛ̀fèg ɓɛ ɓum?

GÀLAT 4:3

Cààmɛ̀n ki tì ɓaghà di tì kaka ɓɔɓti tì ɓaghà girig ɓɛ̀kpàn ɓɛ ɓi ɓɔɔ ɓyom ɓɛ zɛy ɓɛ ɓi ziinɛ.

EFÈZYƐŊ 1:17

ǹtɔtɔ̀g Bɛ̀ll à Kan wìs Yeesus Kiris, ànɛ à rì ǹkeŋkèmì wìs a Seŋi lɛ a fa mìni ǹghay à ɗyomzɛ̀n ànɛ a rèsag ɓum ɓìɓan ɓi a rìnyam lɛ a ki lɛ ɓi yi nyi.

2 TIMOTE 2:19

Nsoò fɔlɔɔ kìgɔ̀ŋgɔ̀m ki mɛɛ ki Bɛ̀ll à yàghɛ̀ngà kìtoŋ miì ki kaka lɛ kpeg-kpeg. Jɛ̀ɛ̀ ì rì miì ǹkànɛn yɛ̀ɛ sìtam̀ lɛ: Kan à yii ɓɛ̀roɓɛ ɓɛ ri ɓɛŋkìì; fɔɔnnɛ mum ǹcèm ànɛ a rereŋi ɗii ɗi Kan, à ghɛ̀ɛ̀sɛɛ lɛ à sɔ̀ŋì ìkòò wii ɓi kìɓe.

EBIREEGH 7:18

Fɔɔnnɛ ɓɛ mɛ pisi kidɔ̀gsɛna ki abɛ̀y lɛ ki ɓaghà kɛ̀ɛ̀ ìtèɗ, kɛ̀ kɛɛ̀ ki ghɛɓsi com.

2 PYƐƐRI 2:20

Fɔlɔɔ yɛɛ ri lɛ i ɓum ɓɛ ghasɛɛ yì rì ɓìɓan ɓi tifin ɓi ɓi ziinɛ lɛ rìyi ɗi ɓɛ yii Ǹghɛɓsì-ɓum, Kan Yeesus Kiris, nnɛ ɓɛ carɛɛ tì lɛ ɓɛɛ sugti ɓi ɓìɓan ɓiǹ ɓyɛɛ lami tì ɓɔ, rìɓa ɗyaa ɗi siitòn ɗi ɓiì ɓeɓtɛɛ ɗi cee ɗi ǹtonto.

1 ZYAŊ 5:20

Tì yii girig lɛ, Man à Bɛ̀ll à yùghà, à ki fa ɓisi ɗyomzɛ̀n ɗi lɛ, ti yi kɔɔ̀kɔɔ̀ à Bɛ̀ll, nni tì rì ɓɛ̀ràrɛn ɗi kɔɔ̀kɔɔ̀ à Bɛ̀ll ànɛn ɓi Yeesus Kiris à Man wiì. Nyi yɛɛ ri kɔɔ̀kɔɔ̀ à Bɛ̀ll, nyi tì cɛɓ ki fiɗyàɓ fikɔ̀ɔ̀.