GÀLAT 4:6 - Bafia Nouveau Testament

⁶ Com ki ki resii lɛ ɓì ti ɓɔn ɓɛ Bɛ̀ll ki ri lɛ: Bɛ̀ll à romgày Ǹghay à Man wiì ɓi mɛ̀rem mis, Ǹghay ànɛ̀n yɛɛ̀ làalamɓɛ̀n jɛ̀ɛ̀ aɗyoo lɛ: Aba, yɛɛlɔɔ lɛ Tààta.

GÀLAT 4:6 ပူးပေါင်းရင်းမြစ်များ

MARIKUS 14:36

à kpaakpààghà lɛ: Tààta wɛ̀m, ù rì rì ìtèɗ wulɛ ù kì com kìcèm; kìya lɛ ɓeŋ à rìwu ànɛ a ràɓsɛn mɛ̀; nsoò ǹkpaa fɔlɔɔ, kìya rìkɔ̀n ɗyɔɔ, àa ɗiŋkɛ̀m.

LUKAS 11:13

I mìni ɓɛ ɓì rì ɓìɓeɓtàg ɓi ɓum ɓi yii rìfa ɗi ɓɔn ɓin ɓɛsyeesyee ɓɛ ɓyom, lannɛ Tààta ànɛ à rì aɗyòò à ɓiì rɔ̀ɓi kɛ̀ɛ fa Kitɛntɛ̀ɛ̀n ki Nghay a ɓumɓɛ ɓɛ tɔɔgh nyi kɔ̀?

LUKAS 11:2

Yeesus à kpaa ɓɔ lɛ: Cààmɛ̀n kìcèm ki ɓi ɓɔ̀ɔɓɔŋzàg, kaliina lɛ: Tààta! Ɗii ɗyɔɔ ɗyɛɛ ɓa ɗì tɛnɛn; kìlàmì kɔɔ kɛɛ yu.

ZYAŊ 14:16

Fɔɔnnɛ m̀ɓiì ɓɔ̀ŋzii Tààta, à rom yì mìni m̀maasì mɛ̀rem adɛŋ, ànɛ à ɓa rì mìni fìɗyàɓ fikɔ̀ɔ̀.

ZYAŊ 15:26

Yɛ̀ɛ m̀maasì-mɛ̀rem ànɛ ǹɗì ɓiì romiì à ɓiì yùu, nnyɛɛ ri Ǹghay à ɓɛ̀kɔɔ̀kɔɔ̀ ɓɛ ɓiɓan ànɛ à pɛ̀sɛɛ yì yɛ̀ɛ Tààta, à ɓiì tɛɛ̀zii ɓum kìɓan kɛm̀.

ZYAŊ 16:7

Ǹsoò fɔlɔɔ, ǹkpaa mìni saaɗ lɛ ki ri mìni kìrɔɔ lɛ nkɛǹ; lɛ i ǹkɛ̀ɛ ɓi, m̀maasì-mɛ̀rem à yin lɛ à yù a lɔ̀ŋkin; wɔ̀lɛ i ǹkɛ̀ɛ, ǹɗom yì mìni nyì.

ZYAŊ 3:34

Ɓisuulɛ, roànɛ Bɛ̀ll à romgày, a kakali ɓiɓan ɓi Bɛ̀ll; lɛ Bɛ̀ll à ti à roòzàg nyi rì Nghay wìì lɛ pisa.

ZYAŊ 7:39

Kìɓan ki Nghay ànɛ ɓumɓɛ ɓɛ gherɛɛ nyi ɓɛ ghɛɛ̀sɛ̀ngà kìterì kɛɛ̀ki à kpaakpààghà lɔɔ. Ɓisuulɛ cààmɛ̀n kiǹ ki ɓaghà di ɓɛ ka rom yi ɓi Nghay, rì tì lɛ Yeesus à ɓaghà di à ka teɗ ɓi rìkem ɗìì.

MƐ̀KÌKÌÌ MƐ ƁƐKƐ̀NÌ-FÌTOM 16:7

Yɛ̀ɛ ɓɛ kpagà jàŋbog rì Misii, nni ɓɛ kaaghà bee inɛ lɛ ɓɛɛ kɛǹ a Bitinii, kìɓan kifog Nghay à Yeesus kɛ̀ɛ gherɛ̀n.

RÒMƐŊ 5:5

Fɔlɔɔ nnɛ dyàɓɛn inɛ̀n ì ti yɛ̀ kɛɛ̀ ɓɔ̀ŋ ɓisi ɓisuulɛ Bɛ̀ll à ɗyɛɛghà ǹkɔ̀nɛ̀n wìì ɓi mɛ̀rem mis, rì Kìtɛntɛ̀ɛ̀n ki Nghay ki à faghà ɓìsi.

RÒMƐŊ 8:9

Ɓi san ànɛ a lɔ̀ŋkin, mɛ̀mùù mɛ lamii tì ɓi minì, lɔŋ Ǹghay à Bɛ̀ll yɛɛ lamii mìni, i ki ki rì lɛ, Nghay à Bɛ̀ll à rì ɓi mìni. Ŋwaànɛ à yin ɗi Nghay à Kiris, à yin mum wiì.

1 KƆ̀RƐ̀ŊTYƐŊ 15:45

Kìɓan kiǹ kɛɛ̀ki ki ri miì kìkànɛn lɛ: Mum à ǹtonto ànɛ lɛ Adam à ghalà com ki kɛɛ̀ ghɛghɛ̀ɓ; Adam à siitòn à ti nghay wu wɛɛ̀ fafa cɛɓ.

2 KƆ̀RƐ̀ŊTYƐŊ 1:22

À rèmzìghà girig ɓìsi rì sìtam̀ wìì, à foŋ ɓìsi ɓìɗùn ɓi Nghay ɓi mɛ̀rem, ɓi ɓi resii lɛ, tì ɓiì terì ɓìrɔɔ ɓi à nyamgà ɓisu wis.

2 KƆ̀RƐ̀ŊTYƐŊ 3:17

Kɔm̀ lɛ Kan à rì Ǹghay; ni jàŋ inɛ Ǹghay à Kan à rì yɛɛ̀nɛ ɓum ɓɛ ti ɓɛ ɓalàg ɓɛ̀kan wɔ̀ɔ̀.

EFÈZYƐŊ 1:13

Ɓi Kiris, mìni girig ɓì kìghà lɛ, yɛ̀ɛ ɓì wokà jɛ̀ɛ̀ ìnɛ ì rì saaɗ, yɛ̀ɛ ri Syeesyee à Ɓɔlɛ ànɛ à ɓaghày rì gòri yìn, nni ɓì gherɛ̀ngà Kiris, Bɛ̀ll à foŋ min kirèmzɛnà kii ɓi mìni, yɛ̀ɛ à faghà mìni Kìtɛntɛ̀ɛ̀n ki Nghay ki à kàkà.

EFÈZYƐŊ 2:18

Ɓisuulɛ, rì ɓìsi, rì ɓɔ, tì rì rì bee i ǹkpaŋɛn yɛ̀ɛ Tààta lɛ nyi rì ǹghɛɓsɛn wu Nghay bog.

EFÈZYƐŊ 4:30

Kɛ̀ ɓi kì lɛ Kìtɛntɛ̀ɛ̀n ki Nghay ki Bɛ̀ll à rèmzàkà mìni rì kɔ ɓisuu ŋwos anɛ gòri yìì ì ri ɓa, kɛ̀ɛ wog bim.

EFÈZYƐŊ 6:18

Ɓɔ̀ŋziina Bɛ̀ll cààmɛ̀n kìcèm, ri Nghay, ɓì tɔtɔ̀g nyi ǹghɛɓsɛn ɓi bɔ̀ŋzɛ̀n yin yicèm; ɓaana cem ɓi rìkì ɗiǹ, ɓì ki sììrɛn miì lɛ syeesyee, ɓì ɓɔ̀ŋzàg ɓisuu ɓɛgherɛ̀n ɓɛ̀cèm;

FÌLÌPYƐŊ 1:19

ɓisuulɛ ǹ-yii lɛ, kìɓan kiǹ ki ɓiì lɔ̀ɔ̀ghrɛɛ ɓi bee inɛ lɛ mɛ̀ ǹghɛɓ lɛ bɔ̀ŋzɛ̀n yin, rì ǹghɛɓsɛn wu Ǹghay à Yeesus Kiris à ti à yùlàg rì wɔ.

TÈSÀLÒNÌSYƐŊ 4:8

Fɔlɔɔ nnɛ ŋwaànɛ à rì ɓiì ɓèni ɓìɓan ɓi nsiisiìtàg ɓi, a yi lɛ, àa mum ìnnɛ à ɓèni, lɔŋ Bɛ̀ll ànɛ à mɛ fa mini girig Kitɛntɛ̀ɛ̀n kii ki Nghay.

1 PYƐƐRI 1:11

Ɓɛ siìrɛ̀ngà lɛ ɓɛɛ yi lɛ rì zìŋɛn, rì ɓìɓan ɓi ɓi koŋkomi ɓìɓan ɓi Ǹghay à Kiris ànɛ à ɓaghà ɓi ɓɔ à rerèɓkà ɓɔ abɛ̀y; à rèsìghà mɛ̀tɔɓ mɛ Kiris à ghɛ̀ɛ̀sɛ̀ngà kìwoògh, rì rìkem ɗi ɗi ghɛɛ̀sɛ̀ngà kì ɓɔ̀ɓiì mɛ̀tɔɓ mɛ̀n.

ZYUUDƐ 1:20

Wɔ̀lɛ mìni ɓum ɓɛm ɓɛ nɗem, faafàlɛɛna mìniìɓɔmiɗ itèɗ ɓi rìgherɛ̀n ɗin ɗi ɗi ri ɗìtɛnɛn lɛ kɔɔ̀kɔɔ̀, ɓì ɓɔ̀ɔ̀ɓɔ̀ŋzì rì ìtèɗ wu Kitɛntɛ̀ɛ̀n ki Nghay.

ÀPÒKÀLIƁSƐ̀ 19:10

Nni ǹkpìghà nyi a mɛ̀kòò lɛ mɓɔgsi nyi kìɓan kifog, à kpaa mɛ̀ lɛ: Kɔ̀ɔ fèèghrɛn ki kìi com kidɛŋ fɔlɔɔ; mɛ̀ ǹɗì lɛ mɛ̀ reŋkàŋ wɔ̀ɔ̀ a kìsay, ǹki ɓa ti reŋkàŋ à ɓɛ̀goni ɓɛ ɓɛ tekà ɓìɓan ɓi Yeesus à tɛɛ̀zìghà. Bɛ̀ll innɛ ɓɔgsi, lɛ ɓìɓan ɓi Yeesus à rèsìghà ɓyɛɛ ri ǹghay ànɛ à ti à rèsàg ɓɛ̀kpaŋzì-ɓìɓan, com ki ɓɛɛ kpaà.