GÀLAT 4:3 - Bafia Nouveau Testament

³ Cààmɛ̀n ki tì ɓaghà di tì kaka ɓɔɓti tì ɓaghà girig ɓɛ̀kpàn ɓɛ ɓi ɓɔɔ ɓyom ɓɛ zɛy ɓɛ ɓi ziinɛ.

GÀLAT 4:3 ပူးပေါင်းရင်းမြစ်များ

MATYOO 11:28

Yùuna a lɔ̀ŋkɛm̀, mìni ɓɛ̀sɛ̀ɛ̀ ɓɛ̀cèm ɓɛ, ɓì rì ɓɛ fɔlɛn, mɛ̀tɛ̀g mɛ ki rìriɗ mini, ǹfa mìni rìfɔɔsɛ̀n.

ZYAŊ 8:31

Nni Yeesus à kpaaghà Ɓɛ̀yudɛ̀n ɓɛ ɓɛ gherɛ̀ngà nyi lɛ: I ɓì nɔ̀ɔ̀tii ɓìɓan ɓyɛm̀ kɛ̀ ɓi pas, ɓì rì ɓiì ɓaà ɓɛ̀kɔɔ̀kɔɔ̀ ɓɛ ɓɛyilàg ɓɛm.

MƐ̀KÌKÌÌ MƐ ƁƐKƐ̀NÌ-FÌTOM 15:10

Nni lannɛ ɓi kɔ̀nkɔn lɛ ɓi feèghrɛn Bɛ̀ll, yɛ̀ɛ ɓi kìki lɛ ɓi tɛgsi ɓɛ̀yilàg ǹtɛ̀g wu wu kighà lɛ, wu yag ɓɛ̀seŋi ɓis, wu ki yag ti ɓisi rìtɛ̀g?

RÒMƐŊ 7:14

Lɛ tì yii lɛ, ɓìdɔ̀gsɛna ɓi ri kìɓan ki ɓi nghay, wɔ̀lɛ mɛ̀ ǹɗì mum ànɛ à rì rì nyoo ì mɛ̀mùù, nnyɛ̀ɛ ri, nkàɓɛn fɛlɛ yɛ̀ɛ ǹkpàn ɓi kìɓe.

RÒMƐŊ 8:15

Lɛ Ǹghay ànɛ ɓì tekà à yin Nghay ànɛ a ghaasi mìni ɓɛ̀kpàn ɓi lèg ànɛ lɛ ɓi kɛnkɛn asu ɓì rirìsì tì, kìɓan kifog ɓì tekà Ǹghay ànɛ à mɛ kì lɛ ɓi ɓa ɓɔn ɓɛ Bɛ̀ll. Ǹghay ànɛ̀n yɛɛ ti à falàg ɓìsi ìtèɗ wulɛ ti reŋì Bɛ̀ll jɛ̀ɛ̀ aɗyoo lɛ: Aba, Tààta.

2 KƆ̀RƐ̀ŊTYƐŊ 11:20

Ɓisuulɛ ɓì ti ɓì cenàg lɛ ɓɛɛ ghaàsi mìni ɓɛ̀kpàn, ɓɛ ɗiɗì mìni, ɓɛ puùpùmzì mìni, ɓɛ nyuùnyùŋzàg mìni, ɓɛ ki ŋɔ̀ɔŋɔgtàg mìni ɓi-su.

GÀLAT 2:4

Ki ɓaghà lɛ ki kilɛ̀n fɔlɔɔ lɛ, ɓɛ̀geni ɓis ɓɛdɛŋ ɓɛ ɓɛ ɓaghà tyoo tiɓɛɛ̀, ɓɛɛ ɗiŋìghà ɓi nɗaŋ wis lɛ ɗyɔ̀ɔ̀ŋ, ɓɛ yuiy lɛ ɓɛɛ ghɛǹ rìɓa ɗi tì rì ɓɛ̀kan ɓi Yeesus Kiris ɓi ɗùm ɓɛ ki ɓa ri rìkɔ̀n ɗi lɛ ɓɛɛ ghaàsi ɓìsi ɓɛ̀kpàn.

GÀLAT 3:19

Nni ɓìdɔ̀gsɛna ɓi ghɛɓsii min cɛ? Ɓi foŋɗɛ̀ngà lɛ ɓyɛɛ reresi mɛ̀nànì mɛ ɓum à kpaŋ yɛ̀ɛ dòò yì Abiraham ìnɛ ǹkàg wiǹ wu seesèèghà ì kpaŋi gɛ; ɓum ɓɛ titom ɓɔ yɛɛ ghagsìghà ɓìdɔ̀gsɛna ɓiǹ, di bimiɗ à mum à rì ɓi nyìinyìm ànɛ lɛ, rì kìlɔ̀ŋ rì ɓɔ.

GÀLAT 4:2

Wɔ̀lɛ cààmɛ̀n ki à kaka ŋwɔɓti, à kaka ɓi rìlàmì ɗi ɓumɓɛ ɓɛɛ̀ tɔɔtɔɔ̀sì nyi, ɓɛ ki kɛ̀ɛkɛɛ̀sì ɓìɓan ɓii, à kɛ̀n kì kpaŋì ɓi zìŋɛn inɛ seŋi à faghà lɛ yɛ̀ɛnɛ à ri teri gɛ mɛ̀wus mɛǹ miì.

GÀLAT 4:24

Kìɓan kiǹ ki ri kìfèèghrɛnà; ɓɛ̀yiɓ ɓɛ kiɓɛ̀ɛ̀ ɓɛǹ ɓɛ resii bee yi kiɓɛɛ̀ yi Bɛ̀ll à rengà rì ɓum. Bee bog ìnɛ ɓi bee yi kiɓɛ̀ɛ̀ ì rì bee inɛ ì renɛ̀ngà ɓi dòn ì Sinayi yɛ̀ɛ ri lɛ Agaar.

GÀLAT 4:25

Agaar yɛɛ ri dòn ì Sinayi ɓi kìlɔ̀ŋ ki Araɓii, à rì fɛlɛ yɛ̀ɛ Yorisalɛm ànɛ ɓigomìnɛ ɓisuulɛ à rì ɓi rìkpàn rì ɓɔn ɓii.

GÀLAT 4:31

Ɓɔɔsoŋ̀, fɔlɔɔ nnɛ tì yin ɓɔn ɓɛ ǹkpàn, tì rì ɓɔn ɓɛ giɓ anɛ à yin ǹkpàn.

GÀLAT 4:8

Ɓi mɛ̀ru mɛ abɛ̀y, ɓì yighà ɓi Bɛ̀ll; ɓìi mɓɔgsàg ɓinùn ɓi ɓi yin kɔm̀ Bɛ̀ll.

GÀLAT 4:9

Nni ɓigomìnɛ ɓì mɛ yi Bɛ̀ll, ǹɗì lɛ ǹkpaa gì lɛ Bɛ̀ll à mɛ yi mini, nni lannɛ ɓì rì lɛ ɓì sugtì rì jɛ̀m ɓi ɓɔɔ ɓyom ɓɛ zɛy rì zɛy ɓɛ ɓɛ ri kɛ̀ɛ̀ ìtèɗ, ɓì ki kɔ̀nkɔn lɛ di ɓyàa ɓatii ɓɛ̀kpàn ɓɛ ɓyom ɓìn?

KÒLÒSYƐŊ 2:20

I ɓì wughà ǹɗaŋ ri Kiris ɓi ɓɛg ànɛ a mɛ̀tèɗ mɛ mɛghay mɛ ɓi ziinɛ, ɓisuucɛ nnɛ ɓɛ kaŋkàŋ tì mìni rì ɓìɓan ɓiǹ yɛ̀ɛ ɓɛɛ̀ kali lɛ ɓì kaka ɓì ghɛghɛ̀ɓ ɓi ɓìsyɔ̀ɔ̀ ɓi ɓi ziinɛ?

KÒLÒSYƐŊ 2:8

Ɓì konàg lɛ ŋwaàdɛŋ kɛ̀ɛ wɔɔsi mini ɓi fìram fi ɗyomzɛ̀n rì ǹ-yègsɛ̀n à zɛy, ɓyɛɛ ri ɓìtoŋɛn ɓi ɓìsyɔ̀ɔ̀ ɓi ɓum, rì mɛ̀tèɗ mɛ mɛghay mɛ ɓi ziinɛ, ɓyɛ̀ kɛɛ̀ ɓa ɓitoŋɛn ɓi Kiris.

EBIREEGH 5:12

Lɛ mìniɓɛ ɓì ghɛ̀ɛ̀sɛ̀ngà kìɓaà ɓɛ̀rèsàg ɓɛ ɓìɓan ɓi fiɗyàɓ, ɓì kaka rì zày ìnɛ lɛ ɓɛɛ resag mìni mɛ̀to mɛ ɓiɓan mɛ beèbɛ̀y mɛ ɓi jɛ̀ɛ̀ ì Bɛ̀ll. Ɗi ɓyàa rì lɛ ɓì ɗi ɓìɗilàg ɓi tèɗ, ɓì kaka rì zày ìnɛ lɛ ɓi nyɔŋnyɔŋ mɛlì.

EBIREEGH 7:16

À tekà ɓi ikɔ̀ɔ̀ wu Pìrɛɛtìrɛ̀ ɓi rìkpaa ɗì ɓidɔ̀gsɛna ɓi ɓum ɓɛɛ faa, à ɓɔkà lɔŋ rì ìtèɗ wu cɛɓ ki ki ri kɛ̀ɛ̀ sugtag.