GÀLAT 4:19 - Bafia Nouveau Testament

¹⁹ Mìni ɓɔn ɓɛm, ǹtumɛɛ tì rìwog ɗi rikɛŋ yɛ̀ɛ ɗi giɓ a woki ɓi rìyay ɓisu wìn, à kpaŋ yɛ̀ɛ Kiris à ɓiì ghɛɛ̀ ìkɔ̀ɔ̀ ɓi mɛ̀rem mìn.

GÀLAT 4:19 ပူးပေါင်းရင်းမြစ်များ

LUKAS 22:44

Yɛ̀ɛ ìris wu ɓangà Yeesus, fɔɔnnɛ à sììrɛ̀ngà lɔŋ ɓi bɔ̀ŋzɛ̀n, kìɗìg kii ki ɓa lɔŋ yɛ̀ɛ ɓɛ̀jɛɛ ɓɛ bwaɓ ɓɛɛ yɔɔyɔɔ ɓi zi.

RÒMƐŊ 13:14

Kìɓan kifog, waatɛɛna Kan Yeesus Kiris kɛ̀ ɓi càɗ mɛrem min lɛ mɛɛ ɓɔm̀ɓɔm ɓìɓan ɓi ɓi mɛ̀mùù, lɛ di ɓi kaàkaa rìyɛ̀y ɗi ɓiɓan ɓiǹ.

RÒMƐŊ 8:29

Ɓisuulɛ ɓumɓɛ Bɛ̀ll à lokà kì ɓɔ̀ni, à ɓaghà girig di à mɛ ren abɛ̀y lɛ ɓɛ ɓiì ɓaà ɓi kìpisɛn ki Man wiì, lɛ di Man wiì a ɓa man à ǹtonto ɓi kìtuu ki ɓɛgeni.

2 KƆ̀RƐ̀ŊTYƐŊ 12:14

Ɓì ghɛɛ! Ǹti jàŋbog lɛ n-yutiì foo a lɔ̀ŋkin ɓi gɛ̀n i kìraa, nni ǹtɛ̀g wɛm waa ki syɔn ɓi mini ɓi nto, ɓisuulɛ àa ìkum win wɛɛ̀wu nfɔmfɔ̀m, lɔŋ mìniìɓɔmiɗ ɓɛɛ̀ɓɛ nkɔ̀nkɔ̀n; lɛ àa ɓɔn ɓɛɛ ghɛɛ̀sɛɛ kì taŋzɛɛ ikum ɓisuu ɓɛyalì ɓaa, lɔŋ ɓɛ̀yalì ɓɛɛ ghɛɛ̀sɛɛ kì taŋzɛɛ ikum ɓisuu ɓɔn ɓaa.

EFÈZYƐŊ 4:13

À kɛ̀n kì kpaŋì ɓi jàŋ inɛ rìgherɛ̀n ɗis, rì rìyi ɗi tì yii Man à Bɛ̀ll, ɓyɛɛ ɓa com kìfog di tì mɛ sììrɛn ɓum, tì ghɛ̀ɛ̀sɛ̀n ɗì kɔɔ̀kɔɔ̀ à ǹɗɛli a Kiris.

EFÈZYƐŊ 4:24

Ɓì waatɛ̀n nyɔɔnyɔn à rìɓa ànɛ à rì ǹkìyɛn ɓi kìpisɛn ki Bɛ̀ll, rìɓa ɗìn ɗi resɛ̀n ɓi cɛɓ ki nkpaà rì ki tɛnɛn, ki ki fuu yì ɓi saaɗ.

FÌLÌPYƐŊ 1:8

Lɛ Bɛ̀ll à rì mɛ̀ wusìnɛ̀ɗ lɛ, ǹkeesii mìni ɓɛ̀sɛ̀ɛ̀ ɓɛ̀cèm rì syeesyee à ǹkɔ̀nɛ̀n à Yeesus Kiris.

FÌLÌPYƐŊ 2:17

Wɔ̀lɛ nsoò bwaɓ yɛm̀ yaa ki kpaŋì ɓi sìg à com ki ɓɛ funɛɛ Bɛ̀ll, lɛ yɛɛ ɓɔɓtɛn ɓi rìfa ɗi rìgherɛ̀n ɗin ɗyɛɛ̀ ɓɔɔɓɔgsì Bɛ̀ll rì ɗyɔ, fɔlɔɔ a fa lɔŋ mɛ kìnyàà, ǹki nyààrɛn ǹɗaŋ ri mìni ɓɛ̀sɛ̀ɛ̀ ɓɛ̀cèm.

FÌLÌPYƐŊ 2:5

Ɓi nyìinyìm wìn, ɓaana rì mɛ̀yitì mɛ Yeesus Kiris à ɓaghà rì mɔ.

KÒLÒSYƐŊ 1:27

ɓisuulɛ Bɛ̀ll àa nkɔ̀ni lɛ a resi ɓɔ fèg wìì anɛ a rìnyam, ànɛ à kìi lɛ, à fɔm à ki rɔɔtɛn yɛ̀ɛ mɛ̀nɔ̀ɓɔ̀; fèg ànɛn à rì ɓisuu ɓilɔ̀ŋ ɓìcèm ɓi ɓi yii ɓi Bɛ̀ll, nnyɛɛ lɔɔ lɛ: Kiris à rì ɓi mìni, à ki fa mini dyàɓɛn inɛ lɛ ɓì ɓiì ɓaà rì gàɓ ɓi rìkem ɗi Bɛ̀ll.

KÒLÒSYƐŊ 2:1

Lɛ mɛ̀ɛ nkɔ̀nkɔn lɛ di ɓyàa yii coo wɛ̀y wu mɛ̀ɛ nɗùùɗuu ɓisu win, rì ɓisuu ɓumɓɛ a Lawodise, rì ɓum ɓɛ̀cèm ɓɛ ɓɛ yii ɓi mɛ ɓi-su.

KÒLÒSYƐŊ 3:10

Ɓì teɗ nyɔɔnyɔn à rìɓa, ànɛ à rì rìɓa ɗi ŋwaànɛ à ti ncenɗɛn, à ɓa cààmɛ̀n kìcèm à suùsùgtì nyɔn ɓi kìpisɛn ki roànɛ à kìghà nyi, lɛ di a konag lɔŋ nyi kì yiì kɔɔ̀kɔɔ̀ à rìyi.

KÒLÒSYƐŊ 4:12

Epafiras à maaseŋi wìn à tògsii yì mìni, à rì ǹkìì-kìsay a Yeesus Kiris ànɛ à fɔli ɓi riɗùù ɓi bɔ̀ŋzɛ̀n ɓisu wìn, lɛ ɓi ɓa ɓɛ̀sììrɛn, ɓì ɓa ɓɛ̀syeesyee ɓɛ ɓum, ɓì ki gherɛn rikɔ̀n ɗi Bɛ̀ll syeesyee à rìgherɛ̀n.

TÈSÀLÒNÌSYƐŊ 2:7

Wɔ̀lɛ tì ghɛɓkà ɓi nyìinyìm wìn rì nɗem wu tɛ̀tɛ̀rɛ̀ɛ̀ lɔŋ yɛ̀ɛ jɛɛ ɓɔn à ti à ɓègì ɓɔn ɓii.

TIMOTE 1:2

Ǹkàni Timote, à kɔɔ̀kɔɔ̀ wɛ̀m à man ɓi rìgherɛ̀n, Bɛ̀ll Seŋi rì Kan wìs Yeesus Kiris ɓɛɛ fa wɔ̀ lɛ, rì geesɛ̀n, rì rìcenɛ̀n, rì fyòoog.

Kaàtà ànɛ Pol à kàngà TIT 1:4

Ǹkàni wɔ̀ Tit, kɔɔ̀kɔɔ̀ à man wɛm̀ ɓi rìgherɛ̀n ɗi ɗi ri ɓìsi bas, Bɛ̀ll à Seŋi wìs rì ǹkòrì wìs Yeesus Kiris, ɓɛɛ fa wɔ̀ lɛ rì geesɛ̀n, rì fyòoog.

FILEMƆŊ 1:10

M̀ɓɔ̀ŋzaagh wɔ̀ ɓisuu Onezim à man wɛm̀ ànɛ ǹ-yali ɓi Kiris di ǹɗì ɓi naà-zày.

FILEMƆŊ 1:19

Mɛ̀ Pol yɛɛ kaniì kìɓan kiǹ rì càg kɛm̀ lɛ, ǹɗì wɔ̀ ɓyɔ ɓiì lèɓi; yɛ̀ɛ kɛ̀ɛ n-yiti wɔ lɛ ù rì mɛ̀ rì pon, pon anɛ̀n yɛɛ ri lɛ cɛɓ kɔɔ kɔmiɗ.

EBIREEGH 5:7

Yɛ̀ɛ Yeesus à ghɛghɛ̀ɓkà ɓi ziinɛ, à ɓɔ̀ɔ̀ɓɔ̀ŋzàkà Bɛ̀ll, à yɛ̀ɛ̀ghyɛ̀gsì nyi ɓyàg, rì ɓyoo ɓikiŋ, rì misì ɓi mɛ̀tam, lɛ Bɛ̀ll yɛɛ ɓaghà lɛ à ghɛɓsì nyi ɓi rìwu; nni Bɛ̀ll à wokà bɔ̀ŋzɛ̀n yii lɛ mɛ̀wog mɛ à ɓaghà rì mɔ.

ZYAG 1:18

À faghà ɓìsi cɛɓ ɓi rìkɔ̀n ɗii, rì jɛ̀ɛ̀ yìì i saaɗ lɛ ti ɓa fɛlɛ yɛ̀ɛ ɓìɗùn ɓi ǹtonto ɓi ɓyom ɓi à kìghà.

1 ZYAŊ 2:1

Ɓɔn ɓɛm, ǹkàni mìni kìɓan ki lɛ, di kɛ̀ ɓi kì kiɓe; wɔ̀lɛ i ki kpaŋi lɛ wààdɛŋ ù kìi kìɓe, tì rì rì ŋwaànɛ a kamɛn ɗì ɓìsi jàŋbog rì Tààta, nnyɛɛ ri Yeesus Kiris ànɛ à rì saaɗ à mum.

1 ZYAŊ 2:12

Ɓɔn ɓɛm, ǹkàni mìni ɓisuulɛ ɓìɓe ɓin ɓi ti ɓì càrɛn ɓi ɗii ɗìì.

1 ZYAŊ 5:21

Mìni ɓɔn ɓɛm ɓì konàg rì ɓìnùn.

3 ZYAŊ 1:4

Kìnyàà kidɛŋ ki cee ɓi mɛ ki lɛ nwog lɛ ɓɔn ɓɛm ɓɛɛ̀ kɛ̀ɛ̀kɛɛ ɓi saaɗ ɓi ɗùm.