GÀLAT 3:27 - Bafia Nouveau Testament

²⁷ Mìniìcèm ɓɛ ɓɛ ɓaɓtìghà ɓi Kiris, ɓì waatɛ̀ngà Kiris.

GÀLAT 3:27 ပူးပေါင်းရင်းမြစ်များ

LUKAS 15:22

Nsoò fɔlɔɔ seŋi à kpaaghà ɓɛ̀kìì-ɓìsay ɓii lɛ: Terinas̀ mɛ̀ kìlàà ki ki ɓiisɛɛ kì rɔɔtɛɛ lɛ fyɛ̀ɗ, ɓi fa nyi a waàtɛn; à kpaa tì ɓɔ lɛ. Waasiina nyi bɔŋ ɓi manàcàg, ɓì waasì tì nyi ɓɛ̀siripàs ɓi mɛ̀kòò.

MƐ̀KÌKÌÌ MƐ ƁƐKƐ̀NÌ-FÌTOM 16:15

Yɛ̀ɛ ɓɛ ɓaɓtìghà lɛ rì nyi, rì naa yìì i ɓum nni à tɔkà ɓìsi lɛ, ti kɛǹ a mɛɛ mii, à kpaa lɛ: I ɓì ghɛɛ lɛ ǹɗì ǹgherɛ̀n Kan, yùuna kì kɔ̀rii a mɛɛ mɛm̀. Fɔɔnnɛ à sììrɛ̀ngà lɛ ti gherɛn lɛ, ti kɔri à lɔ̀ŋkii.

MƐ̀KÌKÌÌ MƐ ƁƐKƐ̀NÌ-FÌTOM 2:38

Pyɛɛri à ɓàg ɓɔ lɛ: Lɔ̀ɔ̀ghrɛɛna mɛ̀rem, mum ǹcèm ànɛ ɓi mìni à ki ɓàɓtɛn ɓi ɗii ɗi Yeesus Kiris fɔɔnnɛ Bɛ̀ll a cenɛn ɓìɓe ɓin, à ki fa mini Kìtɛntɛ̀ɛ̀n ki Nghay.

MƐ̀KÌKÌÌ MƐ ƁƐKƐ̀NÌ-FÌTOM 8:16

Ɓisuulɛ, Kìtɛntɛ̀ɛ̀n ki Nghày ki ɓaghà di ki ka sɛn yi ɓi nsoò ɓi kìbog ki ɓi ɓɔ; ɓɛ ɓaghà lɔŋ yɛɛri di ɓɛ ti ɓɛ̀ɓàɓtakɛn ɓi ɗii ɗi Kan Yeesus.

MƐ̀KÌKÌÌ MƐ ƁƐKƐ̀NÌ-FÌTOM 9:18

Lɔŋ ɓi gom yɔ̀miɗ inɛ̀n, ɓyom ɓidɛŋ fɛlɛ yɛ̀ɛ ɓìɓaaɓaa ɓi ɓìzɛn ɓi ɓaaghrɛ̀ngày ɓi mis mɛ Sol, ɓi kpi ɓi zi, à ghɛnɛ̀n tì min, fɔɔnnɛ à pɛ̀sɛ̀ngà aɗyoo, ɓɛ ɓaɓtì nyi.

RÒMƐŊ 13:14

Kìɓan kifog, waatɛɛna Kan Yeesus Kiris kɛ̀ ɓi càɗ mɛrem min lɛ mɛɛ ɓɔm̀ɓɔm ɓìɓan ɓi ɓi mɛ̀mùù, lɛ di ɓi kaàkaa rìyɛ̀y ɗi ɓiɓan ɓiǹ.

RÒMƐŊ 3:22

kɛɛ ri rìkì ɗi Bɛ̀ll à ti à kìlàg lɛ ɓum ɓɛɛ ɓa lɛ saaɗ ɓi mis mii lɛ rìgherɛ̀n ɗi ɓɛ gherɛɛ Yeesus Kiris, kìɓan kiǹ ki ri ɓisuu ɓum ɓɛ̀cèm ɓɛ ɓɛ gherɛɛ; ǹlànag wu ki yin miì;

1 KƆ̀RƐ̀ŊTYƐŊ 10:2

Fɔɔnnɛ ɓɛ̀sɛ̀ɛ̀ ɓɛ̀cèm ɓɛ ɓaɓtɛ̀ngà ɓi kìkwìɗ azi rì ɓi rìɓày ɓiɗùm, yɛ̀ɛ ɓɛ ɓaghà ɓɛ̀ràrɛn ɗi Moyis.

1 KƆ̀RƐ̀ŊTYƐŊ 12:13

Lɛ ɓìsi ɓɛ̀sɛ̀ɛ̀ ɓɛ̀cèm, tì ɓàɓtɛ̀ngà ɓi mbobog à Nghay, lɛ ti ɓa nyoo bogtɛ̀n nsoò Ɓɛ̀yudɛ̀n, nsoò ɓumɓɛ ɓɛ yin Ɓɛ̀yudɛ̀n, nsoò ɓɛ̀kpàn, nsoò ɓumɓɛ ɓɛ yin ɓɛkpàn, fɔɔnnɛ ɓìsiìcèm tì nɔghà m̀bobog à Nghay ànɛ̀n.

EFÈZYƐŊ 4:24

Ɓì waatɛ̀n nyɔɔnyɔn à rìɓa ànɛ à rì ǹkìyɛn ɓi kìpisɛn ki Bɛ̀ll, rìɓa ɗìn ɗi resɛ̀n ɓi cɛɓ ki nkpaà rì ki tɛnɛn, ki ki fuu yì ɓi saaɗ.

KÒLÒSYƐŊ 3:10

Ɓì teɗ nyɔɔnyɔn à rìɓa, ànɛ à rì rìɓa ɗi ŋwaànɛ à ti ncenɗɛn, à ɓa cààmɛ̀n kìcèm à suùsùgtì nyɔn ɓi kìpisɛn ki roànɛ à kìghà nyi, lɛ di a konag lɔŋ nyi kì yiì kɔɔ̀kɔɔ̀ à rìyi.

1 PYƐƐRI 3:21

Mɛ̀nig mɛǹ mɛ ɓaghà kìfèèghrɛnà ki bàɓtis ìnɛ yɛɛ̀ ghɛɛghɛɓsì mìni ɓigomìnɛ, bàɓtis ìnɛ̀n ì yin ɓiì sòòsoo tifin ti ɓi nyoo, kìɓan kifog ì rì rìfalɛ̀n ɗi mum à falɛɛ yɛ̀ɛ Bɛ̀ll rì syeesyee à nɗem. A ghɛɛghɛɓsì mìni lɛ rìghèmɓɛ̀n ɗi Yeesus Kiris à ghèmɓɛ̀ngà,