GÀLAT 3:22 - Bafia Nouveau Testament

²² Kìɓan kifog kaàtà à Bɛ̀ll a rèsag lɛ, ɓyom ɓìcèm ɓi ri ɓi rìkpàn ɗi kiɓe, lɛ di ǹkàg wu Bɛ̀ll à faghà wɛɛ ron ɓi san ànɛ a ɓɛ̀gherɛ̀n lɛ rìgherɛ̀n ɗi ɓɛ gherɛɛ Yeesus Kiris.

GÀLAT 3:22 ပူးပေါင်းရင်းမြစ်များ

MARIKUS 16:16

Ŋwaànɛ à rì ɓiì gherɛɛ, à ki ɓaɓtɛn nnyɛɛ ri ɓiì ghɛɛ̀ cɛɓ; wɔ̀lɛ ŋwaànɛ à gherɛɛ ɓi à ɓiì terì bɛ̀lɛn.

ZYAŊ 12:46

Mɛ̀ ǹ-yùghà ɓi ziinɛ fɛlɛ yɛ̀ɛ kìtɛɛtɛn, lɛ mum ǹcèm ànɛ à gherɛɛ mɛ̀ kɛ̀ɛ ɓa ɓi birìm.

ZYAŊ 20:31

Kìɓan kifog, gàɓ ìnɛ ì rì ǹkànɛn lɛ di ɓi gherɛn lɛ Yeesus à rì Kiris, Man à Bɛ̀ll, rì tì lɛ, i ɓì gherɛɛ, ɓì ɓa rì cɛɓ lɛ nyi.

ZYAŊ 3:36

Nni mum ǹcèm ànɛ à gherɛɛ Man, à rì rì cɛɓ ki fiɗyàɓ fikɔ̀ɔ̀; ŋwaànɛ à woogh ɓi nyi, àa ghɛn ɓi cɛɓ, kìɓan kifog, rìbaŋì ɗi Bɛ̀ll ɗi kaka nyi ɓi nyòò.

ZYAŊ 5:24

Ǹkalii mìni kɔɔ̀kɔɔ̀ à rìkpaa lɛ, ŋwaànɛ à woogh jɛ̀ɛ̀ yɛ̀m, à ki gherɛn roànɛ à romgày mɛ̀, à ti rì cɛɓ ki fiɗyàɓ fikɔ̀ɔ̀. À yin lɛ à yù a rìren ɗi ɓiɓan, kìɓan kifog, à mɛ pɛ̀sɛn yi ɓi rìwu, à ɗiŋì ɓi cɛɓ.

ZYAŊ 6:40

Lɛ rìkɔ̀n ɗi Seŋi wɛ̀m ɗyɛɛ̀ɗi: Lɛ mum ǹcèm ànɛ à ghɛɛ Man, à ki gherɛn nyi, a ɓa rì cɛɓ ki fiɗyàɓ fikɔ̀ɔ̀, mɛ̀ ǹki ghèmzii gɛ nyi ɓi siitòn a ŋwos.

MƐ̀KÌKÌÌ MƐ ƁƐKƐ̀NÌ-FÌTOM 16:31

Ɓɛ ɓaàg nyi lɛ: Gherɛn Kan Yeesus, fɔɔnnɛ ù rì ɓiì ghɛɛ̀ cɛɓ lɛ rì wɔ̀, rì naa yɔ̀ɔ̀ ì ɓum.

RÒMƐŊ 10:9

I ù pinii ŋwɔm wɔɔ ɓi nyìinyìm à ɓum, ù kpaa lɛ Yeesus à rì Kan, ù ki gherɛn ɓi nɗem wɔɔ lɛ Bɛ̀ll à ghèmzìghà nyi a ɓìloŋ, ù ɓiì ɓaà rì cɛɓ.

RÒMƐŊ 11:32

Ɓisuulɛ Bɛ̀ll à ghaasìghà ɓum ɓɛ̀cèm ɓɛ̀kpàn ɓi ǹtoòtèɗ, ɓi ɗùm, lɛ di a wog ɓɔ ɓɛ̀sɛ̀ɛ̀ ɓɛ̀cèm nyìighnyìg.

RÒMƐŊ 3:22

kɛɛ ri rìkì ɗi Bɛ̀ll à ti à kìlàg lɛ ɓum ɓɛɛ ɓa lɛ saaɗ ɓi mis mii lɛ rìgherɛ̀n ɗi ɓɛ gherɛɛ Yeesus Kiris, kìɓan kiǹ ki ri ɓisuu ɓum ɓɛ̀cèm ɓɛ ɓɛ gherɛɛ; ǹlànag wu ki yin miì;

RÒMƐŊ 3:23

ɓisuulɛ ɓɛ̀sɛ̀ɛ̀ ɓɛ̀cèm ɓɛ kighà kìɓe fɔlɔɔ nnɛ ɓɛ yin lɛ ɓɛ wuɓsɛ̀n rìkem ɗi Bɛ̀ll.

RÒMƐŊ 5:12

Kìɓan kiǹ kɛɛ̀ki yɛ̀ɛ kìɓan ki mum bog à kìghà ki ɗiŋzìghày kìɓe ɓi ziinɛ, rìwu ɗi ki ɗiŋiì lɛ kìɓe, rìwu ɗìn ɗi ki ràm ɓum ɓɛ̀cèm ɓisuulɛ ɓɛ̀sɛ̀ɛ̀ ɓɛ̀cèm ɓɛ kighà kìɓe;

GÀLAT 3:14

Ki kilɛ̀ngà fɔlɔɔ lɛ di ɓɛ̀mààgh ɓɛ Bɛ̀ll à kàkà Abiraham ɓɛɛ kom̀ ɓumɓɛ ɓɛ yin Ɓɛ̀yudɛ̀n lɛ Yeesus Kiris, rì tì lɛ, di ɓìsii teɗ Ǹghay ànɛ Bɛ̀ll à kàkà lɛ rìgherɛ̀n.

GÀLAT 3:17

Com ki nkɔ̀nkɔn lɛ nkpaà ki ri lɛ, bimiɗ à rìwòŋzì ɗi ɓiɓan anɛ Bɛ̀ll à ɓaghà di à mɛ pègsɛ̀n à yin lɛ ɓìdɔ̀gsɛna ɓi yogsì lɛ ɓyɔɓi ɓi kpaŋiì fɛ ajɛ̀m ì bèg ɓɛ̀hɔnɗɛ̀ɗ ɓɛnin rì bèg rìtin ɗì ǹtɛ̀ɗ; i ki kilɛɛ fɔlɔɔ, di ǹkàg wu Bɛ̀ll wu ri kɛ̀ɛ̀ ìsu.

GÀLAT 3:23

Di rìgherɛ̀n ɗi ka yin, ɓìsii ɓaghà ɓi naà-zày ì ɓìdɔ̀gsɛna, tì ɓoŋɓòŋ lɛ rìgherɛ̀n ɗi ncèm ɗyɛɛ resɛ̀n.

GÀLAT 3:29

Nni mìni ɓɛ ɓì rì ɓum ɓɛ Kiris, yiina min lɛ, ɓì rì boo ì mum yì Abiraham, ìnɛ ì rì rì gàɓ ɓi ɓyom ɓi Bɛ̀ll à kàkà.

2 TIMOTE 1:1

Mɛ̀ Pol ànɛ ǹɗì ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, ɓi nkàg wu cɛɓ wu wu ri ɓi Yeesus Kiris,

EBIREEGH 9:15

Kìɓan kiǹ kɛɛ̀ki Kiris à rɛrɛlii ɓi nyìinyìm ànɛ ɓi bee i nyɔn ìnɛ lɛ, rì ɓum rì Bɛ̀ll, lɛ di ɓumɓɛ Bɛ̀ll à mɛ reŋi ɓɛɛ teɗ ɓìrɔɔ ɓi fiɗyàɓ fikɔ̀ɔ̀, ɓi à kàkà ɓumɓɛ abɛ̀y; ɓɛ ri ɓyɔ ɓiì terì lɛ rìwu ɗi mum bog ɗyɛɛ mɛ kwèɗ ɓum ɓi ɓìɓe ɓìcèm ɓi ɓɛ kighà di ɓɛ kaka ɓi fìɗyàɓ fi bee.

2 PYƐƐRI 1:4

Fɔlɔɔ nnɛ à faghà ɓìsi ɓyoo ɓisyeesyee rì gìn yi mɛkàg lɛ, i ɓì teri ɓyom ɓi à kàkà, ɓì ɓa rì ìtèɗ wulɛ ɓi ghɛŋi ɓìɓeɓtàg ɓi ɓiɓan ɓi ɓyɛɛ̀ yooyogsì ɓum ɓyɛɛ ri ɓìcakɛn ɗi ziinɛ, ɓi yu kì terì gàɓ ɓi rìɓa ɗii ɗi à rì Bɛ̀ll.

2 PYƐƐRI 3:13

Kìɓan kifog ɓìsii ɓoŋɓòŋ lɛ rì ɗyoo ɗi nyɔn rì zi i nyɔn ìnɛ saaɗ à ri ɓa miì, lɔŋ yɛ̀ɛ à kàkà.

1 ZYAŊ 2:25

Nni ǹkàg wu à faghà ɓìsi wɛɛ ri lɛ, cɛɓ ki fiɗyàɓ fikɔ̀ɔ̀.