GÀLAT 3:17 - Bafia Nouveau Testament

¹⁷ Com ki nkɔ̀nkɔn lɛ nkpaà ki ri lɛ, bimiɗ à rìwòŋzì ɗi ɓiɓan anɛ Bɛ̀ll à ɓaghà di à mɛ pègsɛ̀n à yin lɛ ɓìdɔ̀gsɛna ɓi yogsì lɛ ɓyɔɓi ɓi kpaŋiì fɛ ajɛ̀m ì bèg ɓɛ̀hɔnɗɛ̀ɗ ɓɛnin rì bèg rìtin ɗì ǹtɛ̀ɗ; i ki kilɛɛ fɔlɔɔ, di ǹkàg wu Bɛ̀ll wu ri kɛ̀ɛ̀ ìsu.

GÀLAT 3:17 ပူးပေါင်းရင်းမြစ်များ

ZYAŊ 1:17

Ɓisuulɛ, ɓìdɔ̀gsɛna ɓi falɛ̀ngà rì Moyis, geesɛ̀n rì saaɗ ɓi yuiy rì Yeesus Kiris.

MƐ̀KÌKÌÌ MƐ ƁƐKƐ̀NÌ-FÌTOM 7:6

Bɛ̀ll à kpaaghà nyi lɛ: Dòò yɔɔ yi kɔ̀rii gɛ ɓi kìlɔ̀ŋ kidɛŋ, wɔɔnnɛ ɓɛ ghaasii gɛ yɔ ɓɛ̀kpàn, ɓɛ ki tɔɓ yɔ, bèg ɓɛ̀hɔnɗɛ̀ɗ ɓɛnin.

RÒMƐŊ 3:25

Yeesus ànɛ̀n nnɛ Bɛ̀ll à fèkà lɛ a ɓa roànɛ à rì ɓiì sòo ɓiɓe ɓi ɓum rì bwaɓ yii ɓi bee ì rìgherɛ̀n; à kìghà fɔlɔɔ lɛ a resi saaɗ wìì ɓisuulɛ, à càɗkà ɓum kɛ̀ɛ fa ɓɔ deɓ ɓi ɓìɓe ɓi ɓɛ kikìghà abɛ̀y, cààmɛ̀n ki à ɓaghà di à ka kɔn ɓi lɛ bim yiì yɛ̀ɛ resɛ̀n.

RÒMƐŊ 3:3

Nni la! I ɓum ɓɛdɛŋ ɓɛ ɓi nyìinyìm wàà ɓɛ ɓaghà ɓumɓɛ ɓɛ gherɛɛ ɓi, rìɓa ɗyaa ɗi kɛ̀ɛ̀ rìgherɛ̀n ɗiǹ ɗyɛɛ ri ɓiì kìi lɛ Bɛ̀ll a rɔɓ kɛ̀ɛ roòzi ti mɛ̀kàg mii?

1 KƆ̀RƐ̀ŊTYƐŊ 1:12

Nkɔ̀nkɔn lɛ nkpaà yɛɛ lɔɔ lɛ, ɓì rì lɛ: Rì wàànɛn miì ù kpaa lɛ: Mɛ̀ ǹɗì ŋwaà Pol; roànɛ lɛ: Mɛ̀ ǹɗì ŋwaà Apolos, roàmbog lɛ: Mɛ̀ ǹɗì ŋwaà Sefas, roàdɛŋ tì lɛ: Mɛ̀ ǹɗì ŋwaà Kiris.

1 KƆ̀RƐ̀ŊTYƐŊ 1:17

Ɓisuulɛ Kiris à romgày ɓi mɛ lɛ mɓààɓàɓtì ɓum, wɔ̀lɛ à romgày mɛ̀ lɛ nkakali Syeesyee à Ɓɔlɛ, ǹki kì kiɓan kiǹ kɛ̀ɛ̀ ɗyomzɛ̀n ɗi ɓitòkì, lɛ di kɛ̀ kɛɛ̀ ɓa yɛ̀ɛ kɔrɔs à Kiris à rì com ki zɛy.

1 KƆ̀RƐ̀ŊTYƐŊ 10:19

Fɔlɔɔ a rèsii nya yɛɛ lɔɔ lɛ nkɔ̀nkɔn lɛ ɓyɛn ɓi ɓɛ funɛɛ ɓi ɓìnùn, nsoò ɓìnùn ɓyɔmiɗ, ɓi ri nya rì bimiɗ à rìɓa àdɛŋ?

1 KƆ̀RƐ̀ŊTYƐŊ 7:29

Ɓɔɔsoŋ̀, com ki nkɔ̀nkɔn lɛ nkpaà ki ri lɛ, cààmɛ̀n ki ri kìden, à tumɛ̀n ɓigomìnɛ, ɓumɓɛ ɓɛ ri rì ɓɛ̀yiɓ, ɓɛ ghɛɛ̀sɛɛ kì ɓaà yɛ̀ɛ ɓɛ ri kɛ̀ɛ̀ ɓɛ̀yiɓ;

2 KƆ̀RƐ̀ŊTYƐŊ 1:20

Mɛ̀kàg mɛ Bɛ̀ll mɛ̀cèm mɛ ri ɛ̀ɛ̀ ànɛn ɓi nyi. Lɔŋ ɓi nyi girig nnɛ tì ti tì kalàg Bɛ̀ll ààmɛ̀n wìs lɛ ti fa nyi rìkem.

2 KƆ̀RƐ̀ŊTYƐŊ 9:6

Yiina lɛ ŋwaànɛ à ɓɛ̀li ɓyom lɛsàg, à ɓiì ɓùmii girig lɛsàg; roànɛ à ɓɛ̀li lɛɛ̀gwey, à ɓùmì girig lɛɛ̀gwey.

GÀLAT 3:15

Ɓɔɔsoŋ̀, nteɗ mìni dàɗkì rì ɓìɓan ɓi ɓyɛɛ̀ kìikilɛ̀n ɓi rìghɛghɛ̀ɓ ɗi ɓum; i mum à reɓsaagh ɓìɓan ɓii syeesyee à rìreɓsàg di à ka wu ɓi, ŋwaàdɛŋ à yin lɛ à ɓa rì com ki pisiyɛn, nsoò ki fɔŋdiyɛn ɓi ɓìɓan ɓiǹ.

GÀLAT 3:21

Fɔlɔɔ a rèsii nya lɛ ɓìdɔ̀gsɛna ɓi wɛɛsɛɛ ɓi ri mɛ̀kàg mɛ Bɛ̀ll? Àg! Ki yin fɔlɔɔ; i kìdɔ̀gsɛna kidɛŋ ki ki ri lɛ ki fa cɛɓ kɛɛ ɓa wɔɔ, di rìɓa ɗi mum a ɓa lɛ saaɗ ɓi mis mɛ Bɛ̀ll ɗi ri lɛ ɗi ghɛnɛ̀n a tààkaà ɓi ɓìdɔ̀gsɛna.

GÀLAT 5:16

Càrɛɛnà lɛ Nghay à Bɛ̀ll yɛɛ kɛɛ̀kɛ̀ɛ̀sì ɓyɛɓ ɓin, fɔɔnnɛ ɓyàa kì ti ɓi ɓiɓan ɓi mɛ̀mùù mɛɛ̀ syògi ɓum lɛ ɓɛɛ ki.

GÀLAT 5:4

Mìni ɓumɓɛ ɓi kaakaa lɛ ɓi ɓa lɛ saaɗ ɓi mis mɛ Bɛ̀ll lɛ rìɓèŋ ɗi ɓidɔ̀gsɛna, ɓì mɛ ghasɛn ɗi Kiris, ɓì ki ti ɓɛ mɛ̀mɛn geesɛ̀n ì Bɛ̀ll.

EFÈZYƐŊ 2:12

Ɓi cààmɛ̀n kiǹ, ɓì ɓaghà kɛ̀ɛ̀ Kiris, ɓì ɓaghà ɓɛ̀kèn, kɛ̀ ɓi ɓa ɓɛroɓɛ ɓi kìlɔ̀ŋ ki Bɛ̀ll à ɓɔ̀ngà; ɓì ɓaghà ɓi ri gàɓ ɓi bee yi Bɛ̀ll à kàkà lɛ à ɓiì renì rì kɔ; fɔɔnnɛ ɓì ghɛghɛ̀ɓkà ɓi ziinɛ, kɛ̀ɛ̀ dyàɓɛn, kɛ̀ɛ̀ Bɛ̀ll.

EFÈZYƐŊ 4:17

Kìɓan ki mɛ̀ ǹkalii, ǹki sììrɛn ɓi ɗii ɗi Kan kɛɛ̀ki lɛ: Kɛ̀ ɓi ghɛɓti yɛ̀ɛ ɓum ɓɛ zɛy ɓɛ ɓɛ yin ɓɛgherɛ̀n, ɓɔ yɛɛ ti ɓɛ nɔɔ̀tàg ɓɔɔ momzɛ̀n ɓaa ɓɛ kɛ̀ɛ̀ ìsu.

KÒLÒSYƐŊ 2:4

Ǹkpaa kìɓan kiǹ ɓisuulɛ mum kɛ̀ɛ ɓɔ̀ŋ mini rì ɓìsyeesyee ɓi ɓitòkì.

EBIREEGH 11:13

Lɔŋ ɓi rìgherɛ̀n innɛ ɓumɓɛ̀n ɓɛ̀cèm ɓɛ cuughà di ɓɛ ka teɗ ɓi ɓyom ɓi Bɛ̀ll à kàkà ɓɔ; kìɓan kifog ɓɛ ghɛngày ɓyɔ, ɓɛ ki nyààrɛn ri ɓyɔ di ɓi kakay fìràɓ, ɓɛ ki kpaa lɛ ɓɔɔ ri ɓɛ̀kèn ɓɛ ɓɛ ri ɓi rìghaàgh fɛ ɓi ziinɛ.

EBIREEGH 7:18

Fɔɔnnɛ ɓɛ mɛ pisi kidɔ̀gsɛna ki abɛ̀y lɛ ki ɓaghà kɛ̀ɛ̀ ìtèɗ, kɛ̀ kɛɛ̀ ki ghɛɓsi com.

1 PYƐƐRI 1:20

nyi nnɛ ɓɛ ɓɔngà abɛ̀y di zi i ka kilɛn ɓi, à ki rèsɛn ɓisu win ɓi ɓyààmɛ̀n ɓi siitòn ɓi.