GÀLAT 3:16 - Bafia Nouveau Testament

¹⁶ Wɔ̀lɛ Abiraham innɛ ɓɛ faghà mɛ̀kàg lɛ rì nyi rì boo yìì i mum, ki yin ki kaliyɛn lɛ, rì boo ì ɓum ìdɛŋ, yɛ̀ɛ ɓɛɛ̀ kali lɛ boo yi ɓum yi ɓaghà lɛɛ̀gwey. Rìkpaa ɗi lɛ, rì boo yɔ̀ɔ̀ i mum ɗi seesee lɔŋ boo ì mum bogtɛ̀n, yɛ̀ɛ ri lɛ Kiris.

GÀLAT 3:16 ပူးပေါင်းရင်းမြစ်များ

MATYOO 1:1

Rìfuu yì ɗi Yeesus Kiris man à Davit, man à Abiraham ɗi ri fɛlɛ:

LUKAS 1:55

ɓisuu Abiraham, rì dòò yii, fiɗyàɓ fikɔ̀ɔ̀ lɔŋ yɛ̀ɛ à kàkà ɓɛ̀seŋi ɓis.

MƐ̀KÌKÌÌ MƐ ƁƐKƐ̀NÌ-FÌTOM 3:25

Mìni yɛɛ ri ɓɔn ɓɛ ɓɛkpaŋzì-ɓìɓan, ɓì ki ɓa ti ɓɔn ɓɛ ɓi ɓee ìnɛ Bɛ̀ll à rengà rì ɓɛ̀seŋi ɓìn, yɛ̀ɛ à kalìghà Abiraham lɛ: M̀màŋi gɛ naa yi ɓum yìcèm yi ɓi ziinɛ ɓi jɛ̀m ì dòò yɔɔ.

RÒMƐŊ 12:5

fɔlɔɔ nnɛ ɓìsi ɓɛ tì rì kìtuu, tì ri nyoo bog ɓi Kiris ɓi ɗùm; tì ki ɓa ti ɓikàɓ ɓi ɓi nyoo bog,

RÒMƐŊ 4:13

I Bɛ̀ll à kàkà Abiraham rì dòò yii lɛ ɓɛ ri ɓiì fɔ̀ni zi ɓi mɛ̀wus, ǹkàg wiǹ wu falɛ̀ngà ɓi ɓisuulɛ Abiraham à ɓègà ɓìdɔ̀gsɛna; kìɓan kifog Bɛ̀ll à faghà nyi ǹkàg wiǹ lɛ à ghɛngà nyi lɛ à rì lɛ saaɗ ɓi mis mii lɛ rìgherɛ̀n.

RÒMƐŊ 4:16

Fɔlɔɔ nnɛ ǹkàg wu falɛ̀ngà lɛ rìgherɛ̀n lɛ di wɛɛ ɓa yɛ̀ɛ rìɓòò ɗi Bɛ̀ll à kìi ɓum zɛy rì zɛy, wu ɓa ɓisuu dòò yi Abiraham yìcèm, wɛ̀ kɛɛ̀ ɓa lɔŋ lɛ ɓisuu dòò yi yɛɛ̀ ɓèŋɓeŋ ɓidɔ̀gsɛna; wu ɓa tì girig ɓisuu ɓɛroɓɛ ɓɛ gherɛɛ lɔŋ yɛ̀ɛ Abiraham à seŋi wìs a ɓɛ̀sɛ̀ɛ̀ ɓɛ̀cèm à gherɛ̀ngà, lɔŋ yɛ̀ɛ ki ri kìkànɛn lɛ:

RÒMƐŊ 9:4

Ɓɛ ri dòò yi Isirayɛl, ɓɔɔ̀ɓɛ Bɛ̀ll à ghaasìghà ɓɔn ɓii, à fa ɓɔ rìkem; rì ɓɔ nnɛ à rengà bee yiì, à fa ɓɔ ɓìdɔ̀gsɛna, à rèsì ɓɔ rìɓɔgsì ɗi Bɛ̀ll, à ki fa ɓɔ mɛ̀kàg.

1 KƆ̀RƐ̀ŊTYƐŊ 12:12

Ɓisuulɛ nyoo ì mum ì rì lɔŋ bog, wɔ̀lɛ ì teghɛ̀n ɓìkàɓ; kìɓan kifog, nsoò yɛ̀ɛ ɓìkàɓ ɓiǹ ɓìcèm ɓi teghɛɛ bàlì, ɓyɛɛ toŋi lɔŋ mbobog à nyoo, fɔlɔɔ nnɛ Kiris à rì girig.

1 KƆ̀RƐ̀ŊTYƐŊ 12:27

Ɓì rì nyoo ì Kiris, mum ǹcèm ànɛ ɓi mìni à rì kìkàɓ kii lɛ rì mum, à ɓa ɓi rìɓa ɗii.

2 KƆ̀RƐ̀ŊTYƐŊ 11:22

Ɓaa soo rì ɓɛ̀-Ebìreegh, mɛ̀ ǹɗì girig muu Ebìreegh; ɓaa soo rì ɓumɓɛ a Isirayɛl, mɛ̀ ǹɗì girig kìbog ki miì; ɓaa soo rì dòò yi Abiraham, mɛ̀ ǹɗì girig dòò yìì.

GÀLAT 3:19

Nni ɓìdɔ̀gsɛna ɓi ghɛɓsii min cɛ? Ɓi foŋɗɛ̀ngà lɛ ɓyɛɛ reresi mɛ̀nànì mɛ ɓum à kpaŋ yɛ̀ɛ dòò yì Abiraham ìnɛ ǹkàg wiǹ wu seesèèghà ì kpaŋi gɛ; ɓum ɓɛ titom ɓɔ yɛɛ ghagsìghà ɓìdɔ̀gsɛna ɓiǹ, di bimiɗ à mum à rì ɓi nyìinyìm ànɛ lɛ, rì kìlɔ̀ŋ rì ɓɔ.

GÀLAT 3:8

Kaàtà à Bɛ̀ll à yitìghà abɛ̀y lɛ, Bɛ̀ll à kìi gɛ lɛ ɓumɓɛ ɓɛ yin Ɓɛ̀yudɛ̀n ɓɛɛ ɓa lɛ saaɗ ɓi mis mii lɛ rìgherɛ̀n, nni à lokà kì kpaà Abiraham Syeesyee à Ɓɔlɛ ànɛ lɛ: Ɓìlɔ̀ŋ ɓìcèm ɓi teri gɛ ɓɛ̀mààgh ɓisu wɔ̀ɔ̀.

EFÈZYƐŊ 5:32

Kìɓan kiǹ ki ri gɛn à kìɓan ànɛ à rimi; mɛ̀ ǹkpaa fɔlɔɔ ɓi san ànɛ yɛ̀ɛ Kiris rì kìseŋi kìì.

KÒLÒSYƐŊ 2:19

Rìkuu ɗi mum ɗìn ɗi yin ɗi ràrɛn ri ǹto wu wu ɓanɓani nyoo bimiɗ, wu ki kì lɛ nyoo ìnɛ̀n yɛ̀ɛ rarag lɛ syeesyee ɓi jàŋ yi ì rì miì ǹwògakɛn ì ki tɔɔtɔɔ kitɔɔ ki Bɛ̀ll a fafa yɔ̀.

KÒLÒSYƐŊ 3:11

Foo ǹlànag wu yiìdi ɓi nyìinyìm ànɛ lɛ, rì muu Gìrɛg, rì muu Ɓɛ̀yudɛ̀n, nsoò lɛ rì ŋwaànɛ à rì ǹkɛ̀rɛn, rì roànɛ à yin nkɛ̀rɛn, ǹkèn a mum, rì muu Sit, nsoò lɛ rì ǹkpàn rì ŋwaànɛ à yin ǹkpàn, lɔŋ Kiris yɛɛ ri com kìcèm ɓi ɓum ɓɛ̀cèm.