GÀLAT 2:5 - Bafia Nouveau Testament

⁵ Ɓìsii nɛmgà ɓi ɓɔ bee, tyɛ̀ ki ki wog rikpaa ɗyaa nsoò lɛsàg, lɛ tì kɔ̀nkɔ̀ngà lɛ saaɗ à Syeesyee à Ɓɔlɛ a rɔɓ lɔŋ zìŋ ɓi-kɔ̀ɔ̀ ɓi nyìinyìm wìn.

GÀLAT 2:5 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 15:2

Fɔɔnnɛ coo kiyoòyòò ki kpighà, dì Pol ɓɛɛ̀ Ɓarinaɓas ɓɛ mɛ teɗ rirèsàg ɗi ɓumɓɛ̀n nyoey, ɓɛ ren min lɛ, rì Pol rì Ɓarinaɓas rì ɓum ɓɛdɛŋ, ɓɛ ghɛɛ̀sɛɛ kì ɓɔɔ̀gh a Yorisalɛm lɛ, ɓɛɛ ghɛn ɓɛ̀kɛ̀nì-fìtom, rì ɓɛ̀sɛ̀ɛ̀mɛn ɓɛ kilɔ̀ŋ lɛ ɓɛɛ fiɓi kìɓan kiǹ.

GÀLAT 1:6

Ǹkuuraagh lɛ ɓì ghàsi kì lɔ̀ghii jɛ̀m rì roànɛ à reŋìghà mìni ɓi geesɛ̀n ì Kiris, ɓì nɔ̀ɔ̀tì Syeesyee à Ɓɔlɛ àdɛŋ.

GÀLAT 2:14

Nni yɛ̀ɛ ǹghɛngà lɛ ɓɛ yin ɓiì kɛ̀ɛ̀kɛɛ yɛ̀ɛ ki ghɛɛ̀sɛɛ ɓi saaɗ ànɛ à rì ɓi Syeesyee à Ɓɔlɛ, nni ǹkpaaghà rì Pyɛɛri ɓi mis mɛ ɓum ɓɛ̀cèm lɛ: I wàànɛ ù rì muu Ɓɛ̀yudɛ̀n u ghɛghɛɓ yɛ̀ɛ ɓumɓɛ ɓɛ yin Ɓɛ̀yudɛ̀n, kɔ̀ɔ ghɛɓ cɛɓ ki Ɓɛ̀yudɛ̀n, lannɛ u kɔ̀nkɔn lɛ u kaŋ ɓumɓɛ ɓɛ yin Ɓɛ̀yudɛ̀n lɛ ɓɛɛ ghɛɓ yɛ̀ɛ Ɓɛ̀yudɛ̀n?

GÀLAT 4:16

Nni ǹghali bènàbena wiǹ ɓigomìnɛ lɛ nkpaakpaa mini saaɗ wa?

EFÈZYƐŊ 1:13

Ɓi Kiris, mìni girig ɓì kìghà lɛ, yɛ̀ɛ ɓì wokà jɛ̀ɛ̀ ìnɛ ì rì saaɗ, yɛ̀ɛ ri Syeesyee à Ɓɔlɛ ànɛ à ɓaghày rì gòri yìn, nni ɓì gherɛ̀ngà Kiris, Bɛ̀ll à foŋ min kirèmzɛnà kii ɓi mìni, yɛ̀ɛ à faghà mìni Kìtɛntɛ̀ɛ̀n ki Nghay ki à kàkà.

KÒLÒSYƐŊ 1:5

ɓisuu dyàɓɛn yiǹ ìnɛ ì ɓoŋɓoŋi mìni aɗyoo. Dyàɓɛn incèm yɛ̀ɛnɛ jɛ̀ɛ̀ ìnɛ ì rì jɛ̀ɛ̀ ì kɔɔ̀kɔɔ̀ à kìɓan, jɛ̀ɛ̀ ì Syeesyee à Ɓɔlɛ, ì wogsìghà mìni abɛ̀y.

TÈSÀLÒNÌSYƐŊ 2:13

Kìɓan kiǹ kɛɛ̀ki tì fafa Bɛ̀ll ɓìtògsɛ̀n cààmɛ̀n kìcèm lɛ, yɛ̀ɛ bì ghàɓkà jɛ̀ɛ̀ yìì ìnɛ tì wogsìghà mìni, ɓì ghàɓkà ɓi yɔ̀ yɛ̀ɛ jɛ̀ɛ̀ ì mum; ɓì ghàɓkà lɔŋ yɔ̀ yɛ̀ɛ ì rì a tààkaà, lɛ ì rì jɛ̀ɛ̀ ì Bɛ̀ll ìnɛ yɛ̀ɛ kìki kisay ɓi mìni ɓɛ ɓì rì ɓɛ̀gherɛ̀n.

ZYUUDƐ 1:3

Mìni ɓum ɓɛm ɓɛ nɗem, mɛ̀ɛ nɗì rì coo zày ìnɛ lɛ di màa kàni mìni kìɓan ki gòri ìnɛ ì seesee ɓìsi ɓɛ̀sɛ̀ɛ̀ ɓɛcèm; mɛ̀ɛ nɗì ǹtiniyɛn lɛ nki fɔlɔɔ lɛ nfegsi mìni lɛ ɓi ɗuù ɓisuu ntyweeyi wu Bɛ̀ll à faghà ɓɛ̀gherɛ̀n gɛ̀mbog ɓi gɛ̀n yicèm.