GÀLAT 2:21 - Bafia Nouveau Testament

²¹ Mɛ̀ ǹ-yin lɛ m̀ɓèn geesɛ̀n ìnɛ Bɛ̀ll à kìghà mɛ̀; lɛ i kaa rì lɛ mum à rì lɛ à ɓa lɛ saaɗ ɓi mis mɛ Bɛ̀ll di à nɔ̀ɔ̀tii ɓìdɔ̀gsɛna ɓi Moyis, di rìwu ɗi Kiris ɗi yin min ɗi gɛɓsɛ̀n nsoò lɛsàg.

GÀLAT 2:21 ပူးပေါင်းရင်းမြစ်များ

MARIKUS 7:9

À kpaatì ɓɔ lɛ: Ɓì naŋi ɓìdɔ̀gsɛna ɓi Bɛ̀ll ɓisuu ɓisyɔ̀ɔ̀ ɓin!

RÒMƐŊ 10:3

Yɛ̀ɛ ɓɛ yighà ɓi lannɛ Bɛ̀ll à ti à kìlàg lɛ mum à ɓa lɛ saaɗ ɓi mis mii, ɓɔɔ kaakàà bee yaa yi ɓɛ ri lɛ ɓɛ ɓa miì lɛ saaɗ ɓi mis mɛ Bɛ̀ll, ɓɛ ɓeǹ kì nɔ̀ɔ̀tii bee inɛ Bɛ̀ll à ti à kìlàg ɓum miì lɛ ɓɛɛ ɓa lɛ saaɗ ɓi mis mii.

RÒMƐŊ 11:6

À ɓɔ̀ngà ɓɔ lɛ geesɛ̀n yìì, àa lɛ mɛ̀kìkìì maa, i kɛɛ ɓa lɛ mɛ̀kìkìì maa, di geesɛ̀n ì Bɛ̀ll ì yin kɔɔ̀kɔɔ̀ à geesɛ̀n.

RÒMƐŊ 4:25

Yeesus ànɛ̀n nnɛ ɓɛ kaɓkà ɓisuu ɓiɓe ɓis, à ghèmɓɛ̀n a ɓìloŋ lɛ di ti ɓa lɛ saaɗ ɓi mis mɛ Bɛ̀ll.

RÒMƐŊ 8:31

Cɛ tì rì min lɛ tì kpaa ɓi kìɓan kiǹ? I Bɛ̀ll à rì ɓi jɛ̀m yìs ghɛn yɛ̀ɛ ri lɛ à ram lɛ a ɗuù rì ɓìsi?

1 KƆ̀RƐ̀ŊTYƐŊ 15:14

I Kiris à ghèmɓɛ̀ngà ɓi, di ɓìɓan ɓi Bɛ̀ll ɓi ɓìsiì kakali ɓum, ɓi ri min yɛɛ lɔɔ kɛ̀ɛ̀ ìsu, rìgherɛ̀n ɗin irig ɗi ɓa kɛ̀ɛ̀ ìsu.

1 KƆ̀RƐ̀ŊTYƐŊ 15:17

I Kiris à ghèmɓɛ̀ngà ɓi di rìgherɛ̀n ɗin ɗi ri kɛ̀ɛ̀ ìsu, di ɓì kaka lɔŋ ɓi ɓìɓe ɓin ɓi ɗùm.

1 KƆ̀RƐ̀ŊTYƐŊ 15:2

Syeesyee à Ɓɔlɛ ànɛ̀n innɛ ɓì ki rì ɓiì ghɛɛ̀ cɛɓ lɛ nyi, di ɓì ɓèŋi nyi lɔŋ yɛ̀ɛ ǹghagsìghà mìni nyi, kɛ̀ɛ̀ fɔlɔɔ, di rìgherɛ̀n ɗi ɓì gherɛ̀ngà ɗi ri kɛ̀ɛ̀ ìsu.

GÀLAT 2:16

Nni wɔ̀lɛ tì yii lɛ mum à yin lɛ à ɓa lɛ saaɗ ɓi mis mɛ Bɛ̀ll lɛ yɛ̀ɛ a nɔ̀ɔnɔɔ̀tì ɓìdɔ̀gsɛna ɓi Ɓɛ̀yudɛ̀n, lɔŋ ŋwaànɛ à gherɛɛ Yeesus Kiris nnyɛɛ ri lɛ saaɗ ɓi mis mɛ Bɛ̀ll, fɔɔnnɛ ɓìsi girig tì gherɛ̀ngà Yeesus Kiris lɛ di ti ghɛnɛn ɓi mis mɛ Bɛ̀ll lɛ tì rì lɛ saaɗ lɛ rìgherɛ̀n ɗi tì gherɛɛ Kiris, àa ɓisuulɛ ti nɔ̀ɔnɔɔ̀tì ɓìdɔ̀gsɛna; lɛ rìɓèŋ ɗi ɓidɔ̀gsɛna ɗi yin lɛ ɗi ki lɛ mum a ɓa lɛ saaɗ ɓi mis mɛ Bɛ̀ll.

GÀLAT 2:18

I ǹtumɛɛ tì rìtoŋ ɗi ɓyom ɓi ǹwààghà, di ǹɗèsii lɛ ǹɗì ŋwaànɛ à yin ɓiì nɔ̀ɔnɔɔ̀tì ɓìdɔ̀gsɛna.

GÀLAT 3:21

Fɔlɔɔ a rèsii nya lɛ ɓìdɔ̀gsɛna ɓi wɛɛsɛɛ ɓi ri mɛ̀kàg mɛ Bɛ̀ll? Àg! Ki yin fɔlɔɔ; i kìdɔ̀gsɛna kidɛŋ ki ki ri lɛ ki fa cɛɓ kɛɛ ɓa wɔɔ, di rìɓa ɗi mum a ɓa lɛ saaɗ ɓi mis mɛ Bɛ̀ll ɗi ri lɛ ɗi ghɛnɛ̀n a tààkaà ɓi ɓìdɔ̀gsɛna.

EBIREEGH 7:11

Kìsay ki pìrɛɛtìrɛ̀ ki ɓɔn ɓɛ Levi kɛɛ̀ki ɓìdɔ̀gsɛna ɓi ɓɛ faghà kìlɔ̀ŋ ki Isirayɛl ɓi sasàghìghà miì; i ɓɛ̀pìrɛɛtìrɛ̀ ɓɛ ɓi boo ì Levi ɓɛɛ ki kìsay ki kɛɛ rɔɔtɛn, kɛ̀ kɛɛ̀ ɓa ri kìɓan ki fenɛn, di ki ghɛɓsìghà tì ɓi com lɛ rìkuu ɗi pìrɛɛtìrɛ̀ ɗidɛŋ ɗyɛɛ ghɛnɛn ɗi ɗi ɓa ɓi nɗɛli wu Mɛlkisedɛg, ɗyɛ̀ kɛɛ̀ ɓa ti ɓi nɗɛli wu Arɔn.