GÀLAT 1:5 - Bafia Nouveau Testament

⁵ Nyi yɛɛ ghɛɛ̀sɛɛ rì rìkem cààmɛ̀n kìcèm. Ààmɛ̀n.

GÀLAT 1:5 ပူးပေါင်းရင်းမြစ်များ

MATYOO 28:20

ɓì rèsàg ɓɔ rìɓèŋ ɗi ɓiɓan ɓìcèm ɓi nsiŋdɛ̀ngà mìni; ɓì ki yi lɛ, ǹɗì ɓiì ɓaà nɗaŋ ri mìni ɓɛ̀ŋwos ɓɛ̀cèm à kpaŋ ɓi rìlèg ɗi zi.

MATYOO 6:13

Kɔ̀ɔ gherɛn lɛ, ti kpi ɓi mɛ̀fèèghrɛn ɓi ɗùm, lɔŋ pisi ɓìsi ɓi kìɓe, lɛ rìlàmì, rì ìtèɗ, rì rìkem ɓi ri ɓyom ɓyɔɔ fiɗyàɓ fikɔ̀ɔ̀. Ààmɛ̀n

LUKAS 2:14

Rìkem ɗyɛɛ ki Bɛ̀ll ɓi ɗyoo ɓi ɗùm, fyòoog à ɓa rì ɓumɓɛ ɓi ziinɛ ɓɛ Bɛ̀ll à keesii.

RÒMƐŊ 11:36

Lɛ ɓyom ɓìcèm ɓi fuuyì ɓi nyi, ɓi ri lɛ nyi, ɓi ki rì ɓisu wìì, nnyɛ̀ɛ ghɛɛ̀sɛɛ rì rìkem fìɗyàɓ fikɔ̀ɔ̀. Ààmɛ̀n.

RÒMƐŊ 16:27

Bɛ̀ll ànɛ à rì ŋwaà ɗyomzɛ̀n cɛ̀ncii, a teɗ rìkem fìɗyàɓ fikɔ̀ɔ̀ lɛ Yeesus Kiris. Ààmɛ̀n.

1 KƆ̀RƐ̀ŊTYƐŊ 8:13

Ɓisu wìn innɛ, i ɓìɗilàg ɓidɛŋ ɓi ri lɛ ɓi kɛɓtì geni wɛ̀m fìɓàg, m̀ɓàŋ kì cèlii ɓyɛn ìsuùcèm yɛɛ ri, à cee lɛ nkɛɓti geni wɛ̀m fìɓàg.

EFÈZYƐŊ 1:12

Lɛ di ɓìsi ɓɛ tì lokà kì foŋì dyàɓɛn yis ɓi Kiris, ti ki com ki lɛ rìkem ɗi Bɛ̀ll ɗyɛɛ nyaà.

FÌLÌPYƐŊ 4:20

Bɛ̀ll à Seŋi wìs à ghɛ̀ɛ̀sɛɛ ɗì rìkem fìɗyàɓ fikɔ̀ɔ̀, ààmɛ̀n.

TIMOTE 1:17

Roànɛ a maà làlàmì cààmɛ̀n kìcèm ànɛ à yin lɛ à wu, roànɛ ɓum ɓɛ yin lɛ ɓɛ ghɛn, nyi yɛɛ ri m̀bobog à Bɛ̀ll ànɛ à ghɛ̀ɛ̀sɛɛ lɛ rì ǹnyaasɛ̀n, rì rìkem fìɗyàɓ fikɔ̀ɔ̀. Ààmɛ̀n.

2 TIMOTE 4:18

Kan à rì mɛ̀ ɓiì lɛgsii ɓiɓan ɓi ɓeɓtɛn ɓìcèm, à ki ghɛɓsi mɛ lɛ nɗiŋi ɓi kìlɔ̀ŋ kii ki ki ri aɗyòò. Nyi yɛɛ ghɛɛ̀sɛɛ rì rìkem fìɗyàɓ fikɔ̀ɔ̀. Ààmɛ̀n.

EBIREEGH 13:21

a fa mìni ìtèɗ wulɛ ɓi kiki ɓìɓan ɓi syeesyee lɛ ɓi roòzi rikɔ̀n ɗii; a ki lɛ, ɓìɓan ɓi ɓyɛɛ̀ rɔɔghi nyi ɓyɛɛ ghɛnɛn ɓi ɓìsi lɛ Yeesus Kiris ànɛ à ghɛ̀ɛ̀sɛɛ ɗì rìkem fìɗyàɓ fikɔ̀ɔ̀ ri fìɗyàɓ fikɔ̀ɔ̀ Ààmɛ̀n.

1 PYƐƐRI 5:11

Bɛ̀ll ànɛn yɛɛ ri rì ìtèɗ fiɗyàɓ fikɔ̀ɔ̀ Ààmɛ̀n.

2 PYƐƐRI 3:18

wɔ̀lɛ tɔɔtɔɔna ɓi geesɛ̀n, rì ɓi rìyi ɗi Yeesus Kiris ànɛ à rì Ǹghɛɓsì-ɓum, nyi yɛɛ ghɛɛ̀sɛɛ rì rìkem à tumɛ̀n gɛɛ̀nɛ à kpaŋ fìɗyàɓ fikɔ̀ɔ̀, Ààmɛ̀n.

ZYUUDƐ 1:25

rìgwey, rì m̀ɓɔg, rì ìtèɗ rì rìlàmì ɓi ghɛɛ̀sɛɛ rì m̀bobog à Bɛ̀ll ànɛ à rì ǹghɛɓsì wìs, lɛ Yeesus Kiris, à tumɛ̀n ɓi ɓyààmɛ̀n ɓi ɓi ghaghighà ɓìcèm à kpaŋ gɛɛ̀nɛ rì fìɗyàɓ fikɔ̀ɔ̀. Ààmɛ̀n.

ÀPÒKÀLIƁSƐ̀ 14:7

À lààlàmɓɛ̀ngà jɛ̀ɛ̀ aɗyoo lɛ: Risiina Bɛ̀ll, ɓì fa nyi rìkem ɓisuu cààmɛ̀n ki ɓɛyɔ̀m ɓii ki ki kpaŋi; ɓaaghna mɛ̀ɗu ɓi zi ɓi mis mɛ roànɛ à kìghà lɛ rì ɗyoo rì zi, ɗì rìɓày à kìkòn rì ɓɛ̀ǹsim ɓɛ mɛnig ɓɛ̀cèm.

ÀPÒKÀLIƁSƐ̀ 5:12

Ɓɛ laàlàmɓɛ̀ngà jɛ̀ɛ̀ aɗyoo lɛ: Man à jɔ̀ɔ̀ ànɛ ɓɛ wolà à ghɛ̀ɛ̀sɛɛ kì terì ìtèɗ wu rilàmì, rì ìkum, rì ɗyomzɛ̀n, rì ìtèɗ, rì bɔgsɛ̀n, rì rìkem, rì mɛ̀sɛɛ̀ghsɛɛgh.

ÀPÒKÀLIƁSƐ̀ 7:12

di ɓɛɛ̀ kpaakpaa lɛ: Ààmɛ̀n, bɔgsɛ̀n, rìkem, ɗyomzɛ̀n, ɓìtògsɛ̀n, nyaasɛ̀n, ìtèɗ wu rilàmì, rì ìtèɗ wu zɛy, ɓi ri ɓyom ɓi Bɛ̀ll wìs fìɗyàɓ fikɔ̀ɔ̀ Ààmɛ̀n.