GÀLAT 1:10 - Bafia Nouveau Testament

¹⁰ Nni ɓigomìnɛ, mɛ̀sɛɛ̀ghsɛɛgh mɛ ɓum mɛɛ̀mɛ ǹkaakàà giǹ mɛ Bɛ̀ll? Rìkɔ̀n ɗyɛm̀ ɗi ri nya lɛ ɓum ɓɛɛ wog kìrɔɔ rì mɛ̀? Èe èe, i màa kaka ǹkaakàà lɛ ɓum, ɓɛɛ wog kìrɔɔ rì mɛ̀ di ǹ-yin nkìì-kìsay a Kiris.

GÀLAT 1:10 ပူးပေါင်းရင်းမြစ်များ

MATYOO 22:16

Nni ɓɛ romgà ɓum ɓɛdɛŋ ɓɛ ɓi ǹɗaŋ waa rì ɓɛ ɓi ǹɗaŋ wu Eroodɛ, lɛ ɓɛɛ kali Yeesus lɛ: Ǹɗèsàg, tì yii lɔŋ lɛ ù rì ŋwaànɛ a kpaakpaa saaɗ, à ki rèresi ɓum bee inɛ yɛ̀ɛ Bɛ̀ll lɛ tɛntɛ̀ɛ̀n kɛ̀ɛ risi bimiɗ à mum, ɓisuulɛ, ù yin ɓiì seesee riɓa ɗi mum.

MATYOO 28:14

Nni i gɔmìnà à woogh kìɓan kiǹ, tì yii yɛ̀ɛ tì ri kpaa nyi ɓi ɗi lɛ kɛ̀ ɓi ɓa ri kìɓan.

MATYOO 6:24

Mum à yin lɛ à say ɓɛ̀masà ɓɛɓɛɛ̀ ɓisuulɛ, à rì ɓiì ɓèèzɛɛ bog, à keesì roàmbog; nsoò lɛ à ràrɛ̀n rì bogtɛ̀n, à sɛɛtì roàmbog. Ɓì yin lɛ ɓì say lɛ rì Bɛ̀ll rì mɔ̀ɔ̀ni cààmɛ̀n kìfog.

MƐ̀KÌKÌÌ MƐ ƁƐKƐ̀NÌ-FÌTOM 12:20

Eroodɛ à ɓaghà ɓi paàzì rì ɓumɓɛ a Tiir, rì ɓɛ a Sidɔŋ, nni ɓumɓɛ̀n ɓɛ wooghrɛ̀ngày jɛ̀ɛ̀ lɛ ɓɛɛ kɛǹ nyi kì ghɛɛ̀. Ɓɛ ɗiŋi dàŋ rì Bilastus ànɛ à ɓaghà ǹkɔ̀mɛ̀n ɓɛ̀sujàà ɓɛ ɓi gari yiì. Fɔɔnnɛ ɓɛ tɔkà nyi lɛ ɓɔɔ pègsɛn paàzì wàà, ɓisuulɛ kìlɔ̀ŋ kaa ki ǹlakàg ɓìɗilàg rì ɓumɓɛ ɓi kìlɔ̀ŋ ki rifòm.

MƐ̀KÌKÌÌ MƐ ƁƐKƐ̀NÌ-FÌTOM 5:29

Nni Pyɛɛri rì ɓɛ̀kɛ̀nì-fìtom ɓɛ ɓakà lɛ: Bɛ̀ll nnɛ mum à ghɛ̀ɛ̀sɛɛ kì kìi mɛwog, à cee ɓum.

RÒMƐŊ 1:1

Pol, ǹkìì-kìsay a Yeesus Kiris, ànɛ Bɛ̀ll à reŋìghà lɛ a ɓa ǹkɛ̀nì-fìtom a Yeesus, à ki ɓa ti nɗɛsiyɛn dɛgà ɓi rìghagsì ɗi Syeesyee à Ɓɔlɛ à Bɛ̀ll.

RÒMƐŊ 2:29

Wɔ̀lɛ muu Ɓɛ̀yudɛ̀n à rì lɔŋ ŋwaànɛ rì rì nɗem wu Ɓɛ̀yudɛ̀n. Fɔlɔɔ nnɛ syeesyee à kɛ̀rɛ̀n à rì kɛ̀rɛ̀n ànɛ ɓi nɗem, ànɛ a kìikilɛ̀n rì Ǹghay à Bɛ̀ll, kɛ̀ɛ ɓa anɛ à rì yɛ̀ɛ ki ri ki kànɛn ɓi kaàtà à ɓìdɔ̀gsɛna. Mɛ̀sɛɛ̀ghsɛɛgh mɛ rikuu ɗi muu Ɓɛ̀yudɛ̀n ɗi fɔlɔɔ mɛ ti mɛ̀ kɛɛ̀ ɓayi a ɓum, mɛ ti mɛ ɓalàg yì lɔŋ yɛ̀ɛ Bɛ̀ll.

RÒMƐŊ 2:8

Wɔ̀lɛ ɓɛ̀roɓɛ ɓɛ ti ɓɛ kilàg nyi ǹtoòtèɗ, ɓɛ̀ kɛɛ̀ kɔ̀n lɛ ɓɛɛ wog com ki saaɗ a kakàlì, lɔŋ kìtɛ̀ŋtɛ̀ŋ kɛɛ̀ki ɓɔɔ nɔɔ̀nɔ̀ɔ̀tì, Bɛ̀ll à rèsì ɓɔ lɛ, rì bim yiì, ɗì rìbaŋì ɗii.

1 KƆ̀RƐ̀ŊTYƐŊ 10:33

Fɛlɛ yɛ̀ɛ mɛ̀ɛ ntèeteèsì nyoo lɛ mpuɓsi ɓum ɓɛ̀cèm mɛ̀rem ɓi ɓìɓan ɓicèm; mɛ̀ ǹ-yin ɓiì kaakaa kirɔɔ kɛ̀m ki mɛ̀ɛmiɗ, nkaakaa lɔŋ kirɔɔ ki ɓum lɛɛ̀gwey lɛ di ɓɛɛ ghɛǹ cɛɓ.

2 KƆ̀RƐ̀ŊTYƐŊ 12:19

Kaa finɛn yɛ̀ɛ ɓyaà fèfèg lɛ ɓìsiì kpaakpaàsɛ̀n ɓi mis min. Lɔŋ ɓi mis mɛ Bɛ̀ll, ɓi Kiris ɓiɗùm innɛ ti tòtòg, nni ɓìɓan ɓiǹ ɓìcèm ɓi ri ɓisuu kitɔɔ kiǹ ki ɓi Ǹghay, mìni ɓɔɔseŋi ɓɛ̀m ɓɛ nɗem.

EFÈZYƐŊ 6:6

Syeesyee wìn a rìkì ɗi ɓiɓan kɛ̀ɛ ɓa lɛ yɛ̀ɛ ɓum ɓɛɛ̀ seesee mini, yɛ̀ɛ ɓɛɛ̀ kali lɛ ɓi kaakaa lɛ ɓi puɓsi ɓɔ mɛ̀rem; a ɓa lɔŋ lɛ ɓi kìki rikɔ̀n ɗi Bɛ̀ll rì nɗem win wucèm lɛ ɓì rì ɓɛ̀kpàn ɓɛ Kiris.

FÌLÌPYƐŊ 1:1

Ɓìsi ɓɛ̀kìì-ɓìsay ɓɛ Yeesus Kiris lɛ rì Pol, rì Timote, tì kàni ɓum ɓɛ Bɛ̀ll ɓɛ̀ ɓi Yeesus Kiris ɓɛ̀cèm ɓɛ ɓi bàn ì Filiɓ, rì ɓɛ̀kɛ̀ɛ̀sì ɓaa rì ɓɛ̀dyaakìrɛ̀.

KÒLÒSYƐŊ 3:22

Mìni ɓɛ̀kìì-ɓìsay, kìina ɓɛ̀masà ɓin ɓɛ ɓi mɛ̀mùù mɛ̀wog ɓi ɓìɓan ɓìcèm, kɛ̀ ɓi kì lɔŋ ɓɔ mɛ̀wog cààmɛ̀n ki ɓɛɛ̀ seesee mini kɔ rì kɔ, yɛ̀ɛ ɓɛɛ̀ kali lɛ, ɓum ɓɛɛ̀ɓɛ ɓi kɔ̀nkɔn lɛ ɓi puɓsi ǹɗem, kìɓan kifog kìina ɓɔ mɛ̀wog rì nɗem wu sɛɛghi sɛɛghi ɓisuu bɔgsɛ̀n ìnɛ ɓì rì rì yɔ̀ ɓi san ànɛ yɛ̀ɛ Kan.

TÈSÀLÒNÌSYƐŊ 2:4

Wɔ̀lɛ Bɛ̀ll à timgà rìɓa ɗis à ki fa ɓisi kìsay ki Syeesyee à Ɓɔlɛ. Fɔlɔɔ nnɛ tì yin ɓiì kpaakpaa ɓiɓan ɓi Bɛ̀ll lɛ ti puɓsi ɓum mɛ̀rem, kìɓan kìfog, ti kpaakpaa ɓi ɓyɛɛ̀ kɔ̀ngi Bɛ̀ll ànɛ à ti à ghɛngì yɛ̀ɛ mɛ̀rem mɛ ɓum, mɛ ri ɓi ɗùm.

ZYAG 4:4

Mìni ɓɛ̀kìì-tìsɔ̀mɔ̀g ɓɛ! Ɓì yii ɓi lɛ i mum à rì rìghan ɗi ziinɛ di à rì bènàbena a Bɛ̀ll? Nni ŋwaànɛ à rì ɓiì kɔ̀ni lɛ a ɓa rìghan ɗi ziinɛ à rì ɓiì ɓaà bènàbena a Bɛ̀ll.

1 ZYAŊ 3:9

Mum ǹcèm ànɛ à rì man à Bɛ̀ll à ti kɛ̀ɛ kì ti kiɓe ɓisuulɛ, ìtèɗ wu cɛɓ wu wu riì yɛ̀ɛ Bɛ̀ll wu ri a lɔ̀ŋkii. À yin lɛ à kɛ̀nkɛ̀n asu rì rìkìkì ɗi kiɓe lɛ Bɛ̀ll à rì nyi Seŋì.