EFÈZYƐŊ 6:19 - Bafia Nouveau Testament

¹⁹ ɓì ɓɔ̀ŋzàg girig Bɛ̀ll ɓisu wɛ̀m lɛ, a fa mɛ̀ jɛ̀ɛ̀ ìnɛ ǹghagsi, rì kìghɛɛsii cààmɛ̀n kìcèm ki m̀pinii ŋwɔm lɛ nɗesi ɓum kìɓan ki ki ri kì nyamɛn ɓi Syeesyee à Ɓɔlɛ.

EFÈZYƐŊ 6:19 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 13:46

Fɔɔnnɛ ɓɛ̀-Pol ɓɛɛ̀ Ɓarinaɓas ɓɛ kpaghà ɓɔ lɛ fwàafwàày lɛ: Ki ǹghɛ̀ɛ̀sɛɛ lɛ, jɛ̀ɛ̀ ì Bɛ̀ll yɛ̀ɛ log kì kpaarɛɛ a lɔ̀ŋkin, nni yɛ̀ɛ ɓì ɓèni yɔ̀ yɛɛ lɔɔ lɛ, ɓì ghɛɛ lɛ cɛɓ ki fìɗyàɓ fikɔ̀ɔ̀ ki ghɛɛ̀sɛɛ ɓi ri mìni, nni ɓìsii tiŋ̀mɛɛ min a ɓumɓɛ ɓɛ yin Ɓɛ̀yudɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 14:3

Pol ɓɛɛ̀ Ɓarinaɓas ɓɛ finɛ̀ngà a Ikonyɔm lɛɛ̀gwey, ɓɛ ɓaghà rì coo ǹtyweeyi ri Kan ɓi ɓìɓan ɓi ɓɛ kpaakpààghà, fɔɔnnɛ à fafàghà ɓɔ ìtèɗ wulɛ, ɓɛɛ, kiki lɛ rì dàm, rì ɓɛ̀koŋnyoo ɓɛ ɓiɓan, à kì fɔlɔɔ lɛ a siìrag ɓìɓan ɓi ɓɛ kpaakpààghà ɓi komkòm geesɛ̀n yìì.

MƐ̀KÌKÌÌ MƐ ƁƐKƐ̀NÌ-FÌTOM 18:26

Nni Apolos à tumɛ̀ngà rìtòtòg ɓi naà-bɔ̀ŋzɛ̀n kɛ̀ɛ̀ ìris, yɛ̀ɛ Pirisilya rì Akilas ɓɛ wokà ɓìtòkì ɓii, nni ɓɛ tekà nyi, ɓɛ konàg nyi kì tɛɛ̀zaagh bee inɛ yɛ̀ɛ Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 19:8

Nni Pol à ɗiŋìghà ɓi naà-bɔ̀ŋzɛ̀n, à tòòghrɛ̀n wɔɔ lɛ tɛntɛ̀ɛ̀n, à kurɛ̀ngà rì ɓɔ ɓɛ̀ŋwii ɓɛraa ɓi ɓìɓan ɓi ɓi seesee kìlɔ̀ŋ ki Bɛ̀ll, à kaakàà bee inɛ a ki lɛ ɓumɓɛ ɓɛ wowòkà ɓìtòkì ɓii, ɓɛɛ gherɛn ɓìɓan ɓi à kpaakpààghà.

MƐ̀KÌKÌÌ MƐ ƁƐKƐ̀NÌ-FÌTOM 2:4

Ɓɛ̀sɛ̀ɛ̀ ɓɛ̀cèm ɓɛ ɓa min ɓɛronɛn ri Kìtɛntɛ̀ɛ̀n ki Nghay, ɓɛ ki tòtog ɓitòkì ɓidɛŋ lɔŋ yɛ̀ɛ Nghay à fafàghà ɓɔ ìtèɗ wu lɛ ɓɛɛ totòg.

MƐ̀KÌKÌÌ MƐ ƁƐKƐ̀NÌ-FÌTOM 28:31

A lààlàmɓɛ̀n kìlɔ̀ŋ ki Bɛ̀ll, à ki rèresi ɓum ɓìɓan ɓi ɓi seesee Kan Yeesus Kiris lèg bimiɗ ànɛ ki ɓaghà lɛ ki kɔ̀n nyi, kɛ̀ɛ̀ ntɔɓ.

MƐ̀KÌKÌÌ MƐ ƁƐKƐ̀NÌ-FÌTOM 4:13

Ɓumɓɛ ɓɛ yɔɔ̀yɔ̀mzìghà ɓɛ̀-Pyɛɛri, ɓɛ kuuràkà lɛ, ɓɛ ghɛngà lɛ, Pyɛɛri rì Zyaŋ ɓɛɛ̀ ɓàɓag ɓɔ, kɛ̀ɛ̀ ìris ɓi ǹɗem, ɓɛ ghɛɛ̀dì lɛ, ɓɛ ɓaghà ɓum ɓɛ zɛy ɓɛ ɓɛ yighà ɓi sùkurù, ɓɛ yi min lɛ, ɓɛ ɓaghà ɓumɓɛ ɓɛ kɛɛ̀kɛ̀ɛ̀ghà ǹɗaŋ ɗi Yeesus.

MƐ̀KÌKÌÌ MƐ ƁƐKƐ̀NÌ-FÌTOM 4:29

Nni ɓigomìnɛ, Kan, ghɛna yɛɛ̀ ɓɛɛ̀ sàasagɛ̀n ɓìsi, dì u fa ɓɛ̀kìì-ɓìsay ɓɔɔ ìtèɗ wulɛ, ɓɛɛ ghagsi jɛ̀ɛ̀ yɔ̀ɔ̀ rì kìghɛɛsii kicèm.

MƐ̀KÌKÌÌ MƐ ƁƐKƐ̀NÌ-FÌTOM 4:31

Yɛ̀ɛ ɓɛ legsìghà bɔ̀ŋzɛ̀n yàà inɛ̀n, mɛɛ mɛ ɓɛ ɓaghà wɔɔ ɓɛtaŋzɛn mɛ nyɛŋɗɛ̀ngà, fɔɔnnɛ ɓɛ̀sɛ̀ɛ̀ ɓɛ̀cèm ɓɛ rongà rì Kìtɛntɛ̀ɛ̀n ki Nghay, ɓɛ ki ghaaghagsì Ɓɔlɛ à Bɛ̀ll rì ntyweeyi ɓi ǹɗem.

MƐ̀KÌKÌÌ MƐ ƁƐKƐ̀NÌ-FÌTOM 9:27

Fɔɔnnɛ Ɓarinaɓas à tekà Sol à kɛ̀n ɗì nyi a ɓɛ̀kɛ̀nì-fìtom, à kpaa ɓɔ yɛ̀ɛ Sol à ghɛngà Kan ɓi bee ìnɛ a Damas rì yɛ̀ɛ Kan à tòòghrɛ̀ngà ɗì nyi, nni à kpaatìghà ɓɔ rìkuu ɗi ǹtyweeyi ɗi Sol àa ǹɗì rì ɗyɔ a Damas di a kakali ɓum ɗii ɗi Yeesus.

MƐ̀KÌKÌÌ MƐ ƁƐKƐ̀NÌ-FÌTOM 9:29

Sol à kuùkùrɛ̀ngà ɗì Ɓɛ̀yudɛ̀n ɓɛ ɓɛ ǹtòkì rìgìrɛg, à ki nyoonyolɛ̀n ɗì ɓɔ, wɔ̀lɛ ɓɛ̀roɓɛ̀n ɓɔɔ kaakàà bee inɛ lɛ ɓɛɛ wey nyi.

RÒMƐŊ 15:30

Ɓɔɔsoŋ̀, mɛ̀ ǹtɔɔgh mìni ɓisuu Kan wìs Yeesus Kiris, rì ɓisuu nkɔ̀nɛ̀n ànɛ Kìtɛntɛ̀ɛ̀n ki Nghay ki ti ki falàg lɛ, ɓi lem̀ mɛ̀ ɓyàg ɓi zàà ìnɛ ǹɗì miì, rì bɔ̀ŋzɛ̀n yi ɓì rì ɓiì ɓɔ̀ɔɓɔŋ̀zì Bɛ̀ll ɓisu wɛ̀m.

RÒMƐŊ 16:25

Roànɛ à rì rì ìtèɗ wulɛ à sììrag mìni lɔŋ yɛ̀ɛ Syeesyee à Ɓɔlɛ ànɛ mɛ̀ɛ nghaaghagsì di nlàalamɓɛ̀n Yeesus Kiris à rì, rì lèg ànɛ yɛ̀ɛ tì tekà fèg à Bɛ̀ll ànɛ à ɓaghà ǹnyamɛn fiɗyàɓ fikɔ̀ɔ̀,

1 KƆ̀RƐ̀ŊTYƐŊ 1:5

Rì tì lɛ ɓi Kiris, ɓì mɛ teɗ ɓɛmààgh ɓɛ̀cèm, à ɓiisɛ̀n ɓɛ ɓɛ seesee kìtòkì, rì rìyi ɗi ɓiɓan.

1 KƆ̀RƐ̀ŊTYƐŊ 2:7

Ɓìsiì kakali ɓum kìɓan ki ɗyomzɛ̀n ɗi Bɛ̀ll ɗi ɗi rimi ɗi ki ɓa ɗi nyamɛn; ɗyomzɛ̀n ɗiǹ ɗyɛɛ̀ɗi Bɛ̀ll à lokà kì ɓɔ̀ni abɛ̀y ɓisuu rikem ɗis, di ziì ka kilɛn ɓi.

1 KƆ̀RƐ̀ŊTYƐŊ 4:1

Ɓì ghɛ̀ɛ̀sɛɛ min ɓisi kì seesee yɛ̀ɛ ɓɛ̀kìì-ɓìsay ɓɛ Kiris, ɓɛ ɓɛ ri ɓɛ̀ɓèŋì ɓɛ ɓɛkɔɔ̀kɔɔ̀ ɓɛ ɓiɓan ɓɛ Bɛ̀ll à nyamgà.

2 KƆ̀RƐ̀ŊTYƐŊ 1:11

Lɛ mìniìɓɔmiɗ ɓì rì ɓìsi ɓiì lènlemi ɓi bɔ̀ŋzɛ̀n; fɔlɔɔ nnɛ geesɛ̀n ìnɛ ɓìsii ri ghɛn inɛ̀n lɛ bɔ̀ŋzɛ̀n ì ɓum kìtuu, ì ri ghay kiɓan ki ɓum lɛɛ̀gwey ɓɛ ri fa Bɛ̀ll ɓìtògsɛ̀n miì ɓisu wis.

2 KƆ̀RƐ̀ŊTYƐŊ 3:12

Yɛ̀ɛ tì rì rì rìkuu ɗi dyàɓɛn ɗiǹ ɓi nɗem nnɛ ti rì rì coo ntyweeyi.

2 KƆ̀RƐ̀ŊTYƐŊ 6:11

Tìi ntòòghrɛɛ rì mìni lɛ fwàafwàày, mìni Ɓɛ̀kɔ̀rɛ̀ŋtyɛŋ, ǹɗem wis wu nɛmɓɛ̀n lɛ vùraŋŋ ɓi ɓɛg wìn.

2 KƆ̀RƐ̀ŊTYƐŊ 7:4

Lɛ ǹɗì rì ntyweeyi ri mìni lɛɛ̀gwey ǹki ɓa ri ɓɛ̀azi ɓɛ ǹɗì lɛ ǹsaàsànɛ̀n mìni miì rì ɓum; ɓi mɛ̀tɔɓ mɛ̀cèm mɛ ti wowòg, ǹɗem wɛ̀m wu ri lɛ fwɛɛy lɛɛ̀gwey, kìnyàà ki ceeghì mɛ̀.

2 KƆ̀RƐ̀ŊTYƐŊ 8:7

Lɛ yɛ̀ɛ ɓì rì rì ìtèɗ ɓi ɓìɓan ɓìcèm lɛ rì ɓi rìgherɛ̀n, rì ɓi ɓìtòkì, rì rìyi ɗi ɓiɓan, rì rìfalɛ̀n ɗi ɓì rì ɓɛ̀falɛn ri Bɛ̀ll kɛ̀ɛ̀ vèg, rì ǹkɔ̀nɛ̀n ànɛ ɓì rì rì nyi ɓi san wìs, fɔlɔɔ nnɛ ti kɔ̀nkɔn lɛ ɓi resi tì girig ìtèɗ win ɓi kìɓan ki geesɛ̀n ki ki ɓiì kìlɛɛ kiǹ.

EFÈZYƐŊ 1:9

À kpàkàkà ɓìsi dwìɗ i rìkɔ̀n ɗii ɗi a rìnyam, ɓi kìɓan ki nɗem wii wu lokà kì renì lɛ à kìi gɛ ɓi Kiris.

EFÈZYƐŊ 3:9

Lɛ nɗesi ɓi kìtɛɛtɛn yɛ̀ɛ Bɛ̀ll a rooroòzì fèg wìì anɛ a maà ɓa ǹnyamɛn, cààmɛ̀n kìcèm. Bɛ̀ll ànɛ à kìghà ɓyom ɓìcèm, nnyaà nyamnyàm fèg ànɛ̀n nyimiɗ.

KÒLÒSYƐŊ 2:2

Nɗùùɗuu fɔlɔɔ ɓisuulɛ mɛ̀rem maa mɛɛ ɓa mɛ̀ronɛn ɗi ìtèɗ, rì tì lɛ ɓɛɛ ɓa ɓɛ̀ràrɛn ɓi nkɔ̀nɛ̀n, ɓɛ ki ɓa ti ɓɛronɛn ɗi kɔɔ̀kɔɔ̀ à ɗyomzɛ̀n, fɔɔnnɛ ɓɛ ri ɓiì yii fèg à Bɛ̀ll ànɛ à rì a rìnyam, yɛɛ lɔɔ lɛ Kiris.

KÒLÒSYƐŊ 4:3

Ɓì ɓɔ̀ŋzàg girig Bɛ̀ll ɓisu wis lɛ a nɛm̀ ɓìsi bee inɛ ti lamɓɛn jɛ̀ɛ̀ yìì, di fɔɔnnɛ mɛ̀ɛ nghagsi ɓum dwìɗ inɛ ì seesee Kiris, lɛ kiɓan kiǹ kɛɛ̀ki ǹɗì miì nkàgakɛn bɛn.

TÈSÀLÒNÌSYƐŊ 2:2

Di tì ka kpaŋ ɓi a lɔ̀ŋkin, tì ghɛngà mɛ̀tɔɓ, ɓum ɓɛ ki yeesi ɓisi a Filiɓ lɔŋ yɛ̀ɛ ɓì yii, wɔ̀lɛ Bɛ̀ll à faghà ɓìsi ìtèɗ wulɛ ti ghagsi mìni Syeesyee à Ɓɔlɛ wìì nsoò yɛ̀ɛ ki ɓaghà bimiɗ à wɛ̀y.

TÈSÀLÒNÌSYƐŊ 5:25

Ɓɔɔsoŋ̀, ɓì ɓɔ̀ŋzàg girig ɓisu wis.

2 TÈSÀLÒNÌSYƐŊ 3:1

Ɓɔɔsoŋ̀! ǹsiitɛɛ mìni kì kpaà lɛ: Ɓì ɓɔ̀ŋzàg Bɛ̀ll ɓisu wìs, di jɛ̀ɛ̀ ì Kan yɛ̀ɛ kɛn asu ì sààsàà, ì ki keŋkem, fɛlɛ yɛ̀ɛ yɛɛ̀ keŋkem a lɔ̀ŋkin.

TIMOTE 3:16

Ki ri girig saaɗ lɛ kìɓan ki ki ri kìnyamɛn ɓi ntyweeyi wis ki rimi yɛ̀ɛ mɛ̀nɔ̀ɓɔ̀, kìɓan kiǹ ki yughày yɛ̀ɛ mum à mɛ̀mùù, ki ghɛnɛ̀n lɛ ki ri lɛ saaɗ rì ìtèɗ wu Kitɛntɛ̀ɛ̀n ki Nghay, ki resɛ̀n a ɓum ɓɛ titom, ki kaàkàlɛ̀n ɓi nyìinyìm à ɓìlɔ̀ŋ, ɓɛ ki gherɛn kɔ ɓi ziinɛ, ki ɓɔg aɗyoo ɓi rìgwey ɓi ɗùm.

FILEMƆŊ 1:22

Ǹkpaatii wɔ̀ lɛ u pegsɛn mɛ̀ kìden ki naa ɓisuulɛ ǹɗì rì dyàɓɛn lɛ bɔ̀ŋzɛ̀n yin yi ri ɓiì kìi lɛ ɓɛɛ pɛɛ̀ziì mɛ̀ a lɔ̀ŋkin.

EBIREEGH 13:18

Ɓì ɓɔ̀ŋzàg ɓisu wis, lɛ tì konaagh kì yiì lɛ mɛ̀rem mis mɛ ri lɛ sɛɛghi sɛɛghi, rì rìkɔ̀n ɗi lɛ ti ghɛghɛɓ ɓi ɓɛ̀saaɗ ɓi ɓìɓan ɓìcèm.