EFÈZYƐŊ 6:18 - Bafia Nouveau Testament

¹⁸ Ɓɔ̀ŋziina Bɛ̀ll cààmɛ̀n kìcèm, ri Nghay, ɓì tɔtɔ̀g nyi ǹghɛɓsɛn ɓi bɔ̀ŋzɛ̀n yin yicèm; ɓaana cem ɓi rìkì ɗiǹ, ɓì ki sììrɛn miì lɛ syeesyee, ɓì ɓɔ̀ŋzàg ɓisuu ɓɛgherɛ̀n ɓɛ̀cèm;

EFÈZYƐŊ 6:18 ပူးပေါင်းရင်းမြစ်များ

MATYOO 17:21

Kìɓan kifog, lɔŋ bɔ̀ŋzɛ̀n ɗì kìcèlì ki ɓiɗilàg ɓyɛɛ ti ɓi kilàg lɛ, rìkuu ɗi kiɓeɓtàg ki nghay ɗìn ɗyɛɛ kpaŋ̀.

MATYOO 26:41

Kɔ̀riina cem, ɓì ki ɓɔ̀ɔɓɔ̀ŋzì lɛ, kɛ̀ ɓi tanɛn ri mɛ̀fèèghrɛn; lɛ ǹghay wu mum wu ri rì ìtèɗ, kìɓan kifog, nyoo ì mɛ̀mùù ì rì kɛ̀ɛ̀ ìtèɗ.

MARIKUS 13:33

Konaghna, ɓì ki ɓa cem, lɛ ɓì yii ɓi fin innɛ cààmɛ̀n ki ɓiì kpaŋì.

MARIKUS 14:38

Kɔ̀riina cem, ɓì ki ɓɔ̀ɔɓɔŋzàg Bɛ̀ll lɛ kɛ̀ ɓi tanɛn ri mɛ̀fèèghrɛn. Ɓisuulɛ ǹghay wu mum wu ri rì ìtèɗ kìɓan kifog nyoo ì ɓa kɛ̀ɛ̀ ìtèɗ.

LUKAS 21:36

Fɔɔnnɛ kɔ̀riina cem, ɓì ki ɓɔ̀ɔɓɔŋzàg ɓyààmɛ̀n ɓìcèm, lɛ ɓi ɓa rì ìtèɗ wulɛ ɓi ceè ɓìɓan ɓi ɓi ri ɓiì kìlɛɛ, ɓì ki kpaŋ ɓi mis mɛ Man à mum mɛ̀rɛy.

LUKAS 22:46

À kpaa ɓɔ lɛ. Ɓi lalay lɛ la? Pɛ̀sɛɛna aɗyòò, ɓi ɓɔŋzi Bɛ̀ll di kɛ̀ ɓi kpì ɓi mɛ̀fèèghrɛn.

LUKAS 3:26

à man à Maat, à man à Matatyas, à man a Semeyin, à man à Yoosɛcɛ, à man à Yoda.

LUKAS 3:37

Lemɛg man à Matusalɛm, à man à Enɔg, man à Yerɛd, à man à Maleleyɛl, à man à Kenam.

MƐ̀KÌKÌÌ MƐ ƁƐKƐ̀NÌ-FÌTOM 1:14

Ɓɛ ǹti ɓɛ taŋzàg ɓɔɔ̀cèm lɔŋ nɗem wùfog lɛ ɓɛɛ ɓɔŋzag Bɛ̀ll, ǹɗaŋ ri ɓɛ̀yiɓ, rì Marii à jɛɛ Yeesus, rì ɓɛ̀geni ɓɛ Yeesus.

MƐ̀KÌKÌÌ MƐ ƁƐKƐ̀NÌ-FÌTOM 10:2

Ŋwaànɛ̀n à falɛ̀ngà ɓi ɓìɓan ɓi righerɛ̀n, àa nki risàg Bɛ̀ll lɛ rì nyi ɗì rìmɛɛ ɗii ɗicèm, à ki fafa Ɓɛ̀yudɛ̀n ɓɛ ɓɛ ɓaghà nyìighnyìg ɓyom lɛɛ̀gwey, à ɓɔ̀ɔ̀ɓɔ̀ŋzàg Bɛ̀ll ɓyààmɛ̀n ɓìcèm.

MƐ̀KÌKÌÌ MƐ ƁƐKƐ̀NÌ-FÌTOM 12:5

Ɓɛ ɓeŋɓèŋgà Pyɛɛri ɓi naà-zày, nsoò fɔlɔɔ ǹɗaŋ wu ɓɛgherɛ̀n wu ɓɔɔɓɔ̀ŋzàg Bɛ̀ll ɓisu wii ri ìtèɗ.

MƐ̀KÌKÌÌ MƐ ƁƐKƐ̀NÌ-FÌTOM 6:4

Fɔɔnnɛ ɓìsii ri ɓiì kɛ̀ɛ asu, tì sììrɛ̀n ɓi bɔ̀ŋzɛ̀n, rì ɓi rìghagsì ɗi jɛ̀ɛ̀ ì Bɛ̀ll.

RÒMƐŊ 12:12

Ɓì ghɛ̀ɛ̀sɛɛ kì nyàànyaa ɓi dyàɓɛn inɛ ɓì rì rì yɔ̀, ɓì nìɗ ǹɗem cààmɛ̀n ki ɓì tulɛɛ ri mɛ̀tɔɓ, ɓì ki sììrɛn bi bɔ̀ŋzɛ̀n.

RÒMƐŊ 8:15

Lɛ Ǹghay ànɛ ɓì tekà à yin Nghay ànɛ a ghaasi mìni ɓɛ̀kpàn ɓi lèg ànɛ lɛ ɓi kɛnkɛn asu ɓì rirìsì tì, kìɓan kifog ɓì tekà Ǹghay ànɛ à mɛ kì lɛ ɓi ɓa ɓɔn ɓɛ Bɛ̀ll. Ǹghay ànɛ̀n yɛɛ ti à falàg ɓìsi ìtèɗ wulɛ ti reŋì Bɛ̀ll jɛ̀ɛ̀ aɗyoo lɛ: Aba, Tààta.

GÀLAT 4:6

Com ki ki resii lɛ ɓì ti ɓɔn ɓɛ Bɛ̀ll ki ri lɛ: Bɛ̀ll à romgày Ǹghay à Man wiì ɓi mɛ̀rem mis, Ǹghay ànɛ̀n yɛɛ̀ làalamɓɛ̀n jɛ̀ɛ̀ aɗyoo lɛ: Aba, yɛɛlɔɔ lɛ Tààta.

EFÈZYƐŊ 1:16

nni ǹti ǹfafà lɔŋ Bɛ̀ll ɓìtògsɛ̀n kɛ̀ɛ̀ cààmɛ̀n ɓisu win, ǹki ɓùŋɓuŋ mini ɓi bɔ̀ŋzɛ̀n yɛm̀,

EFÈZYƐŊ 2:22

Ɓi nyi nnɛ mìnii ri girig ɓɛ̀ro ɓɛ ɓi kìtoŋ kiǹ, lɛ ɓi ɓa ǹɗaŋ ri ɓɔɔ̀ cèm mɛɛ mɛ Bɛ̀ll à kɔ̀kɔrii miì ɓi Nghay.

EFÈZYƐŊ 3:18

fɔɔnnɛ ɓì ɓiì yii ǹɗaŋ ri ɓɛ̀gherɛ̀n Bɛ̀ll ɓɛ̀cèm lèg ànɛ ǹkɔ̀nɛ̀n à Kiris à kìi lɛ: à fùùrɛ̀n, à ràɓ, à rim, à ki teŋmɛn,

EFÈZYƐŊ 3:8

Mɛ̀ ànɛ ǹɗì tìì-kìtòn a zɛy ànɛ ɓi ɓɛ̀gherɛ̀n ɓɛ̀cèm, mɛ̀ɛ nnɛ Bɛ̀ll à kìghà geesɛ̀n ìnɛ lɛ nghagsi Syeesyee à Ɓɔlɛ ànɛ ɓi kìrɔɔ ki ki ri ɓi Kiris, ki ɓum ɓɛ yin lɛ ɓɛ wog, a ɓumɓɛ ɓɛ yin Ɓɛ̀yudɛ̀n.

EFÈZYƐŊ 6:19

ɓì ɓɔ̀ŋzàg girig Bɛ̀ll ɓisu wɛ̀m lɛ, a fa mɛ̀ jɛ̀ɛ̀ ìnɛ ǹghagsi, rì kìghɛɛsii cààmɛ̀n kìcèm ki m̀pinii ŋwɔm lɛ nɗesi ɓum kìɓan ki ki ri kì nyamɛn ɓi Syeesyee à Ɓɔlɛ.

FÌLÌPYƐŊ 1:4

Ɓi bɔ̀ŋzɛ̀n yìcèm yi nkìki ɓisu win ɓɛsɛ̀ɛ̀ ɓɛ̀cèm, ǹti m̀ɓɔ̀ŋzàg rì kìnyàà,

FÌLÌPYƐŊ 4:6

Kɛ̀ ɓi ghɛ̀ri nɗem aɗyòò rì com kidɛŋ, kìɓan kifog, ɓi ɓìɓan ɓìcèm, rèsiina Bɛ̀ll cɛ kɛɛ̀ki ɓì rì zày rì kɔ, ɓì bɔ̀ŋzɛ̀n, ɓì yɛ̀ɛ̀ghyɛ̀gsì nyi ɓyàg, ɓì ki fafa nyi ɓìtògsɛ̀n.

KÒLÒSYƐŊ 1:3

Tì ti tì fafà Bɛ̀ll à Seŋi Kan wìs Yeesus Kiris ɓìtògsɛ̀n, di tì ɓɔ̀ɔɓɔ̀ŋzì Bɛ̀ll ɓisu win, tyɛ̀ ki fɔy.

KÒLÒSYƐŊ 1:4

Lɛ tìi nwoogh di ɓɛɛ kpaakpaa lɛ, mìnii ri rì ǹtyweeyi ɓi Yeesus Kiris lɛɛ̀gwey, mìnii ki ɓa ri geesɛ̀n ɓi san ànɛ a ɓɛ̀gherɛ̀n ɓɛ̀cèm,

KÒLÒSYƐŊ 4:2

Sììrɛɛna ɓi bɔ̀ŋzɛ̀n; ɓì ɓa cem miì ɓi rìfafà ɗi Bɛ̀ll ɓìtògsɛ̀n.

TÈSÀLÒNÌSYƐŊ 5:17

Ɓì ɓɔ̀ɔ̀ɓɔ̀ŋzì Bɛ̀ll kɛ̀ ɓi fɔy.

TIMOTE 2:1

Kìɓan ki asu ki ntɔki ki ri lɛ, ɓum ɓɛɛ tɔtɔg Bɛ̀ll ɓìɓan, ɓɛ ɓɔɔ̀ɓɔ̀ŋzì nyi, ɓɛ reǹɗèn nyi mɛ̀tɔɓ di ɓɛɛ̀ fafa nyi ɓìtògsɛ̀n ɓisuu ɓum ɓɛ̀cèm,

2 TIMOTE 1:3

Ǹfaa Bɛ̀ll ànɛ nkìki kisay ɓitògsɛ̀n; kìsay kiǹ, ki ri rìkɛ̀n ɗi beèbɛ̀y ɗì kìsay ki ɓɛ̀seŋi ɓɛ̀m ɓɛ ɓɛsɛ̀ɛ̀ ɓɛ kighà nyi; nkìki kɔ rì nɗem wu sɛɛghi sɛɛghi, fɔlɔɔ nnɛ ǹfɔli ɓi wɔ rìɓùŋ yɛ̀ɛ ìru yɛ̀ɛ ŋwos ɓi bɔ̀ŋzɛ̀n yɛm̀;

FILEMƆŊ 1:5

lɛ ǹti ǹwowòg di ɓɛɛ̀ kpaakpaa nkɔ̀nɛ̀n, rì ntyweeyi, ɓi u rèresi ɓi san ànɛ yɛ̀ɛ Kan Yeesus rì ɓisuu ɓɛgherɛ̀n ɓɛ̀cèm.

EBIREEGH 5:7

Yɛ̀ɛ Yeesus à ghɛghɛ̀ɓkà ɓi ziinɛ, à ɓɔ̀ɔ̀ɓɔ̀ŋzàkà Bɛ̀ll, à yɛ̀ɛ̀ghyɛ̀gsì nyi ɓyàg, rì ɓyoo ɓikiŋ, rì misì ɓi mɛ̀tam, lɛ Bɛ̀ll yɛɛ ɓaghà lɛ à ghɛɓsì nyi ɓi rìwu; nni Bɛ̀ll à wokà bɔ̀ŋzɛ̀n yii lɛ mɛ̀wog mɛ à ɓaghà rì mɔ.

1 PYƐƐRI 4:7

Rìsugtɛ̀n ɗi ɓyom ɓìcèm ɗi ti jàŋbog, fɔlɔɔ nnɛ ɓì ghɛ̀ɛ̀sɛɛ kì ɓaà rì ɗyomzɛ̀n, kɛ̀ ɓi falɛn ɓi ɓìnɔɔ̀nɔɔ̀, di ɓi kiki bɔ̀ŋzɛ̀n.

ZYUUDƐ 1:20

Wɔ̀lɛ mìni ɓum ɓɛm ɓɛ nɗem, faafàlɛɛna mìniìɓɔmiɗ itèɗ ɓi rìgherɛ̀n ɗin ɗi ɗi ri ɗìtɛnɛn lɛ kɔɔ̀kɔɔ̀, ɓì ɓɔ̀ɔ̀ɓɔ̀ŋzì rì ìtèɗ wu Kitɛntɛ̀ɛ̀n ki Nghay.