EFÈZYƐŊ 5:26 - Bafia Nouveau Testament

²⁶ À kìghà fɔlɔɔ lɛ di Kìseŋi kii kɛɛ ɓa kìtɛnɛn; lɛ à tɛɛ̀zìghà kɔ lɛ rì mɛ̀nig rì jɛ̀ɛ̀;

EFÈZYƐŊ 5:26 ပူးပေါင်းရင်းမြစ်များ

ZYAŊ 13:10

Yeesus à kpaa nyi lɛ: Ŋwaànɛ à mɛ wùɓɓɛ̀n, à yin lɛ ɓɛ wuɓsì tì nyi, i ki cee ɓi lɛ mɛ̀kòò mii mɛɛ̀mɛ ɓɛ soò, lɛ nyoo yìì bimiɗ ì rì ǹtɛnɛn. Nni, mìnii ri ɓɛ̀tɛnɛn, wɔ̀lɛ, àa mìniìcèm.

ZYAŊ 15:3

Ɓì ti ɓɛ̀tɛnɛn, lɛ ɓìɓan ɓìcèm ɓi mɛ̀ɛ ǹkpaa mìni.

ZYAŊ 15:8

I ɓì wumi ɓìɗùn lɛɛ̀gwey, fɔlɔɔ nnɛ Seŋi wɛ̀m à ɓiì terì rìkem, mìnii ki ɓa ɓɛyilàg ɓɛm.

ZYAŊ 17:7

Ɓigomìnɛ, ɓɛ mɛ yi lɛ, ɓìɓan ɓìcèm ɓi ù faghà mɛ̀, ɓi riì a lɔ̀ŋkɔɔ.

ZYAŊ 3:5

Yeesus à ɓàg nyi lɛ: Ǹkpaa wɔ̀ kɔɔ̀kɔɔ̀ à rìkpaa lɛ, i mum à yalɛɛ ɓi ri mɛ̀nig rì Ǹghay, à yin lɛ à ɗiŋì ɓi kìlɔ̀ŋ ki Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 22:16

Nni ɓigomìnɛ, kɔ̀ɔ lɛ̀mziti, pɛ̀sɛn aɗyoo u teɗ bàɓtis ɓi ɗii ɗi Kan, di ɓiɓe ɓyɔɔ ɓyɛɛ ɓa ɓìsòòyɛn.

MƐ̀KÌKÌÌ MƐ ƁƐKƐ̀NÌ-FÌTOM 26:18

di ɓyɛɛ pɛsɛn yì ɓi birìm, ɓyɛɛ yu ɓi kìtɛɛtɛn, ɓi leg yì ɓi rìlàmì ɗi Satàn, ɓi yuiy yɛ̀ɛ Bɛ̀ll, fɔɔnnɛ ɓɛ ri ɓiì kìi lɛ, i ɓɛ mɛ gherɛn mɛ, Bɛ̀ll à cenɛ̀n ɓɔ ɓìbe ɓyaa, à ki fa ɓɔ ìkɔ̀ɔ̀ ɓi ǹɗaŋ wu ɓum ɓii.

RÒMƐŊ 10:8

Nni ki ri min ki kaliyɛn lɛ cɛ? Jɛ̀ɛ̀ ì rì wɔ̀ jàŋbog, yɔ̀ wɔ̀ ɓi ŋwɔm, ì ki ɓa ti wɔ ɓi nɗem, jɛ̀ɛ̀ ìnɛn ì rì jɛ̀ɛ̀ ì rìgherɛ̀n ɗi ɓìsiì làalam̀ɓɛ̀n.

1 KƆ̀RƐ̀ŊTYƐŊ 6:11

Gàɓ ì ɓum ìdɛŋ ìnɛ ɓi mìni, ì ɓaghà mɛ̀kuu mɛ ɓum mɛ̀n; wɔ̀lɛ ɓɛ sooghà mìni, ɓɛ tɛɛ̀zì mìni, ɓɛ ki kì lɛ ɓi ɓa lɛ saaɗ ɓi mis mɛ Bɛ̀ll, ɓi ɗii ɗi Kan Yeesus Kiris, rì ìtèɗ wu Ǹghay à Bɛ̀ll wìs.

2 KƆ̀RƐ̀ŊTYƐŊ 11:2

Ɓisuulɛ, ǹɗì rì yɔ̀ɔ̀tì ɓi san wìn, yɔ̀ɔ̀tì ànɛn à rìì yɛ̀ɛ Bɛ̀ll rì kìsyɔ̀ɔ̀ lɛ, ɓì rì fɛlɛ yɛ̀ɛ gɔ̀n ì giɓ ìnɛ ì ka yiɓi ɓɛbaŋì, ì ki ɓa ntɛnɛn, ìnɛ ì kàkà lɛ ì ɓiì wɔlì m̀bobog à yii lɛ Kiris.

EFÈZYƐŊ 6:17

Terina girig gòri ì Bɛ̀ll ɓi sìg à tàm, ɓì teɗ jɛ̀ɛ̀ ì Bɛ̀ll ìnɛ ìrì gàfàg ì Kìtɛntɛ̀ɛ̀n ki Nghay.

KÒLÒSYƐŊ 3:16

Jɛ̀ɛ̀ ì Kiris yɛ̀ɛ kɔri mìni ɓi mɛ̀rem rì ɓìɓan ɓi syeesyee ɓìcèm ɓi ì rì rì ɓyɔ; ki ghɛɛ̀sɛɛ lɛ, ɓi nyìinyìm wìn, ɓɛ̀ro ɓɛdɛŋ ɓɛ reèrèsàg ɓɛ̀ro ɓɛmbog, ɓì reèrèɓɓɛ̀n mìni rì mìni rì ɗyomzɛ̀n lɛɛ̀gwey; ɓì kɛkɛ̀ɛ̀gh Bɛ̀ll tyem ti ɓi ɓɛ̀sam, rì mɛ̀ɓàlì rì ɓìgheesì ɓi Ǹghay à resii, kìina kìɓan kiǹ rì nɗem win wucèm.

Kaàtà ànɛ Pol à kàngà TIT 2:14

ànɛ à falɛ̀ngà nyimiɗ ɓisu wis lɛ a pwaŋ̀ yì ɓìsi ɓi kìɓe mɛkuu mɛ̀cèm, à kì lɛ ti ɓa kìlɔ̀ŋ kitɛnɛn ki kɛɛ woòghrɛn ɗì nyi; ki falɛ̀n ɓi rìkìkì ɗi ɓiɓan ɓi syeesyee.

EBIREEGH 10:10

Ɓisuulɛ Yeesus Kiris à roòzìghà rìkɔ̀n ɗi Bɛ̀ll, fɔɔnnɛ ɓìsii ti rì zòghɛ̀n ìnɛ ɓi ɓìɓe ɓis lɛ rìfa ɗi à faghà nyoo yìì gɛ̀n bog ɓi gɛ̀n yicèm.

EBIREEGH 10:14

Fɔlɔɔ nnɛ ɓi rìfa ɗìfog, à mɛ kì lɛ ɓɛ̀roɓɛ ɓɛ ri ɓɛ̀tɛɛ̀ziyɛn ɓɛɛ ɓa lɛ syeesyee ìsuùcèm kɛ̀ɛ̀ com ki ɓɛ ri lɛ ɓɛ fen a lɔ̀ŋkaa.

EBIREEGH 10:22

Ti tyòŋdɛɛna min Bɛ̀ll jàŋbog rì ǹɗem wu wu ri lɛ sɛɛghi sɛɛghi, rì rìgherɛ̀n ɗi ɗi ri ɗìronɛn, ǹɗem wù tɛnɛn ɓi ɓɛg ànɛ a ɓìɓan ɓi ɓi ri lɛ ɓi fa wɔ̀ bɛ̀lɛn, nyoo ì ɓa ǹwùɓsiyɛn ɓi mɛ̀nig mɛ mɛ ri mɛ̀ tɛnɛn.

EBIREEGH 10:29

Ɓì rì lɛ ɓì fèg lɛ rìkuu ɗi ntɔɓ aɗi ɗyɛɛ ghɛɛ̀sɛɛ rì ŋwaànɛ à kìi lɛ à sɛɛtì Man à Bɛ̀ll, à ghɛn bwaɓ yi riràrɛ̀n ɗi lɛ rì Bɛ̀ll rì ɓum, yi yi kii lɛ a ɓa ǹtɛnɛn, yɛ̀ɛ zɛy rì zɛy à com, à ki fen Nghay à geesɛ̀n.

EBIREEGH 13:12

Kìɓan kiǹ kɛɛ̀ki Yeesus à wughà girig fìràɓ ɗi bàn, lɛ a tɛɛ̀zi ɓum ɓɛ kilɔ̀ŋ rì bwaɓ yii yɔmìɗ.

EBIREEGH 4:12

Lɛ jɛ̀ɛ̀ ì Bɛ̀ll ì rì cencem, ì ki ɓa ri ìtèɗ, ì poo ì cee gàfàg ìnɛ ì rì ǹghɛliyɛn ɓɛɓɛg ɓɛ̀cèm. Yɛ̀ɛ ɗiɗiŋi mum ɓi nɗem à kpaŋ ɓi jàŋ inɛ cɛɓ ki mum rì nghay wii ɓi rarɛɛ; ì ɗiŋì ì kpaŋ ɓi rìràrɛ̀n ɗi gòga rì ɓɛ̀ɓɔ̀ŋ ɓɛ ɓiwoɓ. Yɛ̀ɛ rèresi nkòo rìkɔ̀n ɗi mum rì mɛ̀yitì mɛ mɛ ri nyi ɓi nɗem, ɓi ri lɛ syeesyee.

EBIREEGH 9:14

bɔ̀ɓ yaŋ min ɗi bwaɓ yi Kiris ànɛ à falɛ̀ngà nyimiɗ ri Bɛ̀ll, kɛ̀ɛ̀ fìfin, ɓi Nghay ànɛ à ri fìɗyàɓ fikɔ̀ɔ̀. Bwaɓ yii yi ri ɓiì tɛɛ̀zii mɛrem mis ɓi ɓɛg ànɛ a ɓìɓan ɓi ɓi ri kɛ̀ɛ̀ gɛɓsɛ̀n, lɛ ti ki Bɛ̀ll ànɛ à rì cem kisay.

ZYAG 1:18

À faghà ɓìsi cɛɓ ɓi rìkɔ̀n ɗii, rì jɛ̀ɛ̀ yìì i saaɗ lɛ ti ɓa fɛlɛ yɛ̀ɛ ɓìɗùn ɓi ǹtonto ɓi ɓyom ɓi à kìghà.

1 PYƐƐRI 1:2

Ɓì ɓaghà ɓɛ̀ɓɔ̀nɛn lɔŋ yɛ̀ɛ Bɛ̀ll Seŋi a lokà kìwòŋzii ɓiɓan, fɔɔnnɛ ɓì ti ɓɛ̀tɛnɛ̀n lɛ Nghay wìì, lɛ ɓi ɓa rì mɛ̀wog ɓi ɓɛg ànɛ yɛ̀ɛ Yeesus Kiris ɓì ki ɓa ɓɛtɛɛ̀ziyɛn ɓi bwaɓ yii yi yi kpagà. Geesɛ̀n, rì fyòoog ɓyɛɛ teghɛn a lɔ̀ŋkin lɛɛ̀gwey.

1 PYƐƐRI 3:21

Mɛ̀nig mɛǹ mɛ ɓaghà kìfèèghrɛnà ki bàɓtis ìnɛ yɛɛ̀ ghɛɛghɛɓsì mìni ɓigomìnɛ, bàɓtis ìnɛ̀n ì yin ɓiì sòòsoo tifin ti ɓi nyoo, kìɓan kifog ì rì rìfalɛ̀n ɗi mum à falɛɛ yɛ̀ɛ Bɛ̀ll rì syeesyee à nɗem. A ghɛɛghɛɓsì mìni lɛ rìghèmɓɛ̀n ɗi Yeesus Kiris à ghèmɓɛ̀ngà,

2 PYƐƐRI 1:9

Kìɓan kifog, ŋwaànɛ à tàŋi ɓìɓan ɓiǹ à rì ɗyaŋɗyàŋ ànɛ a mɔmɔɓ m̀mɔmɔɓɛn, à ɗimzɛ̀n lɛ ɓìɓe ɓii ɓi abɛ̀y ɓi ti ɓì sòòyɛn.

1 ZYAŊ 5:6

Yeesus Kiris ànɛ̀n yɛɛ yughà lɛ, rì mɛ̀nig, rì bwaɓ; à yùghà ɓi ri mɛ̀nig mɔ rì mɔ, à yùghà lɔŋ lɛ rì mɛ̀nig rì bwaɓ; nni Kìtɛntɛ̀ɛ̀n ki Nghay kɛɛ̀ rèresi saaɗ ànɛ ɓi kìɓan kiǹ, lɛ Kìtɛntɛ̀ɛ̀n ki Nghay ki ri saaɗ.

ZYUUDƐ 1:1

Mɛ̀ Zyuudɛ ànɛ ǹɗì ǹkìì-kìsay a Yeesus Kiris, ǹki ɓa geni Zyag, mɛ̀ yɛɛ kaniì ɓumɓɛ Bɛ̀ll à reŋìghà kaàtà ànɛ. Ɓumɓɛ̀n Bɛ̀ll Seŋi a keesag ɓɔ, Yeesus Kiris, à ki ɓègi ɓɔ.