EFÈZYƐŊ 5:20 - Bafia Nouveau Testament

²⁰ Ɓi ɓìɓan ɓìcèm, faana Bɛ̀ll à Seŋi wìs ɓìtògsɛ̀n cààmɛ̀n kìcèm ɓi ɗii ɗi Kan wìs Yeesus Kiris.

EFÈZYƐŊ 5:20 ပူးပေါင်းရင်းမြစ်များ

ZYAŊ 15:16

Àa mìni yɛɛ ɓɔngà mɛ̀, lɔŋ mɛ̀ yɛɛ ɓɔngà mìni, ǹki rɛ̀si mini lɛ, ɓi kɛǹ, ɓi wum̀ ɓìɗùn, ɓìɗùn ɓin ɓi ki ɓa ɓiɗùn ɓi ɓyɛɛ finɛn, fɔɔnnɛ com kìcèm ki ɓì ɓiì tɔɔ̀gh Tààta rì ɗii ɗyɛ̀m, à rì mìni kɔ ɓiì kìi.

MƐ̀KÌKÌÌ MƐ ƁƐKƐ̀NÌ-FÌTOM 5:41

Fɔɔnnɛ ɓɛ̀kɛ̀nì-fìtom ɓɛ pɛsɛ̀ngày a Sànèdìrɛŋ ɗì coo kìnyàà ɓi nɗem lɛ Bɛ̀ll àa ǹghɛɛ lɛ, ki rì syeesyee à kiɓan lɛ, ɓɔɔ ghɛn mɛ̀tɔɓ lɛ, ɗii ɗi Yeesus.

RÒMƐŊ 1:8

Mɛ̀ ǹka faa Bɛ̀ll wɛ̀m ɓìtògsɛ̀n lɛ Yeesus Kiris, ɓisu win mɛ̀to mɛ̀cèm ɓisuulɛ rìgherɛ̀n ɗin ɗyɛɛ̀ keŋkem zi bimiɗ.

1 KƆ̀RƐ̀ŊTYƐŊ 1:4

Mɛ̀ɛ nfafa Bɛ̀ll ɓìtògsɛ̀n kɛ̀ɛ nfɔy ɓisu win, lɛ geesɛ̀n ì Bɛ̀ll ìnɛ ì falɛ̀ngà a lɔ̀ŋkin ɓi Yeesus Kiris.

1 KƆ̀RƐ̀ŊTYƐŊ 15:24

Ajɛ̀m ìnɛn nnɛ rìsugtɛ̀n ɗi ɓaa gɛ, yɛ̀ɛ Kiris à faa gɛ rìlàmì rì roànɛ à rì lɛ, nyi Bɛ̀ll, nyi Seŋi, di à mɛ yogsi lɛ: rì mɛ̀tèɗ mɛ mɛ ri mɛ̀ làŋɛn, rì rìlàmì ɗìcèm, rì mɛ̀tèɗ mɛ nghay mɛmbog mɛ̀cèm.

EFÈZYƐŊ 5:4

Ki ghɛɛ̀sɛɛ ɓi lɛ ɓi kpaakpaa ɓìɓan ɓi ǹtoòrìɗ, rì ɓìdìmìdimi ɓi ɓiɓan, rì ɓìɓan ɓi ɓiyèg. Ki ghɛɛ̀sɛɛ lɔŋ lɛ ɓi fafa Bɛ̀ll ɓìtògsɛ̀n.

FÌLÌPYƐŊ 1:3

Cààmɛ̀n kìcèm ki ǹ-yitii mìni, ǹti falàg Bɛ̀ll wɛ̀m ɓìtògsɛ̀n.

FÌLÌPYƐŊ 4:6

Kɛ̀ ɓi ghɛ̀ri nɗem aɗyòò rì com kidɛŋ, kìɓan kifog, ɓi ɓìɓan ɓìcèm, rèsiina Bɛ̀ll cɛ kɛɛ̀ki ɓì rì zày rì kɔ, ɓì bɔ̀ŋzɛ̀n, ɓì yɛ̀ɛ̀ghyɛ̀gsì nyi ɓyàg, ɓì ki fafa nyi ɓìtògsɛ̀n.

KÒLÒSYƐŊ 3:17

Com kìcèm ki ɓì rì lɛ ɓì kpaa, nsoò lɛ ɓì kì, kìina kɔ ɓi ɗii ɗi Kan Yeesus, ɓì fafà Bɛ̀ll à Seŋi wìs ɓìtògsɛ̀n rì ɗii ɗìì.

TÈSÀLÒNÌSYƐŊ 3:9

Tì rì lɛ tì tògsàg Bɛ̀ll wìs ɓisu win à kpaŋ fe, ɓi kìnyàà kìcèm ki tì rì rì kɔ ɓi mis mɛ Bɛ̀ll ɓisuu righerɛ̀n ɗin!

TÈSÀLÒNÌSYƐŊ 5:18

Faana Bɛ̀ll ɓìtògsɛ̀n ɓi ɓìɓan ɓìcèm ɓi ɓi tanɛɛ mìni, lɛ fɔlɔɔ yɛɛ ri rìkɔ̀n ɗii ɓi cɛɓ kin ki rì Yeesus Kiris.

2 TÈSÀLÒNÌSYƐŊ 1:3

Ɓɔɔsoŋ̀, tì ghɛ̀ɛ̀sɛɛ kì fafaa Bɛ̀ll ɓìtògsɛ̀n ɓisu win tyɛ̀ ki fɔy; tì ghɛ̀ɛ̀sɛɛ kì kìkii fɔlɔɔ ɓisuulɛ rìgherɛ̀n ɗin ɗyɛɛ̀ tɔɔtɔ̀ɔ̀, ǹkɔ̀nɛ̀n ànɛ à rì ɓi nyìinyìm wìn a tèèghtèghɛ̀n.

2 TÈSÀLÒNÌSYƐŊ 2:13

Ɓi san ànɛ a lɔ̀ŋkis, ɓɔɔseŋi ɓis ɓɛ Kan a keesag lɛɛ̀gwey, tì ghɛ̀ɛ̀sɛɛ kì fafaa Bɛ̀ll ɓìtògsɛ̀n cààmɛ̀n kìcèm ɓisuu kiɓan kin, ɓisuulɛ Bɛ̀ll à ɓɔ̀ngà mìni à tumɛ̀n a rìtumɛ̀n lɛ ɓi ɓa ɓɛ̀kòrɛn ɓi rìkì ɗi Kìtɛntɛ̀ɛ̀n ki Nghay kɛɛ̀ kìki lɛ ɓi ɓa ɓɛ̀tɛnɛn, rì ɓi rìgherɛ̀n ɗi ɓì gherɛɛ saaɗ.

EBIREEGH 13:15

Ti faana min Bɛ̀ll rìkem ɓi sìg à ɓyom ɓi tì fùnɛɛ ɓi Yeesus, fɔlɔɔ yɛɛ ri rìfa ɗi ɗyɛɛ̀ rèeresɛ̀n ɓi myɔm mɛ mɛɛ̀ kpaakpagsɛ̀n nyi lɛ à rì Kan wìs.

1 PYƐƐRI 2:5

fɔɔnnɛ mìni girig, fɛlɛ yɛ̀ɛ gɔ̀g yi yi ri cencem, ɓì rì ɓɛ̀toŋɛn lɛ ɓi ɓa mɛɛ mɛ ɓi Nghay, ɓì ɓa ǹɗaŋ wu ɓɛpìrɛɛtìrɛ̀ ɓɛ ɓɛ ri ɓɛ̀tɛnɛn ɓɛ ɓɛɛ̀ fùufunɛ̀n Bɛ̀ll ɓyom ɓi ɓi Nghay ɓi ɓi ri rɔɔ nyi, lɛ Yeesus Kiris.

1 PYƐƐRI 4:11

I mum à pinii ŋwɔm lɛ a kali ɓìɓan ɓi Bɛ̀ll, a ghagsi lɔŋ jɛ̀ɛ̀ ìnɛ ì rìì yɛ̀ɛ Bɛ̀ll, ŋwaànɛ a ghɛɛghɛɓsì kìsay, à ghɛ̀ɛ̀sɛɛ kɔ kì kìi ri ìtèɗ wu Bɛ̀ll à faa nyi, di fɔlɔɔ nnɛ Bɛ̀ll a teɗ rìkem ɓi ɓìɓan ɓìcèm lɛ Yeesus Kiris ànɛ à rì lɛ, rì rìkem, rì ìtèɗ, fiɗyàɓ fikɔ̀ɔ̀. Ààmɛ̀n.