EFÈZYƐŊ 5:15 - Bafia Nouveau Testament

¹⁵ Ɓì konag kì fiɓii righɛghɛ̀ɓ ɗin lɛ syeesyee; kɛ̀ ɓi ghɛghɛɓ yɛ̀ɛ ɓìyèg, ghɛɓina lɔŋ yɛ̀ɛ ɓumɓɛ ɓɛ ri rì ɗyomzɛ̀n.

EFÈZYƐŊ 5:15 ပူးပေါင်းရင်းမြစ်များ

MATYOO 10:16

Nni mɛ̀ ǹɗomi lɔŋ mini yɛ̀ɛ ɓɔni jɔ̀ɔ̀ ɓi nyìinyìm à ɓìmonɗo, fɔɔnnɛ ɓaana rì ɗyomzɛ̀n yɛ̀ɛ nyoo, ɓì ki ɓa ri mɛ̀rem mɛ tɛ̀tɛ̀rɛ̀ɛ̀ yɛ̀ɛ ɓɛ̀kuùkuù.

MATYOO 25:2

Kìtaǹ ki ɓi ɓɔ ki ɓaghà kɛ̀ɛ̀ ɗyomzɛ̀n, kìtaǹ kimbog rì ɗyomzɛ̀n.

MATYOO 27:24

Yɛ̀ɛ Pilat à ghɛngà lɛ, mɛ̀tɔɔ̀gtɔɔgh mii mɛ ghɛɓsii ɓi com, kìɓan kifog kìyoòyòò kɛɛ̀ kɛ̀nkɛn asu ǹkɛ̀nkɛnɛn, nni à tekà mɛ̀nig, à sògtɛ̀n ɓyàg ɓi mis mɛ gwìy ì ɓum ìnɛ ì ɓaghà wɔɔ, à kpaa lɛ: Ǹ-yin lɛ, ǹteɗ kìɓɛ̀kɛ ki ɓi bwaɓ yi saaɗ à mum ànɛ, kìɓan kii ki seesee lɔŋ mini.

MATYOO 27:4

à kpaa lɛ: Mɛ̀ɛ ǹkìi kìɓe lɛ mɛ̀ɛ ǹkàɓi bwaɓ yi ŋwaànɛ à rì kɛ̀ɛ̀ kìɓe; nni ɓɛ ɓakà nyi lɛ: Kìɓan kis ki yin miì, wɔ̀ nnɛ ki seesee.

MATYOO 8:4

Ajɛ̀m ìnɛn, Yeesus à kpaa nyi lɛ: Kɔ̀ɔ fèg ki ɓùŋi mum kìɓan ki, kɛ̀na lɔŋ, u resɛn yɛ̀ɛ pìrɛɛtìrɛ̀, u ki fa rifa ɗi Moyis à kpaaghà lɛ ɓɛɛ falag di mum à wɔ̀ni kwiy, di rìkì ɗiǹ ɗyɛɛ resi ɓɔ lɛ, ù mɛ wɔ̀n.

LUKAS 24:25

Fɔɔnnɛ Yeesus à kpaaghà min ɓɔ lɛ: Mìni ɓum ɓɛ kɛ̀ɛ̀ ɗyomzɛ̀n, ɓɛ mɛ̀rem mɛ ti mɛ̀ kɛɛ̀ fyaŋzi ki gherɛɛ ɓiɓan ɓi ɓɛ̀kpaŋzì-ɓìɓan ɓɛ kpaaghà,

1 KƆ̀RƐ̀ŊTYƐŊ 14:20

Ɓɔɔsoŋ̀, kɛ̀ ɓi ɓa yɛ̀ɛ ɓɔɓti ɓi rìfifìɓì ɗi ɓiɓan, wɔ̀lɛ ɓi kìɓe nnɛ ɓì ghɛ̀ɛ̀sɛɛ kì ɓaà yɛ̀ɛ ɓɔɓti; ɓì rìfifìɓì ɗi ɓiɓan, ɓì ɓa ɓɛ̀sɛ̀ɛ̀mɛn.

GÀLAT 3:1

Mìni, ɓumɓɛ a Galasi, lannɛ ɓì yèghii fɛlɛ? Ghɛn yɛɛ yogsii mìni mɛ̀rem, mìni ɓɛ ɓɛ resìghà Yeesus Kiris ànɛ ɓɛ kpangà ɓi Kɔrɔs.

GÀLAT 3:3

Ɓì rì kɔm̀ ɓiyèg? Ɓì tumɛ̀ngày rì Nghay à Bɛ̀ll, lannɛ ɓi kɔ̀nkɔn lɛ ɓi kɛǹ kì wɔmɓɛɛ ri ɓɛ̀fèg ɓɛ ɓum?

EFÈZYƐŊ 5:2

Ɓì kɛ̀ɛ̀kɛ̀ɛ̀ ɓi nkɔ̀nɛ̀n fɛlɛ yɛ̀ɛ Kiris à rèsìghà ɓìsi, à fa cɛɓ kii ɓisu wis, fɛlɛ yɛ̀ɛ com ki ŋwaà à faa, nsoò lɛ kìtuwe ki ɓɛ funɛɛ ɓi rìɓɔgsì ɗi Bɛ̀ll; ɓyom ɓìn ɓi ɓa rì syeesyee à kìnùbe.

EFÈZYƐŊ 5:33

Kaa soo rì la, mum ǹcèm ànɛ ɓi mìni a keesi giɓ wiì yɛ̀ɛ nyimìɗ, giɓ bimiɗ à kì yii mɛ̀wog.

FÌLÌPYƐŊ 1:27

Kìɓan kifog, ghɛɓina rìkuu ɗi cɛɓ ɗi ɗi ghɛɛ̀sɛɛ rì Syeesyee a Ɓɔlɛ à Kiris ɓi lèg ànɛ lɛ nsoò màa yùu mìni kì ghɛɛ̀, nsoò lɛ màa rì mìni fìràɓ, ǹghɛ̀ɛ̀sɛɛ kì woògh lɛ ɓum ɓɛɛ̀ kpaakpaa lɛ: Ɓì rì lɔŋ ɓɛsììrɛn, ɓì ɓa ɓɛ̀fèg ɓɛ̀fog, ɓi ki ɗùùɗuu nɗem wùfog ɓisuu ǹtyweeyi wu wu ri ɓi Syeesyee à Ɓɔlɛ.

KÒLÒSYƐŊ 1:9

Kìɓan kiǹ kɛɛ̀ki ɓìsi girig, à tumɛ̀n ŋwos anɛ tì wokà fɔlɔɔ, tì fɔli ɓi riɓɔ̀ŋzì ɗi Bɛ̀ll ɓisu win, tì tɔtɔ̀g lɛ, a roòzi mìni rì rìyi ɗi ɓiɓan ɓi ɓyɛɛ̀ kɔ̀ngi nyi, à fa mìni ɗyomzɛ̀n ɗìcèm, rì syeesyee à rìwog ànɛ ɓi Nghay wìì.

KÒLÒSYƐŊ 4:5

Ɓaanà rì ɗyomzɛ̀n ɓi rìghɛghɛ̀ɓ ɗin ɗi rì ɓumɓɛ ɓɛ yin ɓɛ̀kìristɛ̀n, kɛ̀ ɓi yogsi cààmɛ̀n ki ɓì rì rì kɔ.

TÈSÀLÒNÌSYƐŊ 5:15

Ɓì konàg lɛ ŋwaàdɛŋ kɛ̀ɛ ɓa lɛ à rɔ̀ŋ kiɓe ri kìɓe; wɔ̀lɛ kaana lɔŋ lɛ ɓi kiki kìrɔɔ cààmɛ̀n kìcèm, lɛ rì ɓi nyìinyìm wìn, rì ɓi ɓɛg ànɛ a ɓum ɓɛm̀bog ɓɛ̀cèm.

TIMOTE 6:9

Kìɓan kifog ɓɛ̀roɓɛ ɓɛɛ̀ kɔ̀nkɔn lɛ di ɓaa kumi, ɓɛ ti ɓɛ kpilàg ɓi mɛ̀fèèghrɛn rì ɓi fìram fi lɛ ɓɛɛ ɓa rì zày ì ɓìɓan ɓi ɓiyèg rì ɓi ɓeɓtɛn ɓi ɓi ti ɓi pikì mum ɓi rìɗyaŋ rì ɓi rìwu.

EBIREEGH 12:25

Ɓì konàg lɛ kɛ̀ ɓi ɓèn kiwoògh jɛ̀ɛ̀ ì roànɛ a tòtòg, ɓisuulɛ i ɓɛ̀roɓɛ ɓɛ ɓengà kì woògh jɛ̀ɛ̀ ì roànɛ à rɔ̀ɔ̀rɔ̀gsɛ̀ngà ɓumɓɛ ɓi ziinɛ, ɓɛ rɔmɛ̀ngà ɓi deɓ, gɛ̀n yaŋ ri ɓìsi, cààmɛ̀n ki tì lɔ̀ghii ɓyàs rì roànɛ a rɔɔrɔgsɛ̀n yì ɓìsi ɓi ɗyoo ɓi ɗùm.

ZYAG 3:13

Ghɛn anɛ ɓi mìni yɛɛ kii lɛ, à womzɛ̀n à ki ɓa ri fèg? A resi min ɗyomzɛ̀n ɗii ɓi syeesyee wìì a rìghɛghɛ̀ɓ, rì ɓi ɓìɓan ɓi a kìkì ɓi ɓa lɛ ɗì rìsɛɛ̀dɛ̀n ɗi ɓi zi, rì ɗyomzɛ̀n.

1 PYƐƐRI 1:22

Yɛ̀ɛ ɓyàa lègsi kìpuɓsii mɛghay min ri mɛ̀wog mɛ ɓì rì rì mɔ ɓi ɓɛg ànɛ a saaɗ, lɛ ɓi ɓa rì nkɔ̀nɛ̀n à rìgeni ànɛ à rì lɛ sɛɛghisɛɛghi; kɔ̀nɛɛna rì ìtèɗ, rì nɗem win wucèm.

ÀPÒKÀLIƁSƐ̀ 19:10

Nni ǹkpìghà nyi a mɛ̀kòò lɛ mɓɔgsi nyi kìɓan kifog, à kpaa mɛ̀ lɛ: Kɔ̀ɔ fèèghrɛn ki kìi com kidɛŋ fɔlɔɔ; mɛ̀ ǹɗì lɛ mɛ̀ reŋkàŋ wɔ̀ɔ̀ a kìsay, ǹki ɓa ti reŋkàŋ à ɓɛ̀goni ɓɛ ɓɛ tekà ɓìɓan ɓi Yeesus à tɛɛ̀zìghà. Bɛ̀ll innɛ ɓɔgsi, lɛ ɓìɓan ɓi Yeesus à rèsìghà ɓyɛɛ ri ǹghay ànɛ à ti à rèsàg ɓɛ̀kpaŋzì-ɓìɓan, com ki ɓɛɛ kpaà.