EFÈZYƐŊ 4:31 - Bafia Nouveau Testament

³¹ À tumɛɛ lɛ kìmìighmigtɛ̀n, kìnyɛn, bim, kìyoòyòò, mɛ̀wɔ̀wɔrì, rì rìgɛn mɛ̀kuu mɛ̀cèm, ɓi ghɛɛ̀sɛɛ kì lèegh ɓi nyìinyìm wìn.

EFÈZYƐŊ 4:31 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 21:30

Bàn bimiɗ ì nyɛ̀ŋɗɛ̀ngà ɓi kìɓan kiǹ ɓum ɓɛ ghɛɛ̀ghɛ̀ŋmɛ̀n yì ɓɛ̀ ɓɛg ɓɛ̀cèm, nni ɓɛ ɓangà Pol, ɓɛ kɛǹ ɗì nyi ɓi dan, ɓɛ ghas kì sìmgii mɛ̀suunaa mɛ naà-Bɛ̀ll.

RÒMƐŊ 3:14

Myɔm maa mɛ roni rì ɓɛ̀nyɔ̀ma ɓɛ lòlolɛn.

1 KƆ̀RƐ̀ŊTYƐŊ 14:20

Ɓɔɔsoŋ̀, kɛ̀ ɓi ɓa yɛ̀ɛ ɓɔɓti ɓi rìfifìɓì ɗi ɓiɓan, wɔ̀lɛ ɓi kìɓe nnɛ ɓì ghɛ̀ɛ̀sɛɛ kì ɓaà yɛ̀ɛ ɓɔɓti; ɓì rìfifìɓì ɗi ɓiɓan, ɓì ɓa ɓɛ̀sɛ̀ɛ̀mɛn.

1 KƆ̀RƐ̀ŊTYƐŊ 5:8

Nni ti kìina min ticàɓ tiǹ, wɔ̀lɛ tyɛ̀ ki kì tyɔ rì fìɗyàɓ fi nwìɗ, nsoò lɛ nwìɗ a kìɓùùsì, rì à rìgɛn, ti ki tìcàɓ tis tiǹ rì bìrɛs ìnɛ ì yin ɗi nwìɗ, ɓi rìtɛn, rì ɓi saaɗ ɓi ɗùm.

2 KƆ̀RƐ̀ŊTYƐŊ 12:20

Ɓisuulɛ ǹɗì rì mɛ̀riighrikì lɛ yɛ̀ɛ nkpaŋkpaŋ foo, kɛ̀ɛ mɓa lɛ, ǹtanɛ̀n mìni di ɓì yin ɓi nɗɛli wu nkɔ̀nkɔn lɛ ɓi ɓa miì. Nsoò lɛ mìni girig ɓì ghɛn mɛ̀ ɓi rìɓa ɗi ɗyɛ̀ kɛɛ̀ rɔɔ mini; fɔɔnnɛ nɗirisi lɛ: kɛ̀ ɓi ɓa ɓi ɓɛ̀paàzì, rì yɔ̀ɔ̀tì, rì kìnyɛn, rì tìkaŋ ti mɛkɔ̀ɔ̀, rì mɛ̀wɔ̀wɔrì, rì ɓɛ̀ɓɔlɛ, rì kalɛn, rì kìɓùùsì.

GÀLAT 5:20

rìɓɔgsì ɗi ɓinùn, majìg, bènà, momɓɛ̀n, m̀mììghrɛ̀n, rìbiìbìmɓɛ̀n, tìkaŋ ti mɛkɔ̀ɔ̀, ǹlànag rì ǹɗèè wu nɗem.

EFÈZYƐŊ 4:22

Ɓì ghɛ̀ɛ̀sɛɛ kì rinii fiɗyàɓ fin fi riɓa fi ɓi cɛɓ ki ɓì ghɛghɛ̀ɓkà abɛ̀y, ɓìɓan ɓi ǹɗem wu mum wu ti wu kɔngì ɓi rìɓa ɗi yɛ̀ɛ ɗiǹ, ɓi ri rì ǹ-yègsɛ̀n, ɓi ki ɓa ɓiɓan ɓi ɓi ri lɛ ɓi yogsì mum.

EFÈZYƐŊ 4:25

Kìɓan kiǹ kɛɛ̀ki càrina pwàà, mum ǹcèm ànɛ ɓi mìni a kalag geni kìɓan yɛ̀ɛ ki ri, ɓisuulɛ, ɓìsiìcèm tì rì ɓìkàɓ ɓi ɓi nyoo bogtɛ̀n.

EFÈZYƐŊ 4:26

I ɓì woogh bim, ɓì konàg lɛ kɛ̀ ɓi kì kiɓe; ŋwos kɛ̀ɛ màg ɓilɛy di bim yiǹ ì kaka.

KÒLÒSYƐŊ 3:19

Mìni ɓɛ̀baŋì, keesiina ɓɛ̀yiɓ ɓin, kɛ̀ ɓi biibimɓɛ̀n rì ɓɔ.

KÒLÒSYƐŊ 3:8

Nni à tumɛ̀n ɓigomìnɛ, mìni girig, càrina ɓìɓan ɓiǹ ɓìcèm lɛ rì bim, rì kìnyɛn, rì kìɓeɓtàg ki nɗem, rì tìfena, rì ɓìtòkì ɓi kɛ̀ ǹtoòrìɗ ɓi ɓi ti ɓi kpagìì ɓi myɔm min.

TIMOTE 3:11

Ɓɛ̀yiɓ girig ɓɛ ghɛɛ̀sɛɛ lɛ ɓɛ ɓa rì rìmum, ɓɛ̀ kɛɛ̀ ɓa ri mɛ̀wɔ̀wɔrì, ɓɛ kɛɛ̀ falɛn ɓi mɛ̀rɔ̀g, ɓɛ ɓa ɓumɓɛ ɓɛ tyweeyì ɓi ɓìɓan ɓìcèm.

TIMOTE 3:3

Ki ghɛɛ̀sɛɛ ɓi lɛ a ɓa kìnɔɔ̀ mɛ̀rɔ̀g nsoò lɛ mum à ɓìgùg, ki ghɛɛ̀sɛɛ lɔŋ lɛ a ɓa kìfyòoog ki mum, kɛ̀ɛ ɓa mum à ɓɛsaaka nsoò lɛ à keesì mɔ̀ɔ̀ni.

TIMOTE 5:13

À kɛ̀ɛ̀dì kì ɓaà lɛ, yɛ̀ɛ ɓɛ ri kɛ̀ɛ̀ kìsay, ɓɛ yilàg ǹdèŋì wulɛ, rì naa ìnɛ̀n miì ɓɛ ɗiŋì, ɓɛ teetì cɛɓ ki ɓɛ̀ɓɔlɛ rì mɛ̀wɔ̀wɔrì, ɓɛ sagtɛ̀n ɓi rìɓa ɗi ɓɛ ri kɛ̀ɛ̀ kìsay, ɓɛ kpaakpàà ɓìɓan ɓi ɓaa ghɛ̀ɛ̀sɛɛ ɓi ki kpaà.

2 TIMOTE 2:23

Ɓèna nyoey yi zɛy rì zɛy yi yi ri kɛ̀ɛ̀-su, ù ki yi lɛ, yi ti yi syogìì ɓɛsaaka.

2 TIMOTE 3:3

Ɓɛ ɓa mɛ̀rem mɛ̀tèrɛn, ɓɛ ɓa kɛ̀ɛ̀ nyìighnyìg, ɓɛ kikì ɓɛ̀ɓɔlɛ, mɛ̀rem maa mɛ̀ kɛɛ̀ ɓanɛn, ɓɛ ɓa ɓɛ̀wolì-ɓum, ɓɛ ki ɓèeɓeèzɛ̀n ɓumɓɛ ɓɛɛ̀ kìki kirɔɔ,

Kaàtà ànɛ Pol à kàngà TIT 1:7

Lɛ ki ghɛɛ̀sɛɛ lɛ ǹkɛ̀ɛ̀sì-kìseŋi a ɓa kɛ̀ɛ̀ tìcɔrɔɓ fɛlɛ yɛ̀ɛ m̀ɓèŋì ɓyom ɓi Bɛ̀ll; à ghɛ̀ɛ̀sɛɛ ɓi ki ɓaà rì kalɛn kɛ̀ɛ ɓa ŋwaà bim, kɛ̀ɛ ɓa kinɔɔ̀ mɛ̀rɔ̀g, kɛ̀ɛ ɓa ri ɓìgùg, kɛ̀ɛ ɓa ri kìsyɔ̀ɔ̀ ki lɛ a fɔngi mɔ̀ɔ̀ni ɓi kìcòò.

Kaàtà ànɛ Pol à kàngà TIT 2:3

Ù kpaa ɓɛ̀sɛ̀ɛ̀mɛn ɓɛ ɓɛ̀yiɓ lɛ ɓɛ ghɛɛ̀sɛɛ girig kì ɓaà rì cɛɓ ki ɓum ɓɛ ri lɛ ɓɛ ghɛn lɛ ki ri cɛɓ ki ɓɛgherɛ̀n, ɓɛ̀ kɛɛ̀ ɓa ri mɛ̀wɔ̀wɔrì, ɓɛ̀ kɛɛ̀ ɓa ɓɛkpàn ɓɛ mɛrɔ̀g, ɓɛ ghɛɛ̀sɛɛ kìfafaa ɓɛsyeesyee ɓɛ deɓ,

ZYAG 1:19

Mìni ɓɛ̀geni ɓɛ̀m ɓɛ nɗem, ɓì ghɛ̀ɛ̀sɛɛ kì yiì fɔlɔɔ. Fɔlɔɔ nnɛ mum bimiɗ à ghɛ̀ɛ̀sɛɛ kì ɓaà lɛ fyɛ̀ɗ lɛ a wog, kɛ̀ɛ fyaŋzi ki tòòghrɛɛ, kɛ̀ɛ ki fyaŋzag ki woògh bim,

ZYAG 3:14

Wɔ̀lɛ i ɓì rì rì m̀mììghrɛ̀n à m̀ɓeɓtɛn, rì nɗem wu yàaka, kɛ̀ ɓi saasanɛ̀n, nsoò lɛ ɓì kìkì ɓɛ̀pwàà ɓɛ ɓɛ wuɓsɛɛ ɓi saaɗ.

ZYAG 4:11

Ɓɔɔsoŋ̀, kɛ̀ ɓi ɓùuɓuŋ̀ɗɛ̀n a mɓeɓɛn. Ŋwaànɛ à ɓùŋi geni a mɓeɓɛn nsoò lɛ à yɔ̀mi geni, a yi lɛ ɓìdɔ̀gsɛna ɓyɛɛ̀ɓi à tòogh kìɓe, à ki yɔ̀m ɓyɔ. Nni i wɔ̀ɔ̀ ti ɓiì yɔ̀myɔmi ɓidɔ̀gsɛna, di ù yiìdi mɓèŋì-ɓìdɔ̀gsɛna, ù ti ǹ-yɔ̀mì-ɓìdɔ̀gsɛna.

1 PYƐƐRI 2:1

Càrina min kiɓeɓtàg ki nɗem bee yicèm, rì ɓɛ̀pwàà, rì mɛ̀ghèy, rì m̀mììghrɛ̀n, rì mɛ̀wɔ̀wɔrì,

1 ZYAŊ 3:12

Tì ghɛ̀ɛ̀sɛɛ ɓi ki pisɛɛ Kayin ànɛ à ɓaghà ɓi kìkàmì ki ghèghey à mum, nnyɛɛ wolà geni. À wolà nyi lɛ cɛ? Lɛ mɛ̀kìkìì mɛ geni mɛ ɓaghà lɛ saaɗ, mɛŋkii mɛ̀ kɛɛ̀ rɔɔtɛn.

1 ZYAŊ 3:15

Mum ǹcèm ànɛ à ɓèèzɛɛ geni, à rì ǹwolì-ɓum; ɓì ki yii lɛ ǹwolì-ɓum, à yin ɗi cɛɓ ki fiɗyàɓ fikɔ̀ɔ̀ ɓi nyimiɗ.

ÀPÒKÀLIƁSƐ̀ 12:10

Fɔɔnnɛ ǹwokà di coo jɛ̀ɛ̀ kɛɛ̀ kpaakpaa yi ɓi ɗyoo lɛ: Cààmɛ̀n ki gòri rì ìtèɗ, rì kìlàmì ki Bɛ̀ll, kɛɛ ti lɛ ɓigomìnɛ, rì ìtèɗ wu rilàmì ɗi Kiris wìì, ɓisuulɛ ɓɛ mɛ tyɔg roànɛ à ti à sɔmàg ɓɛ̀geni ɓis, lɛ nnyɛɛ nti à sɔmàg ɓɔ yɛ̀ɛ ìru yɛ̀ɛ ŋwos, ɓi mis mɛ Bɛ̀ll.