EFÈZYƐŊ 4:21 - Bafia Nouveau Testament

²¹ di ɓì ki wokà di ɓɛɛ̀ kpaakpaa kiɓan kii, ki ki ɓa lɛ nyi nnɛ ɓɛ resìghà mìni, lɔŋ yɛ̀ɛ saaɗ ànɛ ɓi Yeesus à rì.

EFÈZYƐŊ 4:21 ပူးပေါင်းရင်းမြစ်များ

MATYOO 17:5

Yɛ̀ɛ Pyɛɛri à ɓaghà di a ka tòtog fɔlɔɔ nni coo kikwìɗ ki lònlomɛn ki sìgtɛ̀ngà ɓɔ. Fɔɔnnɛ jɛ̀ɛ̀ ì tòòghrɛ̀ngày ɓi kìkwìɗ kiǹ, ì kpaa lɛ: Roànɛ à rì Man wɛm̀ à nɗem , ɓi nyi innɛ ǹfogà ǹkɔ̀nɛ̀n wɛ̀m bimiɗ, wooghna nyi.

LUKAS 10:16

I mum à woogh mìni, di mɛ̀ nnɛ à woogh; ŋwaànɛ à ɓeni mìni di à ɓèni mɛ̀; wɔ̀lɛ i mum à ɓèni mɛ̀ di, à ɓèni girig roànɛ à romgày mɛ̀.

ZYAŊ 1:17

Ɓisuulɛ, ɓìdɔ̀gsɛna ɓi falɛ̀ngà rì Moyis, geesɛ̀n rì saaɗ ɓi yuiy rì Yeesus Kiris.

ZYAŊ 10:27

Jɔ̀ɔ̀ yɛm̀ yi ti yi wokì jɛ̀ɛ̀ yɛ̀m, mɛ̀ ǹ-yii yɔ, yɔɔ ki ti yi nɔɔ̀tàg mɛ̀.

ZYAŊ 14:17

Nnyɛɛ ri Ǹghay à ɓɛ̀kɔɔ̀kɔɔ̀ ɓɛ ɓiɓan ànɛ ziinɛ ì yin lɛ ì teɗ, ɓisuulɛ ì ghɛɛ ɓi nyi, yɛ̀ kɛɛ̀ ki yi nyi. Lɔŋ mìni yɛɛ yii nyi ɓisuulɛ à rì ɓi mìni.

ZYAŊ 14:6

Yeesus à ɓàg nyi lɛ: Mɛ̀ yɛɛ ri bee, rì saaɗ, rì cɛɓ. Mum à yin lɛ à kpaŋ yɛ̀ɛ Tààta di à fyee ɓi a lɔ̀ŋkɛm̀.

RÒMƐŊ 10:14

Nni lannɛ ɓɛ ri min nyi ɓiì reŋii, di ɓɛ gherɛ̀ngà ɓi nyi? Nni lannɛ ɓɛ ri min nyi ɓiì gherɛɛ di ɓɛ woogh ɓi yɛ̀ɛ ɓum ɓɛɛ̀ kpaakpaa kiɓan kii? I ɓum ɓɛ ki kpaakpaa ɓi, lannɛ ɓɔɔ ri min ɓiì woògh?

2 KƆ̀RƐ̀ŊTYƐŊ 1:20

Mɛ̀kàg mɛ Bɛ̀ll mɛ̀cèm mɛ ri ɛ̀ɛ̀ ànɛn ɓi nyi. Lɔŋ ɓi nyi girig nnɛ tì ti tì kalàg Bɛ̀ll ààmɛ̀n wìs lɛ ti fa nyi rìkem.

2 KƆ̀RƐ̀ŊTYƐŊ 11:10

Lɛ saaɗ à Kiris ànɛ à rì ɓi mɛ̀, ǹkalii jɛ̀ɛ̀ aɗyoo lɛ, ɓi ɓìlànà ɓi zi ɓi a Akayi, mum à yin lɛ à règ mɛ̀ rìsaàsànɛ̀n ɓi kìɓan kin.

EFÈZYƐŊ 1:13

Ɓi Kiris, mìni girig ɓì kìghà lɛ, yɛ̀ɛ ɓì wokà jɛ̀ɛ̀ ìnɛ ì rì saaɗ, yɛ̀ɛ ri Syeesyee à Ɓɔlɛ ànɛ à ɓaghày rì gòri yìn, nni ɓì gherɛ̀ngà Kiris, Bɛ̀ll à foŋ min kirèmzɛnà kii ɓi mìni, yɛ̀ɛ à faghà mìni Kìtɛntɛ̀ɛ̀n ki Nghay ki à kàkà.

EFÈZYƐŊ 2:17

Fɔlɔɔ nnɛ Kiris à yùghà kì ghagsii Syeesyee à Ɓɔlɛ à fyòoog, a lɔ̀ŋkin, mìni ɓɛ ɓì ɓaghà fìràɓ ri Bɛ̀ll rì a Ɓɛ̀yudɛ̀n ɓɛ ɓɛ ɓaghà jàŋbog rì Bɛ̀ll.

KÒLÒSYƐŊ 1:5

ɓisuu dyàɓɛn yiǹ ìnɛ ì ɓoŋɓoŋi mìni aɗyoo. Dyàɓɛn incèm yɛ̀ɛnɛ jɛ̀ɛ̀ ìnɛ ì rì jɛ̀ɛ̀ ì kɔɔ̀kɔɔ̀ à kìɓan, jɛ̀ɛ̀ ì Syeesyee à Ɓɔlɛ, ì wogsìghà mìni abɛ̀y.

KÒLÒSYƐŊ 1:6

Syeesyee à Ɓɔlɛ ànɛ̀n à kpagà foo a lɔ̀ŋkin fɛlɛ yɛ̀ɛ a wumwum ɓiɗùn à kɛ̀nkɛ̀n asu ɗì rìsààsàà zi bimiɗ; fɔlɔɔ nnɛ a kìki girig ɓi nyìinyìm wìn à tumɛ̀n ŋwos anɛ ɓì wokà, ɓì ki yi yɛ̀ɛ geesɛ̀n ì Bɛ̀ll ì rì a tààkaà,

KÒLÒSYƐŊ 2:7

Ɓaana ɓɛ̀ɓaghɛn gàŋ ɓi nyi, ɓì toŋ cɛɓ kin ɓi nyi, ɓì sììrɛ̀n ɓi rìgherɛ̀n lɔŋ yɛ̀ɛ ɓɛ resìghà mìni, ɓì ki fafa Bɛ̀ll ɓìtògsɛ̀n lɛɛ̀gwey.

1 ZYAŊ 5:20

Tì yii girig lɛ, Man à Bɛ̀ll à yùghà, à ki fa ɓisi ɗyomzɛ̀n ɗi lɛ, ti yi kɔɔ̀kɔɔ̀ à Bɛ̀ll, nni tì rì ɓɛ̀ràrɛn ɗi kɔɔ̀kɔɔ̀ à Bɛ̀ll ànɛn ɓi Yeesus Kiris à Man wiì. Nyi yɛɛ ri kɔɔ̀kɔɔ̀ à Bɛ̀ll, nyi tì cɛɓ ki fiɗyàɓ fikɔ̀ɔ̀.