EFÈZYƐŊ 4:18 - Bafia Nouveau Testament

¹⁸ Ɗyomzɛ̀n ɗyaa ɗi ri ɗì sigtɛn birìm, fɔɔnnɛ ɓɛ yin ri gàɓ ɓi cɛɓ ki Bɛ̀ll lɛ kɛ̀ɛ̀ rìyi wàà, rì rìɓa ɗi mɛ̀rem maa mɛ ri mɛ̀ tèrɛn.

EFÈZYƐŊ 4:18 ပူးပေါင်းရင်းမြစ်များ

MATYOO 13:15

Ɓisuulɛ nɗem wu ɓumɓɛ ɓi kìlɔ̀ŋ ki wu kɛsii tì ɓi, lɛ ɓɛ nkìi lɛ, ɓɛ simgì mɛ̀ree maa, ɓɛ ki ɓuusi mis maa lɛ, mis maa mɛ̀ kɛɛ̀ ghɛɛ̀di, mɛ̀reè maa mɛ̀ kɛɛ̀ ki wog ti, mɛ̀rem maa mɛ̀ kɛɛ̀ ki yi kìɓan, lɛ ɓɛ̀ kɛɛ̀ ki lɔ̀ɔ̀ghrɛn mɛrem lɛ ǹwɔɔ̀zi ɓɔ.

MARIKUS 3:5

Fɔɔnnɛ Yeesus à kɛɛ̀sìghà mis ɓi ɓumɓɛ̀n di a wowog bim, rì ǹɗemi-kɛŋɛn ɓi kìtèri kaa ki ǹɗem, à kpaa min ŋwaànɛ à ɓaghà càg kiɓɔmɛn lɛ: Nàma càg kɔɔ, ŋwaànɛ̀n a nàm càg kii kiǹ, ki sugtì lɛ syeesyee.

ZYAŊ 12:40

À ɗiŋzìghà ɓɔ tìɗyaŋ, à ki kì lɛ ɓɛ̀ kɛɛ̀ ɓa ti ri syeesyee à ɗyomzɛ̀n, lɛ ɓɛ̀ kɛɛ̀ ghɛnɛn ti rì mis maa, mɛ̀rem maa mɛ̀ kɛɛ̀ fègti kiɓan ki syeesyee, lɛ ɓɛ ɓiì ki lɔ̀ɔ̀ghrɛɛ mɛrem, ǹki wɔ̀ɔ̀zi ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 17:30

Fɔɔnnɛ Bɛ̀ll à foŋi ɓi ǹto rì ɓyààmɛ̀n ɓi ɓum ɓɛ ɓaghà ɓiǹ ɓi rìɗim, wɔ̀lɛ ɓi gɛɛ̀nɛ, a rereŋi ɓum ɓɛ̀cèm nsoò ɓɛ fe, nsoò ɓɛ fe, lɛ ɓɛɛ lɔɔghrɛn mɛ̀rem.

MƐ̀KÌKÌÌ MƐ ƁƐKƐ̀NÌ-FÌTOM 3:17

Nni ɓigomìnɛ, ɓɛ̀geni ɓɛ̀m, ǹ-yii lɛ ɓìi ǹkìi fɔlɔɔ lɛ, rì mìni rì ɓɛ̀làmì ɓin ɓìi n-yii ɓì.

RÒMƐŊ 1:28

Yɛ̀ɛ ɓɛ ghɛngà ɓi kirɔɔ lɛ ɓɛɛ yiti lɛ Bɛ̀ll à rì wɔɔ, nni Bɛ̀ll à nagà ɓɔ rì kìyèg kaa ki ɗyomzɛ̀n lɛ ɓɛɛ kiki ɓìɓan ɓi ɓaa ghɛ̀ɛ̀sɛɛ ɓi kikìi.

RÒMƐŊ 11:25

Ɓɔɔsoŋ̀, kìɓan kidɛŋ ki a rìnyam ki ri wɔɔ, kɛɛ̀ki ǹkɔ̀ni ɓi lɛ ɓi comɛn lɛ ɓì ɓiì ki ghɛnɛɛ miniì ɓɔmiɗ yɛ̀ɛ ɓum ɓɛ ɗyom̀zɛ̀n; kìɓan kiǹ kɛɛ ri lɛ, gàɓ ì ɓum ìnɛ a Isirayɛl ì yiìdi ri ìtèɗ wulɛ ì wog, wɔ̀lɛ kìɓan kiǹ ki ri ɓiì finɛɛ à kpaŋ yɛ̀ɛ ɓìlɔ̀ŋ ɓimbog ɓi ɓi yin Ɓɛ̀yudɛ̀n ɓìcèm ɓi ɓiì ɗiŋii ɓi gòri ì Bɛ̀ll.

RÒMƐŊ 11:7

Nni la min? Com ki Isirayɛl à kaakààghà, à fɔ̀ngà ɓi kɔ, wɔ̀lɛ ɓɛ̀roɓɛ Bɛ̀ll à ɓɔ̀ngà ɓɛɛ fɔngà com kiŋcèm, ɓɛ̀ro ɓɛm̀bog ɓɔɔ ɗiŋì ɓɛ̀lɔg ɓi ǹɗeèghreŋi wu Bɛ̀ll,

RÒMƐŊ 2:19

Wɔ̀ɔ fèfeg lɛ wɔ̀ yɛɛ ri ŋwaànɛ à ɓanɓani ɓɛ̀ɗyaŋɗyàŋ ɓi kìgeŋ, ù kɛ̀ɛ̀kɛ̀ɛ̀sì ɓɔ wɔ̀ tì kìtɛɛtɛn ki ɓɛroɓɛ ɓɛ ri ɓi ɓirìm,

1 KƆ̀RƐ̀ŊTYƐŊ 1:21

Lɛ yɛ̀ɛ ɓumɓɛ ɓi ziinɛ ɓɛ ɓaghà ɓi lɛ ɓɛ yi Bɛ̀ll rì ɗyomzɛ̀n ɗyaa jàŋ inɛ ɗyomzɛ̀n ɗi Bɛ̀ll ɗyɛɛ̀ rèeresɛ̀n, nni Bɛ̀ll à kɔ̀ngà lɛ a ghɛɓsi ɓumɓɛ ɓɛ gherɛɛ nyi, rì kìyèg ki kiɓan ki ɓìsiì làalamɓɛ̀n.

1 KƆ̀RƐ̀ŊTYƐŊ 2:8

Nsoò rìfòm ɗifog ɗi ɓi mɛ̀fòm mɛ ɓi ziinɛ ɗi yighà ɓi ɗyomzɛ̀n ɗiǹ; i ki lɛ mɛɛ yi ɗyɔ, di mɛ ɓaghà ɓi lɛ mɛ ghɛrì Kan ànɛ à rì ǹkemì ɓi kɔrɔs.

2 KƆ̀RƐ̀ŊTYƐŊ 3:14

Kìɓan kifog ɗyomzɛ̀n ɗyaa ɗi duŋɛ̀ngà; fɔɔnnɛ à kpaŋ gɛɛ̀nɛ, nsoò ɓaa ɓàɓày Fìɗyàɓ fi bee ɓi kaàtà à Bɛ̀ll, kìlàà ki Moyis à ghekà kiǹ, kɔ lɔŋ wɔɔ, ki yin lɛ ki pɛsɛ̀n, lɛ ɓi Kiris nnɛ ki ti ki pɛsàg.

2 KƆ̀RƐ̀ŊTYƐŊ 4:4

Ɓi san ànɛ a ɓumɓɛ ɓɛ ti ɓɛ ɓengì kìgherɛɛ, bɛ̀ll ì ziinɛ ì mɛ dùŋzag ɓɔ mɛ̀rem lɛ ɓɛ̀ kɛɛ̀ ghɛn yɛ̀ɛ Syeesyee à Ɓɔlɛ à rìkem ɗi Kiris a lònlòm; Kiris ànɛ à rì kìfèèghrɛnà ki Bɛ̀ll kɔmiɗ.

GÀLAT 4:8

Ɓi mɛ̀ru mɛ abɛ̀y, ɓì yighà ɓi Bɛ̀ll; ɓìi mɓɔgsàg ɓinùn ɓi ɓi yin kɔm̀ Bɛ̀ll.

EFÈZYƐŊ 2:1

Ɓi ɓɛg wìn, ɓì ɓaghà ɓìloŋ lɛ zɛ̀ɗ yin rì ɓìɓe ɓin,

EFÈZYƐŊ 2:12

Ɓi cààmɛ̀n kiǹ, ɓì ɓaghà kɛ̀ɛ̀ Kiris, ɓì ɓaghà ɓɛ̀kèn, kɛ̀ ɓi ɓa ɓɛroɓɛ ɓi kìlɔ̀ŋ ki Bɛ̀ll à ɓɔ̀ngà; ɓì ɓaghà ɓi ri gàɓ ɓi bee yi Bɛ̀ll à kàkà lɛ à ɓiì renì rì kɔ; fɔɔnnɛ ɓì ghɛghɛ̀ɓkà ɓi ziinɛ, kɛ̀ɛ̀ dyàɓɛn, kɛ̀ɛ̀ Bɛ̀ll.

KÒLÒSYƐŊ 1:21

Fɔɔnnɛ mìni ɓɛ ɓì ɓaghà abɛ̀y ɓɛ̀ ràɓsɛn ri Bɛ̀ll, ɓì ki ɓa ɓɛ̀bènàbena ɓii, lɛ ɓìɓeɓtàg ɓi ɓiɓan ɓi ɓì kìkìghà,

TÈSÀLÒNÌSYƐŊ 4:5

kɛ̀ɛ càrɛn lɛ ɓiɓeɓtàg ɓi ɓiɓan ɓyɛɛ syòŋ nyi ǹɗem, yɛ̀ɛ ki ti ki ɓalàg rì ɓumɓɛ ɓɛ yin ɓɛgherɛ̀n ɓɛ̀ kɛɛ̀ ki yi Bɛ̀ll.

EBIREEGH 5:2

À rì lɛ à ɓa rì rìcenɛ̀n ɓisuu ɓumɓɛ ɓɛ ti ɓɛ nanàg lɛ kɛ̀ɛ̀ rìyi, lɛ nyimiɗ a rì mum ànɛ à rì lɛ à nànɛ̀n ɓa kɛ̀ɛ̀ ìtèɗ.

EBIREEGH 9:7

Ɓi kìden ki kiɓɛ̀ɛ̀, lɔŋ ǹlàmì ɓɛ̀pìrɛɛtìrɛ̀ nyi cɛ̀ncii yɛɛ nti à ɗigàg wɔɔ, gɛ̀n bog ɓi bèg; à ki ghɛ̀ɛ̀sɛɛ wɔɔ ki ɗiŋii ri bwaɓ yi kituwe ki à faa Bɛ̀ll ɓisu wii wu nyimiɗ rì ɓisuu ɓiɓe ɓi kilɔ̀ŋ kìcèm.

ZYAG 4:4

Mìni ɓɛ̀kìì-tìsɔ̀mɔ̀g ɓɛ! Ɓì yii ɓi lɛ i mum à rì rìghan ɗi ziinɛ di à rì bènàbena a Bɛ̀ll? Nni ŋwaànɛ à rì ɓiì kɔ̀ni lɛ a ɓa rìghan ɗi ziinɛ à rì ɓiì ɓaà bènàbena a Bɛ̀ll.

1 PYƐƐRI 1:14

Ɓaana ɓɔn ɓɛ mɛwog, kɛ̀ ɓi nɔ̀ɔ̀ti ti ɓìɓeɓtàg ɓi ɓiɓan ɓi ɓi nti ɓi kɔngì mìni, ɓyɛ ɓi ɓì kìkìghà abɛ̀y di ɓì kaka ɓi rìɗim.

1 ZYAŊ 2:11

Kìɓan kifog, ŋwaànɛ à ɓèèzɛɛ geni à rì ɓi birìm; a kɛ̀ɛ̀kɛɛ ɓi birìm kɛ̀ɛ yi fe nnɛ a kɛ̀nkɛ̀n ɓisuulɛ birìm ì mɛ ɗiŋzi nyi tìɗyaŋ.