EFÈZYƐŊ 4:11 - Bafia Nouveau Testament

¹¹ Nnyɛɛ faghà ɓɛ̀ro ɓɛdɛŋ lɛ ɓɛɛ ɓa ɓɛ̀kɛ̀nì-fìtom, ɓɛ̀ro ɓɛmbog ɓɛ̀kpaŋzì-ɓìɓan, ɓɛmbog ɓɛ̀kalì-Syeesyee à Ɓɔlɛ, ɓɛmbog ɓɛ̀pàstɛɛ̀rì nsoò lɛ ɓɛ̀rèsàg.

EFÈZYƐŊ 4:11 ပူးပေါင်းရင်းမြစ်များ

MATYOO 28:20

ɓì rèsàg ɓɔ rìɓèŋ ɗi ɓiɓan ɓìcèm ɓi nsiŋdɛ̀ngà mìni; ɓì ki yi lɛ, ǹɗì ɓiì ɓaà nɗaŋ ri mìni ɓɛ̀ŋwos ɓɛ̀cèm à kpaŋ ɓi rìlèg ɗi zi.

MƐ̀KÌKÌÌ MƐ ƁƐKƐ̀NÌ-FÌTOM 13:1

Ɓi kìseŋi ki a Aŋtyos, ɓɛ̀kpaŋzì-ɓìɓan ɗì ɓyoo ɓɛrèsàg sùkurù ɓɛ ɓaghà wɔɔ. Ɓɛ ɓaghà lɛ: rì Ɓarinaɓas rì Simeyɔŋ ànɛ à ɓatìghà ɗii lɛ ŋwaà-ǹfin, rì Lusyus ànɛ a Sirɛn rì Manaɛŋ ànɛ ɓɛ tɔɔsɛ̀ngà rì gɔmìnà ànɛ lɛ Eroodɛ, rì Sol.

MƐ̀KÌKÌÌ MƐ ƁƐKƐ̀NÌ-FÌTOM 20:28

Fɔɔnnɛ, ɓèŋina mìniìɓɔmiɗ, ɓì ki ɓèŋ di kituu ki jɔ̀ɔ̀ yi Bɛ̀ll, yi Kìtɛntɛ̀ɛ̀n ki Nghay ki rɛsìghà mìni lɛ ɓi ɓeŋ̀ɓeŋ. Mɛniina kìseŋi ki Bɛ̀ll lɛ syeesyee, lɛ à làkà kɔ rì bwaɓ yii.

MƐ̀KÌKÌÌ MƐ ƁƐKƐ̀NÌ-FÌTOM 21:8

Ɓi duri tana nnɛ tì pɛ̀sɛ̀ngà tì kɛ̀n a Sezare, wɔɔnnɛ tì kɛ̀ngà a mɛɛ mɛ Filiɓ ànɛ à ɓaghà ǹkalì-ɓɔlɛ, à ki ɓati kibog ki ɓi ɓum taàɓɛ̀ɛ̀ ɓɛ ɓɛ rɛsìghà a Yorisalɛm; a lɔ̀ŋkii nnɛ tì kɔ̀rìghà.

RÒMƐŊ 12:7

Roànɛ à rì ǹɗeŋiyɛn lɛ a ɓa ǹkìì-kìsay à ɓɛ̀ro ɓɛmbog, a siìrɛn ɓi rìkì ɗi kisay; roànɛ Bɛ̀ll à faghà lɛ a ɓa ǹɗèsàg, à ghɛ̀ɛ̀sɛɛ kì falɛɛ ɓi rìrèrèsì.

1 KƆ̀RƐ̀ŊTYƐŊ 12:4

Mɛ̀faà mɛ Nghay mɛ ri mɛ̀kuu mɛ̀kuu, kìɓan kifog Ǹghay ànɛ a fafa mɔ, à rì lɔŋ bog.

EFÈZYƐŊ 2:20

Ɓì rì kìtoŋ ki ki ri kìyàghɛn yi ɓi kìsay ki ɓɛkɛ̀nì-fìtom, rì ki ɓɛkpaŋzì-ɓìɓan; Yeesus Kiris nyimiɗ a ɓa gɔ̀g ìnɛ ì ɓanɓani ntɔn à naa.

EFÈZYƐŊ 3:5

Bɛ̀ll à rèsìghà ɓi gbàà yi ɓum yi abɛ̀y ɓìɓan ɓi a rìnyam ɓìn yɛ̀ɛ à mɛ rèsi ɓyɔ ɓigomìnɛ lɛ, rì a ɓɛ̀kɛ̀nì-fìtom ɓii ɓɛ ɓɛ ri ɓɛ̀tɛnɛn rì a ɓɛ̀kpaŋzì-ɓìɓan, rì ìtèɗ wu Nghay.

EFÈZYƐŊ 4:8

Fɔlɔɔ nnɛ ki ri kì kaliyɛn lɛ: Yɛ̀ɛ à ɓɔkà ɓi jàŋ yi yi teŋmaagh, à kɛ̀ngà rì ɓìmbùŋ, à fa ɓum ɓyom.

2 TIMOTE 4:5

Wɔ̀lɛ ɓi ɓɛg ànɛ a lɔ̀ŋkɔɔ, ɓèŋa rìmum ɗyɔɔ lɛ kɔ̀ɔ ghaasi wɛ̀ɛmiɗ ǹkpàn a com kidɛŋ, sììri nɗem ɓi mɛ̀tɔɓ, kìya kìsay ki ǹkalì-ɓɔlɛ, roozi kìsay kɔɔ lɛ syeesyee.

EBIREEGH 5:12

Lɛ mìniɓɛ ɓì ghɛ̀ɛ̀sɛ̀ngà kìɓaà ɓɛ̀rèsàg ɓɛ ɓìɓan ɓi fiɗyàɓ, ɓì kaka rì zày ìnɛ lɛ ɓɛɛ resag mìni mɛ̀to mɛ ɓiɓan mɛ beèbɛ̀y mɛ ɓi jɛ̀ɛ̀ ì Bɛ̀ll. Ɗi ɓyàa rì lɛ ɓì ɗi ɓìɗilàg ɓi tèɗ, ɓì kaka rì zày ìnɛ lɛ ɓi nyɔŋnyɔŋ mɛlì.

ZYUUDƐ 1:17

Kìɓan kifog mìni ɓum ɓɛm ɓɛ nɗem, yitiina ɓìɓan ɓi ɓɛ̀kɛ̀nì-fìtom ɓɛ Kan wìs Yeesus Kiris ɓɛ kpaaghà mìni lɛ ɓi ri ɓiì ghɛnɛɛ.

ÀPÒKÀLIƁSƐ̀ 18:20

Wɔ̀ ɗyoo, ù rì lɛ ù sàmsàm ɓi rìɗyaŋ ɗi bàn ìnɛn ì ɗyaŋi, rì mìni ɓɛ̀gherɛ̀n, rì ɓɛ̀kɛ̀nì-fìtom rì ɓɛ̀kpaŋzì-ɓìɓan girig, ɓisuulɛ Bɛ̀ll à rɔ̀ŋi kìɓan kin yɛ̀ɛ à pɔnɔsii yɔ̀.

ÀPÒKÀLIƁSƐ̀ 21:14

Bàŋbàŋ yi gari i bàn yi ɓalàkà yì toŋɛn ɓi ɓyoo gɔ̀g ǹtɛ̀ɗ ɗì ɓiɓɛɛ̀ aɗyoo, mii mɛ ɓɛkɛ̀nì-fìtom ɓɛ Man à jɔ̀ɔ̀ ntɛ̀ɗ rì ɓɛɓɛɛ̀, mɛ ɓalàkà mɛ̀kànɛn ɓi gɔ̀g yiǹ.