EBIREEGH 9:28 - Bafia Nouveau Testament

²⁸ fɔlɔɔ nnɛ Kiris ànɛ à falɛ̀ngà nyimiɗ gɛ̀n bog ɓi gɛ̀n yicèm lɛ a tɛg ɓìɓe ɓi ɓum lɛɛ̀gwey à rì ɓiì ɓììtii ti kìrèsɛɛ ɓi gɛ̀n i kìɓɛ̀ɛ̀ kɛ̀ɛ̀ kìɓe a ɓumɓɛ ɓɛɛ̀ ɓoŋɓoŋ nyi lɛ a kweɗ ɓɔ.

EBIREEGH 9:28 ပူးပေါင်းရင်းမြစ်များ

MATYOO 20:28

Fɔlɔɔ nnɛ Man à mum à yùghà ɓi ziinɛ, àa lɛ ɓum ɓɛɛ kiki nyi ɓìsay, à yùghà lɔŋ lɛ, a say ɓum, à ki fa cɛɓ kii lɛ, a kweɗ ɓum lɛɛ̀gwey.

MATYOO 25:31

Yɛ̀ɛ Man à mum à rì ɓiì yùu, ɓì rìgwey ɗii, ǹɗaŋ ri ɓum ɓɛ titom ɓɛ̀cèm, à ɓiì kɔ̀rii ɓi-kɔ̀ɔ̀ wii wu rilàmì wu rikem.

MATYOO 26:28

ɓisuulɛ bwaɓ yɛm̀ yɛɛ ri, bwaɓ yi ɓi rìràrɛ̀n ɗi rì Bɛ̀ll, yi yi ri ɓiì kpaŋì ɓisuu ɓum lɛɛ̀gwey, ɓisuu ricenɛ̀n ɗi ɓiɓe.

ZYAŊ 14:3

M̀ɓiì ɓaà lɛ, i ǹkɛ̀ɛ, i m̀mɛ pègsɛn mini jàŋ, ǹsugtìì lɛ nteɗ mìni a lɔ̀ŋkɛm̀, lɛ di mìni girig, ɓi ɓa jàŋ inɛ mɛ̀ ǹɗì.

MƐ̀KÌKÌÌ MƐ ƁƐKƐ̀NÌ-FÌTOM 1:11

ɓɛ kpaa ɓɔ lɛ: Mini ɓumɓɛ a Galile ɓɛ! Ɓi cɛ nnɛ ɓi cɛɛnɛɛ foo mis aɗyoo? Yeesus ànɛ à pɛ̀sɛɛ ànɛn ɓi nyìinyìm wìn, à ɓɔg aɗyoo, à ri sugtiigɛy lɔŋ yɛ̀ɛ ɗi ɓì ghɛɛ nyi ɗìn di a ɓɔɓɔg aɗyoo.

RÒMƐŊ 3:25

Yeesus ànɛ̀n nnɛ Bɛ̀ll à fèkà lɛ a ɓa roànɛ à rì ɓiì sòo ɓiɓe ɓi ɓum rì bwaɓ yii ɓi bee ì rìgherɛ̀n; à kìghà fɔlɔɔ lɛ a resi saaɗ wìì ɓisuulɛ, à càɗkà ɓum kɛ̀ɛ fa ɓɔ deɓ ɓi ɓìɓe ɓi ɓɛ kikìghà abɛ̀y, cààmɛ̀n ki à ɓaghà di à ka kɔn ɓi lɛ bim yiì yɛ̀ɛ resɛ̀n.

RÒMƐŊ 5:15

Wɔ̀lɛ rìnàn ɗi yin com kìfog ɗì rìɓòò ɗi Bɛ̀ll à kìi ɓum; i ɓum lɛɛ̀gwey ɓɛ cuughà ɓi rìnàn ɗi mum bog, bɔ̀ɓ yaŋ ɗi geesɛ̀n rì rìɓòò ɗi Bɛ̀ll à kìghà ɓum zɛy rì zɛy ɓi m̀bobog à mum ànɛ lɛ Yeesus Kiris; rìɓòò ɗi Bɛ̀ll ɗiǹ ɗi ri ɗìkòmɛn ɓum lɛɛ̀gwey à cee fɔlɔɔ.

RÒMƐŊ 6:10

Lɛ à wughà ɓisan ànɛ a kìɓe gɛ̀n bog ɓi gɛ̀n yicèm, wɔ̀lɛ rìghɛɓ ɗi a ghɛghɛɓ ɓigomìnɛ, a ghɛghɛɓ ɗyɔ ɓisuu Bɛ̀ll.

RÒMƐŊ 8:23

Àa foo nyi rì nyi, ɓìsi girig ɓɛ tì mɛ teɗ Ǹghay à Bɛ̀ll ɓi sìg à kìrɔɔ ki ǹtonto ki ɓi ɓìrɔɔ ɓi Bɛ̀ll à rì ɓiì kìi ɓisi, ti ɓemɓem girig ɓi mɛ̀rem ɓi ɗùm, tì ɓoŋɓòŋ lɛ Bɛ̀ll a ghaàsi ɓìsi ɓɔn ɓii à ki kwèɗ nyoo yìs.

RÒMƐŊ 8:3

Bɛ̀ll à kìghà com ki ɓìdɔ̀gsɛna ɓi ɓaghà ɓi ri ìtèɗ wulɛ ɓi ki, ɓisuulɛ rìɓa ɗis ɗi ɓi mɛ̀mùù ɗi kighà lɛ ɓyɛ̀ kɛɛ̀ ɓa ri ìtèɗ, à rèsìghà lɛ kìɓe ki ɓeɓtɛɛ ɓi nyoo ì mɛ̀mùù, yɛ̀ɛ à romgày Man wiì à nyimiɗ, Man ànɛ̀n à teɗ nyoo ìnɛ ì rì com kìfog rì nyoo ì ɓɛ̀kìì-kìɓe, lɛ a yu kì pisii kiɓè.

1 KƆ̀RƐ̀ŊTYƐŊ 1:7

Fɔlɔɔ nnɛ com kidɛŋ ki kaarɛɛ tì ɓi mini ɓi rìɓoŋ ɗi ɓi ɓoŋɓoŋ cààmɛ̀n ki Yeesus Kiris à Kan wìs à ri rèsɛn ti.

1 KƆ̀RƐ̀ŊTYƐŊ 15:54

Yɛ̀ɛ nyoo ìnɛ ì ti ì ɓwɛ̀ɛ̀yì ìnɛ ì ri waatɛɛ gɛ nyoo ìnɛ yɛ̀ kɛɛ̀ wu, fɔlɔɔ nnɛ jɛ̀ɛ̀ ìnɛ ì rì ǹkànɛn i ɓiì ronì. Jɛ̀ɛ̀ ìnɛn yɛ̀ɛ ri lɛ: Rìwu ɗi ti ɗì ɓimɛn ɓi rìcee ɓiɗùm.

TÈSÀLÒNÌSYƐŊ 1:10

ɓì ɓoŋɓòŋ lɛ Man wiì Yeesus, ànɛ à ghèmzìghày a ɓìloŋ, a sɛǹ yì aɗyoo, di a kweɗ ɓìsi ɓi rìbaŋì ɗi Bɛ̀ll ɗi ɗi riì.

2 TÈSÀLÒNÌSYƐŊ 2:1

Ɓɔɔsoŋ̀! ɓi kìɓan ki ki seesee rìsugtìì ɗi Kan Yeesus Kiris, rì rìtaŋzɛ̀n ɗi tì ri taŋzɛn nyi a nyoo, tì tɔɔgh mìni lɛ,

2 TIMOTE 4:8

Nni ɓigomìnɛ, tàm à rìkem ànɛ à rì tàm à saaɗ innɛ m̀ɓoŋɓoŋi, Kan ànɛ à rì ǹ-yɔ̀mì-ɓum ànɛ à rì lɛ saaɗ à rì mɛ̀ nyi ɓiì faà ŋwos anɛ̀n, nni àa mɛ̀ cɛ̀ncɛm nnɛ à rì ɓiì faà, kìɓan kifog à ɓiì faà ɓum ɓɛ̀cèm ɓɛ ɓɛ ɓoŋɓòŋgà rìsugtìì ɗii ri ǹkɔ̀nɛ̀n.

Kaàtà ànɛ Pol à kàngà TIT 2:13

cààmɛ̀n ki ti ka ɓoŋɓoŋ coo ŋwos a kìnyàà ànɛ à rì dyàɓɛn yis, tì ki ɓoŋɓoŋ ti rìkem ɗi Bɛ̀ll wìs anɛ à teŋmɛɛ, rì ǹghɛɓsì wìs Yeesus Kiris,

EBIREEGH 1:14

Ɓum ɓɛ titom ɓɛ̀cèm ɓɛ yin nya mɛ̀ghay mɛ mɛɛ̀ kìki Bɛ̀ll kìsay? Mɛ ki ɓa lɛ, nyi yɛɛ romi mɔ lɛ mɛɛ kɛǹ kì ghɛɓsii ɓum ɓɛ̀cèm ɓɛ ɓɛ ghɛɛ̀sɛɛ kì terì gàɓ ɓi gòri ì Bɛ̀ll?

EBIREEGH 10:10

Ɓisuulɛ Yeesus Kiris à roòzìghà rìkɔ̀n ɗi Bɛ̀ll, fɔɔnnɛ ɓìsii ti rì zòghɛ̀n ìnɛ ɓi ɓìɓe ɓis lɛ rìfa ɗi à faghà nyoo yìì gɛ̀n bog ɓi gɛ̀n yicèm.

EBIREEGH 12:14

Kaana lɛ ɓi ghɛɓ lɛ fyòoog rì ɓum ɓɛ̀cèm, ɓì ki ɓa ri cɛɓ ki ki ri kìtɛnɛn; lɛ ŋwaànɛ cɛɓ kìn ki ri ɓiì kaarɛɛ a lɔ̀ŋkii, àa ghɛn ɓi Kan.

EBIREEGH 2:3

Nni lannɛ tì rì ɓiì kìi lɛ tyɛ̀ ki teɗ deɓ di tì sɛɛtii coo gòri yɛ̀ɛ ìnɛ? Kan nyimiɗ a lokà kìkpaà kìɓan ki gòri ìnɛ̀n, fɔɔnnɛ ɓumɓɛ ɓɛ wokà di a kpaakpàà ɓɛ siìràkà ɓìsi kì rèsii saaɗ ànɛ miì.

EBIREEGH 4:15

Ɓisuulɛ ǹlàmì ɓɛ̀pìrɛɛtìrɛ̀ wìs àgwey a yin rikuu ɗi ɗi ri lɛ, ɗi taŋ̀ ǹɗem wu nyìighnyìg ɓi rìɓa ɗi tì rì kɛ̀ɛ̀ ìtèɗ, lɛ à tulɛ̀ngà rì mɛ̀fèèghrɛn mɛkuu mɛ̀cèm lɔŋ yɛ̀ɛ ɓìsi, kìɓan kifog, à kìghà ɓi kiɓe.

EBIREEGH 5:9

fɔɔnnɛ à ɓaghà lɛ à mɛ teŋzi nyi ɓi nɗɛli wu kɛ̀ɛ ɓa ti ri kìɓan ki ɓɛ fen a lɔ̀ŋkii, nni à ghalà ǹfaà ɓum ɓɛ̀cèm ɓɛ ɓɛ woogh nyi, gòri ì fiɗyàɓ fikɔ̀ɔ̀,

EBIREEGH 7:27

Ɓɛ̀làmì ɓɛ̀pìrɛɛtìrɛ̀ ɓɛgwey ɓɛ ghɛɛ̀sɛ̀ngà kì fùnɛɛ ɓituwe ɓɛŋwos ɓɛ̀cèm ɓi rìlɛɛghràg ɗi Bɛ̀ll ɓisuu ɓiɓe ɓyaa ɓi ɓɔmiɗ, rì ɓisuu ɓiɓe ɓi ɓum ɓɛ kilɔ̀ŋ. Wɔ̀lɛ Yeesus à ghɛ̀ɛ̀sɛɛ ɓi ki kìkii yɛ̀ɛ ɓɔ, ɓisuulɛ nyii lɛɛghràkà Bɛ̀ll gɛ̀n bog ɓi gɛ̀n yicèm yɛ̀ɛ à faghà nyimiɗ ɓi sìg à kìtuwe ki mɛlɛɛ̀ghlɛɛgh.

EBIREEGH 9:25

À ɗiŋìghà ɓi wɔɔ lɛ di a funɛn nyimiɗ gɛ̀n lɛ gɛ̀n fɛlɛ yɛ̀ɛ nlàmì ɓɛ̀pìrɛɛtìrɛ̀ àa nti à ɗigàg bèg bimiɗ rì bwaɓ yi nyàm.

1 PYƐƐRI 2:24

nyi ànɛ à tɛ̀kà ɓìɓe ɓis ɓi nyoo yìì ɓi kìte aɗyoo lɛ di kɛɛ ɓa lɛ, i tì mɛ wu ɓi san ànɛ a ɓìɓe ɓis, tì ghɛɓ cɛɓ ki ɓumɓɛ ɓɛ ri lɛ saaɗ. Mɛ̀ɓìì mii mɛɛ kighà lɛ ti wɔǹ.

1 PYƐƐRI 3:18

Ɓisuulɛ Kiris girig à wughà gɛ̀n bog ɓi gɛnicèm ɓisuu ɓiɓe ɓi ɓum, nyi ànɛ à ɓaghà syeesyee à mum, à wu ɓisuu ɓiɓeɓtàg ɓi ɓum lɛ di a kɛǹ ɗì mìni yɛ̀ɛ Bɛ̀ll. Ɓɛ wolà nyi rìwu ɗi ɓi mɛ̀mùù à ghèmɓɛ̀n ɗì ìtèɗ wu Nghay.

2 PYƐƐRI 3:12

Mìni ɓɛ ɓi ɓoŋɓòŋ, ɓì ki lolos lɛ di ŋwos a Bɛ̀ll àa kpaŋi, ŋwos anɛ̀n yɛɛ ri ŋwos anɛ ɗuu ɗi ri ɓiì yogsii ɗyoo, ɓyom ɓi ɓi ri ɓi ɗyoo ɓi ghaŋmɛ̀n rìtɔ̀n ɗi nɗòò wu ɗuu.

1 ZYAŊ 3:2

Mìni ɓum ɓɛm ɓɛ nɗem, tì ti ɓɔn ɓɛ Bɛ̀ll ɓigomìnɛ, nni com ki tì rì ɓiì ɓaà ki ka resɛn ɓi lɛ tɛntɛ̀ɛ̀n; wɔ̀lɛ tì yii lɛ yɛ̀ɛ Kiris à ɓiì rèsɛɛ, tì ɓiì ɓaà com kìfog rì nyi, ɓisuulɛ, tì rì nyi ɓiì ghɛɛ̀ lɔŋ yɛ̀ɛ à rì.

1 ZYAŊ 3:5

Ɓì yii lɛ Yeesus Kiris à yùghày lɛ a pisi ɓìɓe, nni kìɓe ki yin a lɔ̀ŋkii.

ZYUUDƐ 1:21

Kɛ̀ɛna asu ɓì kɔ̀kɔ̀rì lɔŋ ɓi nkɔ̀nɛ̀n à Bɛ̀ll ɓiɗùm, ɓì ɓoŋɓòŋ yɛ̀ɛ Kan wìs Yeesus Kiris à rì mìni ɓiì woògh nyìighnyìg, à fa mìni cɛɓ ki fiɗyàɓ fikɔ̀ɔ̀.

ÀPÒKÀLIƁSƐ̀ 1:7

Ghɛɛna à rìì ɓi ɓìkwìɗ, ɓum ɓɛ̀cèm ɓɛ ri nyi ɓiì ghɛɛ̀, nsoò ɓɛ̀roɓɛ ɓɛ tuɓkà nyi bèn. Fɔɔnnɛ mɛ̀kuu mɛ ɓum mɛ̀cèm mɛ ɓi ziinɛ mɛ ri seeghkɛɛ gɛ ɓisu wii. Ɛ̀ɛ̀ ki ɓaa gɛ fɔlɔɔ. Ààmɛ̀n.